影片
本来睇环境都真系几似日本既拉面铺，真系气氛唔差既，卫生方面都唔差既，但系食物方面真系有d失望，拉面一定唔系手打系出面一包包买返黎既，份量真系好少最多可以当下午茶，汤底得个咸字，配菜方面就算系正常不过不失个蕃茄沙律只系将佢蒸熟左去皮再放入雪柜等佢冻再加芝麻酱系上面，但系又去唔晒皮，温泉蛋唔系温泉蛋，正常温泉蛋蛋黄系会流出黎架麻，但系佢e 度果只又好似熟晒唔识郁 ,唯一值得赞既就系店员既服务态度几好，会主动加水又几有礼貌！如果讲凭食物方面真系唔知点解可以拎到连继两年拎到奖
继续阅读
其实我都算系八王子ge粉丝，由佢佐敦开店就一直都有食开，始终难忘佢牛骨汤浓郁味道同大厨ge专业友善态度。自从知道佢执左，都有少少失望，毕竟佢之前旺角间分店失色不少，做唔番佐敦个种味道，太过走向本地化。重开之后朋友邀请下就去左试下，希望可以食番以前个种味道。只可惜，一切都只系我自欺欺人…过往只能回味…都唔敢试新口味，只系食番最经典个两款，点知都中伏…我地食八王子拉面同胡椒风味拉面，八王子拉面用ge系猪颈肉，呢样同以前一样，但以前块肉有用火烧过，表面有微微烧焦ge感觉，减低猪颈肉ge油腻感同增加松软口感。而家个块不单只用水渌过就算，而且仲要冇味…个汤底仲要劲淡味，可以话浓味过清水少少咁多。面质又冇左以前个种口感同挂汤力，煮得又过左火喉，成碗野真系冇优点可以讲…至于胡椒风味拉面，面质一样都系咁差，个汤底不但冇以前个种辣得好过瘾ge浓浓胡椒味，仲要极咸…饮完个汤根本就食唔出其他味。块所谓叉烧仲衰，以前系用日式叉烧，即系肥瘦均匀卷住个种，再系表面烧下，而家就用两片五花腩，但五花腩片系冇味，冇味，冇味架(好重要所以要讲三次)，同只系用水烚过冇分别。烚完都算，明知系五花腩，好心就比多少少调味减低个油腻感啦。佢竟然系可以做到块五花腩系un架，试想像一下，食一块冇味又un ge五花腩系几咁难食…总知，比一个咁ge价钱，你可以揾到更多更好ge选择，向下可以拣味千，向上比多十几蚊就可以食好西…何必难为自己ge味蕾呢…
继续阅读
仲以为日本野食都应该唔会太难食得去边 可能我见识少啦.....今日见肚饿 唔知食咩好就是是但但走去一间铺食野 见到哩间野都装修几靓 就入去试下啦坐低左就叫野 想叫拉面同炸物 佢地就同我讲无哂炸野 不过可能十点收铺就无得食 最尾就只系叫左碗拉面点知一试 就觉得拉面啲汤得个咸字..........我就叫左个菇拉面 初初饮啖汤 点解会无味既 原来无捞匀啲酱 咁搅完之后就好咸 味道无层次 不过值得一赞既系啲菇好好味 烧过再涂上酱汁 几野味
继续阅读
今日夜晚系旺角砵兰街谂住揾间野食, 行行下见到E间野, 门前有贴很多报章评论, 又见装潢不错, 就入左去食首先, 间野真系好细, 你见到好似好多人咁, 其实只不过系错觉, 而咁就可以骗左你入黎食. 再者, 虽然E个系其次, 但因为这篇系负评, 就不妨讲下,你坐低之后就会觉得坐得好唔舒服好逼.第二, 食物质素真系好差, 我同3个朋友共叫左3碗唔同口味的拉面, 但当我试过他们的汤底, 我可以说基本是没有分别, 再者, 汤底完全只是得个咸字, 例如我叫左黑胡椒汤底, 其实就只系几咸的盐味汤底再洒上黑胡椒, 我朋友叫左黑蒜油拉面, 汤底完全不是过往一直食开的黑蒜油味, 而只是普通盐味汤底, 根本黑胡椒汤同黑蒜油汤完全没有分别! 此外, 裹面的肉同蛋系可以没有味, 我真系唔知点解可以离谱到咁, 正常一个厨师点解会可以做到一碗只系得咸味的拉面, 而裹面的所有材料系没有味的, 但仲要卖到成70-90(未计加一服务费)一碗, 十分离谱第三, 服务态度好差, 一间野咁细, 系咪真系咁难去听到客人? 我多次想埋单及落单都系只系无视. Okay, 埋单我同服务员反应一下食物差, 佢竟然用鄙视眼神对我, 仲好似扮到若无其事咁, 比我感觉佢系唔尊重客人, 同埋好似于心有愧, 已经习惯比人投䜣一样.最后E间野系旺角砵兰街, 叫八王子拉面馆, 见到门前D报章千奇千奇唔好比佢昆到
继续阅读
点左个八王子拉面，个汤一饮落去似系一杯暖水，完全无味。呢世人都未食过咁难食既拉面。再试左个素菜天妇罗，味道还可，不过食到一口油。入黎既时候得一个人，出去时竟然满座，齐齐中伏的路人们实在可悲，抱住一试既心态都唔好黎。
继续阅读