六本木屋台 (已結業)

同事經常過黎食午餐，極力推介, 所以我叫佢揾一次帶我黎品嘗一下, 同事係識食之人， 所以都好期待。首先， 店舖負責人， 又管樓面又管廚房， 比較忙，但仍然好有禮貌。粟米忌廉湯， 食到新鮮粟米質感， 絕對唔似罐頭開的， 好清甜濃郁， 果然冇令我失望係手工製作， 很認真。我食炸雞咖哩飯， $48 性價比很高， 整體都好乾淨精致。同事食左漢堡扒咖哩飯， 漢堡扒應該都是手工製， 同事話質感好好， 比出面的好食， 價錢都是$50以下，真係又抵又好食。我地已經諗定下次過黎食咩了…查看更多

《六本木屋台》新蒲崗隱藏在新蒲崗廣場既小店，走日式家庭料理路線，雖然叫屋台但我覺得叫食堂會比較適合😉舖頭簡約整齊，比人感覺都幾舒服，小店係一人主理，落單收銀煮食都係一個人，所以出餐時間會比較用多少許🤗＜蕃茄漢堡蛋包飯＞🍳🍚賣相不錯，🍳蛋汁夠滑包哂整個飯，佢個蕃茄汁係用罐頭粒粒蕃茄🍅無加茄膏，相對比較清新，漢堡扒肉味較濃，但都係好食既＜咖哩吉列豬扒飯＞🍛質素比價錢高好多，咖哩汁夠甘口濃身有好多甘筍，吉列豬扒炸得好香脆，而且炸粉不會好厚，好食🤗雖然收平民價錢，但質素真的不錯可能位置比較隱蔽，人流比較少午飯時間都唔多人，如果去開新蒲崗唔想排隊，這個係一個好選擇💟…查看更多

呢間餐廳如果唔係因為Open rice睇吓有乜嘢食我完全唔知道新開、仲要喺我樓下！WFH 計啱時間落去拎外賣，新蒲崗廣場一樓右轉到尾再右轉 ⋯ 間餐廳真係唔起眼冇人知 😂⬇️中午12點幾冇乜人、一個姐姐打理晒廚房同樓面 ⋯ 其實裏面裝修幾新應該坐得舒服，但因為我屋企樓上所以拎返去快食開工。如果 Peak Hour 坐多幾枱應該都要等佢煮，講返食物包裝都唔差、而且一個飯外賣都係四十蚊左右 ⋯ 加杯凍飲都係四蚊！⬇️叫咗兩個飯、兩個小食、兩杯嘢飲。- 牛丼飯 $36.8有啲鞋不過味道OK、我啲飯有好多飯焦可能用返隔夜飯- 蕃茄漢堡扒飯 $44.8蛋包飯幾靚、汁會分開 ⋯ 幾好食- 小食炸雞 $25.6如果多啲沙律醬會好啲、太乾但值回票價- 牛油果沙律 $24唔知點解有浸味、但都大份- 凍奶茶加 $4 奶茶幾好味似台灣奶茶浸味、D冰圓型好靚⬇️呢間野 OK 水準！不過冇乜宣傳真係冇人知、以前好似係 Mikiki 但係新蒲崗廣場除咗圖書館比較少人知道呢間餐廳。…查看更多

見到Open Rice有餐飲折扣券，才知道有這間日式餐店的存在，於是購買折扣券，並立即幫襯⋯⋯ 叫了拉麵🍜及飲品☕️，小食有炸雞，食物質素不過不失，當晚餐的話略嫌細碗，要加小食才能剛剛好夠飽肚。價錢方面，唔算係抵食，但加幾蚊就可以有飲品。或者建議多推出一些套餐，會更加吸引下次再去，要試吓日式咖喱飯🍛😆位於一個人流比較稀疏嘅商場，一樓的角落，位置毫不起眼。小店要多些做宣傳，才能令新蒲崗之居民知道。小店加油！💪🏾…查看更多

最近見新開左呢間, 而價格都算ok, 同同事就試下店內座位唔算多, 主食主要是拉麵和丼不過可能店內只有一人(收銀同煮食) , 所以都等左差唔多半個鐘燒汁牛丼飯@$46同事點了呢個, 試左幾口( ´ ▽ ` ): 份量是大大碗, 燒汁同牛肉都很多, 牛肉都幾嫩口, 洋葱比想像中多好多哈蕃茄漢堡蛋飯@$56呀~~~~ 嚇親! 實物係比呢張相再大啲架!! (*ﾟ▽ﾟ*)份量真係比想像中多好多~ 食物質素呢? 成碟飯郁係滿滿濃郁既蕃茄醬(正呀~蕃茄湯醬都係其次, 漢堡扒幾嫩幾軟, 食落口好有口感, 再加上厚底蛋包, 成個食落幾漢足幾飽~~ 除左等得比較耐, lunch泥講算係幾抵食~~~ …查看更多

牛丼癮發作，咁啱係依頭收工，但又唔想幫襯吉野X，諗住search下邊到有牛丼食，估唔到係新蒲崗都食到超越吉野X既日式牛丼，味道比美SUKIYA既蔥花牛丼，牛肉又多又醃得好入味，又夠大碗，超多蔥花。再加左炸雞小食，即叫即炸，外脆內嫩，再加埋個沙律醬😋可惜差杯啤酒🍻飲品方面冷熱特飲都係+$5，夏天梗係整翻杯凍冰冰既柚子蜜啦！晚市大大碗只係四十幾蚊，雖然店仔細細，但環境衛生又夠闊落，老闆娘又後生又靚女又好傾，食完仲會問我地意見，有無需要改善嘅空間咁，超有heart。CP值極高，值得大大力懲罰！…查看更多

聽講以前喺mikiki 嘅餐廳搬咗去新蒲崗廣場，原來係商場一角，唔特登去都見唔到呢🤣餐廳好似成個格局都唔同咗，中午人流唔多睇完Menu去counter落單今日似乎one man band (唔知係咪日日都係），加上即叫即整，所以嘢食要等一陣，不過都只係等咗10分鐘左右😌 和風咖喱炸雞飯 ($48) 賣相精緻，超多咖喱汁😍 炸雞仲要好！好！食！趣得嚟又冇油膩嘅感覺，如果可以加錢升級多炸雞就好啦😆跟餐加$5 就有嘢飲，叫咗凍檸茶，埋單都只係$53😙…查看更多

今日喺新蒲崗 突然間好想好想食日式咖喱吉列豬扒飯🤤竟然比我喺新蒲崗廣場1樓 🤓搵到間日式咖哩小店 原來呢間舖開咗無耐梗係要試試佢啦😏咖喱有我兒時嘅味道 再加上超滑嘅蛋包埋一齊食超正😍😍而且個吉列豬扒夠脆 全無味精之後食食吓覺得咖喱汁唔夠佢好好人咁比多一個碗仔份量👍🏻個店員話下次可以試吓和風炸雞 同埋 蕃茄和牛漢堡飯 佢話都好好味 而且有好多客人會叫嚟食加上最近疫情關係 晚上6點後有外賣自取優惠 真心推介 不妨一試…查看更多