影片
前日原本想去鹦鹉吧，点知行到附近至知执左，都怪最近太忙，无时间来浦之故，所以执左都唔知。行到呢度见唔使等位就住低了，叫了午餐的蒜蓉T骨扒配意粉。先来的南瓜汤几浓郁，但南瓜的香甜味薄弱，一般；走翠华的路线，意粉都好大碟，块T-骨扒大块而薄，蒜蓉汁好浓烈且多，要将其拨埋一边至可以见到T-骨扒的卢山真面目，T-骨扒味道还不差，茶餐厅的扒类系咁上下；热咖啡可以讲同翠华及港式的是大同小异。价钱48蚊，比翠华贵些少，其实除左座位比较舒适之外，呢度同翠华及港式都好类似，整体来说算系咁啦。
继续阅读
今日两点度黎左呢度食lunch,可能星期日,都唔系好多人,初头入去时侍应安排我地坐普通二人枱,后尾卡位有人走,个侍应个个就主动问我地想唔想搬过去坐,服务体贴有礼,抵赞食物选择好多,而且款式都几特别,绝对唔系普通茶餐厅野食,我觉得似西餐厅多d,仲要系decent个只我地叫左一个午餐($58)一个下午茶餐($32),午餐包caesar salad,粟米忌廉汤,香橙汁田螺酿烧鸡同埋一杯drink,下午茶餐就有一杯橙汁,黑椒牛柳丝汤意粉,松子炒蛋白(下面仲垫左块面包).午餐个沙律就好唔掂,个sauce ok但d菜雪到起冰面包粒仲系林晒既,都唔知整左几耐. 个汤就好好饮,好rich又多粟米,杯冻柠茶有成五六块柠檬但冇茶味,唔好饮. 最surprise系个烧鸡,冇谂过原来系成只烧鸡上,portion好大,两个人食都得,最难得系烧得好香好入味,唔会太老太鞋,热辣辣好鬼正!!另外好欣赏伴碟既配菜,唔系普通白烚西兰花或杂菜粒,而系有炒过既南瓜啦,萝卜啦,青瓜,节瓜同埋两粒新薯,好好味. 个下午茶餐相对就冇咁出色,但个汤意粉都好有水准,唔会好似普通茶记咁整到林晒,好有口感.个炒蛋白我冇食唔知味道如何,但个卖相都唔错.杯橙汁就好明显系果汁先生而唔系鲜榨呢度环境都唔错,都坐得几舒服唔会话好逼,美中不足系佢地开d音乐开到好大声,有啲嘈.但侍应服务就好好,好有礼貌. 其实呢度lunch既价钱响中环唔算贵,去同一集团既翠华食个set lunch都要四五十蚊啦,我就情愿黎呢到啦,无论食物环境服务都好得多,下次一定试下黎dinner
继续阅读
我成日觉得系一间茶餐厅，不过价钱同食物系一间餐厅标准。无疑佢d野都几好食，每次都系食set lunch，今次系蕃茄汤及鸡扒配意大利阔面，蕃茄汤好饮不似系罐头汤，鸡扒好味我竟然食晒。另外我同事食一个焗海鲜天使面，仲吸引又大碟。
继续阅读
装修不俗, 坐得比翠华和檀岛舒服, 地方亦较企理.食物质素ok, 奶茶似乎及不上檀岛香浓.以中环区来说, 午餐价钱不算太贵($40-$60)
继续阅读