八章軍

营业中

休息中

今次第二次黎荃灣食八章軍而家每次經過荃灣都會忍唔住黎幫襯下，今日天氣好熱，黎到路德圍順便試埋其他小店，今次都係要等15分鐘左右，咁我就去附近買杯野飲就差唔多，叫左杯冰茶飲，呢D天氣飲杯凍野好正，轉頭就過反去八章軍攞野食，今次叫左個雙併，紫菜肉鬆，保持到水準，沙律醬同肉鬆一樣咁夾，而且章魚燒都好翠，呢D都係即食最正，再飲啖冰茶，好享受店員同我推介其他口味沙律蛋同埋吞拿魚口味，我睇完個餐單都成15款口味，下次都可以再試下店員推介既口味

啱啱夜晚諗住食少少野，以前都有幫襯開， 覺得啲質素都可以接受，點知啱啱買完，都忍唔住要開個ac嚟投訴！平時啲服務已經麻麻地， 員工態度好似唔休做咁樣， 食物質素又差過以前好多，最重要係落柯打， 畀完錢等緊店員找錢嘅時候，見到檯面有隻反肚嘅細曱甴屍骸！！！ 唔知你哋舖頭門口有冇閉路電視， 如果有嘅話唔該老細你自己睇返 11:20pm 左右嘅閉路電視， 肯定見到隻反咗肚嘅曱甴死屍喺門口張枱上面， 之後店員將整好嘅章魚燒連埋膠袋，就咁放喺隻曱甴上面。嗰個位置平時都係放製作好嘅客人嘅食物 (門口嗰張木枱)， 點知個店員將啲食物就咁放喺隻曱甴上面，好似睇唔到咁！啲食物幾好食都冇用， 更何況啲質素差過以前好多又咁污糟， 一定冇下次！

—— ˗ˋˏ ♡ ˎˊ˗ —— ˗ˋˏ ♡ ˎˊ˗ —— ˗ˋˏ ♡ ˎˊ˗ ——🕷️雙拼+$2—— ˗ˋˏ ♡ ˎˊ˗ —— ˗ˋˏ ♡ ˎˊ˗ —— ˗ˋˏ ♡ ˎˊ˗ ——🪬明太子章軍 + 青葱章軍🫧大大粒🫧每粒燒入面都有2大粒章魚🐙🫧易𡁻，唔韌🫧青葱🌿正常份量👌🏿不是青葱山喔🫧沙律醬、燒汁、木魚碎、海苔粉🪸呢啲基本角色好充足 !! 粒粒都沾滿醬食到最後仲有剩(有啲店食到一半已經無晒醬🫠-💀不要expect會吃到強勁的明太子味🤏🏿其他配料太搶💀只收現金💰💀企等15-20mins，都聽不到叫我的no.已經企正喺收銀遮遮視線範圍😥遮遮仲要okay大聲個喎🗣️🤷🏿‍♀️最後行埋去先知：原來一早整好咗了—— ˗ˋˏ ♡ ˎˊ˗ —— ˗ˋˏ ♡ ˎˊ˗ —— ˗ˋˏ ♡ ˎˊ˗ ——

雖然唔係住喺呢度附近但係偶然一次試食過八章軍之後令到我每次經過都會特登走過去熱辣辣外脆內軟再加上粒粒嘅章魚😋再配上佢哋自家製嘅醬汁🤩🤩就連小朋友最鍾意食🥰已經試過佢哋唔同味道我個人最鍾意就係明太子加蟹籽味

今日放假專登去荃灣食呢間章魚燒，因為之前有個youtuber介紹話唔錯。今次叫左個明太子章魚燒，同店員講6粒點知佢禁左8粒俾我，話返俾佢知話6粒唔係8粒佢就話禁左冇得退，咁算啦😡冇人排隊嘅關係好快就有得食，打開個盒好多木魚碎，醬汁都夠，滿心期望粒章魚燒會好好食，點知一放入口勁硬囉，冇咩粉漿得個殼包住粒章魚😢唔明點解有人會俾笑笑呢間章魚燒店，戈係因為出左名品質下降左定係我唔好彩撞正師傅今日心情差冇心機整😭

我一向都幫襯開葵涌廣場既章魚無雙同屯之大板，今日係荃灣行街行開荃灣路德圍就去試下八章軍，呢間係呢區都出名，之前就聽過，一路都想試加上我本身都幾鍾意食章魚燒，咁我就點左明太子味同密糖芥末味雙併，等左一陣就攞得，一放入口幾驚喜，因為佢皮比較脆，而我食開都係軟身，所以食到脆皮幾特別，佢哋每一粒都好多料，食落又唔粉，同出面食又有唔同，加上有成15種味款式都幾多，我記得香港好小有脆皮既章魚燒，下次經過必定會再幫襯，試埋其他味道

尋日同朋友經過荃灣路德圍，就諗住去掃街，經過八章軍，見唔使點排，即刻去排黎買下，唔使幾分鐘就攞到，保持到水準，即刻食熱辣辣好脆，又足料，（之前食過明太子同密糖芥末味），今次試左紫菜肉鬆同埋蟹子好好味，紫菜肉鬆好似唔使錢咁，落滿晒成個盒，個醬同章魚燒既味道又好夾，蟹子都舖滿每粒章魚燒，朋友就買左盒芝士，每一個章魚燒都有拉絲感覺，好飽同好滿足，每一粒章魚燒都會有兩粒章魚同埋會有粟米，下次再試下其他味。

