六福菜館

营业中

休息中

冇雞，冇生果，冇甜品。有魚，得返最貴嗰啲。清炒白菜$128。六個人分，一人一口。一口$20。雖然西貢滿是同樣的遊客海鮮餐廳，你能找到這麼珍貴的白菜，難怪米芝蓮要推薦你🙄。

呢間位於西貢普通巷子的米之蓮餐廳，由門面到內裏裝橫都給人一種踏實低調的感覺。眼掃了掃餐牌，菜式真的很多，雖然價錢卻翻了個倍似的，但畢竟有粒星，還是有少許期待。點了好幾道菜，味道確實非一般，員工還分享蟹、龍蝦等心得，對於海鮮的事情，他們十分健談，任何問題都一一解答到。 我們自己在外買了新鮮蟹，交給了大廚烹調，大約好像收了三，四十元的加工費，這方面卻是抵食。另外，粉絲蒸扇貝是必點的，味道高質。扇貝的鮮味及濃濃蒜香的粉絲，味道好極。這種新鮮至極的海鮮及大廚烹調海鮮的經驗，足以證明這就是為餐廳摘到星的證據了。

原本游完船可朋友推介去食呢間六福，其實去到門口我都感覺會中招，明明訂咗位，佢都要我哋喺門口等，嗰時講緊只係6:00 ，之後我哋上咗2樓，一行10人分兩張枱楚（預咗啦因為禁制令），但係我問佢可唔可以坐近少少，明明好多台都係可以比較接近，佢就俾咗另外兩張分隔到老年咁遠嘅枱我哋，藉口話已經俾人訂晒，但當時只係得我哋上咗去。咁算數啦咪食飯囉，落單問佢有啲乜，個地中海侍應就話餐牌咪寫晒囉自己睇啦，咁我哋就話要賴尿蝦，佢話冇，咁白灼蝦呢，佢又話冇，之後我就問佢有啲乜，佢話休漁期好多海鮮都冇，我即刻啤左一聲，咁咪一開始問佢有啲乜又唔講！之後求其點左啲嘢食，難食到我真係要拍枱！灼螺 - 煮得太耐冇晒鮮味，份量少到每樣食一粒就冇晒 （失敗）豉椒炒聖子 - D聖子有怪味，同埋份量少到好似比廚房偷食一樣 （失敗）椒鹽鮑魚 - 擺到個名個廚師唔識煮，佢應該用咗滾水整熟咗隻鮑魚，之後再落粉去炸，出到嚟又唔趣，又冇咬口，同食罐頭鮑魚冇分別（失敗）墨魚刺身 - 叫做成晚好食啲啦，因為唔使煮生炒骨 - 應該係啲青椒問題，同豉椒炒聖子一樣有怪味，d粉又落得勁多，食粉多個食肉（失敗）瑤柱蛋白炒飯 - 成晚最難食嘅一樣野，

難得放半日，和同事到西貢行下放鬆下，對上一次入西貢食六福已經成年前，今次推介俾好少入西貢嘅同事。佢嘅椒鹽鮑魚係招牌菜之一，好特別，唔韌，好味，但由於我哋得三個人，只叫左三隻，除左市價一隻鮑魚，另加$180海鮮油料費，share返都幾貴，多人就會抵食啲。嗰晚仲有叫其他招牌菜，風沙雞和椒鹽豆腐，風沙雞皮脆肉嫩，豆腐外脆內滑，都係美味之選！

讚：1. 菜式保持水準，椒鹽鮑魚係做得好香口同埋唔硬身，火喉好；東風螺好好好辣但勁勁勁惹味；賴尿蝦肉質好爽，基本上樣樣都做得好好彈：1. 價錢的確係貴左好多，亦可能因為咁，客少左好多，晚上八時，得六檯，真係難以想像既少人

