八幡屋涮涮鍋

营业中

休息中

好耐無食放題朋友話想食放題試一試呢間日式涮涮鍋放題揀冬瓜薏米湯同沙爹湯黎錯左壽喜燒壽喜燒湯底比較淡醬料自助區有壽司、甜品蔬菜瓜菜區仲有炸物丸類有成十幾款嫁仲有海鮮、有蜆、青口同螺另外，會先上送海鮮拼盤除咗蝦同扇貝得一人一隻其他都可以出去自助區再拎另外A5和牛，都係得一次味道幾濃頭輪上既刺身拼盤刺身赤蝦及甜蝦都唔錯如果想Encore 可以掃Qr code 再加刺身仲有串燒、肉類等等再想再追加和牛就有M5和牛飲品區都幾多款嫁仲有啤酒及樽裝飲品

真係有一段時間冇食放題同埋火鍋，咁今日就約埋朋友去咗旺角八幡屋涮涮鍋食個飽 。一坐低先嚟刺身拼盤同埋海鮮拼盤，刺身上面所有嘢都好新鮮，有甜蝦、三文魚、希靈魚、帶子、虎蝦、螺片等等，海鮮拼盤就有扇貝、串蝦、大蜆、青口、吊片等等，同樣材料新鮮。而蔬菜區擺滿唔同嘅菇類及蔬菜，仲有南瓜粟米等，每一樣嘢都有廚房人員不停refill，所以唔擔心會畀人夾曬，仲有響鈴同埋炸魚皮任食，而最緊要連東風螺、蜆及青口都係任食，鍾意食貝殼類海產嘅我就最鍾意。 其他火鍋料都應有盡有，例如各式丸類、香腸等等亦有好多， 同埋仲要係靚肥牛任食。甜品雪糕種類亦有好多，有本地亦都有韓國雪糕雪條，飲品亦都一樣多選擇。 提提大家今期有蕃茄龍蝦湯底，入面有半隻波士頓龍蝦，個湯底超鮮味及重番茄味。總括嚟講，食物質素高且環境舒適，下次有機會我會再約朋友嚟聚餐。

-為咗慶祝朋友成功轉工👯請佢食豐富嘅大餐我哋去咗旺角嘅"八幡屋"180 分鐘任食和牛海鮮火鍋刺身放題 $368而且經open rice book 第二位仲有半價💫好鬼抵可以任食澳洲M5 和牛同美國牛肩胛湯底有八款選擇😌我地選擇我地要做最大路嘅🐷骨膠原豬骨湯D 🐮牛肉真係好有質素😍😍真係唔好講笑我同朋友喪食刺身都唔錯、 都幾新鮮三文魚刺身、赤蝦甜蝦、好多貝類都有🤩🤩🤩連生蠔都有🤭上菜都幾快❤️熟食都多選擇😍😍😍

任食刺身海鮮火鍋盛宴，平日$368可以食3粒鐘，掃QR code就可以添食，好方便叫咗個正路骨膠原豬軟骨湯牛至好食一定係澳洲牛，好重牛味，又唔會太肥同食到根。牛肩胛都ok，比較厚下：澳洲M5和牛上右：牛肩胛上左：美國進口牛肉刺身：珍寶帶子、赤蝦、甜蝦、三文魚、吞拿魚等，非常豐富。至愛食帶子，雖然唔算好大粒但入口即溶夠軟腍，赤蝦都唔錯好大隻同鮮甜海鮮：帆立貝、廣島蠔、蜆同螺等。食落都幾新鮮飲品多選擇正常其他任食嘅食物都好正，比如唔少得嘅炸物，就算放到凍咗啲都好香脆燒物：雞翼、紫薯、麻吉燒甜品都幾多款，必試奶凍同布朗尼臨尾食雪糕基本啦，有雀巢同韓國雪條

