影片
以上资料只供参考，请与餐厅确认详情
开左咁多年屹立不倒，真系有佢嘅道理！食过一次佢嘅猪排就好难忘，虽然环境旧装修简陋，但佢整嘅野食真系冇取巧，好有心去做。价钱又实惠，每次经过都会帮衬食碗猪排面，同埋佢d鸡翼！会继续支持香港小店😋
继续阅读
拿拿食评系列 #兴发面家约左住长沙湾既朋友食饭，有考虑过去荔枝角食，感觉比较多选择，但突然谂起呢一间「长沙湾猪排面」，就提议左嚟呢到食~佢地全部都系旧式既圆形木折枱，舖头只有几张枱，如果人多的话，需要搭枱！而我地食饭个晚，去到已经8点，所以人都唔算多，3个人自己一张枱，食下野倾下计，饮下嘢~呢一间舖既猪排好特别，佢系好薄切拎去炸，个口感完全唔同出面食到既猪扒，食之前我就中意加少少胡椒粉同埋鼓油，真系好好食！除左猪扒之外，我好中意食腐乳通菜，本身呢个搭配就无得输！因为我地3个人食，所以再加左个小食Share，就系炸鸡翼。如果同猪扒2选1，我一定择猪扒，但系why not both，哈哈~猪扒米线腐乳通菜净炸鸡中翼而家已经好少旧式既面家，虽然环境系差啲，但我就觉得锦先有香港既风格，希望十年后佢地依然系到~
继续阅读
再次光顾这间小小面舖，如常叫炸猪扒面，一推开舖头门，就会闻到一阵好浓烈既气味……虽然炸猪扒size成个碟咁大，但系非常超级薄，话虽然好薄，但又好烟韧弹口。炸猪扒洒上好像系淮盐既粉，倍添惹味，面-系用蛋面。外型似车仔面既油面，汤面内会附有少少雪菜。店舖地方狭小，一个长方形见晒，座位不多。今日座近门口，见老板正喺锌盆用洗洁精清洗电饭煲，附近放有不同疏菜，有通菜，唐生菜选择。锌盆下方的电饭煲还有米线。渌面水会作最后把关，渌得干干净净才送上枱。好味道吖！
继续阅读
如果唔系早几日见到朋友story话好食经过都系绝对唔会行入去嘅隐世街坊小店🤣而今日放工又去附近 就决定嚟食下叫咗佢个猪扒面同鸡翼面再叫咗个腐乳通菜加埋都唔洗$80😨佢个面好食 汤好饮 仲有啲酸菜系上面比起猪扒 鸡翼更加好食猪扒炸得脆 粉唔算厚 但肉偏薄而鸡翼就炸得好好食好香口👍🏼通菜炒得好靓 好食👍🏼唯一要挑剔嘅就系佢个环境 地方细感觉唔算好干净 有啲飞飞系度但地下 台面都干净嘅但$30碗嘅面真系好少见 超级抵呀
继续阅读
呢间野大大话话我帮衬十几年, 其他人通常都无留意呢间面店, 因为太唔显眼啦！！！！店舖装修比较旧, 但只要你敢入去, 就会发现美食。我最喜欢食猪扒上海粗面, 块猪扒炸的, 脆卜卜, 大大块, 碗上海粗面加少少辣酱简直一绝, 加多碟腐乳通菜直头无得顶价钱仲好合理
继续阅读
您可能会有兴趣的...