影片
之前未食过呢间嘢，喺到openrice咁多人点评，感觉上都ok ，再加上我食𠮶啲嘢都系好简单 ，车仔𩠌呀 ，肠粉同埋好普通面 ， 应该都唔会出字啩 ， 点知个菜真系少得有啲离谱 。所以今日重点想讲，就系𠮶个菜 ，价值18蚊但系就得𠮶几条， 好似有啲小气， 其实18蚊呢𠮶价钱，散点，我觉得可以畀多少少菜啰。未食斋睇个样已经感觉唔系太好车仔𩠌味道都系一般， 其实就未至于要畀劣评，但系就系因为个菜 ，令到我觉得佢好似呃我钱咁 我估唔到18蚊嘅菜就系咁 。可能系出面买烧味饭搭𠮶条菜可能仲会多啲。
继续阅读
依家疫情关系尖沙咀少咗好多游客，所以有时假日都会去行吓食吓野😛😛今日行完海港城之后去到对面广东道揾吓嘢食，最后就去咗呢一间可以叫𩠌食饭嘅六合小厨胡椒猪肚汤($98) 🍲🍲好难得会有胡椒猪肚汤，见到即刻嗌黎饮，汤个份量系好大碗，我哋两个人每人都可以饮到三碗😆😆而且猪肚嘅份量都好多，处理得都好干净，饮完汤之后劲开胃🤤🤤煎蚝饼($88) 🦪🦪煎蚝饼份量又系好大碟，有5大件蚝饼，而且佢唔系剩系得粉浆，蚝仔都有好多粒，呢个价钱呢个份量性价比好高👍🏻👍🏻沙拉猪扒($88) 沙律猪扒就同平时茶餐厅嘅差唔多🍖🍖一样都系份量十足，但猪扒有少少硬，味道酸酸甜甜送饭一流😋😋其实佢哋嘅菜式有超级多款🧆🍲🥘🍱🍛希望疫情过后可以同一大班朋友过嚟聚脚食饭啦👩🏻🤝👨🏼👩🏻🤝👨🏼
继续阅读
平时食太多西餐、饮太多咖啡，间唔中都想食返d香港地道小炒。最近有朋友大赞呢度的薯仔牛腩粒，咁岩去开尖沙咀做野，决定上黎食个快饭。《川味口水鸡》有辣肉碎、香葱、花生等配料，仲搭左两条菜芯，秘制酱汁辣味十足，平时唔太食得辣既我都忍唔住食多几件。口水鸡皮薄肉多，有鸡胸亦有鸡髀肉，整体嫩滑惹味，如果再大碟d就好喇！《蜜椒薯仔牛腩粒 $108》最近自己都整过，知道一碟有质素的薯仔牛柳粒真系好考功夫。首先卖相无得弹，色泽吸引，薯仔同牛腩粒同样大大件，未食已经闻到黑椒同蜜糖的香气。薯仔炸过，外皮脆口，里面软熟热辣辣，沾满蜜糖好好食！呢度用上牛腩部位，同牛柳相比各有好食之处，牛腩肉味香浓，咬落有质感，口感软腍入味，配搭黑椒更能够带出牛腩的香味。《芙蓉蛋饭 $48》下午茶餐食到午餐份量，仲送一杯餐饮，价钱黎讲几抵食。有火腿、芽菜、香葱等配料，再混合鸡蛋煎制而成，蛋算是煎得香口酥脆，可惜散开左，未能做到一整块上碟，加埋甜豉油，再配白饭都唔错。
继续阅读
因应疫情关系，好多餐厅都好早会有隔离措施，我哋去到尖沙咀行完街，又唔想食连锁茶餐厅，喺OpenRice上面搜寻之下就揾咗呢间楼上铺头。我哋叫咗香煎潮式蚝仔饼，秘制沙拉猪扒同埋胡椒猪肚汤。蚝仔饼大大份，有好多只蚝仔，足料。沙拉骨就有好多旧，肉质中等，胡椒猪肚汤，辣味就足够，而汤底亦有好多配料。整体上呢间野不过不失啦！但要提一提嘅就系呢一间餐厅有唔记得咗七定八部冷气而且开得好行，所以嚟到都要叫佢哋开细一点或者带多件衫
继续阅读
海港城附近想对面搭电梯到6楼嘅地方竟然有间咁抵食嘅小菜餐馆，唔使喺海港城食咁贵嘞。🔸口水鸡🐔份量好足够，啖啖肉无鸡头鸡尾，辣味亦够有风味，鸡肉亦食唔到雪味，不过如果加多少少麻味就一流。🔹榄菜肉松四季豆🥦四季豆新鲜爽口，榄菜好够味，加埋肉松炒得好够获气，送饭一流。🍚🔸蜜糖牛腩粒炒薯仔🐮非常有新意，因为薯仔粒多数配牛柳粒，佢就用左牛腩粒，牛腩本身都炆得好淋好入味，配合埋蜜糖薯仔，劲好食。喺广东道呢边竟然可以揾到咁抵食又大份量嘅小菜，而且因为6楼关系都唔太多人，坐得舒服，方便倾下偈。👍🏻
继续阅读