八方小籠包 (已結業)

剛食完八方小蘢包，點了幾樣野，賣相，美味程度都一般般，最唔好食就係上海粗炒，有雪味，粉也沒有彈性，食面粉咁，就有雪味的上海粗炒跟老闆說了一下(當時係付款後才評語）但老闆反應一般，他說無可能，但客人說了理應看一下為何會這樣，我又無唔比錢，又無叫無換過一碟，我覺得這個服務態度不對，希望以後他們可接受客人評語令自己進步

沒想到居然會有真的實惠又美味的午市套餐！上海粗炒很大份，醬香味十足，豬扒很嫩又不失口感，很有鍋氣。這個套餐還包括煎餅，煎餅特別焦香酥脆，是韭菜餡的，很好吃！還有套餐內附送的豆漿，很好喝，很濃郁的豆香～忙碌一上午後來上這麼一口，真的可以收穫一下午的快樂～店內的環境相對整潔衛生，店員的服務態度也很好。我是12點左右來的，平日這個點客人不會太多，也可以外賣，出餐速度特別快～每週基本上會吃個三四次，完全不會膩～

上堂放lunch, 土瓜灣都幾多野食, 見到依度好似幾吸引, 就入去坐低, 叫左嫩雞煨麵, 加左$要二粒小籠包送凍豆漿, 碗麵正常味道, d湯夠熱👍, d雞唔會有雪味😅, 味道ok, 夠清淡😚, 見到好多小食都想試🥰, 但得我自己一個, 不如清清地試左兩粒小籠包, 食晒碗麵才送到, 小籠包好食, 湯汁好豐富, 肉汁好juice, 新鮮蒸出來, 更加好食😋😋 凍豆漿夠凍, 亦唔會好甜, 啱晒唔鍾意好甜的我, 第日再來土瓜灣, 都會想再幫襯😍

近排煲中藥調理一吓身體，知道只會煲一段短時間，所以上 Carousell 打算買個二手電子中藥煲算數，今日就約咗個賣家係北帝街交收，咁咪順道同女友小熊去果頭食晚飯開餐.北帝街同譚公道哩頭滿佈餐廳食巿，總有一間啱心水，而且成日變，久不久就有餐廳結業又轉營.今次經過見到哩間八方小籠包，印象中係新開張，於是推門入內幫襯.土瓜灣哩區完全無一間質數高服務好嘅上海菜餐廳，有果D一係質數低，一係服務超超超差劣! 希望哩間八方有驚喜啦!餐廳環境光猛乾淨闊落，印象分滿分先啦!係門口已經被一張蟹粉小籠包招紙吸引，當然要點一籠啦! 雖然食緊中藥唔可以食蟹，不過今年大閘蟹當做已經慘慘豬忍住唔食好鬼可惜，食一個半個啫! 忍唔到口囉!上海嘅蔥油餅係必點，小熊點咗個酸辣湯我點咗蟹粉碗仔翅，最後係點蔥爆牛肉.蔥爆牛肉肉嫩Juicy, 香蔥夠爽脆，只係牛肉味道重咗少少.蔥油餅外形同平時食開嘅完全唔同，外形一圈圈夠特色而且多一份外層酥脆口感，蔥份量足夠，但蔥油嘅油香味比平時嘅蔥油大餅少.酸辣湯酸同辣味各佔一半，無話偏重一方，辣度輕微而配料足，一早知道有蔥花的話我會要求多蔥!蟹粉小籠包蟹黃味十足，皮薄料足味道有少少偏甜.

本身近幾年食素，個仔想食小籠包就同佢搵間上海店食，坐低就叫左個上海粗炒同小籠包，諗住食粗炒唔夾肉都ok, 問問下原來担担面可以走肉咁就叫左碗食，唔係講小味道真係可以同詠黎園同級數。阿仔就食晒4個小籠包同大半粗炒，剩低我包低。個粗炒都唔錯，唔太油。之後再外賣左個豆砂鍋餅同蔥油餅返屋企食。整體都唔錯，有下次希望店家可以再加多幾款素既主食，咁我地呢d素食者可以多d選擇。太肚餓，所以堂食時無影到相，有機會再去補返

聽朋友講，土瓜灣終於開咗間新既上海嘢，朋友話嗰度嘅小籠包同埋鍋貼超正，今日星期日姐姐放假，終於有時間去試吓七點去到，餐廳入邊都幾多人，好彩我哋咁啱有位小朋友一去到就話要食炸饅頭，一咬落去外脆內軟，我個仔爭住要食第二舊食上海嘢一定唔少得鍋貼同埋小籠包啦，果然名不虛傳，真係好正，溫度啱啱好，擺入口唔會辣親，兩樣都超多汁，好重肉味，唔似其他餐廳嗰啲急凍肉咁，超級推介醉雞小朋友就唔食得喇，但係大人至愛。酒味啱啱好，肉質鮮嫩，又夠晒凍，夏天食真係好正灌湯餃都幾大粒，一嚟到見到個賣相已經好想食，一咬落去又係爆曬汁，超足料擔擔面都係大推，麵質超正唔會太冧，湯底濃郁，夠晒味最後梗係唔少得甜品啦，呢個杞子桂花糕夠晒凍，唔會太甜，啱晒我食土瓜灣又多咗呢間新飯堂，價錢十分親民，老闆仲超好人，逐樣菜介紹俾我哋，100分推介

