六本木日本料理

营业中

休息中

今次食左新野，燒魚真係好好食，老闆介紹既酒又好好飲，我由唔飲燒酒既人變到好鐘意飲。重有炸雪糕，又係好好食。今次影得唔多相，等你地親自去食下就知幾好食。老闆真係好靚仔唱歌好好聽架！！！

每次黎六本木都好開心😃食物除咗好食之外， 老闆同員工都非常有趣同好人，都市人工作繁忙緊張， 六本木就比到一個輕鬆嘅環境，令我覺得好似去左日本居酒屋咁！老闆又靚仔 唱歌又好聽！簡直係一流！老闆，員工同客人有傾有講，完全令你感受到那份熱情款待！😛無論刺身，熟食抑或清酒，都非常推介。老闆仲會和客人一齊飲清酒，仲會大展歌喉！香港人好中意去日本，而六本木環境就比到去日本居酒屋感覺！十分十分推薦大家黎食！🤣🤣🤣

我平常會叫壽司定食、鰻魚飯、魚生飯。以前去食物都okay疫情之後我覺得差左早幾日叫左個壽司食 其中一件壽司🍣係有條毛巾嘅線頭🥲🤮差啲吞左同事嘅魚生飯 一款好豐富 一款好少魚生😂材料唔夠平均鰻魚飯就保持到水準👍🏻服務方面：有個女店的就比較豪邁 我唔太受 講野有啲串 另外真係唔多明係ssp lunch會有餐廳🍴收加一服務費？ 但係唔收卡只收現金？以前不嬲都有得收卡，openrice info.都寫明可以比卡嘅；男店員就會話er…卡機會左 （只有lunch時壞），衣加女店員直接話收現金呀！ 記得有加一喎😅我feel唔到值得有加一服務費Ssp黎講普遍lunch都冇收加一 有收嘅都一定唔只現金

餐廳環境似日本居酒屋。刺身選擇多，燒物水準高，重有好多天婦羅。老闆清酒知識好，又識帶動氣氛，又靚仔，去過一個開心晚上係一流選擇。剛好今晚隔離檯有人生日，可預先同師傅訂製壽司蛋糕，儀式感十足

酒友介紹既居酒屋.都係其中一間會去既居酒屋~🤗SAKE可以FREE CORKAGE.每次去都可以飲飽食盡.真係人生一大樂事😍餐廳木系為主.牆上面有好多SAKE酒標.地方都幾大.好熱鬧~老闆好熱情.都會同每枱客人傾下計~過左9點之後佢仲會唱歌🎤🎵氣氛幾好!!食物方面.佢有日本直送既刺身.為是日精選.都好新鮮~😋不過佢既熟食更好食.送酒一流丫👍🏻🍶個人好中意佢既燒物同玉子燒.真係整得好出色😋每次黎都一定會叫~!💥明太子玉子燒 .芝士玉子燒💥燒年榚.燒飯團.牛舌.豚肉露筍卷💥六本木秘制牛肉💥炸雪糕

去唔到日本，去食日本居酒屋當去咗旅行！六本木呢間充滿日式味道裝修嘅居酒屋🏮環境舒適，食物美味，推介串燒及魚生，魚生有飛機貨✈️從日本🇯🇵直達香港🇭🇰！老闆熱情❤️‍🔥也是清酒🍶專家，放工和好友去輕鬆享受的一個明智嘅選擇🥰

其實好矛盾，因為驚介紹完以後好難book位。今晚第一次去，老闆好熱情又好靚仔。唱歌好聽，成晚氣氛好好。牛舌同忘記左咩蟹，尼2味真係好食，其他食物既整體食物質素都不錯。全場氣氛好好，老闆會唱歌同請你飲酒。大家係互不相識既情況下，都會因為老闆帶動之下有話題。

嘢食我唔知好唔好食，但服務不知所謂。7:30打去問8:00四位有無，同我講好大機會有，話會打返俾我。既然講得好大機會，我就照揸車嚟。嚟到見到有張四人枱吉左，諗住有，佢話有人訂咗枱好快就到，但另一張枱好快會埋單，叫我等一陣。等到8:30，張四人枱都未有人坐，嗰張佢話就快埋單嘅枱，仲啱啱上一杯啤酒。全程知道我哋喺門口等緊，都唔出嚟講聲，火都嚟埋。生意唔係咁做㗎吓嘛。

朋友帶去日本🇯🇵菜，唔知有咩食既我，睇住午餐🥣就叫啦…….以為普通日本🇯🇵菜，原來食材新鮮空運，完全係無添加😋😋😋第一道菜食生蠔🦪清甜好味有口感，完全體會到juicy的口感😋😋😋再食刺食，當中有一款係自家煙薰（唔記得個名）厚切一流😘🥰😍海膽入口即溶👍🏻👍🏻最重要係飯，軟硬度剛好，用筷子可以夾起，但入口又軟熟不硬，簡直係食過最好味的壽司飯🍣當中有不同款壽司，配襯用心，味味不同🤩🥳🤩🤩🤩最後湯烏冬，非常彈牙，有口感咀口，一入口難忘🤫🤫

