八沢 (筲箕灣東大街)

营业中

休息中

好耐都冇係筲箕灣食飯啦. 聽聞東大街d野越來越難食. 所以都好耐冇去啦..個次咁岩去到唔知食咩好見到八沢. 其實呢間店上環都有分店都有食過一兩次. 咁穩陣起見梗係食返八沢啦!筲箕灣八沢面積大過上環位置都多過上環唔洗咁迫好好坐.去到第一時間梗係要再食忌廉湯烏冬. 黑松露忌廉芝士海鮮烏冬黑松露好香, 海鮮有三文魚同扇貝. 份量尚算足夠. 不得不提就係佢個烏冬. 好煙un唔會太淋太硬身. 好好味.再來叫左個花麻肥牛冷鳥冬最後加個牛油金菇 整體來講呢間餐廳食物質素係唔錯既 可以再來

住在東筲箕灣幾十年，睇住東大街飲食發展，大部份都是港式茶餐廳麵食，終於有一間日式料理，開餐又多個選擇。誠意推介一定要食烏冬，尤其香港天氣悶熱，食個冷烏冬，開胃消暑，而且八沢的烏冬煙煙韌靱，口感可口。芥末果醋帶子烏冬: 份量十足，帶子肥美，配上芥末果醋，十分開胃。八沢冷烏冬：清清地，啖啖也嘗到麻醬，伴菜的蕃茄很清爽。吉列蠔：一口一啖。自家制冰糖紅棗雪梨茶：雖然係冰糖，但是清甜的甜，而且十分冰凍，而有雪梨果肉。

說到筲箕灣的平民美食戰場，不得不提的是東大街。小店小吃檔開得成行成市。今次試一試一直在口袋美食bookmark而久的八沢日本料理小店。細長嘅走廊左右兩邊有卡位。聽說最有名的是這裡的黑松露忌廉芝士海鮮烏冬黑松露味及忌廉味不是很重， 三文魚及打橫一開二的扇貝尚算肉質飽滿。烏冬有點偏淋味道: 3/5分💓💓💓如果吃很重口味的朋友就不推薦這個了。厚燒牛舌🐂😛及炸蠔牛舌燒得 恰到好處有咬口，不會太硬亦都不會太淋 很香很好吃味道:4/5分炸蠔炸粉算薄但不特別新鮮不過不失啦味道:3/5分個人應該不會再點。炸雞翼及炸蟹肉忌廉薯餅炸雞翼有點未炸得熟透，但十分鮮嫩多汁味道: 3/5分炸蟹🦀肉忌廉薯餅一啖咬落去，啲忌廉噴出嚟😍但蟹肉絲很少，主要都是忌廉。拉上補下又是不過不失啦味道: 3/5分溏心蛋🥚🥚睇個樣覺得個溏心唔夠勁有啲過熟，但食落去都ok。有少少溏心既甜度。普通普通味道:2.5/5分不推薦燒羊架🐏一個字 騷!好騷!本人係唔食騷既。。。完全食唔到。。而且帶根既部分， 韌到完全咬唔開而且裏面不斷有血水仲要燒得比較耐，15分鐘左右。如果好似我一樣食唔到羊嘅騷味 真係唔推薦總括而言普普通通，唯一令我覺得驚豔嘅

好耐之前同朋友行山之後你過筲箕灣東大街試過一碗好好味嘅海鮮烏冬，非常懷念！今次都係同屋企人一行六人，慶祝父親節食飯餐好嘅日本野。根據OpenRice上面嘅電話打去預約，但係一直都無人聽，到最終都係去walk-in 。鋪頭位置都方便，筲箕灣地鐵站一出行3分鐘就到，店舖入面座位不算寬躺，直頭覺得好窄，不過見佢好味，呢啲嘢都唔太重要。其實點佈置設計都非常似日本風，感覺好似真係去咗日本一樣。一嚟就叫咗我最掛住嘅黑松露忌廉海鮮烏冬，同以前一樣咁好味，估唔到黑松露同忌廉湯係咁夾！成碗夠晒足料又好食。之後叫咗好多小食串燒等等，味道不錯。值得一題係個海鮮拼盤喎，入面有好大隻新鮮虎蝦，帆立貝，廣島蠔另外我地仲添加咗黑豚肉，食完哂海鮮先加黑豚肉落去，一鍋兩食係正嘅。

