八麵館 (已結業)

特登黎支持黄店💪💪地理位置方便易揾 店面唔算大-店员服务态度非常好基本招呼同清洁做得到位见到其他客人问嘢都好好态度答-我大概2点去到 唔系繁忙时间唔洗等位-嗌咗三送面餐拣咗菜心+卤水猪肚+红烧腩肉+油面($35)油面好好食👍菜心软硬度啱啱好卤水猪肚大概有5、6嚿红烧腩肉都ok好食d送嘅份量可以整体黎讲，性价比高份量一个女仔啱啱好仲够肚可以试多份小食-另外嗌咗炸春卷($10):)一共5件，即炸上到黎热辣辣馅有d少但系呢个价位差唔多la其他小食都差唔多上下价,感觉都几抵-店家仲有送贴纸同月历添撑黄店加油呀!! …查看更多

第一次嚟呢个商场，商场有好多小舖头，道路狭窄，唔少食店都接近满客。当时时间系接近下午一点半。由于第一次嚟，所以唔知有咩好食，只好周围行下望下先，行到呢间餐厅，睇佢门口感觉佢系有良心嘅舖头（睇返之前啲相有连侬墙），而且唔使等位，于是就决定系度食😀呢度同普通车仔面店舖嘅叫法一样，拣面底、拣𩠌。我就有选择困难症，拣咗好耐，最后无拣面，拣咗饭😂呢度嘅落单方法系用水笔画系胶餐牌上，我交咗之后，姐姐问我要咩汁，有牛腩汁同沙嗲汁拣。本来以为拣车仔面先有汁，所以无圈到要咩汁。最后拣咗沙嗲汁。问姐姐可唔可以另上，佢话可以，都几体贴👍我拣咗白菜、午餐肉同卤水蛋配饭，好似好唔典型嘅车仔面叫法😅但佢有呢啲嘢拣，自己又想食就无所谓啦。同埋，车仔面嘅好处其实就系自己想食咩嘢就可以拣👻食物5-10分钟左右送到，好多饭同𩠌，食到好饱。除咗份量，味道都唔错。白菜唔会太过油腻，而味道亦咸度适中。煎午餐肉有两块，味道就无咩特别好讲啦😂至于两只卤水蛋好入味，就咁配饭食都好正💦个沙嗲汁好重味，无论系糖同盐应该都落咗唔少，有可能系因为平时落系汤面度，所以重味啲，好彩叫咗另上😳整体而言，呢餐饭性价比算高，环境唔算差，餐厅整洁、座位唔迫，可以慢慢食享受一下。有一个唔好地方系，虽然餐牌写咗wifi密码，但连唔到去用，不过面只系好次要嘅问题。…查看更多

又到家里没饭吃的时候，作为懒人一个肯定是去买外卖吃了。在家附近的新北江商场走了几转，最后决定选择这家八面馆作晚餐。虽然平常很少到新北江，但这家应该是比较新开的一家食店吧，所以就想试试他了，而且他还有外卖自取９折优惠，我买的车仔面算起来也只需要不到３３元，应该是全商场最便宜的吧!我叫了咖哩鸡翼尖，猪肠和红烧腩肉拼油面，汤底叫了牛腩汁加秘制辣汁，原本的我是想叫牛腩，但店员说卖光了，那只好换其他了。先说汤底，本来没什么特别的牛腩汁配上了秘制辣汁，整个感觉好了，而且辣度一开始比多，但愈吃愈上瘾，如果能吃辣的都推荐试一下！咖哩鸡翼尖这个有点普通，而且鸡翼尖煮太久了，肉质都有点烂了，不太对我的胃口。猪肠，这个不错，没有异味，也能保持爽口但又不会咬不断，而且入味！红烧腩肉，这个我也觉得普通，腩肉还没做到入口即化的感觉，但也没有太多油腻感，不会给人太多罪恶感，虽然全部都是罪恶感……配料的份量挺多，这个能给好评，而且外卖的容器也是面汤分隔的，这个对吃面的真的是福音！就是给的汤匙不太好，很难用！…查看更多

难得放假，又去开新北江，谂住揾间餐厅食早餐(虽然都成点钟)。新北江既舖位间间都细细间，但唔紧要，撑小店嘛！揾到间食车仔面，都有好多款𩠌，叫左3𩠌，满心期待等食!点知过左3个字都未到，问下先知，原来漏单，又要再叫过。。。千呼万唤终于见到碗面，饿死左，拿拿淋食，点知。。。个猪骨汤底，咸死!好彩有杯冻啡饮下！另外仲一点，就系用即弃餐具。虽然明白餐厅都无何奈何，要悭人手，水费等等，但每日每月累计，其实对环境造成好大负担除左张单上既'香港人加油'，餐厅自己都要努力! …查看更多

新北江系天水围既平民食堂，今日就黎试下呢间专食车仔面既八面馆，3𩠌面35蚊，基本面款、配菜同汤底有齐，菜单仲图文并荗。我嗌左生菜、猪肠、冬菇，配河粉腩汁，望下张相就知生菜真系好多好多好多，应该有一整棵，同埋好新鲜，唔系雪到烂哂个d；猪肠佢俾错左猪肚我，不过都几好食就冇所谓啦；冬菇系细细粒个种，普普通通，下次应该唔会叫；河粉幼身，腩汁偏淡味。老公嗌左豆卜、肥牛、芝士肠，配幼面沙嗲汁；肥牛瘦左d；芝士肠出乎意料系靓野，食落同金x牌一模一样；沙嗲汁我本身麻麻地，但老公话好香好够味。有个重点必须要讲，就系佢份量好多，无论系𩠌定系面都好多，俾料俾得好大方，同时又有个缺点必须要讲，就系佢用既都系即弃餐具，包括杯同碗，真系唔太环保。我地仲嗌左炸司华力肠同埋鸡翼，味道正常，唔记得实际价钱但印象中几抵食，加多几样小食都唔肉赤。…查看更多