影片
过埋今个月八宝清汤腩就要结业喇，祝您一路走。Lunch 唔知食咩好呢，本来想食返上次好好食既猪扒，但兜左几个圈都唔记得左系边添，还掂咁耐无黎八宝，是但啦。净清汤萝卜牛腩走葱，专卖清汤萝卜牛腩既居然无萝卜？仲要用生菜顶档？价钱差好远架㖞。一睇落去好明显系牛展，唔系牛腩㖞，莫非转左我唔知？还是取考呀？我系要净牛腩既。等我数数先，瘦肉两旧又干硬又有渣，牛展四件咬好胶有咬口，剩返四旧肥腩，虽然坚肥，不过口感好滑，肉质软棉，食落又唔系太过油腻，可以接受。汤底唔够热又劲淡口，想点呢？汤底淡如水，揾辣椒油救命先得 ﹗但帮唔到几多，微辣不香，油味重，唉 ﹗以前既热腾腾美味药材清汤去了那里？嫩滑入味靓牛腩无埋，连香甜多汁既萝卜都唔见左，咁仲黎八宝食咩呢？炸鱼皮，非常香脆㖞，但净食对我黎讲有点咸，都系浸汤食好好多。掉落汤发出勒勒声非常悦耳，好鬼 high。净清汤爽腩走葱，真系全部爽腩㖞，无揾笨，多谢师傅。松化、软棉、弹牙、黏黏、胶胶，通通有齐 ﹗仲要牛味浓郁香甜，材药味突出，好食到震 ﹗腐乳通菜，虽然系旱通，但翠绿爽嫩又多汁，沾上大量腐乳酱非常香口惹味，大注大注塞入口，美味非常。牛肚河，金钱肚十分爽弹，而且吸尽药材汤精华，一咬爆汁非常甜美。河粉硬净滑滑，还可以啦，我喜欢软棉既质感呢。云吞伊面走葱，估您唔到系鲜肉云吞㖞，肉香无穷，肉味浓郁非凡，肉汁微渗甜美，外皮滑滑，比得上招牌清汤腩。伊面有点硬，总好过腍劈劈，算合格。萝卜够甜够嫩又无渣，充满水份够湿润，good ﹗
继续阅读
同事都算系哩度嘅常客咯，因为听佢讲佢应该都已经帮衬哩间八宝清汤腩都已经4、5年喇，真系好神奇，到宜家都唔觉得厌，仲话间铺搬左，要我一齐去。卒之，我都跟咗佢去食翻一次。点咗招牌嘅清汤腩，上台之前我专登望咗下周围环境，都算干净，人又几多，清汤腩性价比十分之高，首先就系分量就好多喇，牛腩哩啲肉吖都好多，超乎意料，牛腩其实本身质地比较0韧，不过经过熬制之后就变得好霖，入口好易咬，汤底嘅话就有小小咸咸啲，可能系我嘴比较苦？近排少饮水，面就比较一般，不过可能汤咸咗之后咧，个麺就好够味喇，哈哈哈，Q弹程度一般，不够性价比已经好高喇。
继续阅读
呢几年间落开去红磡做嘢都会去八宝清汤腩食我最钟意嘅牛宝同牛丸o 其实系呢D小店食野, 环境当然比不上连锁快餐店, 但有的是现在城市中已渐渐消失的......人情味! 昨日又有机会去食腩, 点知见到贴出结业的通知o 问下老细点解呀, 老细话业主加租顶唔顺啦! 因店子太细座位太少, 做埋都吾够交租呀o 哎~ 香港就系咁架啦, 租金太贵, 小店一间间的消失, 想食D好嘢都好难咁! 既然来到, 估计结业前不会再来, 唯有尽情享受呢一餐o 点了最爱的清汤萝卜净牛宝同牛丸, 味道如旧, 该腍的腍该爽的爽, 水准依然! 真的有点吾舍得牛宝同牛丸呀, 希望正如小店所讲啦!
继续阅读
你钟情于食牛吗？虽然知道哩个动作并唔环保，但系我却无从抗拒牛肉既骚香。噤系香港有好食既牛腩吗？华姐既清汤腩质素四平八稳，新仙退一百个大步，九记水准飘忽且成自由行食堂，群记路途遥远，去得来都已沽清。讲来讲去，都系没有一间令我有种惊艳既感动。但系八宝，佢俾到我。第一啖汤，就知道佢既口味系行偏锋路线，除了清汤必需既牛香外，仲有浓郁既当归味。无错，就系很台湾的那种药材汤头，如果你去台湾爱吃羊肉炉之姜母鸭、药饍排骨，八宝既汤头你会一试倾心，肉香、药香既回甘绝对令人难忘。噤，主角牛腩呢？为了一试其手势，我叫了三宝，姐系爽腩，坑腩，崩沙腩。最爱既爽腩软淋而不失咬口，兼具有浓郁牛香。坑腩入口一咬已经化开，肉味最浓，虽则对我来讲就偏淋，但完全没有塞牙既软淋我并不抗拒。崩沙腩，连筋膜和肉兼具肉味同口感双重享受，相当不错。而更为重要既系、三寳浓厚既牛香更托出碗中萝卜的清甜，一浓一清，相互辉映，提升了味道上的层次。总而言之，八宝未必人人受落，但唔计其偏锋汤头的话，其牛腩质素相当之高，一定系我三甲之选。P.s.粉面质素平淡无奇，且飞水不足会冲淡其浓汤，我建议大家叫净腩，配捞面或叫浄面填肚便够。
继续阅读
突然好想食牛腩，所以先黎到，见到openrice咁好评就试试啦。叫左牛腩面，食落，觉得好普通首先汤底，好重萝卜味，但当中，带左好重嘅鸡粉味，所以已经大打节扣。牛腩，普通，真系无咩特别味道，其实简单，就煮得好味，都要功夫。最后，面底，爽，唯一我觉得会俾分嘅地方。最后顺带一提，辣椒好好香，呢个值得加分。讲真，呢个价钱，但食物系咁，平时街边见到20几蚊一碗嘅牛腩面我都会enjoy得多，有小小唔值。
继续阅读