逛街同美食較喜歡到的地方是旺角，餐廳菜式選擇眾多，今次去八幡屋涮涮鍋吃日式放題，澳洲M5和牛、海鮮、刺身任食，還有日本和牛奉送，又怎可錯過呢 ~餐廳設計簡約時尚，地方非常寬敞，枱與枱之間不擠迫，沒有壓迫感，潔淨舒適。3小時放題任點肉類+任食刺身海鮮火鍋，星期一至四成人HK$368，第二位半價，用手機QR code落單，包括澳洲M5和牛、牛肩胛及美國進口牛肉、黑豚肉等，另有海鮮、刺身、炸物、燒物等，自助區包括豆製品、丸類、菇菌、蔬菜、壽司、甜品、飲品等，50多款火鍋配料任點，好抵呀。多款醬料，可隨意搭配。湯底選擇包括骨膠原豬骨湯、昆布清湯、壽喜燒、沙嗲湯、冬瓜薏米湯、辛辣泡菜湯、蕃茄龍蝦海鮮湯(加$20/位)、鴛鴦湯(加$20/鍋)、麻辣湯(加$30/鍋)。我選了骨膠原豬骨湯鍋，口感帶少少黏，豬骨味香濃，湯底滋潤養顏，好清甜。澳洲M5和牛色澤紅潤，雪花分佈均勻，大大片和牛放入骨膠原豬骨湯鍋灼幾下就可以吃，肉質鮮嫩，入口不用多咀嚼即化，味道鮮甜，非常美味，實在回味無比。奉送喜歡的日本和牛，以及任食的美國牛肩胛，兩款與澳洲M5和牛同樣美味，顏色鮮紅，肉嫩多汁，肉味濃厚，肉質嫩滑，非常滋味。任

Hotpot @ Lunch 😂😂😂開始覺得有d 過份, 約左朋友Lunch 食咩好？ 一句「Let’s Hotpot 🍲」😂 就成行其實有咩湯底都好, 獨愛 壽喜燒 😍😂海鮮拼盤 + M5和牛, 早已忘記曾說過新年後要減肥🙈任飲任食3小時，任食和牛火鍋放題，任食海蝦，帆立貝，廣島蠔等9款海鮮，任食新鮮帶子，赤蝦，劍魚腩等刺身，菜呀、丸呀～真係你想要咩都有 仲有即叫即燒大蝦等多款日式燒物，炸物不斷供應當然手握壽司，沙律甜品，清酒，啤酒汽水，火鍋配料都可以無限追加啦！

今日同男朋友去旺角行街，好似好耐冇食過放題，因為放題一般質素都比較差，所以我哋好少去，但係太耐冇試過嘅關係，我哋就係openrice搵咗呢間，上去試一試，享受唔使睇價錢牌嘅樂趣。其實一上到去係有驚喜，因為睇Menu，見到有平時放題好少有嘅食物，包括蟶子同生蠔，仲有M5和牛。和牛食落完全唔似低價貨，肉質鮮嫩，質感同口感都完全唔係普通肥牛可比。係中高價牛肉嘅味道。刺身方面我哋都試咗好多，原本不敢抱有期望，但意外地刺身普遍質素都唔錯，最挑剔嘅吞拿魚刺身，都合格有餘。丸類方面選擇充足，就連我鍾意食嘅牛蒡丸都有。就算只係一粒簡單嘅肉丸，其實都食得出佢哋喺選擇食材方面絕不馬虎。以黑椒牛丸為例，坊間好多平價貨肉質都會好鬆散而且冇牛味，佢哋雖然係放題，但牛丸質素非常唔錯，有牛味之餘又唔會比黑椒味掩蓋，相信餐廳喺選擇食材方面都下咗好多功夫。海蝦又係我覺得必食嘅選擇，雖然size比較細，但係非常新鮮，蝦殼同蝦肉完美分離，鮮甜唔會霉。熟食方面，我哋叫咗蒜蓉雞中翼、一口日本甜薯。兩者質素其實都唔錯，雞中翼入味鮮嫩，而日本甜薯亦都非常有水準。比較特別嘅係，佢哋餐廳連梅酒同清酒都可以任飲，呢個係其他放題好少見。梅

