八仙餅家

营业中

休息中

原本想買細個既老婆餅，但店員話師傅整唔切，淨係得大老婆餅賣，咁都買黎試下啦！大老婆餅無論面積定厚度都絕對對得住佢個名😂有成隻手掌咁大嫁！仲幾厚身添。切開佢黎食果陣，發覺個餡有少少黏度，本來冇咩期望都覺得應該唔差果然！有驚喜！好食呀老婆餅！皮薄餡料足，老婆餅整體軟屬，冬蓉餡係用新鮮冬瓜打成蓉加入麵粉、糖同油整成既。個餡口感煙韌，有少少漿口，真係估佢唔到呀！我中意！味道方面，較清爽唔油膩，唔會好似平時食果啲老婆餅咁甜，認真品嚐，會食到一陣冬瓜既清甜、清香～不過，因為大老婆餅份量大，一個人食曬會膩，食到最尾會覺得越黎越甜，所以最好同身邊既人開心share雖然有小桃酥買，但都係揀左大既><合桃酥好大塊，都幾墜手。試一啖，超級酥脆！合桃酥一咬即開，仲有「咔」一聲，質地鬆化，啲碎會食到成嘴都係食到有雞蛋既香氣，味道調得啱啱好，唔會過甜。澳門出名既手信專賣店既合桃酥係淋淋地既，落左好多豬油，但八仙既合桃酥食落鬆化，用既豬油較少；甜度都低，感覺較為健康。合桃酥表面有幾粒瓜子，但其實起唔到好大作用，食落唔覺瓜子既存在，因為合桃酥本身已經好酥脆、有咬口，唔洗瓜子增加口感都冇得輸！我啱啱食完

話說阿媽睇完東張西望就話好想食八仙餅店嘅皮蛋酥，於是今日就去咗買，企左係門口有幾秒我呆左。。。未到中秋條龍排到去7-11排咗半個鐘終於到我，皮蛋酥名副其實大件夾抵食原隻大皮蛋配埋少少甜嘅薑味道真係OK！支持老舖小店

2018年5月2日， 朋友睇完電視東乜西望介紹，見我路過叫我順便幫佢買， 價錢8蚊一嚿， 咁我自己都買一嚿試下啦， 一咬 有甜味但係唔係麥芽糖味 係白砂糖嘅味道 亦都冇麵粉香味淨係食到油益味所以即刻到咗成嚿掉咗落垃圾桶！ 等佢仲話 出邊緣人一粒粒嗰啲係大陸己做㗎我哋手做先係一條切， 但係我鄰居嘅伯伯話， 你哋而家啲人唔識，佢的朋友做廚房做點心梗係知啦，因為佢懶所以先係一條條扁條切，要做到一粒粒手做要dd功夫 其又懶唔想做不如直情唔好賣馬仔啦，賣其他 真係整得好食嘅嘢咪算

我比較鍾意食老婆餅，之前都食開恆香，不過今次經過呢間八仙餅家都幾多人買，就試下佢啦，上網見係合桃酥同皮蛋酥多人推介啲，但我已經鎖定目標，又就黎開飯，所以只係買左一款黎試，下次再試埋合桃酥啦~老婆餅有兩個size，正常size就8蚊個，細嘅就4蚊個，買左個細黎試，個皮冇甩皮甩骨，冬蓉餡都幾香甜，而且厚身啲，恆香一個好薄身同皮甩左一半，味道其實都有啲相似，價錢平少少啦，所以下次可以再嚮到買黎食近啲嘛~

因為睇電視話呢度有手造馬仔，專登走去買，點失食完好失望。貴都算，8蚊一小件，2啖就食完。完全無蛋味，無麥芽糖味，只得甜同豬油味。。每咬一啖都痴哂牙。。都係搵唔返細個食既馬仔味。。。

和媽媽專程去八仙買皮蛋酥， 除左皮蛋酥， 仲買左3個老婆餅，老婆餅個size大過塊面， 真係好低食， 另外仲買左3個皮蛋酥， 講真羅上手都幾重下， 同埋佢地d伙計真心聽到客人的需要， 服務好細心， 雖然係大陸姐姐， 但佢地快得來唔會無視左你既存在， 呢點真心重要， 呢d服務只有小店先有呢d人情味。皮蛋酥真心好味， 綠豆蓉唔太甜同薑蓉一起剛剛好， 最令我覺得驚訝係佢用原隻皮蛋，而且價錢唔太貴， 我覺得物有所值， 讚! 宜家香港好少有呢d良心鋪頭， 出去買大牌字通常都一開四嫁啦， 所以如果行開心水涉， 記得去試下呀😄😄😄

因為要買月餅給家人和自己過中秋，於是上網搜尋一下哪間傳統餅店有單個裝月餅出售。見這店的月餅和唐餅有很多好評，於是來買東西試一試。皮蛋酥($15)：新鮮出爐，好香。體積比其他餅店的大很多，可能因此價錢亦比其他店餅店貴。外層烘得很漂亮，非常鬆脆而不太油膩。中間很大粒皮蛋，加上甜而不膩的蓮蓉和微微酸甜的紅薑，口感非常豐富。吃罷整個，很飽肚。五仁月餅($55)：感覺厚度是比一般月餅厚。果仁非常多，有肥豬肉粒但份量不多所以不會太肥膩，口感豐富。餅皮不會太膩。整體口感很好。