深水埗誠意日本料理，近期海港城omakase介紹過既白子天婦羅呢度竟然有得食，每日都有日本飛機貨推介，三五知己聚會可以試吓。要食白子天婦羅要睇吓當日有冇貨返。但佢menu竟然有玉子天婦羅同海膽天婦羅，真係估佢唔到。仲有佢有個招牌燒牛肉，會加埋鹽再點火燒住上菜打卡一流。另外去過北海道八點刺身一啲都唔孤寒，每次黎都會比唔同嘅飛機貨你，今次就有生蠔同埋蜜柑鯛，蜜柑鯛係用蜜柑餵飼食落會有淡淡的蜜柑香甜。仲有去其他嘢食都唔錯，好似玉子燒，鰻魚，燒生蠔。同店員傾偈，發現佢哋原來都係日本師傅主理，仲要裝修滿滿是日本居酒屋的格調，黎呢度扮下返鄉下都唔錯。

之前黎試過食lunch好食，決定夜晚再試下，裝修好似去左日本居酒屋🇯🇵店員都好親切，推介當日既飛機貨✈️有咩靚刺身、靚魚食螢光魷魚漬 ⭐️⭐️⭐️⭐️先黎個小食螢光魷魚漬，有5隻，咸咸地好味北海道八點刺身盛 （16件）⭐️⭐️⭐️⭐️⭐️全場最推介之選，有8款16件，款款都好新鮮，2隻生蠔、2隻牡丹蝦、2粒帶子、2塊吞拿魚、2塊油甘魚、2塊蜜柑鯛、2塊魷魚、2塊鯛魚，最正係生蠔同牡丹蝦🦐，好甜～芝士玉子燒 ⭐️⭐️⭐️⭐️好香滑既玉子燒，包住流心芝士，甜甜鰻魚汁，用熱辣辣嘅鐵板上，值得一試鯛魚濃湯石頭鍋稻庭烏冬 ⭐️⭐️⭐️鯛魚濃湯用一日去熬煮而成，有少量魚肉、菇🍄配料，用石鍋上，熱辣辣既湯，但稻庭烏冬份量比較小，覺得有點普通牛肉他他燒 ⭐️⭐️⭐️送上黎陣好靚，但味道同期望有點出入，牛肉無咩牛味，要靠酸汁先有味，下次試下其喺味

深水埗至長沙灣一帶真係好多美食， 最後揀咗六本木， 可以坐低慢慢傾下偈， 冇分時段又唔會趕你走掛住傾偈冇乜影相， 但就影低咗最開心嘅時刻...... 就係老闆出嚟嘅時候， 當然同場仲有唔少食客客串啦， 身處當中， 令人樂在其中🥰至於以下食物， 我都覺得唔錯喎芥末魷魚 ： 芥末味濃，魷魚入味，偏鹹， 要嚟送酒👌👌雞軟骨： 分量多，三四個人食啱啱好香芒殼蟹卷： 一條切開六嚿， 可以分享一齊食石鍋牛肉飯： 分量多， 而且用嘅唔係平牛肉， 當然味道亦算不錯有試天婦羅同串燒， 天婦羅嘅炸粉好薄但都可以好脆， 串燒都唔錯

自從食過一次後，我每隔一會就想再次光臨 但餐廳沒有所說的熱情招待， 只是食物質素比很多同類型餐廳優勝。刺身拼盤，之前見過好多人叫， 今次心動也點了試試，但沒有想像中鮮甜。蜜柑刺身， 這個基本上是必身的餐牌上玉子燒有三款， 分別是明太子，鰻魚及芝士，但最好味還是原味， 所以跟店員說就可以了。六本木海老雲丹天婦羅，脆醬炸得很好， 帶子也恰到好處， 可惜中間那塊應該是紫蘇葉的物體， 配合起來不太合拍。豚肉串燒六本木秘製牛肉， 店員會在你面前點火， 第一次食時幾有氣氛， 不過重點還是牛肉很美味燒飯團很不錯， 但千萬不要點和牛石頭飯。。。。。。最後餐廳也蠻受歡迎， 先訂枱會比較穩陣。

其實呢編食評，真係一千萬個不想寫，原因就係你們太好，好到我怕寫完之後，從此就都訂唔到位了，但唔寫又真係好對你地唔住，真係好難做呢深水埗地段，有間不起眼又無咩人知的居酒屋，環境雖然是一般居酒屋的裝修，不豪華，但帶點日本feel。去得居酒屋，當然就係要那種輕鬆放鬆的感覺，辛苦工作一天，放工緊係要鬆一鬆，嚟到六本木，一入門口就是親切的笑容，熱茶冰水即時奉上，去得居酒屋，當然唔少得來一支清酒，一天幾辛苦幾忙碌，一杯酒喝下去，什麼煩惱都忘記佢。食物只是點綴，飲酒才只主菜，加上殷勤的服務，老闆的熱情，只能說句~能夠忘我境界盡情去食去飲去笑，真係只有呢度先做得到。有老闆甜美的歌聲。有員工親切的服務。有客人善意的交流。真係玩到唔捨得走。但可惜係疫情之下...一夠鐘就不能不散場希望日後營業時間可以延長一點，就可以再盡慶一點。

去到深水埗比六本木嘅舖頭外貌吸引咗入去，裏面果然都好有日本feel❤️我同朋友點左兩個午餐，一個係鹽燒秋刀魚定食，另一個係壽司定食。兩個餐都有麵豉同蒸蛋。秋刀魚煎得好香口，味道不錯👍🏻壽司定食有剩烏冬同埋七件壽司🍣，壽司的刺身就普通d, 未夠鮮甜，性價比唔算高, 都可以一試。