一班人去食飯試新野，所以可以試多幾樣野😍以下菜式名只係憑記憶，未必與現實相乎😂1️⃣黑松露忌廉海鮮烏冬好色👍🏼Cream得尼吾會太膩2️⃣雙重芝士炸豬扒飯件炸豬幾好食，芝士汁都好食，不過吾夠汁，有啲dry3️⃣廣島蠔肉碎湯烏冬幾清，隻蠔熟度剛好👍🏼4️⃣黑安格斯肉眼牛扒飯啲牛好好食，我都幾中意個汁(甜甜地既燒汁？😂) 啲沙律伴菜幾fresh5️⃣黑蒜叉燒湯拉麵呢個係咁多個入面最普通果個，味道好普通，食落似公仔麵感覺，唯一特出既係真係好多蒜😂6️⃣芥茉果醋帶子冷烏冬Um....冇乜特別，個汁本人覺得酸得濟🤢7️⃣滑蛋叉燒飯吾錯既，叉燒幾肥美，帶點香口，滑蛋都ok既，不過可以再滑啲😂8️⃣自選串燒我地揀左牛舌，雞腎，雞軟骨，白鱔- 白鱔超正！食落去係彈牙既😍- 牛舌吾會韌，不過可能吾係牛舌心，雖然係淋但冇左爽既感覺真係差啲- 雞腎同雞軟骨都ok既，不過吾係好出色，雞軟骨可以再焊多陣等佢再香脆啲9️⃣明太子雞翼熱辣辣食好食，但係冇乜特別🔟濃湯什菜呢個意外地出色👍🏼👍🏼👍🏼菜爽湯濃！！ 總括尼講呢間野我實會再去！濃湯什菜同燒白鱔我必會encore!🤤

星期五同朋友係筲箕灣gathering， 想搵間有特色又坐得舒服既鋪頭，於是就揀左呢間試。一行３人，店員安排左我地坐卡位，正，冇限時，可以慢慢坐同吹水 黑松露忌廉海鮮烏冬３個人都係重口味怪，首選一定係試呢個，一來好少見到出面Ｄ餐廳有得賣，二來睇個名都覺得冇得輸。果然不負眾望，忌廉湯底夠曬濃郁，食落有淡淡既黑松露味，烏冬滑嘟嘟，配料有２件帶子，好鬼多件三文魚，ＣＰ值高。３個人share剛剛好唔會太漏，如果一個人自己食曬都應該會幾滯。黑蒜灸燒極濃黑豚肉拉麵湯底濃郁，拉麵合格，配料好足，味道好似出前一丁黑蒜面濃郁版，唔錯日式滑蛋叉燒飯蛋好滑，叉燒唔會太肥，美中不足係飯偏硬，整體合格但可以有更好既選擇明太子雞翼(3隻)雞翼炸得剛剛好，配埋塞得滿滿既明太子，價錢合理，不錯總結而言，我會推薦大家試佢個黑松露忌廉海鮮烏冬

話說星期六去行山，由大潭道行上去龍脊再坐返小巴落筲箕灣，咁就順便食個晚餐啦……是日女友缺席行山，但係就join晚餐🐷好明顯係懶嘅表現...女友話想食燒烤，所以就揀咗依間八沢。入到去我哋6位坐張大枱，咁因為我等女友嘅關係呢，我就冇嗌嘢食住，佢哋四個叫住先，佢哋叫咗豚肉飯、西冷牛扒烏冬、仲有其他串燒、啤酒果酒⋯⋯都好，可以睇咗佢哋嗰啲嘢食得唔得先，等到女友到嘅話就可以參考一下。佢哋啲嘢食到齊，佢哋係咁食係咁食餓鬼死我⋯⋯睇上去又幾得喎😲女友終於嚟到，佢就淨係食串燒，我就叫咗個西冷牛扒飯。串燒係好好食嘅，但係我個西冷牛扒飯就差咗少少，可能有比較啦，因為我係見到朋友嗰個西冷牛扒烏冬幾正，所以我先至會叫，但係我嗰啲牛扒得好少...😓