上網見到八幡屋有優惠第二位半價 ，提早一日book仲有鮑魚同和牛，食足三個鐘，見到幾吸引就去試下。我自己習慣去食放題任食都會book早啲，所以未夠1700就去到，餐廳仲係冇乜人，可以避開多人嘅時間，同埋冇咁容易漏單。埋位坐低已經好快有刺身同埋海鮮，整體感覺新鮮，刺身冇雪味，三文魚夠肥美而且解凍得幾好。海鮮方面真係要讚賞一下，送既鮑魚都幾大隻，而且生猛仲識郁，而其他蝦、青口等都係任食 ，啱晒海鮮怪海鮮刺身只係前奏，重點梗係留返起和牛身上，套餐有贈送一客日本和牛，見到啲油花靚到不得了，而且切得厚身，分量都幾多，真係十分滿足另外有澳洲M5和牛同美國牛肩胛係任食嘅，澳洲M5和牛油脂分布都平均，而且切得薄身唔會怕煮過韌。湯底今次就揀咗骨膠原豬骨湯同沙嗲湯，鴛鴦鍋要+20蚊，味道就正常唔會好淡呢到仲有任食天婦羅，見到有炸金菇即刻心心眼😍，好掛住台灣夜市食到既味道，呢到炸得都似似地，金菇脆卜卜，加埋椒鹽好味到我encore左兩次，而且呢度係即叫即炸，出到嚟熱辣辣。炸薯角都好好食，夠熱夠脆除咗QR code落單入邊有海鮮、肉類、炸物之外，旁邊仲有自助區，有唔同種類嘅蔬菜、丸類、甜品，全部睇落都乾淨新鮮

難得最近可以出街食飯，又見呢間餐廳做緊第二位半價優惠，有得3個鐘任食和牛同刺身咁抵！所以決定試試佢啦！一坐低就送咗碟刺身～都係大件厚身嘅！係有誠意嘅～每位一客M5、M4和牛，一睇到啲油花分佈就覺得正🤩海鮮都係任食🤩啲扇貝幾大粒～正呀！飲品任飲，選擇都幾多啵！有唔少台灣飲品，即刻覺得有返咗鄉下嘅感覺😚經過見到甜品區～係滿滿嘅雪糕～仲可以自助拎炸物小食～出去行完一圈就水滾食得！啲和牛真係冇得輸！口感柔滑，牛肉味又夠濃🥰然後當然要不斷encore和牛！呢個價錢任食真係超抵！都數唔到encore咗幾多碟和牛了😋真心正！呢度啲蠔🦪熟咗之後都唔會縮到好細粒～很可以！拎咗少少丸試下，少見黑松露小籠包丸，仲有牛蒡丸，又幾特別！鍾意飲酒仲可以任飲梅酒！即刻又好似去咗日本咁🤣總結而言，火鍋放題來講呢間都算抵食！和牛同刺身可以無限encore真係冇得輸了～如果想食啲高質少少嘅任食打邊爐呢間都係不二之選😛

係 fb 見到八幡屋3月晚市"半價"優惠，任食和牛海鮮火鍋•刺身放題3小時，留言"半價“，可享二人同行一人半價優惠，咁抵，即訂枱同老公撐枱腳。訂枱仲送鮑魚。上到瓊華12樓，即見人龍出現。職員逐一為 顧客量體溫，登記"安心"，酒精消毒雙手，然後講解收費，點湯底及帶領入座。認真 抗疫，難怪疫情期間都咁多人黎食。👍入到去就可以開始攞野食，有熱熏，炸天婦羅，款式好似好少，但我出去幾次，見到都吾同款式，會不停轉款的。蔬菜，瓜類，菇類都有好多選擇。食火鍋，醬汁亦係重要一環，呢度都有好多配料，我最怕食好咸既野，係屋企會豉油加水，好在豉油係淡咸味而略帶甜味，啱晒我口味。甜品亦有多款選擇，全部都用有蓋盒裝著，一杯杯既就保鮮紙包好。酒店都未必做到，真係要加分。肉類，海鮮，刺身，燒物及一些酒類係可以掃 QR code 落單。餐廳會先安排必食既和牛，牛肩胛，海鮮，刺身各一客，食過返尋味，係可以追加(鮑魚除外)。和牛油脂分佈均勻，入口即溶。牛肩胛好重牛味，而且嫩滑。我地一再追加。蝦，蜆，鮑魚都好新鮮，加少少莞茜豉油提鮮， perfect 。平時好少有東風螺食，仲咁大隻。海鮮當然要再 order la.刺身亦相

