八番屋 (已結業)

今日諗住食平平哋，見大埔冇嘢食咪求其搵咗一間日本野囉。點左個「串燒雞腿肉月見井」食難食到嘔比狗食都唔要。雞完全冇雞味食到一陣魷魚味，肉操好乾好鞋，薑味好重，總之好難食。服務又麻麻地入嚟坐一杯水都冇要自己攞。總之以後食日本嘢就唔好食呢間　

商場裝修後加入咗好多新鋪頭，今日就嚟試八番屋，叫咗個叉燒拉麵，同豬軟骨野菜拉麵，唔好睇佢隻碗唔算好大，但原來麵底都算多🤭湯底都唔錯，只要有叫麵或者飯，野飲就半價🥤另外加配咗三味較子，有原味，芝士同香蔥叉燒三款叉燒拉麵d 叉燒都大塊唔薄身，岩晒我呢d要大件夾抵食既心態不過無睇清楚餐牌原來蛋要另加$老公叫咗豬軟骨野菜拉麵，豬軟骨好淋好正呢個就本身已經有蛋菠蘿梳打就不過不失我就飲菠蘿乳酸梳打呢杯好飲，唔錯三味餃子無咩特別，基本全部都係原味餃子，只係加咗塊芝士同一執香蔥叉燒喺上面值得一提舖頭會有電磁爐一路煲住熱水淥筷子，讓客人感到衛生

今晚屋企無野食於是同朋友近近地係附近食野, 自從新達翻新左之後都進駐左唔少新餐廳, 行過見到e間八番屋好似唔錯又唔貴就入去試下😊 餐牌上都有好幾款拉麵🍜, 飯🍛, 串燒小食🍢同飲品🍹選擇, 樣樣都好似幾唔錯☺️! 最後我地揀左一個飯🍚一個麵🍜同兩款串燒🍢加杯柚子梳打🤭 上菜速度都幾快, 落左單一陣就有得食啦~柚子梳打🍊🍹味道清新, 消暑又解渴!😊叉燒拉麵🐖🍜湯頭味道濃郁, 質感濃稠, 麵質彈牙掛到湯, 叉燒甘香味美, 份量岩岩好唔會太膩!網燒雞月見丼🐔🍚網燒雞扒幾大塊, 燒得幾香, 肉質鮮嫩幾juicy, 流心蛋味道唔錯!😊燒雞腿肉🐔🍗即叫即燒, 熱辣辣啖啖肉, 又嫩又滑, 幾好味!😋日本甜蕃薯🍠一口蕃薯味道香甜, 係背面燒焦左dd~

今日走咗嚟大埔呢一度食拉麵， 咁入到去見到啲座位同埋環境我覺得都ok嘅， 咁我就叫咗佢呢一個叉燒拉麵，咁我覺得呢一個叉燒拉麵都唔錯嘅， 麵質不錯同埋個湯底都正常， 行過大埔嘅朋友可以一試。 不過湯底就有少少肥。 但都可以接受嘅!

份量偏小,但價錢尚可接受。1/ 麻辣牛肉拉面,咁啱係我唔鍾意嘅“任食火鍋肥牛”質素。湯底唔算辣。面質ok啦2/ 另一個拉面媽媽食,唔知咩味。3/ 天婦羅炸蝦新鮮炸好熱辣辣4/ 餃子唔夠熱,痴住左。拆開會整爛。5/ 串燒拼盤可以再熱少少就好了。但味道不錯。

今日有嘢做所以先嚟到大埔，做完嘢都已經三四點，見到呢間野30幾蚊就有下午茶所以就入去試吓。我哋叫咗一個味玉叉燒拉麵同一個牛蒡免治雞肉丼加煎餃子。-味玉叉燒拉麵湯底好味精，麵都有咬口嘅，唔會太淋，雞蛋同埋叉燒都好味。但由於個湯底真係好味精所以食完之後好口渴。-餃子餃子皮煎得好脆，餃子餡都好足料，但係就無咩肉汁。-牛蒡免治雞肉丼牛蒡撈埋啲免治雞肉仲有少少姜蓉，所以撈飯非常嘢味。好好食😋牛蒡免治雞肉丼加餃子係都係$39比較抵食同好味，所以如果大家嚟呢間食下午茶可以揀呢款👍🏻

成日唔食Lunch 但又捱唔到到晚餐 搞到要食個下午茶😂 行過幾次見到呢間八番屋既下午茶好似好抵食 3x-4x就有個拉麵或者丼飯 同埋都好似幾多人食 所以就入去叫左個味玉叉燒拉麵配熱綠茶 拉麵外觀都唔錯 但味道一般 拉麵有陣鹼水味 感覺麻麻地唔太好食 加杯普通綠茶 整體感覺好似比佢呃左入黎食咁😂 最後埋單 原來仲要加一🙈🙈 下次可能食丼飯同其他小食可能會好d🙈🙈