一直都好掛住佢既忌廉湯烏冬，好想再去食，所以就㨂左情人節再幫襯。好彩有book 位早黎，估唔到都幾多人等位。✨今日比上次叫多左好多野食♥️, 兩個人坐卡位啱啱好。打後見要兩pair 人 一齊坐，你眼望我眼咁真係陰公🐷✨巨峰果汁清酒（$38): 個樽好靚，巨峰味幾天然同突出，清酒味亦唔會好"哽", 幾好飲幾易入口，呢支我都想入貨xD✨黑松露忌廉海鮮烏冬（$92 ）：食咗一啖有啲失望，忌廉湯冇之前咁香，味道比較稀薄。不過啲烏冬就真係好滑，扁身得黎帶點煙韌。海鮮就係帆立貝一開二，都算鮮味，三文魚都好味，唔會過熟同太嚡口。✨鮮什菌松露芝士烏冬（$68): 個湯其實同忌廉湯幾相似，但呢個多左芝士既香味，而且湯底濃厚d,我覺得好味過忌廉湯。 溏心蛋都好香滑，呢個湯底今次反而有驚喜。✨龍蝦沙律（$50): 龍蝦肉好彈口同入味，包埋紫菜估唔到又幾好食。✨雞翼串燒（$30): 燒得唔會好乾，不過調味料好勁都幾咸。✨豬頸肉（$26): d 肉好細串，食果時勁難齒出黎，又係好咸。✨三文魚腩串（$37): 呢個最好食，外皮好香脆，三文魚燒得啱啱好。✨黑豚生蠔燒（$70): 上次食過好正念念不忘，今次要再叫。

尋日(9-2-2019 Sat)大年初五,同老公去佢爸爸家前,走嚟東大街食個late lunch,其實已經係tea time,行勻成條筲箕灣食街睇,最後決定食呢間,門面幾吸引,我哋入到去,裝修係好典型嘅日本風,好似去咗日本.講返食,我哋order 咗:1.限量 $68.00嘅日式滑蛋叉燒飯呢個好快上枱,4件叉燒舖咗滑蛋上,食吓啲蛋先,真係好滑又嫩,唔錯;叉燒薄,口感一般;燒汁味道好濃;飯就硬咗少少.味道: 3分2. $82.00嘅芥末果醋帶子冷烏冬(掛烏冬)因為開頭冷氣好似唔多夠,所以order呢個.3隻帶子幾大隻,烏冬夠凍,爽滑又好彈牙,唔錯.芥末果醋味道又o岩o岩好,好味. 味道: 5分3. $38.00嘅月桂冠果汁清酒有蜜桃同巨峄味揀,老公揀咗前者.一支200ml,個樣好靚,日本酒杯都雪到冰凍嘅.斟出嚟係透明色,蜜桃味香甜,但有酒味,似飲果汁多啲,原來酒精只有3%.味道: 1.5分4. 熱薑茶原來日式滑蛋叉燒飯係有餐飲,大大杯,佢哋加咗蜜糖,甜辣味適中,好好飲. 味道: 5分5. $28.00嘅雞軟骨串燒2串卜卜脆又鹹香中帶微辣,絕對係佐酒良伴.味道: 5分6. $42.00嘅大

有人會覺得忌廉related嘅食品好肥仔 但係個人黎講係超鍾意食 不論係鹹抑或甜見倒呢個忌廉湯烏冬即刻心思思nggggggg..我希望個忌廉可以杰身啲 再重奶味啲 再creamy啲呢個湯就似係上湯加Campbell周打蜆湯 稀旦旦的 當然係有忌廉der味道 但一點都不夠呀黑松露味都算突出 易算比得多海鮮方面就冇咩特別naaaaa有幾舊實的的嘅salmon san烏冬是彈口的八沢黑松露忌廉海鮮湯烏冬$98📍cwb, sheung wan, shau kei wan

寫係生薑豬肉飯，原來只有生薑汁，汁仲要結，好難色糖份極高，成為$77，好唔抵食👎🏻，唔會再幫襯，我從來唔寫評論，今次被menu 呃左，唔寫唔得🤮，搞到我要搵第二間食野😢

