八沢 (杏花新城) (已結業)

隨意在杏花新城揾食，見到這家比較少見的日式烏冬店（香港拉麵店就好多），抱住即管一試嘅諗法坐低（冇睇過任何食評）。既然間餐廳咁標榜佢嘅黑松露忌廉海鮮湯烏冬，當然要試吓。結果完全冇失望！黑松露忌廉湯底煮得非常好，海鮮同烏冬亦都好有水準。連我唔特別鍾意食嘅秋葵，佢哋用嚟整沙律都整得出乎意料地好食 - 個酸酸地嘅沙律汁同鰹魚乾配秋葵好開胃，特別適合今日又濕又熱嘅天氣。餐廳仲有自製嘅雪梨紅棗茶，只需加$10 就有一杯，味道不會太甜，也很不錯。值得推介！

第一次食泰國嘢，pad thai味道差不在講，仲要一pat pat咁，夾都夾唔到。我諗住泰國出事啫，不如食日本。叫咗廣島蠔烏東同牛肉烏東。咸到苦，食兩啖已經好口乾，極後悔。唔會再俾機會。

難得商場內見到唔係連鎖店🌃 就試下啦 鋪頭裝飾幾有特色👍🏻 主要係木系既裝修🌴四周畫滿既壁畫都好有日系風格🎨 配合返日泰菜既主題 🇯🇵🇹🇭⭐️ 海南雞泰式撈粉🍜海南雞望落有D肥🐔肉質唔鞋口但係無咩味😅撈粉完全無泰國街頭既風味 🛵 用甜醬油撈過既金邊粉食落去好油 🌝仲要癡埋一餅餅咁🙅🏻‍♂️ 雖然面頭有芫茜 蔥🌿同埋花生碎🥜 但係個麵食落無咩味🥴可以加返D魚露同埋辣椒一齊撈🌶會惹味一點

雖然價錢唔平（外賣折咗都$83），但個忌廉湯底真係好好味，而烏冬亦很煙韌，好似話係自家手打，不是急凍的日本烏冬，令人回味無窮😋另外海南雞飯亦不錯，味道比食海南雞既專門店更嫩滑。

係杏花新城隨意揀一間餐廳食午餐見好似係新既 啲野食都有岩既 有日式同泰式既 就入咗去入到去 應該係經理既男同事上前招呼哩位男經理態度不錯 亦都有同我地推薦一下餐點咁最後係佢推薦下 試咗佢地王牌 黑松露忌廉海鮮烏冬 另外都嗌咗個芥末果醋帶子冷烏冬————————————————————黑松露忌廉海鮮烏冬 ($88)可以見到大大堆既黑松露 忌廉湯底濃郁 佢既海鮮係熟三文魚 同 帶子 份量唔少 完全冇偷功減料 味道亦不錯 難怪係王牌————————————————————芥末果醋帶子冷烏冬 ($78)一上枱 完全比三舊大大舊既帶子吸引 好吸睛呀 而且味道不錯 唔會有雪藏味 佢有少少既芥末放係果醋隔離 可以隨自己意思 決定溝幾多芥末落個果醋度 再溝落個烏冬度 注意⚠️唔好溝大多果醋落啲烏冬度 小心醋意太濃🤣————————————————————以上餐點都免費自家製熱飲 唔記得係咩黎😂 但酸酸地 甘甘地 幾好飲嫁🙈因為係隨意咁揀餐廳食 所以冇影到相😂不過 整體黎講 係好食 推薦嫁😆而且 個經理態度唔錯😆 隔離枱埋單 經理見佢地係嗌泰式既 會建議佢地下次黎試下日式所以比我感覺唔錯🤣

之前係筲箕灣東大街食過個間八沢係主打黑松露忌廉烏冬，湯非常濃郁，烏冬又滑身，印象幾好，而杏花邨呢間新開既八沢，好似係西泰日風格fusion菜，常見既生牛河、海南雞飯、青咖喱牛肉飯都有，款式都幾多，所以今次就叫泰菜黎試下.1. 生熟牛肉河湯底好清，味道太淡😖香料味同牛香唔突出，而生牛肉都幾足料，不過好快就被熱湯浸近全熟，唔夠軟嫩，河粉唔錯，顔色雪白，入口軟滑👍🏻.2. 冬蔭功海鮮河配菜有魚蛋、蝦、蟹柳等等，湯底偏淡色，飲落幾爽口同惹味，但唔夠酸辣，我覺得可以多一點青檸和紅辣椒，提升酸辣味，另外落多點椰奶，可令湯身較濃和甜😋