八方雲集鍋貼水餃專門店

营业中

休息中

之前經openrice外賣自取比錯食物，叫左2個set應該有啲搞亂左。有5隻應該係鍋貼變左水餃，有5隻應該係招牌又變左咖喱。不過都攞到返屋企咬開個下先知，無辦法啦。不過鍋貼好食，希望之後多留意！！！！

八方雲集都係我其中一間日常都會食嘅舖頭，佢係連鎖舖頭，但係都係有個通病啦，就係每一間嘅質素啊食物嘅味道啊都係會有啲唔一樣呢一間嘅八方雲集呢都食過好多次，如果外賣返屋企食個味道就會失色咗啲，所以而家每次都幾乎係堂食。今次叫咗個招牌鍋貼餐，自己揀咗一個貢丸湯另外再加多一杯嘢飲，我自己通常會加百香果珍珠綠茶，但係係偏甜嘅。落完單之後，其實要睇當時佢整餃子嘅數目而定等候嘅時間，普遍都係喺合理範圍之內嘅，而今次食呢一個招牌鍋貼就相對比較燶咗啲，但係因為新鮮出爐去食，真係好好食嘅，因為又熱，而且個邊又非常之脆，間唔中食吓都唔錯

等了15分鐘 店員話煎漏一隻辣味鍋貼，再等8分鐘，店員話漏左個紅油抄手，再等多10分鐘齊 ，返到屋企打開外賣鍋貼淋過毛巾都正常等果一隻等多一倍時間，紅油抄手冇落汁一滴汁都冇，點餐時仲要我要咩味 ，汁都冇一滴難食到爆 呢間野乜都漏 垃圾到爆

差不多3點，唔忙又唔多人，煎到咁燶！外賣自取唔多人都要等20分鐘，返到屋企打開盒餃，真係嬲爆。有一次外賣自取俾少一盒，我都算，今次真係嬲爆，可唔可以將心俾己，咁樣點對得住客人！

八方雲集可以話係糧尾救星，咁啱前排喺屋企樓下開咗分店，決定簡簡單單食個頹dinner招牌餃子皮薄餡足，配埋醋食一流！另外，一定要試下佢哋嘅台灣麵線，貢丸雖然係切粒但好足料，大腸都俾咗幾多，最正係面頭嘅芫荽，食落好香好滿足！🍜如果你鍾意食辣嘅話，就唔可以錯過辣味鍋貼🌶️。一邊是香酥的底脆，另一邊是口感煙韌的皮，夾住飽滿的餡料，整個口感好balanced。唯一唔滿意係員工嘅態度，個鍋貼我等咗20分鐘都未有，但佢地不斷出緊外賣單，所以我就問店員有未。點知店員只係施施然叫廚房煎一份鍋貼，一句唔好意思都冇，好明顯係漏單…不過以依個價錢又唔收加一都冇得要求咁多🤷🏻‍♀️ 食物keep到水準都算係咁了