食海鮮，咁梗係去西貢食啦，過下口癮都好。1️⃣象拔蚌刺身盤 點左豉油之後，象拔蚌d鮮味即刻出晒嚟，爽口彈牙。🙆🏻‍♀️美味指數:8.95/102️⃣阿拉斯加蟹🦀蟹味鮮甜，而且唔會有雪藏味🤤🙆🏻‍♀️美味指數:8.53/103️⃣灼油蝦🦐蝦算爽口，比較大隻👍🏻🙆🏻‍♀️美味指數:7.34/104️⃣椒鹽豆腐(半份) 皮好脆囗，不過椒鹽落得有d多，令到有少少過醎，豆腐就嫩滑到好似少女d皮膚咁！🙆🏻‍♀️美味指數:7.62/105️⃣豉油皇炒麵🍝佢地嘅皇牌，不過偏醎！麵炒得夠乾身，好有火喉。🙆🏻‍♀️美味指數:7.52/106️⃣薑汁芥蘭🥬佢算好有鑊氣🔥，薑味好重同偏油，我就浸咗水先食啦🙆🏻‍♀️美味指數:6.02/10💡性價比唔高，不過想一班人食下海鮮，吹下水，就不妨食啦！

是日去西貢行山. 經歷行完香港三尖中最難的蚺蛇尖後. 當然累到雙腳不是自己. 由北潭凹坐巴士返回西貢市中心. 當然去那條海鮮街找食. 發現很多食店也已吃過. 再行前多點. 發現了這間格局企理整齊乾淨的食店. 一於他吧. 入內感覺乾淨整潔. 打開餐牌很多東西也想吃. 可惜我們只有2人. 叫的數量有限. 我們叫了三樣菜式. 椒鹽豆腐--外面香脆內裡非常滑. 他可以叫6條或12條. 我們2人叫了6條便夠了. 豉椒抄蜆 -- 蜆的數量很多, 豉汁很濃, 餸飯一流. 蔬菜蛋抄飯-- 抄飯乾身. 不算很油. 也很好吃. 金銀蛋時菜--時菜當然選了我最愛的西蘭花, 湯也很入味. 菜亦很新鮮 !!

上次來六福點了太多油炸的食物今次輕輕的點幾個菜，慢慢試清楚味道。我們預約的時候留了奄仔蟹，到店時老闆娘說今天的奄仔蟹唔夠靚，於是我們點了其他食物。吃海鮮我必吃椒鹽賴尿蝦，這是我從小到大都最喜歡的海鮮。然後是辣煮花螺，今天的花螺很瘦、辣汁很油，所以一般般。另外從來沒吃過魷魚刺身所以好奇點了來試試，刀工一流，魷魚都几有咬口几鮮味。來六福如果沒有吃蜜糖雞翼便等於沒來過，炸得很juicy , 表皮的蜜糖衣（拔絲）好香好脆啊！實在巧功夫。成功的點菜是吃的八分飽剛好，下次還想回來！

我個人認為好好食， 佢哋啲海鮮好新鮮，煮法好好，我最鍾意個賴尿蝦好鮮甜，鮑魚好好味一啲都唔un，椒鹽味啱啱好唔會太咸，隻蟹爆哂糕，d糕好香，我一向鍾意食佢既豆腐，好滑，個魚湯真係好鮮甜，唔知有冇落味精嘅呢。個辣酒煮花螺唔會太辣味道啱啱好，每樣海鮮都好好味，個人認為係西貢甘多間海鮮餐廳最好食既一間，同佢都有另一間米芝蓮都推介過，但個人認為呢一間好食啲，服務好，侍應有禮貌，落單時亦清楚說明海鮮價錢，很愉快既一餐

六福係我去西貢食海鮮指定餐廳， 海鮮好食夠新鮮就唔使多講， 我最欣賞佢係其他小菜都係非常非常之有水準。 好食過好多酒店裏面嘅中菜館。最近每次去都一定要食呢個薑黃炒飯， 喺個menu裏面其實唔係好顯眼， 我之前都係叫一啲大路嘅炒飯， 例如海鮮炒飯又或者瑤柱蛋白炒飯之類。 但有一次就想試下特別啲嘅炒飯 就叫咗呢個薑黃炒飯。 點知非常之有意外驚喜。 個味道有啲似海南雞飯個雞油飯， 但係佢係炒出嚟所以外面非常乾身有鑊氣， 仲有薑嘅香味同埋雞油味。 我都係第一次食呢一種炒飯。 之後我食咗幾次都唔厭。非常值得推介。