商場裝修後，八番屋都進駐了好幾個月而我和妹妹一直都未試，於是選了午餐時段來光顧啊！我揀的是豬軟骨野菜拉麵，額外追加多半隻溏沁蛋 ($7)妹妹就要串燒雞腿肉月見丼套餐附綠茶豬軟骨野菜拉麵，先試湯頭，豬骨湯香而不鹹，質感不是濃稠的一種加上娃娃菜﹑芽菜﹑筍等野菜，湯的味道帶點蔬菜甜～拉麵選用曲麵，麵質軟硬度還好豬軟骨大大件，夠軟稔入味溏沁蛋夠溏沁，不過味醂的味道偏重，嘗不到蛋香味！是這碗拉麵的最大缺點！！串燒雞腿肉月見丼，雞腿肉醃得夠味，燒得焦香！！而且肉質好嫩滑～～～飯的醬汁味道香濃，但碎肉較瘦較乾身，沒什麼咬口～～溏沁蛋跟拉麵溏沁蛋的一樣，所以吃不慣這種味道呢！凍綠茶，非預想中的蜂蜜綠茶所以飲第一啖時有點愕然因為真的是就這樣的綠茶加冰！份量卻比想像的大杯！整體食物質素與價錢都成正比～想平平地吃一頓日式膳食，都可以接受的！質素都正正常常！

疫情影響而多了機會外出覓食。下午茶套餐泡菜豚肉加熱綠茶。可見真材實料。另追加鷄腿肉串燒一串。 我個人歡喜飯set, 但更多的人欣賞味玉义燒拉麵加餃子餐。而法包新品亦不乏追捧。如果您喜歡串燒，應該要試試八番屋，烤得邊香脆，肉嫰包汁。

黎到新達，搵啲日本野食下見到串燒啲相幾靚就試下啦餐牌有個車仔飯，岩曬一個人食揀完本身有雞肉碎既飯底之後即刻自選串燒揀左兩個相對抵食既combo冬菇+雞翼 雞肶菇+免治雞球四串串燒已經塞爆左個飯面，齋睇都夠曬爽呢四串出黎都好穩陣，味道相當滿意冬菇雞肶菇夠juicy雞翼皮脆肉嫩免治雞球加左雞軟骨，有口感本身飯底既雞肉碎有牛蒡，大大減低肥膩同肉騰騰既感覺跟餐送埋大大杯凍綠茶，又自由又抵食平有平食，貴有貴食

星期日宅在家一個早上，到下午有人按奈不住話要去買家品，咁就去食個下午茶添啦。估唔到商場都幾多人，睇嚟香港人習慣咗呢個疫情，開始出吓街囉。入到餐廳安排搭檯，心諗呢個情況係咪盡量安排坐開啲呢 🤔 叫咗 2 個餐，等緊之際送上杯熱柚子蜜，明顯係隔離叔叔架啦，無耐上咗 2 杯凍綠茶去隔離叔叔張檯，喂你都睇吓叔叔已經有杯飲品，又一個人，好明顯係我哋架啦 🤬🤬然後又張叔叔嘅食物送嚟我哋度，其實我想話大家入到餐廳除底咗口罩，你啲食物飲品亂送好唔衞生囉！至於食物質素，芝麻雞翼無乜味，雞丼無乜味，係個豚丼好啲，連杯凍綠茶都好似飲緊冰水咁，我相信我唔會再踏入呢間餐囉 🤦‍♀️🤦‍♀️

🔺 八番屋早幾日約朋友行山 😎行山前係大埔最近火車站嘅商場覓食🐾呢間餐廳嘅串燒丼最吸引小編唔想食飯都有拉麵可以選擇😄😄.試左串燒雞翼月見丼同網燒雞月見丼🐔兩款燒物都燒得好焦香😚😚調味岩岩好唔會太濃味或者太淡肉質都幾嫩滑👍🏻月見丼即係肉燥飯加溫泉蛋🍱肉燥好重薑味 鐘意食薑嘅小編覺得撈飯好正👍🏻👍🏻

燒豚肉飯好味，燒焦過的豚肉有燒焦味，好香口，但芝麻雞翼就好普通，味道欠奉，朋友點左日式黑豚肉拉麵，黑豚肉都ok ，唔會太煙韌，算適中。 點左18蚊2隻蝦天婦羅，好細隻，好失望。感覺加18蚊好唔抵食，兩隻蝦好伏。呢間要加一，性價比麻麻，係燒烤品比較好食。

it is a brand new restaurant in the uptown plaza which has a long queue outside the shop!! Actually there wasn’t many food choices provided. As you can see in the picture, I chose the deep fried pork with ramen. Nothing special but a bit expensive. The pork was crispy. I guess it might be freshly made when they received my food order. Therefore The texture was fine~~ not too thick. However the soft boiled egg was nice!

中午時段，去大埔新達廣場食中午， 見到有間新開嘅八番屋， 之前有食過佢哋嘅拉麵味道唔錯， 所以走入去試試。 可能中午時段 ，食客雖然多 ，但好快安排到入坐， 餐廳坐得幾舒服。天氣涼涼地想食飯， 叫咗個網燒雞月見丼，可能雞扒係即燒嘅關係 ，等咗15分鐘終於有得食， 外脆內軟味道唔錯 。 似喺日本食過嘅燒汁調味 ，加埋杯嘢飲價錢唔算貴。抵食。見到佢哋餐牌， 夜晚時段有個啤酒套餐加串燒， 想試試。下次收工同啲同事，朋友 落嚟食下嘢，吹下水，都算唔錯嘅地方。