八月花 (東薈城名店倉)

营业中

休息中

前台服务太差，素质太低，待人非常没有礼貌 过号沟通态度很差，因为听说八月花很好吃，所以我们重新排位进去吃饭，可能过了饭点叫号也很快。餐饮很好吃环境也很好。但是因为前台服务体验感依旧很差。 另外问需要等多久，连一句话都不愿意说。非常不耐烦的摆摆手。一个问题要问两三遍才会有回答！如果排队时间不知道就说一句不知道又不会怎麽样。这个体验感令人无语。本来以为美心下的餐厅体验感都很好。这次真的感受太差！！来餐厅吃饭很好，希望不要碰到同一个服务员

一家人去完寶蓮寺拜神落返東涌一齊飲茶搭車嘅時候已經喺網上攞咗位等一陣就有位啦佢俾咗張10人枱我哋坐都算闊落乜個一坐低好曬因為佢係落地大玻璃又冇落窗簾我哋叫咗好多個餸同點心最好食係個炒粉麵最後，每個人都好飽買單，每位都係百零蚊超抵丫！

今日約左屋企人一早飲早茶， 點心種類有一般茶樓有的燒賣、排骨、牛肉球， 味道正常， 另外叫左流沙奶黃包， 但一d流沙都冇， 好失望。 糯米雞size 偏細， 正正方方似機壓， 口感一般，另外第一輪叫左炸兩， 等左好耐都冇黎， 估計漏左單， 餐廳環境唔錯， 有2層樓底幾高， 所以唔會太嘈， 餐廳用手機自助下單。

服務態度差，上菜慢。等了很久叫服務員，她還懟你說就要這麼久。問她單確認下了沒，她說我不知道。你跟她單下錯了，她跟你說這裡是香港一國兩制。你說怎麼整？😎🤓🥸🤩美心美心 怡和怡和 快来管管

去寶蓮寺前就在東涌東薈城找地方吃早餐友人找到一茶樓飲早茶 初次來這店*八月花*酒樓裝修有特色，環境舒適，酒樓餐枱座位不多，好彩有上下層 這店員工客氣有禮貌 門口巳有8-1 0人等位我們很好彩等了10分鐘便可入座(還可坐到想坐的卡位)酒樓餐具(茶杯，碟子，碗仔及茶壺)都是一系列的設計都漂亮及有特色 這酒樓是用心QR落單 叫了 一些基本點心 叉燒包鳳爪 高湯水餃 同埋一個特式腸粉本人覺得 梅菜扣肉銀絲卷味道可以 值得一試價錢又合理 雖然累貴一點但環境坐得好舒服都是值得的

今日12:42落單，叫了蝦餃、义燒腸粉及兩個花膠瑶柱灌湯餃，到13:06仍未到，叫侍應姐姐跟單，之後一分鐘蝦餃到，暖暖的，幾分鐘後其他也來，全部都是微温，最離谱是$58的灌湯餃，隻餃邊已變色及硬，立即叫侍應看看，侍應第一時間說幫你取消，你再叫其他，我沒有，因看到每一枱都是等等等，我食完蝦餃腸粉即走，免得再取消食物。兩個點心加茶錢，承惠$132，還有杯碗一定要洗，仍有油在表面。這個價錢酒店也吃到。總括食物又貴又難食，以後也不再光顧。

正當大部份香港人都去晒旅行嘅時候，放假同屋企出嚟飲茶等位嘅時間亦都少咗好多🤣🤣，預早10分鐘用GuLu攞定飛去到就啱啱好有位啦。12點幾去到其實都唔係爆滿，我覺得呢個人流量先至適合，我可以舒舒服服咁坐低飲餐茶👍今次嚟開茶點咗個特色花茶，下面有個蠟燭幫你暖住啲茶。個花茶係幾香，飲落味道都唔錯。之後都係嗌咗飲茶必食嘅蝦餃燒賣，佢個紫菜安格斯牛炒飯都有啲驚喜好食到兩個人都拆晒成碟🤤。另外個腸粉同菠蘿海蜇都幾特別，可以一試！食完計數，發現差少少夠數泊車，於是乎叫咗兩個甜品，不過就等咗好耐都唔理要扣分好明顯落咗單冇人理。總結而言都OK啦，可以作為放假飲茶嘅選擇🙂埋單2人：$5xx好食指數：⭐️⭐️⭐️⭐️性價比：⭐️⭐️⭐️