今日黎到旺角八幡屋，可以任食和牛海鮮火鍋刺身放題3小時😍非常期待，入座前先揀湯底，我就揀左昆布湯，清清地食牛肉一流今次揀咗最高級既澳洲和牛餐，原來仲有意外驚喜，一落座就送上一碟A4日本和牛同埋高級海鮮拼盤，呢個拼盤包括埋單點先會有既鮑魚同埋扇貝A4和牛既牛味同油脂味相當平衡，係口入面轉瞬即逝，但果種滋味係縈繞不息，不過為咗唔好使咁多錢，今次就食住澳洲和牛先。鮑魚都超級爽彈，食既時候特別有大海既味道，配合湯底更加突出鮮甜味。 點餐火鍋料就主攻M5和牛同埋美國牛肩胛，因為M5和牛油脂比較多，好易令到湯底多油渣，配合較瘦但有特濃牛味既肩胛肉就會唔咁易膩。另外，都點咗2碟黑豚肉，都幾有咬口同豬味，淺嘗即可。各款肉類既色澤都唔錯，紋理幾好，唔會好薄。 海鮮都有接近10款，最推薦海蝦同墨魚滑，都幾新鮮給實彈牙，完全冇揸流灘。蟶子就比較淡味，同埋東風螺可以再吐多陣沙會好食d .燒物可以逐件叫，啱哂我呢d細食但又貪心為食既人，可以每樣都叫d黎食，特別記憶深刻既係麻吉燒同埋日本甜薯，麻糬煙韌拉絲，外面鹹甜的醬汁配合埋就令我有食日本醬油團子既感覺。 .除左用QR code落單之外，仲有自助取餐區，主要分咗

久違的好耐無打邊爐表示有少少期待有多多興奮🤩⁣⁣點知，我媽仲興奮過我😅🤡(???)⁣⁣⁣⁣仲要係高質嘅涮涮鍋🤤...⁣⁣⁣⁣邊爐有和牛係正嘅🤤⁣⁣仲有海鮮都係可以任點🦞🦐🦑🦪⁣⁣數返有蝦，帶子，蟶子，生蠔，青口，魷魚，蜆同埋花螺🤔⁣⁣我同媽子都覺得蟶子同帶子係最值得叫😜⁣⁣但整體嚟講海鮮都幾新鮮，不錯。⁣⁣另外，啲丸類都好好好好好多元化，係小妹無知定未開過眼界😨，竟然有隻丸係麻辣餡嘅魚蛋???⁣⁣（有隻包心丸入面係墨魚餡幾好食😋）⁣⁣⁣⁣btw其實除咗shabu shabu之外佢仲有好多日式放題嘅野食🍢⁣⁣要shoutout一下個刺身拼盤🍣（其實可以加點嘅...）⁣⁣係正嘅，咩魚🐟咩貝🦪咩蝦🦐咩螺🐚都有😌⁣⁣仲有天婦羅同其他燒物🍗and揚物🍤⁣⁣麻吉燒is jengs☺⁣⁣⁣⁣強推佢個3.6牛乳奶凍，奶味重但唔會太甜，質感有少少似cheese😝⁣⁣啊，仲有佢呢條入面有爆炸糖嘅雪條，第一次食，幾特別🍦⁣⁣懷舊嘅話攞條牛奶公司黑牛都不錯😆⁣⁣其實仲有其他野食，但我哋好飽luuuu ahahaha⁣⁣⁣⁣一場史上最random最神奇嘅同媽子食飯🥲⁣⁣嗯，真係好random lmao⁣⁣⁣⁣b

