八月花 (皇室堡)

营业中

休息中

I came here with my other 2 friends (English-speaking) for dinner. The restaurant reminds is that there is 90 minutes time limit. We chose two dishes and it was approved by the server. The first dish came and we wait for the vegetables. We already asked several times but they just told us to wait until almost one hour, they said that our vegetable dish is “out of stock” as the kitchen gave it to other customers.The problem is they did not tell us the “out of stock” as soon as possible and the ti

今日補祝友人生日，打電話訂座時需說限時90分鐘，幸好當日人流不算太多沒有限時間！今次得2個人，我地只叫左2款菜式芝士龍蝦配稻庭烏冬 同 真金白銀（蟹膏蟹肉帶子腐）！芝士龍蝦🦞好濃厚芝士非常juicy，而真金白金 因為俾個名吸引左，所以叫黎試下！好多蟹膏係面睇落有d似湯羹，味道唔錯，下次可以再試！

同事萬歲, 一行三人Lunch 去飲茶, 有人請當然要叫D 平時唔捨得食既點心, 俾佢豪番一次....1.花膠瑤柱灌湯餃花膠煮到好淋, 湯底十分清甜, 飲完唔會渇喉, 但灌湯餃既里面既料就唔夠飽滿....份量少左些2.筍尖鮮蝦餃蝦好新鮮彈牙, 同平時食的普通蝦餃好似差不多, 不過不失3.銀湖百花釀魚肚魚肚用蝦滑去釀, 淋身得黎帶點咬感彈牙, 但整體味道偏淡4.羊肚菌魚湯鮮竹卷羊肚菌第一次食, 黑盲盲, 比想像中好食, 帶點清甜, 鮮竹卷好淋身....足料5.茶居芝麻卷芝麻卷整體偏甜,口感較軟身, 我還是比較喜歡硬身少少, 有層次既芝麻卷....6.招牌酥脆鮮蝦腸粉軟脆再加彈牙...口感十分豐富有層次....令人食到停唔到口7.豉油皇頭抽炒淮山麪炒得比較油膩,食唔出淮山麪和普通麪的分別, 但整體來說炒得好入味....8.細碟貴妃雞雞肉嫩滑, 唔會有騷味...值得一試

上次來yum cha,定要食晚飯有八折，貪心又貪便宜的阿婆我，掂會走甩我手指罅, 當晚用Boc pay 600減200，初初計條數唔夠，就算， 心銀銀,早知叫貴的嘢， 靚仔哥哥提議叫多2款點品就夠，得咗，半邊嘴笑~我。環境夜景都舒適，令人放鬆，前菜又要提，my 飛佛。揀酒,whisky or cocktail,我有選擇困難症，給我15分鐘，终叫杯八月花，好靚，粉紅色，玫瑰花花瓣伴話梅浸酒浴，梅酒,rum酒，紅梅汁，酒精度少至無，酸酸甜甜開胃。半隻茶薰鴨$183跟層餅$15，份量足4人享用，皮薄香脆，烟薰味濃，肥膏少，連骨都入味，佐酸薑，滑爽牛油靚生菜，似乳猪醬，可加茄醬，多種口感。海參陳皮炆排骨$143，冬菇厚肉，海參大碌，欠陳片香，汁除豉油糖豆粉外，加咗乜呢？不太濃味。芝麻卷$35，芝麻濃，彈彈， 滑捋捋，i love it。蛋白杏仁茶$32，稠~粉多，杏仁香，蛋白較實。賺咗，俾得開心。