完全無諗過喺一間大集團會有咁荒謬嘅經驗喺門口叫外賣，企正喺個員工隔離等，佢清楚知道我係等外賣。等足二十分鐘都未有，我去問個員工可唔可以跟一跟，佢喺枱拎袋外賣話「係咪呢袋？」完全荒謬！！！唔知呢袋外賣已經拎咗出嚟幾耐！完全一聲都無出過，冇叫過號碼，冇問過出面企嘅人。而當時係無人等位等枱，絕對唔係忙碌狀態。我喺求其一間茶餐廳都無經歷過咁過份嘅事！完全浪費我時間！個員工仲要一句道歉都無。打電話去搵經理投訴，同我講句話唔好意思，就諗住算。一間大集團原來處理投訴係咁兒戲！我話需要書面跟進，佢先話經理放假唔喺度！完全難以理解！我係搵經理，佢竟然一開始唔係，但冇同我講佢係邊個同咩身份。我宜家就睇吓究竟係咪真係會有人跟進！從來未試過咁受侮辱嘅處理！！！！！

飲茶…上菜好慢，又漏單……..十個點心，等1個鐘都未齊…..牛栢菜原塊上，要問職員拎剪刀自己剪…係咪特色？ 諗住收得貴應該會精緻好食，但啲食物量勁少，又唔好食。茶具又油又污糟…..真係好差，無下次！！！

📍八月花 (東薈城) (東涌)東涌達東路20號東薈城名店倉2樓255號舖及3樓301號舖八月花會貴小小，但勝在係東涌既酒樓會比較大型同感覺乾淨👏平日飲1130前或2點後都有優惠，可以試下鳳爪排骨飯 - 飯幾香，都夠大兜，飯唔會好淋蜜汁叉燒酥 - 入口幾鬆化，餡料好足👏上湯紫菜雲吞（又食完就記得影🫠） - 有成6粒份量都夠👍🏻仲有紫菜同生菜🥬鮮蝦炸雲吞 - 雖然放到最後先食，但都仲好脆🤤蝦又大大粒幾好食😋

職員渺無人煙、食物珊珊來遲、冷氣凍若冰箱！客人戴帽+披肩！飯秒來、餸未到，食定唔食？你決定！找職員、行過見唔到、叫極又唔應，客人自已去加水，幸好送菜姐姐最友善，食完餐飯速速走！此乃其待客之道！？

今日嚟到東薈城，試一試點心就嚟左呢間八月飲茶。下午人流不算太多好快便有位，睇睇餐牌我點咗叉燒飯，北菇棉花雞，荷葉珍珠雞，蒸蘿蔔糕同埋臘腸卷。上菜時間不算太耐，叉燒飯叉燒比較硬了一點，但味道尚算好味。北菇棉花雞，雞非常之嫩滑魚肚也相當之入味，荷葉珍珠雞亦都相當好味，有瑤柱同埋醬汁也非常之好味，同時也有荷葉香，蒸蘿蔔糕食到一絲絲的蘿蔔用料充足，臘腸卷臘腸都比較軟熟不像出邊酒樓咁硬，而且麵包吸收了臘腸的油分，麵包充滿油香，整餐嚟計都算很好，回頭率80%。

中午飲茶，點了蝦腸及煎釀三寶，但竟然吾夠熱，一啲煙都無，從未食過咁差嘅，但佢價錢吾平，高級新派路線，貴價凍點心，真係中伏，想找個人加水都要等好耐。仲有另外牛肉及棉花雞就免強暖。下次吾會再去。

酒樓地方較狹小，走簡約路線沒有枱布。 晚上八點幾來到在沒有什麼客人情況下被指示坐二人枱。點了一個龍蝦湯及兩個餸也沒有足夠地方擺放。 龍蝦湯做法比較特別，加了蛋白及青豆，味道似蕃茄湯多一點。 這個麻辣雞片有驚喜，辣度恰到好處，雞片軟滑，黐上很脆的配料，口感獨特。 松子魚米也是較為獨特，松子分量多一點會更好。

行完鳳凰徑，又是食午餐的時間，今天到八月花飲茶。因為時間尚早，很快便有位，我們揀了幾款點心，有香脆蝦腸，蝦肉填滿在香脆的油炸鬼內，配以豉油，味道可口，素果清新，味道很淡，最適合食清淡口味的人，牛肉球水準不錯，燒賣的賣相一般，味道也是一般，最期待的是甜品，蓮蓉焗西米布丁，布丁面有少許焦糖的顏色，蓮蓉不多，甜味剛剛好，入口啖啖西米，非常滿足，當你食完一碗，便感到完全飽肚。由於焗西米布丁一早便上枱，而我們是留待吃完所有點心才食甜品，所以布丁已不熱，如果喜歡食熱一點的布丁，可以在稍後時間才點，那麼便可以食到剛焗好的效果。