影片
以上资料只供参考，请与餐厅确认详情
7-8年前响牛头角返工，每次食晏都系去附近茶记，贵又唔太好食，有次行远啲，见到牛下有熟食中心，入去睇下先，见到鉴记粥品，见天气热觉得食咗会仲热，而且粥，肠粉，都早餐食啱啲（之后有去食过，佢都好味又经济，好像之前已经写过食评）之后见八记，有好多人叫碟头饭，炒粉面，我也见人叫咗碟越式米纸卷（正确叫春卷定粉卷？），炸鸡翼（呢个佢冇写出店面的）越式粉卷都仲有张相片挂出来，当时系夏天，唔太我点了酸辣汤云吞同越式米纸卷，云吞系正宗上海菜肉云吞，大大只，多菜多肉，啲肉又唔会嚡（有时去啲上海店食的云吞都冇咁好味）酸辣汤够酸够刺激，个汤的稀稠度啱啱好，其实就咁食呢碗嘢已经够饱，但我冇改错网名嘅，食唔停口，咁样我点会满足，食埋越式纸米卷先得，包都大大碌，里面有生菜大虾，金不换，蘸埋个红椒蒜蓉酸汁，非常清凉消暑，之后我都仲有再去试上海排骨粗炒，（好有镬气，调味又好，因为总觉得佢有秘制调味，外面食唔到呢只味）干炒牛河，炸鸡翼，西多士，柠茶，奶茶都唔错，不过呢几年见佢的食物淡味咗，同少油咗（可能迁就返少油少盐的饮食文化）香味系差咗少少，不过都唔会令我唔再嚟嘅！因为不是街坊，我要去开淘大先会尊登行来呢度食！
继续阅读
市政中心一向隐藏唔少美食，虽然装修欠奉，但进食最紧要卫生情况。侍应唔会好殷勤，但最紧要正常社交礼仪。今日叫咗酸辣汤水饺。云吞水准正常，唔会太咸太胡椒粉，皮都唔会煮到烂。酸辣汤质地刚好，个芡都唔会食到一旧旧，味道偏酸唔会太辣，馅料款式都有齐
继续阅读
我觉得最出名系酸辣汤，所以我次次都叫黎食！真系比出面好多间都好味。牛什面一般！但配上佢自家制辣椒油！真系好食到飞起！维持香港人最地道嘅美食，真系买少见少！冻柠茶、奶茶都好好饮，我见好多食客都有叫！可惜佢哋唔做套餐，所有食品全部散叫。上海炒粗应该系招牌！够镬气、无敌！仲有我见好多客人点炸猪排同鸡翼，我无食，但闻到同见到实物都好吸引好正咁环境唔使讲，坐得街市大排档食唔使谂会坐得舒服。服务都一样，唔使谂会有礼貌，甚至叫嘢食都要粗声粗气。
继续阅读
食上海野 - 上海炒粗 $32 (加$6一件猪扒)去左牛头角街市楼上食,热辣辣炒出黎,,又香又大碟上海面的质地较粗身,有咬感而炒到每条面的颜色都好均匀味道唔错,配菜都算多加一件猪扒要加多$6, 个人觉得有点唔抵再叫左个星洲炒米(加辣),都系唔辣$42一个套餐配冷热饮,,算系大碟. 炒得几香, 配菜有虾,蛋,九王菜, 叉烧...价钱合理, 希望香港继续有多点小店经营集团式的野真系一式一样~
继续阅读
八记以前也是在下邨的老字号食店，当时是在八座那边的大排档经营，主要是卖上海面食。较牛下早得多，大排档清拆后，八记已经搬去了街市二楼的熟食中心。与隔离的茶水档合并，还加卖牛杂粉面，数年前在假期甚至售卖越式食品。原先有招牌介绍的，现在餐牌上只有鸡丝札肉，但其实还有其他越南食物，例如越式春卷等，惟只有熟客才知道可以点选。也许现在选择太多，我已经多年没有帮趁了，以前亦喜欢吃八记的上海面，不论是雪菜肉丝面、抑管是上海云吞，味道也不错。今日本来上去鉴记食粥，但已经卖光了，经过八记，见到那盘热腾腾的牛杂，香气四溢，便坐下吃碗牛筋河粉。看看餐牌，牛杂粉面才卖$24，与其他云吞和鱼蛋粉面同价，以现时食肆的标准来说，确是抵食。但始终要看，味道究竟如何，才可以下评语。牛筋河粉有七、八件牛筋，河粉的份量也不少。至于味道，牛筋炆得再「林」一点更好，但其实已经不错，味道则与我在蓝田新乐园吃的接近，但新乐园卖$27，而且河粉的份量比这里约少三分之一。汤底亦很鲜甜，牛味浓郁，吃后没有口渴，证明味精不多。比起其他的食档，这里的生意只是一般，很少坐至满座。正如我自己，即使今次食过觉得还不错，但相信日后想要开餐时，也未必会想起要再来，我也不明白原因，也许就因为老板太低调了吧！
继续阅读