筲箕灣嘅日式餐廳其實唔算多, 剛好路過東大街想食日本野, 所以就揀咗呢間八沢。喺星期日嘅夜晚7點入坐, 門口無人等位, 所以好快就安排到座位俾我地。室內地方唔算好大, 不過卡位夠闊, 坐落都唔覺得好迫。叫咗90蚊嘅黑松露忌廉海鮮烏冬同埋78蚊嘅黑蒜炙燒極濃黑豚肉拉面。烏冬用木碗裝住, 份量唔算少。第一次食用忌廉做湯底嘅烏冬, 被我想像中更加夾。如果湯底可以再濃味少少就更好。至於烏冬嘅質素係好好, 唔係超市買到3蚊一包食完有酸味嗰款。烏冬煮得都啱啱好, 而且非常有咬口, 係近期食過比較好食嘅烏冬。黑蒜炙燒極濃黑豚肉拉面上菜嘅時候用鑊仔裝住, 視覺上都幾特別。蔥粒、花生碎同埋黑蒜油佈滿喺湯底上面, 食前記得要搞拌。另外有三塊厚度適中嘅叉燒同半隻溏心蛋, 食落都幾飽肚。建議上菜後盡快食拉面, 如果擺得太耐, 面質會變諗無咁好食。整體黎講食物質素好。店員嘅工作態度更加值得一讚。同朋友講起想去toilet, 店員聽到之後會主動帶路。以後經過筲箕灣, 一定會再黎食。

呢左招牌茶式黑松露忌廉海鮮烏冬（$90），呢個真心好食，烏冬軟硬適中，個湯底又非常濃味，有好重黑松露香，同埋有忌廉好creamy，值得encore!另外叫左個黑蒜灸燒極濃黑豚肉拉麵（$78），雖然賣相幾吸引，但味道真係令人幾失望，個拉麵太淋喇🙈🙈食落似公仔麵多少少，同埋個湯底味道一般，食落味精感覺多，呢個價錢黎講個拉麵真係有d吾抵食，睇黎都係叫番烏冬穩陣d。環境係吾錯既，另外碗碟都好有特色，但拉麵質素真係有待改善！

晚上揸車去開筲箕灣果頭同東大街久別重逢筲箕灣係本熊老家, 雖已搬離一段時間但似終係度生活左二十幾年, 感情滿滿筲箕灣講到食, 一定係東大街, 無得傾呢度咁多年黎都係百花齊放, 大自然生態汰弱留強唔得既, 由好變衰既, 慢慢就會唔見左好食既, 保留水準既, 仍然歷久常新今次重遊舊地, 見到呢間八沢, 入面生意興隆, 應該都唔錯入到去見到佢話自己係十大特式拉麵, 我諗左諗, 咩特式原來佢招牌菜係黑松露忌廉海鮮烏冬, 呢個配搭我覺得奇奇怪怪但熊嫂話試, 就點一個黎到樣同圖一樣, 味道係好食既無估到黑松露忌廉同烏冬麵會咁夾得黎個湯好飲, 湯入面既三文魚, 煮得非常軟滑可以用入口即溶黎形容, D魚好好食重有兩隻帶子, 一樣彈牙好味呢個烏冬麵非常高分!我自己比較保守, 只係叫左個牛肉烏冬, 基本野係合格既, 起碼牛肉算多, 烏冬彈牙之後我係餐牌見到有炸蠔, 我作為炸蠔粉, 試一試佢我比80分, 好食! 粉唔厚, 蠔好食!咬落去D汁彈出黎!最後試左試串燒串燒唔便, 平均都20蚊串, 其他有D更貴既串燒無試係好食既! 水準有串燒專門店既級數呢餐係好滿意既, 唯一不足係員工似乎太忙忙到落錯單, 黎錯野之

講到港島，相信最出名嘅一條美食街大家都會聽過。呢條街個名就係東大街！東大街隱藏着唔少美食，呢一間就係一間日本餐廳叫做八沢。當中我特別推介嘅就係佢嘅西冷稻庭烏冬。烏冬本身比較滑，溫度又合適。牛肉方面可以反映自己想要嘅熟度，如果你冇特別要求嘅話佢嚟嘅牛肉大約7成熟左右。係配料方面佢的亦有蕃茄同埋菜，令到套餐感覺添生色。最後就係佢嘅蒜醬油，一啖烏冬點一下汁，再配上一塊牛肉！好味道。另外餐廳仲有好多日式嘅小食，任君選擇！