已經試過呢間上海嘢既下午茶幾次，次次都幾有驚喜🥰今晚諗唔到食咩，決定又去食返佢選擇都幾多，不過兩個人試唔到好多🥹老公叫咗個京式回鍋肉配菜飯，份量都幾多掛汁得嚟又唔會好鹹，味道偏甜辣，好送飯菜飯好多菜😳平時啲菜飯都係落啲菜叫有啲綠色就算，呢到菜飯又幾足料我就揀返我心水雲腿香茜炒飯😻之前下午茶已經試過，真係炒得好好食調味唔會好鹹，可能我唔係重口味人士所以覺得剛剛好👌🏻炒飯好乾身，而且呢到起碼有三碗飯🤣份量超曬班甜品本身相叫高力豆沙，不過太夜去已經冇曬，老細推介新嘢流沙金球4粒炸到金黃色新鮮滾熱辣既煎堆碌碌😻賣相已經幾吸引，趁熱食時真係真係要小心啲🤣入面爆多流沙奶皇漿，熱辣辣，外層麻糬皮唔會太厚而且好軟糯，老細冇介紹錯😻加埋兩杯豆漿都係$183，晚餐都好抵食，下次多啲朋友嚟可以試埋其他小菜就好啦😻

好失望既一餐，附近冇咩上海野又未試過就揀左佢啦點知伏伏伏伏 小籠包係唯一一樣正常既野！但都稱唔上好食。。。個雞丁啲肉全部overcook.. 啲雞丁無味 有顏色第一啲味都冇。。個飯一粒雲腿都冇 比左雞肉入去 係一粒都冇 啲雞全部冇味 個飯又係無味好似無調味咁 要自己加翻頭豉油落去先有味 個高力豆沙外面無糖咁濟 一陣油益味 油林林咁 同一條街之前執左個間上海野好食過佢十倍 超HEA既上海野，好懷疑個廚係咪做開上海野 。。。。永冇下次。

叫過外賣幾好食，經過堂食試吓晚上8點半一位入座大把位揀新淨光猛，埋位比左熱水我洗碗筷叫左小籠包及千層蔥油餅 小籠包好薄皮、多湯汁、夠晒熱味道好，個醋都有誠意，啲薑絲真係絲，切得好幼，唔係薑條 千層蔥油餅係一個酥咁既物體熱辣辣、香脆呢種質感既蔥油餅第一次試都好欣賞 另叫左杯凍豆漿，正常 圖片： 一入舖頭已覺店員們友善禮貌例如收走洗碗熱水前會問多聲又聽見佢地同幾枱家庭街坊客言談甚歡衛生方面都好好，調味料樽、餐具、枱櫈摸落都係爽，唔會痴立立，希望遲啲開耐左都keep得住啦

兩個人去食晚市價錢以小店嚟講算合理，乂但質素有待改善先講小籠包：唯一出色嘅食物湯汁好足，皮嘅厚薄適中，裝得住湯汁皮出面乾身，唔會好濕料亦都唔錯嘅但兩碗麵都整度麻麻，唯一可取係麵質唔錯擔擔麵：湯好稀，冇花生醬味冇榨菜香，亦冇乜肉醉同花生湯稀到根本掛唔到上麵酸辣湯麵：唔酸唔辣冇乜味好奇怪上面加左日式紫菜同蛋絲外表上奇怪都接受到但味道上戈重違和取真係畫蛇添足搞唔掂可取之處係湯結度同料分量嘅平衡不錯咕嚕蝦球：普普通通，太多汁，唔夠熱好平顯炸定蝦球，再用個汁撈埋上碟個蝦球已經唔酥脆（唔係被浸淋戈種，而係炸完擺太耐戈種）小小太hea係個汁都未兜到所有料上哂色就上碟，連舊菠蘿都仲凍嘅，咁真係唔夠誠意可取之處係蝦球仲算爽口冇霉總結：小籠包不錯，但整體有待進步