第一次食「八幡屋涮涮鍋」🤩超級正！都知道係任飲任食火鍋，「澳洲M5和牛餐(平日$368)」仲有刺生串燒炸物任嗌，出面又有沙律區自助熱葷區壽司區甜品區🤣湯底揀左壽喜燒+沙嗲湯😙味道唔錯。今次由5點食足3個鐘到爆場🤭食到捧住肚走，好飽飽但好滿足😋❣️贈送嘅日本和牛極高質，雪花紋路平均，油花細緻❤️✅澳洲M5和牛質素無得彈，嗌左好轉都一樣咁高質✅無hold單、無扣單，點幾多俾幾多份量好足👍🏻✅刺生: 款式肯定多過酒店自助餐！有新鮮帶子，大大隻赤蝦✨，劍魚腩等12款刺身✅海鮮: 推介生蠔(回本之作)、海蝦(新鮮)、蜆(浸得好乾淨無沙)🥰✅飲品: 幾款啤酒選擇🍺💯罐裝汽水、包裝果汁、樽裝茶，亦可以茶包熱水泡茶✅特別推介: 炸饅頭🤣新鮮炸起點煉奶真係無得輸🤤

最近經常都喺屋企食飯但將近朋友生日🥳都要比面食返餐好嘅然而依家好多餐廳都做緊不同折扣今次友人揀左間旺角火鍋放題因為有2人同行1人半價優惠終於可以放肆任飲任食返餐啦💪🏻餐廳分別有3個等級可供選擇而我就揀咗澳洲和牛餐除咗肉食 就連刺身,海鮮都有得任追 👅🐮 M5和牛首先入座時會附送一客M5和牛油脂分佈均勻 入口即化 脂香豐膩雖然如此 但肉味也不被蓋過乃保持那牛肉的羶味❤️相當高質🥢 刺身除了基本嘅三文魚,吞拿魚,赤背等還有晶瑩剔透的珍寶帶子任食💕每款都鮮味十足 而且叫幾多就上幾多📣相比平時嘅放題好多時都會甩‘刺身’單🦐 海鮮呢度嘅任食海鮮質素亦相當高質就連廣島蠔,蟶子,象拔蚌都有👏🏻夠鮮甜美味選擇多元化😆感覺食多兩轉都回本了🍡 丸類除咗平時基本嗰啲牛丸,墨丸,魚蛋更有麻辣小籠包,魚皮蝦餃,乾貝燒等🎉有別於出邊的火鍋店 較為有特色而我個人最推薦牛蒡丸🙌🏻淡淡甘香牛蒡味🍨 甜品不得不讚讚餐廳亦都好注重衛生可能因為甜品區比較鄰近出入口位置所以每款甜品都會用蓋蓋好令到我都食得特別放心😝

好耐冇個仔仔食飯，佢係一個大胃王，每次都搵抵食又好食嘅餐廳同佢食，呢度做緊第二位半價，確係抵食。一坐低就自動送上刺身拼盤及M5和牛，佢哋嘅刺身都幾有水準，款式亦都好齊全，連鯛魚及劍魚腩都有，珍寶帶子及甜蝦亦唔錯，反而吞拿魚刺身有少少驚喜，最後嗌咗三轉刺身。基本上我都試齊和牛、牛肩肉、黑豚肉、豚腩肉，當然和牛係最出色，牛肉味濃，有少少脂肪，煮得耐亦唔會太易老，前前後後食了5盤。佢哋嘅蔬菜及丸類亦十分齊全，麻辣小籠包、白魚蛋、炸響鈴都有水準，每款食少少都已經令到自己10分飽。我亦好鍾意佢哋飲品選擇好多，亦有好多懷舊飲品例如沙示及jolly sandy 等。最後亦有雀巢雪糕，又飽又完滿的自動餐。佢哋嘅服務都做得好好，執枱執得好快，每次點完食物都係幾分鐘內就到。