哎呀生日，找食，要平，要折，又唔失禮，又未試過，西、中、日、混，又要就腳，病情又發作，大作戰，最後一晚想放棄尋，求其不想再躊躇，不如去合和薈軒，但又控制唔到，重新在openrice尋，中莱，飲茶，終於俾我找到，原來八月花在銅鑼灣開咗，真係背，咁都不知，美心出品必屬佳品，起碼衛生淨潔，有心做，其中翠園是我飯堂。來到，裝修有中國味道，又不俗氣，前部份無枱布，較年青化，後部份大堂有枱布，有水晶燈，布梳化椅，豪氣，一看有海景，遠少少可望維園，當日晴朗，未食，已心開，再加優美清雅藍花碟，配翠綠茶壼~古雅，更加滿意加分。開胃前菜$15，毛豆，花生，咸酸菜，雲耳，花椒麻香，最耍家，係食不停口！义油雞飯$52，半肥瘦义燒最正，今次飯較腍，生煎梅菜肉炸銀絲卷$41，用竹籃上枱，別緻，銀絲卷外皮香脆，豬肉略少，梅菜略腍，汁帶甜，青瓜解膩，但總體也可。鑊仔煎釀三寶$43，出名大大件，紅青椒墨魚蝦膠，豆腐大粒蝦米豬肉，茄子鲮魚肉餡，保持水準。羊肚菌魚湯鮮竹卷$35，見羊肚菌（貴嘢）才叫，爽爽地，魚湯夠味，鮮竹夠多層，無肉我較喜歡。還有張枱夠濶，枱布整潔，壓下舒服，坐2小時，行行維園，悠閒！

之前一直都是惠顧九龍那間八月花，很想試一下港島這間。終於可如願以償了，來到餐廳，眼睛即刻被一排海景窗邊位所吸引，可惜窗邊座位有限、可遇不可求。坐下被安排的座位，點了奶香烏龍茶，其實並非奶味，但非常清香！然後點了一些曾經喜歡的點心組合，食物的水準可以說是有保證！

一個人颱風天想食點心，美心全線八號波有開門做生意。好耐無食過八月花。今次食外賣覺得很好吃。我嗌咗牛燒賣，蝦餃，百花釀魚肚，叉燒酥。想話百花釀魚肚很好吃！舊蝦滑很鮮味而且口感軟綿，和魚肚一起很好吃。叉燒酥唔算多餡，不過真係好酥脆，正。牛燒賣似係平時牛肉球不過無山竹，無汁，用燒賣皮包，個人喜歡山竹牛肉多d，不過牛燒賣都OK。蝦餃個皮QQ，略嫌蝦膠餡唔夠多。想話如果堂食應該更好，同埋點心紙比openrice個外賣自取有多d選擇。堂食一至四有7折，其實都好抵。

今晚慶祝好友生日，壽星女要求食中菜，另一位朋友要求地點在銅鑼灣，經商討後拍扳去八月花。今日是星期四，但俾我想像中多人，燈光較為黑暗，由於有音樂播放但節奏較為重，所以環境有點嘈。因為壽星女剛病愈，所以要求不要炸物，儘量清淡，雖然酒樓有幾款套餐，但食品不太合口味，發現原來主餐牌有七折，所以決定單點餸菜！碧綠炒班球（$248）這碟雖然是價錢最貴的一碟，但只可以說不過不失。洛神花黑豚骨（$128）味道像糖醋排骨，吃不出洛神花的味道。白玉木耳蟲草花浸翡翠($108)這件比較清淡，但味道不錯。濃湯肉丸窩（$138）個人較為喜歡這道菜，湯底夠清甜，肉丸味道不錯，硯夠新鮮。茶居芝麻卷($35）名字改得不錯，實際令人非常失望，賣相真的很差！桂花龍鬢蛋散（$45）最後這個甜品卻令人很有驚喜，無論味道與賣相，也值得一讚！

飲茶一流，坐得舒服，唔会太吵，叉烧好好味，不过蛋達麻麻地，上枱時像已经放了很久，有代改善，其他都可以，價格不算貴，可以接受，如果點心多一點選擇會更好，下次試下晚餐

這家八月花屬於新開，裝修高雅，顔色配搭舒適，更用了雀仔擺設，與一般中餐裝修設計，非常不同，別有一番風格。現有疫情推廣，星期一至四68折，星期五至日75折。我去了這麼多八月花，這家出品，屬於最好。八月花出品，為新式粵菜，偶有驚喜。雙蝦炒蘿蔔糕，應該屬於他們的自創菜式，除了蝦球外，還有蝦干，與蘿蔔糕炒在一起，感覺新穎，味道也很好。义燒，可謂一絶，入口鬆化，前後點了兩碟。例湯，火候足夠份量十足。脆脆BB豬沙律，配上沙律菜，減少油膩。美中不足之處，薑蔥斑頭腩煲，可能不新鮮，帶有腥味。滿意的一頓晚餐