八仙餅家，自小已經吃過它的合桃酥。現在經常路過，今年決定自行來買月餅，可以自行選配四款不同的月餅，然後會送月餅盒乙個。包裝紙袋可見其老舊歷史，甚有趣味。五仁月餅，果然，我這個年紀的人來說，五仁月餅的確比較難以接受，一來，沒有蓮蓉、紅豆那一種香味。五仁月餅除了欖仁、果仁等等比較硬的果仁類食品之外，還有點兒酸味，令我覺得比較難以接受，還是留給長輩吃吧紅豆蓉蛋黃月餅，這個好像比起蓮蓉更加甜，可能因為紅豆本身的味道亦都比蓮子甜吧，連我也覺得太甜。蓮蓉，因為其實我本人也不太愛吃蛋黃，結果，看見有淨蓮蓉月餅，亦都買了一個。以往經常要在四黃、或者雙黃蓮蓉、雙黃蓮蓉月餅之中，將蛋黃挑走，才能自製淨蓮蓉月餅。味道不錯，惟外皮較易鬆脫，亦顯得外皮較軟較林。

八仙餅家前身是八仙大茶樓，後來茶樓結業，唐餅部則搬到現址繼續經營，至今已三十多年。餅家最出名的莫過於中秋月餅、農曆年的油角以及全年有售的合桃酥和皮蛋酥，是名副其實買少見的傳統中式餅家。今年中秋我也慕名而來，一嚐傳統手造月餅的滋味。坐地鐵到深水埗B出口，向前行到盡頭再右轉便到，來到時已見人頭湧湧，店面放滿一盤盤的散裝月餅，口味多得令人眼花撩亂：雙黃、四黃、紅豆蓉、綠豆蓉、白蓮蓉、黃蓮蓉等等，就連五仁月餅也有4個口味，最後我保守地買了1個雙黃蓮蓉月餅。回家後把月餅拿出來看看，油水挺好的，光亮細緻，不過餅皮不像在連鎖餅店買到的厚薄均勻，這多少可證明是全人手製造。打開包裝，蓮蓉的甜香跟餅皮的煙薰味散發出來，令人垂涎三呎。用刀切開月餅時，感覺有點不順暢，心中難免有點疑慮。可是吃一口時就明白，它口感比較乾，不大黏口，也不甜膩，好吃得不得了！依我的推斷：它的油脂比較少，所以沒有那麼軟滑，不過這反而更易入口，令人不知不覺間多吃了！原來月餅可以這麼好吃，我也不知不覺間迷上了唐餅。明年我就買4個不同口味的月餅，順便要個充滿早古味的鐵盒留個紀念吧！

八仙酒家就確係老字號，因為佢喺我出世之前已經存在，可惜嘅係喺我細個嘅時候已經執咗。八仙原本喺長沙灣道，佢同金禧樓都係我兒時經常幫襯飲茶嘅地方，最深印象係我喺八仙食過我人生第一碗陳皮鴨腿湯飯，好食到一生難忘。八仙嘅月餅，味道我已完全冇記憶，但嗰個有齊哂八仙喺面嘅鐵皮月餅盒，就滿有回憶。難得八仙舊有嘅唐餅師傅承傳，值得突登嚟幫襯。上年中秋嚟全店已經被搶購一空，今年要早D啦。望入店內嘅茶壼形八仙標誌，係真正以前酒家原本嗰個，老闆突登保留。而月餅係人手製作兼碳燒，完全跟足傳統。唯一可惜嘅係我想買“蛋黃蓮蓉月”，但佢只有“雙黃蓮蓉月”，阿大嬸仲加句：「多隻黃咪抵食D囉！」我答咗佢：「蓮蓉仲貴過隻蛋黃呀阿姐！」小吵幾句，感覺出奇地温馨……

好易認既招牌，店面擺設亦好有懷舊既感覺，似係一焗完就原盤拎出嚟賣，就嚟中秋喇！好多人買月餅，都等咗一陣。合桃酥就係我今日要買既嘢！size係一口再大少少，都幾方便食！如果買得多，佢有紙盒提供既，我今次第一次買就買咗12件，比咗膠袋我~買完之後忍唔住即刻試一個~好好好好味呀！又鬆化又脆，甜度剛剛好，其實喺我印象中，佢算係數一數二架喇！本身對中式餅無咩興趣既我，就因為呢個合桃酥而改觀~我認為絕對要返兜，下次試埋其他嘢先！

朋友請食傳統餅店製作嘅皮蛋酥！原隻皮蛋，內有子薑。現在很少餅店還加子薑入皮蛋酥。很回味！還有芝麻餅，合桃酥，很鬆化，很香。豆沙燒餅，豆沙餡料豐富，皮煙煙韌韌，很滋味！

這是一間老牌餅家，活化石，稀有古董，在農曆新年前的日子，我在此找到少有的軟豆沙角。硬的豆沙角是咸水角的變身，不少年貨食店都有供應，軟的則很難找到。建議隔水蒸10分鐘，用厨房紙吸去油份。懷舊食品，請珍惜。

好多時坐車經過，媽媽話呢間八仙餅店係好出名既， 佢細個都有食，今日響附近睇醫生， 就買返啲野試下。 因為落大雨，又多人，是但選了蛋糕仔，好食的話下次再試其他。 不過我想講個職員態度好差，有啲不可一世的高傲。 返到屋企試，都幾鬆軟，聞落幾香。 食落有少許椰汁味,唔會實的的，又黃金面，只係有點過甜，要同朋友開心share先得😍 有時，希望可以啲老字號可以多點，人。情。味。。。

香港舊式餅店已經買少見少，仲要堅持自己人手造月餅更加難得，今年我就買了淨豆沙蓉和雙黃白蓮蓉。。。雖然淨豆沙蓉，但食落好鹹香，好好味；而且每個客人比完錢老闆還回封利是，呢種人情味實在難得