影片
今日落大雨，入咗呢间食店，超多学生，场面混乱。明明有写枱号，但佢都会拎住个面系咁问人有冇叫。原来系因为太混乱，啲枱号未必准确，有啲面又冇人认领。终于都settle晒啲学生，发现有枱有个学生漏咗单，于是阿姐就比咗两个无人认领面比阿仔拣，话唔收佢钱。之后见到仲有几碗面冇人认，阿姐逐枱问学生，甚至系大人客，要唔要加啲𩠌。虽然场面又混乱又甩漏，但阿姐好有爱。因为未够字数，讲下食物味道。萝卜够甜，整体份量够多，亦都好味。
继续阅读
食物质素是可以的，但环境清洁一般，有待改善，员工态度极度有问题不断叫客人自己去柜台个电脑落单&俾钱，客人唔识就好串咁话人，我想讲嘅系……明明应该系员工负责嘅工作结果转移哂去客人身上，咁我想知请你返黎做咩？
继续阅读
系半山掘头路开餐厅，若非食物品质出众，就只能靠街坊/学生维持，我认为依间长期播放Viu TV的车仔面的出品，只有“绿豆沙”(因为富山一带无糖水铺原故)和“韭菜猪红萝卜”可接受，可惜“绿豆沙”早已唔卖(事关不太好食，闲时食下当清热气)。上星期再去买外卖30蚊一碗的“韭菜猪血萝卜”，回家发现只得以往份量的一半(即半碗)，作为街坊咪落楼返去间铺问下，边知一位最资深的阿姊话，佢地餐牌写明只有4粒猪红和4粒萝卜，咁我咪问佢攞餐牌睇下，如果有写明，我都无野好讲。结果系人都知边会咁写(若有写即系倒自己米)。阿姊吹水吹大左，大话连篇，知道自己揾错欺骗对象，但又唔肯补返足一碗的份量，唯有死死气退钱。依间车仔面能做到今日，除左因为街坊们无选择之外，相信长播Viu TV是主因，但当今日得到香港人支持时，就咁样做生意，......真正食尽“人血馒头”。
继续阅读
好普通车仔面款，间店就几干净，但晏昼时段多学生又多人，都几迫。但迫都算啦，我排梗队等梗嗌外卖𠮶阵，有啲疑似熟客打尖俾钱，而啲员工系视若无睹直接俾佢哋插队嗌完之后我谂住坐喺俾人等外卖嘅凳到等，但坐低左之后个入口系会迫到行唔到人，我原本见佢门面咁迫都谂住行出门口等，结果行慢两步就俾员工闹，又对我呼呼喝喝，态度极差唔该改善一下入口设计同埋员工态度，街坊车仔面两𩠌都3040蚊起跳，但完全冇应有水准，上慈云山食又平又唔洗受气
继续阅读
啱啱食完早餐，环境干净卫生，可惜开放式厨房里㗎阿姐劲大声播放大陆口水歌，完全唔理客人感受，冇八达通收钱，可能系老细默许啲阿姐播放大陆歌曲。只有TVB睇。我希望老板顾及客人嘅感受啰。唔好纵容啲工作人员噪音撩人。
继续阅读