屋企人係附近放工揀咗依間試，8點左右上到全場應該4成滿都冇，員工唔算多，上菜就好快。揀左幾個小菜同老火湯，其實都係點啲普通菜，但質素真係差到嚇死人！連平時唔多出聲既呀媽都忍唔住😓 - 極上湯煮帶子球：極上湯得個咸字，個帶子球原來唔係帶子，係類似魚蛋既物體，一夾就散😡 難食到呀媽同啲侍應講！但佢聽完冇反應就行開左。因為真係太難食，連粉絲吸完啲湯都咸到傻，最後我地放棄左煲野。依個餸仲要148蚊....- 頭腩煲：得啲蔥有味，啲魚... 有一舊係炸魚油咁款😥 試左2舊我自己都放棄左- 老火湯：還好啦，清清地，100幾蚊有5碗咁囉- 露荀山藥炒蓮藕：成晚最有味竟然係最清淡既依味，你話搞唔搞笑？- 後加左個香酥鴨，幾脆但乜味都無要靠個汁總結：雖然有個menu 話啲餸有折多選擇都冇用啦，因為真係難食到極端，仲要埋單走左陣就開始口渴😡後記：廁所真係好污糟😩 去完都叫屋企人去返樓下去算。總之就伏。銅鑼灣咁多中菜揀，真係唔好試啦

今次同幾位同事一齊食新開張既八月花，中菜來講個名簡單得來幾靚。·望一望個餐牌，嘩啲點心菜色比出面酒樓貴好多，唔同名唔同裝修佈置真係唔同啲。🥱·因為午市，我地幾個同事唔係叫左好多野，都係剩諗住叫下啲正常野，諗住實無事啦，點知先係惡夢開始。呢度我介紹幾個「特別好食」既菜式比大家。😷·一開始嚟咗個煎釀三寶，成$36諗住都夠食，得五、六舊（出面酒樓平既應該有兩碟）。唔緊要照試試佢，一食落去成口油，好似張相咁油到反晒光，鯪魚都唔係好彈牙，以為食緊出面街邊檔😵～·之後就試吓個燒味雙拼。叉燒嘅精髓就係脂肪同肉嘅比例啱啱好，半肥瘦。呢舊叉燒就偏多肉有少少鞋。雖然份量幾足料，但係唔知係咪佢落咗太多蜜糖，食完個感覺好似醬住過口，食左一舊就不了。（冇食到燒鵝，唔評論）·最後食主食蝦子蟹肉炆伊麵，伊麵來講都算正常發揮，唔會煮到林啤啤～但都偏鹹，師傅都幾重手🤔。·之後其實都有食點心，蝦餃（皮有少厚）、燒賣，賣相精緻嘅叉燒包（女同事表示好cute🤣）。正常酒樓水平，全靠賣相加番分～·總括而言，今次食完後覺得食物質素最多中等水平。但好貴，性價比麻麻。可能係新開張嘅關係，店員唔會好主動咁加水，舉手都比佢地無視，服務態

年初四, 同屋企人去飲茶, 一行四人,黎到銅鑼灣皇室堡,聽講呢間八月花係新開的. 過黎試一試, 今日都幾多人出黎飲茶,要限時90分鐘.我地一共叫左8碟, 888 好意頭.1.     四喜臨門4粒燒賣,各有唔同配搭:1粒配乾瑤柱, 1粒配帶子, 1粒配發菜,1粒就富貴D配迷你鮑魚; 我就食左燒賣配迷你鮑魚, 但粒鮑魚就咸左少少, 燒賣都唔錯,夠彈牙,夠Juicy2.     花膠瑤柱灌湯餃 X 2花膠比較腥左少少,唔太軟身, 老人家應該食唔到,灌湯餃就大大粒,加賣D 湯一齊進食, 好滋味3.     鵝肝蟹子脆春卜卜脆, 十分香口, 值得推介,但就食唔太出有鵝肝味4.     一口鮑魚撻鮑魚配蛋撻, 幾match, 幾好味, 一咸一甜, 味道中和5.     蝦餃就一般,無咩特別,D蝦都算新鮮, 彈牙6.     椰皇棉花雞雞肉好鮮嫩, 有鮑魚片和魚肚short晒D 汁……好好味7.     椰皇燉燕窩都算足料幾多燕窩下, 奶味勁濃, 再配賣D 椰子肉.唔錯茶位每人$15; 另外有一碟前菜都係$15.