本身見哩間章魚燒都好似幾出名下又幾多人食 所以就諗住試下 我就叫左個蜜糖芥末味嘅 等嘅時間唔耐 好快就有 不過佢應該係整定嘅 個皮都比較硬 粒章魚燒都比較細 入面嘅饀唔多 有啲失望🙈相比之下 好似附近有間東京站嘅章魚燒仲大粒！

啲料冇問題，但本身個粒野整得唔好好空虛😂係粉同菜都無將個殼整到好硬脆，但入面無野😂(勁快比到我，2,3分鐘，應該係一早整定，擺喺嗰個爐一路保溫，搞到個外殼好硬)我見附近個好似龍津叫東京站小食都有唔同口味嘅章魚燒，早知食佢好過，佢嗰個會紮實啲，大粒啲，呢間八章軍真係把鬼，仲癡廣告邀請人加盟，有冇啲特別嘅配料或者配方，自己開一間都得啦，使乜加盟你。仲有個屏風遮住入邊煮嘢食嘅地方，我趁揭開見入邊第啲嘢出嚟，都幾Dirty😂。BTW，職員無咩禮貌，野食難食，應該好快執。

朝早去完葵廣後，晚上就去左荃灣路德圍繼續掃街。由於係葵廣無食到章魚燒的關係，所以就係路德圍食一食章魚燒 — 紫菜肉鬆章軍 ($41)紫菜肉鬆章軍 ($41)等左5分鐘左右有得拎，本身以為會食到一個即叫即整、熱辣辣的章魚燒，可惜一咬落去，發現是一早整好哂的，完全唔稱得上熱辣辣的。以40蚊8粒價錢，下次都係返葵廣食即叫即整的章魚燒算了。以下係我的評分（滿分為５分）：味道：2.5分環境：(外賣不評)服務：(外賣不評)價錢：3分推薦程度：2.5分八章軍網址: https://s.openrice.com/QrbS08dWB00~uKZISBA地址: 荃灣路德圍42號安富大廈地下7號舖電話: 66113430

店員服務態度惡劣晚上約7:15分，本人路經 路德圍這間八章軍，看到這間店 章魚燒口味選擇多，圖片賣相也不錯，就打算買來試一試。誰知， 店員開口就是倔，聲音粗粗的，服務態度差，只顧玩手機，雖然沒有惡言相向，但就是沒有服務態度可言！可能因沒有人排隊關係，很快就可以拿到外賣了，點了 明太子章魚燒8粒$40，章魚燒賣相一般，如圖。但味道是可以。想吃章魚燒 都是葵廣那間視覺效果比較豐富。地址：荃灣路德圍26-28號安富大廈

3pm 電話落單，佢講明半小時後開店，1號籌。3半去取貨，毛啦啦變左3百幾號籌，前面有1群現場落單，佢竟然做左嗰d 先...白等到3:50pm....sorry 都冇聲，作為客人，感覺係你等到就食啦，唔等就唔好食荃灣大把選擇，no next time, 何必洗錢又難受，呆等到唔知幾時記得你張單..... 食物質素冇從前水準，又要咁大牌，可忘記此店食野，開心食，大啖食，今日成件事錯哂🙄🙄🙄

路德圍----荃灣有名的一個小食集中地，剛好今天辣椒紙在附近遊走，而肚子又不太餓，一於掃掃小食街，試試當紅美食。-___________🏖店鋪狀況🏖___________ 八章軍🐙是一間主打章魚燒的店舖，位於轉角位置，剛好在停車場附近，非常容易看到。由於是小食店，所以沒有任何堂食位置，客人需要外賣即場在附近吃或者回家享用。- _____________🍽食物🍽_____________🐙🍡 明太子章軍 $34 (6個入～推介指數 ■■■□□章魚燒比較淋身，鬆鬆散散的，內裏柔軟得像一泡未熟透的粉漿，但不是因為有很多蔬菜的原因而令到鬆散，裏面基本上感受不到有任何菜絲，而唯一特別的是有數粒粟米🌽，章魚很大粒，大約有一至兩粒，口感煙韌，而味道上最突出的是淋滿表面的明太子醬，推薦給「醬怪」 😆 但整體來說就比較普通。-________🌶辣椒紙總結📝__________整體：🌶🌶🌶環境：🌶🌶🌶員工：🌶🌶食物：🌶🌶🌶(滿分為五隻🌶)- 總括來說，八章軍的章魚燒主要是吃粉漿跟汁醬，所以飽肚感十足，一人吃兩三粒就開始有點膩了。當天本身想雙拼明太子跟紫菜肉鬆口味，但剛好售罄，所以無緣嘗試，如果下次再多一兩

來路德圍次次都會叫章魚燒，次次來都要等20分鐘先有得食。佢有好多味可以揀。今次又係雙拼。明太子拼蜂蜜芥末。d章魚燒都足料，出面嘅都會擺好多椰菜系入面，但尼間嘅入面全部都係章魚粒，真係好正。on top仲有好多木魚絲，d醬都好足好惹味😋😋😋

難得經過唔太多人等，買咗蜜糖芥末味試下。本來想試海苔肉鬆味，但冇晒。不過蜜糖芥末味都好好味！距離落單到拎野食，我估應該5分鐘都唔洗😂已經好驚喜。仲要見到醬汁係超多！好濃郁又唔會過甜。每粒章魚燒雖然唔算好大粒，但燒到外脆內軟，原來裡面仲有啲粟米粒，幾甜又多少少口感。裡面有幾粒好大粒嘅章魚，呢樣一定要讚，全部都好足料😋但唯一美中不足嘅係，食到幾粒章魚好大陣雪味，影響味道。整體來講，好足料，味道又好，仲要好快就有，唔洗點等，好值得一試👍