八麵玲瓏 (已結業)

星期一至日都有$22一個下午茶餐, 多加$5多一款餸, 價錢比起荃灣另一間分店平. 不過, 相對地方狹窄很多. 假期的話, 店內長期滿坐, 如果唔夠四人去, 搭枱機會好高. 但好在內部地方不骯髒.食物質素尚好, 首推鎭江肉排, 嫩口兼味美. 其次, 玫瑰雞翼也很嫩口, 而且酒香適中, 不過每次都覺得雞皮頗肥厚, 真正吃落肚的雞肉相對較少. 對上一次點雲吞都好耐lu, 前幾日去光顧它的菜肉雲吞就縮左成個碼, 好細粒. 至於米線的配菜如牙菜和椰菜, 每碗也不吝嗇地給顧客不少, 咬感滿爽口的. 果汁唔會好浠, 應該落了不少果肉. 特飲要加錢, 普通的餐茶就唔駛加錢. 還有一小份時菜隨下午茶餐送的, 真係幾扺食~!另外, 店員手腳也蠻快, 唔會慢吞吞, 一般禮貌都有.

我寫的是川龍街分店,不過唔記得詳細地址,加唔到,所以寫咗先啦!呢間多野食過兆和街嗰間,我們要了一個時菜肉片炒河,一個福建炒飯.時菜肉片炒河我冇食,福建炒飯好多料,冬菇蝦雞等等,好食.炒飯又唔會有飯焦同爛patpat.不過除卡位外,其他座位都幾窄吓.

５：１５p.m.先食下午茶，要兩個茶餐，一個豬腩肉麻辣米線，一個玫瑰雞翼酸辣紅薯粉，凍熱奶茶．玫瑰雞翼好香酒味，紅薯粉好滑，兩款湯底都唔錯，奶茶都OK．不過茶餐有油菜送，佢比咗一碟我，我問佢，佢話紅薯粉冇菜的，但我望混全間舖，睇混成張餐牌都冇話食紅薯粉冇油菜送囉，算數！我唔會為幾條菜而嘈．

日期：2008年1月20日福建三寶米線（豬骨湯底）：燕丸，肉丸，福建魚蛋；味道都唔錯，ｄ丸幾彈牙．酸辣菜肉雲吞紅薯粉（小辣）：湯底好夠味，唔會辣到食唔到，酸辣適中就最好．凍檸茶：五片檸檬，好夠味，從未試過咁好飲．

(5/1/08)店子細細,不斷有人等位。果然沒令我失望。試「盡」佢既湯、招牌o野,與老公吃了香脆豬排豬骨湯上海麵。豬排香酥鬆化;麵雖不叫煙韌,但也軟硬適中。湯清甜。玫瑰雞翼酸辣米線,玫瑰雞翼,凍食的,味道ok。不多吃辣的我,這酸辣湯底都幾辣吓。西瓜汁+$3;其他汁+$5。

26/12完了活動以後，10:30pm，和朋友仔走到8麵玲瓏開餐...超愛這兒的玫瑰雞翼豬骨湯紅薯粉...有蒜香...又有醉人的玫瑰酒香雞翼...加多杯餐飲既西瓜汁都只係$28...正正正呀...!食完一碗如果唔係飽到上心口我都想再來一碗啊...!

福州魚丸口感軟糯豬骨湯米線同酸辣米線各一米線幾彈牙,食到尾都唔會淋晒, OK 玫瑰雞翼米線，其實係用玫瑰酒做，好肥好重酒味。

上次試咗鎭江骨同酸菜豬腸都ok,下次再試埋其他.

Lunch行過嚟食,2個人叫咗:豬蹄肉+鎮江骨上海面,同事叫咗鎮江骨薯粉豬蹄肉鎮江骨上海面: ($30,賣相一流,鎮江骨酸酸地好味,豬蹄肉好爽,個面就有少少硬,加埋酸菜一起食,正)鎮江骨薯粉: ($25,薯粉入口好滑,幾清涼,唔錯)2杯飲品,凍檸茶同熱檸水都ok,無話酸到眼朦.最重要係,食完唔會覺得口渴,呢樣嘢非常好,價錢又唔貴,亞姐服務都有禮貌,ok,推薦!

D果汁好正ar, 豬扒有口感得嚟, 又唔會太硬!!<br />我自己就覺得好好呀, 食嘅又好食, 飲嘅又好飲, 服務仲要唔差tim, 真係值得一試!!!

菜肉雲吞紅薯粉, 麻辣湯底, 中辣.湯底都ok, 辣度都幾好. 我嗜辣, 中辣就好, 食到有辣味, 而又唔會過辣蓋過其他食味. 不過配料就唔多lor...第一次食紅薯粉, 原來係透明麵條, 口感有少少煙, 但本身應該無咩味, 要靠湯底吊味, 都幾特意.菜肉雲吞都可以啦.

食完Capri，男友of course唔夠飽，決定試吓八麵玲瓏的米線。這裡環境唔錯，乾淨企理，比一般米線專門店好。經過一輪商議，男友要了此店$28元招牌相併(福州魚丸和鎮江肉排)米線。福州魚丸口感軟糯，有點像魚皮餃，魚丸偏淋身，內含肉餡，喜歡爽口的我實在不懂欣賞。鎮江肉排味道夠酸，可惜肉排又老又鞋，連乜都食的男友都話唔好味。米線超淋，一點爽滑口感也沒有，頗失敗。味道一定值喊面，不過睇在乾淨企理的份上，放你一馬！

最鍾意食鎮江排骨加豬大腸酸辣米線，廿五蚊大大碗幾抵食。炸豬扒都ok 既....我個人覺得雞扒就冇咁好，厚粉左d。通常去到我都唔飲野，果汁好淡味(加得少糖水啩~)，其他飲品就一般~坐位比較逼(近千色店分店)，通常同人撘枱就坐得幾辛苦，試過一餐俾個侍應姐姐撞到我背脊幾下-_-" 而近戴麟址診所分店就好似衞生冇咁好，d 野痴立立咁~不過好食冇計啦

跟牛小子聖誕放工後黎左呢到, 九點幾人冇乜,可能d人去左食聖誕大餐對酒當歌幾何~~~豬骨湯米線同酸辣米線各一米線幾彈牙,食到尾都唔會淋晒, OK豬骨湯唔油,食完亦唔見口渴到死,不錯;酸辣湯聽聞唔酸又唔辣豬扒另上,唔會浸到淋晒,不過點解冇味既???不過炸得鬆化同熱辣辣,如果有番d味就不得了鎮江骨既酸黎自醋,唔係開正我個瓣, 牛小子就話ok鹵水雞翼過咸, 唔夠熱野飲叫左凍檸茶同薑水,薑水都幾夠薑嫁,飲完喉嚨熱熱地唔需要豪華聖誕大餐,平淡共渡也是福

星期一食喇，我叫玫瑰雞翼米線，其實係用玫瑰酒做，好肥好重酒味。老老叫的是福州三寶米線，都幾好味。今次豪d，加左錢飲西瓜汁同薑茶，好好飲呀，一寒一熱。