早排經過土瓜灣，見到間新開小籠包店，同個friend入去試吓。我地2個人，叫咗d小食同小籠包，味道都唔錯！麻辣豬耳 🐷平日食麻辣，最驚得個辣字冇麻，呢個豬耳夠麻夠辣，食食吓就食成碟食哂😋涼拌青瓜🥒 & 雲白肉粉皮 🥓依家天口熱，食吓青瓜係唔錯嘅選擇；雲白肉粉皮出面就少見啲，通常都係雞絲粉皮，可以一試！韭菜花煎餅🫓對於食韭菜嘅我，呢個韭菜花煎餅味都唔錯，除咗有韭菜味之外，又蛋香，食落去夠脆。糖醋魚片 🐟味道都可以，如果魚片再入味啲更加好招牌小籠包 🥟食咗咁多小食，個小籠包終於上枱，，佢一籠新鮮熱辣咁上，食落去皮薄多汁。小籠包裏面嘅汁，好友肉味，唔似出面街食嗰。本身兩個人叫一籠，最尾叫多一籠🤤🤤整體嘢食味道唔錯，特別係個豬耳同小籠包，回頭必食之選！😋

星期日唔想煮飯，就帶屋企人出街食，聽講北帝街有間新開嘅上海菜，決定去試下。一入到去就令人感受唔錯，哋餐廳服務人員好好笑容，服務周到。我哋嗌咗小籠包、麻婆豆腐、蔥油雞、上海粗炒、蔥油餅、醬燒茄子同埋韭菜餅，食完又嗌咗桂花糕，佢哋話係新出嘅甜品。小籠包個皮幾煙靭，凍咗啲湯都唔會一pat pat麻婆豆腐，有麻辣香，好好送飯，自己喺屋企煮唔到呢隻味蔥油雞，雞肉好滑，小朋友好鍾意，但係小朋友唔鍾意食蔥，將啲蔥撥走晒上海粗炒正常水準，可以重味少少蔥油餅，裏面夠多蔥，唔會好似其他地方食得幾粒將燒茄子，啲醬會唔會蓋過啲茄子味道佢哋個韭菜餅脆卜卜，有蛋花喺裏面食到好飽，但係到最後忍唔住試埋個桂花糕🤪，都幾好，清清地有杞子同桂花香，食咗反而冇咁膩

北帝街開咗間新嘅舖頭食上海嘢，因為好鍾意食小籠包所以去試，當時嘅小籠包味道ok但係皮好厚，所以食過一次就冇回頭。到咗父親節爸爸話想食小籠包，附近又冇乜舖頭食上海嘢，所以近近地又去返呢度食話明食父親節飯，冇理由淨係食小食同湯麵呢啲，見openrice有人話呢度有得訂紅燒元蹄，就早兩日打去舖頭訂，$328價錢唔算好平不過即管試下估唔到元蹄勁大隻，最估唔到啲肉好冧，連瘦肉位都唔硬唔韌，味道仲好好，我哋一行五人清晒咁滯再嚟係炒鱔糊，鱔有咬口唔會冧晒爛晒，味道亦唔錯。跟住再食小食(都唔知點解會調轉咗嚟叫，食完主食先食小食🤣)，叫咗小籠包、炸饅頭同香辣粟一燒(見個名好得意所以叫嚟試下)，估唔到小籠包好食咗好多！！！皮薄多汁！同一開始嚟食嗰陣完全唔同！老闆過嚟吹水話換咗點心師傅，唔怪得完全唔同晒啦！最後我哋五個人叫咗四籠小籠包😂。炸饅頭炸得幾靚，又夠大隻。至於香辣粟一燒原來係辣椒炒粟米，因為粟米夠甜所以唔會好辣，我唔太食得辣都食到甜品就冇叫到高力豆沙，試咗佢哋推介嘅流沙金球，原來係煎堆入面包住流心嘅汁，見到金球二字以為係鹹蛋黃味，點知食唔到鹹味，甜甜地，金黃色嘅醬仲食到少少椰汁味，估唔到甜品都有驚喜

今次係第二次再嚟！第一次試嗰次係我哋成班波友打完波周圍搵嘢食，見佢新開張就去試吓！我哋嗌咗小籠包、鍋貼、酸辣湯、韭菜花煎餅、茶樹菇牛肉、蔥爆牛肉同埋香茜炒飯。整體味道都唔錯，特別係佢個韭菜花煎餅、茶樹菇牛肉同個蔥爆牛肉都好好味！不過小籠包唔夠多汁有少少乾！嗰日老闆好好仲走過黎問我哋有啲乜嘢唔掂要改，我哋就同佢講咗小籠包要再好啲！我哋第二次打完波又再去！我哋又再叫咗佢嘅小籠包，今次真係有驚喜又薄又多汁！改良咗！我哋宜家打完波又多一個聚腳點👍🏻👍🏻👍🏻👏🏻👏🏻👏🏻

9菜饼挺好食，豬扒淡淡麵真糸好味，真糸吾淡糸濃郁入口爽夾正小籠包當然糸必食醉雞就吾得爽啦值得一提現在夏天，入到餐廳正常都吾好涼快，不過呢間8方冷氣有D料到，真糸想問佢咩牌字