第一次食已經係最少10年前，因為聽講係米之蓮推介餐廳，特登入嚟西貢食，果然冇令我地失望。最近請同事食飯，佢哋鍾意食海鮮，就諗起呢間餐廳，收工一齊搭車入嚟，地點就比較遠，唔係咁方便，但同事食完都大讚好食我哋叫咗椒鹽鮑魚，呢個係超好食！咁整鮑魚好特別，鮑魚仲好彈牙，唔會好un, 連我平時唔鍾意食鮑魚既同事都讚好食！黃金磚豆腐，皮脆內軟滑！正！好香口！辣酒東風螺、薑蔥焗蠔，仲有蝦避風塘賴尿蝦！樣樣都好正！4個人食左大概$1800，份量少，偏貴。

第一次山長水遠黎到西貢食海鮮 上網search見呢間都幾多好評所以就黎試下！例牌魚湯 個人覺得湯好鮮甜好濃味 飲得出熬左好耐！但我朋友覺得有少少腥味（我就飲吾出 可能我本身都中意食魚）椒鹽瀨尿蝦 炒得好香！隻隻都好大隻 每隻都好多蝦膏同肉 每隻大約$300左右 蟶子好肥美好鮮嫩 味道調得岩岩好吾會太咸 椒鹽飽魚 都系鋪店招牌菜 飽魚洗得好乾淨 落既椒鹽岩岩好吾會蓋住飽魚既鮮味😋😋個人認為呢間餐廳價錢有少少貴 去流浮山食應該吾洗呢個價 但系物有所值既👍🏻

爸爸很久沒去西貢，今日特別帶他和媽來一趙。選了這餐館，因為水準一向平穏 （現時很多餐館水準參差，一時一樣）。因為爸爸不能吃海鮮，我們選了魚湯、椒鹽豆腐、欖角骨、涼瓜煎蛋白、豉油皇炒麵。 魚湯是出名菜式，湯魚味濃郁，每啖入口都是享受，有點想再叫多一窩。 椒鹽豆腐亦是我們必選菜式，豆腐炸得整整齊齊，外皮微黃色一致，外皮脆，但內裹豆腐出奇地嫩滑，有點像藝術品傑作。欖角骨煮得可口，欖角味不太濃剛好。 豉油皇炒麵炒得很爽，不過偏貴$108。涼瓜煎蛋白就有點失望，涼瓜只是切絲數條，效果比較失色，與其它菜式大相逕庭。五道應該不太貴價的菜式，埋單要$700，值不值見仁見致。服務方面，比較舊派，大家不要期望專業服務。 雖然如此，我認為服務員都應該學會一些基本服務水平，我們不需要服務員雙手恭敬向客人遞上帳單，但也不想看到服務員單手不望客人扔下帳單在枱上。  有點自拆招牌。

今日兩個大人加兩個細路食海鮮。豆腐好脆口，海鮮好新鮮！味道好好味！價錢相對糸貴咗少少，不過物有所值。只糸炒飯略硬咗少少。低溫米水煮元貝一般，蒜蓉粉絲蒸元貝應該會香口啲。

星期日無無聊聊去西貢行下，之後順便食埋晚飯至走，去西貢就緊係食海鮮啦！會先係街市買料再拎去餐廳加工.每次黎西貢食海鮮必選六福，除左o岩口味之外，就緊係價錢公道，環境舒適，服務好...坐低叫個脆皮豆腐同芥辣木耳食住等，豆腐外脆內軟，熱辣辣加埋支大啤，爽呀！伙記推介炒聖子米粉底，米粉脆卜卜，聖子鮮甜幼嫩.每次黎六福都必食椒鹽鮑魚，因為唔係度度整到，整到又無佢整得咁好味.唯一辣酒煮花螺麻麻地，朋友話自己煮得重野味.龍蝦頭要黎煲粥，大家食到lam lam脷