全記海鮮菜館

营业中

休息中

假期成去西貢，朋友話想食海鮮，行黎行去就食大間既餐廳 ，比想像中小人，上樓上有冷氣。想係西貢食海鮮食到飽可以食呢個餐！全記「溫馨二人世界」套餐份量驚人，兩位未見到吃到四道菜以為唔會飽。一黎就係特濃芝士焗龍蝦伊麵，龍蝦鋪滿金黃芝士，飽肚十足，伊麵吸飽龍蝦膏香氣，罪惡感與滿足感並存。清蒸海上鮮選用巨型倉魚，魚肉嫩滑得用筷子一刮即落。碧綠泡蝦球看似清淡卻暗藏鑊氣，爽脆時蔬托起鮮蝦，蝦肉彈牙度滿分。薑惹炒蟹以大量蔥爆香，吮指回味！附贈的郊外油菜係生菜。最後來碗熱燙燙的紅豆沙糖水，完美收尾。避開假日的西貢人潮，坐街邊位吹海風食海鮮，重可以坐艇出海。

二人套餐椒鹽瀨尿蝦，💀蝦啲肉梅梅爛爛蓉蓉蒸䱽魚，條魚好硬，豉油冇鮮味，仲好腥蒜蓉粉絲蒸扇貝，蒜蓉同粉絲味道好普通，扇貝係雪藏鹼水味，我係食海鮮，唔係食冰鮮呀！粒扇貝完全唔會黐住個殼，滑潺潺，完全吞唔落白灼海蝦，大約12隻基圍蝦，有啲仲要脫殼，冇鮮味，豉油都好差，點解連豉油都可以咁差㗎套餐都唔好咁搵笨，覺得食套餐係cheap嘅，咁你就唔好出套餐俾人哋食，服務態度仲差，特登去西貢chill吓，點知食咗餐咁嘅😵‍💫嘢，影響心情

今日同班同事去咗西貢食海鮮，勁正！首先講吓個長腳蟹二食，蟹肉鮮甜到不得了，清蒸蛋白嗰邊滑溜溜，蒸嗰邊就原汁原味，食落去真係好滿足。再講吓個燒賣同蝦餃，入面啲蝦多到嚇親人，咬落去彈牙得嚟又鮮味十足，真係食到停唔到口。花螺同瀨尿蝦都好新鮮，花螺爽口，瀨尿蝦肉質鮮嫩，椒鹽鮮魷就更加唔使講，外脆內嫩，香口得嚟又唔會太鹹。整體嚟講，呢間海鮮店真係冇得輸，食材新鮮，煮法又夠地道，價錢又不會獅子開大口，下次一定會再嚟！

昨天去食。叫南澳龍蝦兩斤。料都要八百幾銀。上台的應只得斤幾，重要比佢換左隻死龍蝦。揀時好生猛。扎扎跳。我在澳長大，小學已移居當地，可以說是由細食到大。呃不到我的。咁大間鋪都呃人。沒有下次。難怪d人北上消費。呢間餐聽系香港之恥。

呢日約咗朋友食海鮮 去西貢！想出去享受吓食少少，但係又唔想太貴就嚟咗呢間 我諗應該冇勝記 同六福咁貴嚟嗰時見到咁多劣評都冇太大期望點知個服務同埋食物質素都唔錯喎 燒味拼盤中同埋例牌，唔知其實係咪真係有分別？ 唔算特別好味不過有啲嘢落肚燒肉就幾好味個皮好脆！下先發現原來冇雞 叉燒瘦瘦哋我幾鍾意 海蜇最好味 爽口 燒鵝都麻麻哋滷水牛腱幾好味，切得好薄上枱好靚 佢執鞭個汁好好味揀咗個鐘嘅燒味拼盤同埋$118嘅滷水牛腱走落去揀海鮮白灼中蝦 $228一斤 幾先甜好味唔算太大隻 不過味道好好新鮮好容易搣殼果皮蒸鮑魚$288一斤四隻270 加工費唔記得咗呢個係全場最好味 不嬲都覺得鮑魚麻麻哋好食嘅我發覺佢火候啱啱好同埋夠新鮮嘅話係呀咁好味 陳皮都好好味，帶出鮑魚嘅單未 簡單嘅菜式，好正油鹽水浸花甲肉好肥厚 椒鹽炒蟶子就普通少少，聖子爽口，但係有啲瘦東升斑都好正好好味，不過整得有啲熟得滯加咗幾個菜，上湯浸加$10好甜啲最後有碗好好味嘅紅豆沙餸，好舊起沙而且陳皮味香完美嘅句號，同埋我覺得呢度嘅阿姐好有時同親切

琴日啊仔一歲生日，見返深圳咁多人，諗住留港消費，去西貢食海鮮。點知食到一肚氣！之前食過海鮮套餐中曬伏，諗住今次揀海鮮會好D,都係中伏。貴不但之，仲要整得唔好食。我叫左一飯澳龍整伊麵，個伊麵芝士多過D面，食落成口芝士。清蒸南非鮑魚，鮑魚洗得唔乾淨。椒鹽瀨尿蝦，變咗油浸瀨尿蝦，勁多油。薑蔥炒蟹，不過不失。仲有半隻燒鵝同一碟炸豆腐。5大人，2個小朋友，一個一歲，一個四歲，埋單$4000。返深圳一圍都食到。仲有當晚都唔係多人，完全唔夠，無人換碟，攞多張濕紙巾，好似攞嗰佢錢咁。啲菜未食完就收碟，趕住收工。員工全程黑面。難怪冇人嚟香港消費。

______________________________以前都有食過，印象中都唔係咁今次食二人餐真係好失望！假期二人餐共$596，再加$20一個茶位共$40全部份量已經小,最過份係龍蝦發霉既，伊麵一人得兩啖炒蝦球 差椒鹽墨魚 差豉汁蒸黃立倉 差真係完全唔值，冇下次服務係好，但唔會再幫襯，6百幾蚊2個人食垃圾______________________________

放假除了離島，最常去的就是西貢，一落車就打算先去餐廳食左海鮮先，再四圍走走跳跳。隨意地選擇了一間海鮮餐廳，不用排隊可以直入坐低，一坐低會送上花生同魚仔，二樓地方闊落光猛。同朋友選擇了$298/位 二人餐，可以包自選4款海鮮，分別試了以下的海鮮:特濃芝士焗龍蝦 (+$40變開邊龍蝦)如果不加錢，龍蝦肉會碎上，同朋友想食啖啖肉的龍蝦肉，所有決定加錢，每個人有半隻龍蝦。龍蝦肉新鮮彈牙，加上濃郁的芝士汁，十分惹味，底下是伊麵底，伊麵掛滿了芝士汁，很美味。薑蔥炒蟹炒蟹用了肉蟹，所以有不少的蟹肉，蟹肉鮮味，啖啖肉，蟹鉗都大大隻，份量足。加上香氣十足的薑蔥爆香，味道出色，調味剛剛好。蒜蓉粉絲蒸元貝一人一隻蒜蓉粉絲蒸扇貝，味道鮮甜，扇貝上面鋪了粉絲同惹味的蒜蓉 ，扇貝不會過老，加上豉油汁，是不錯的選擇。椒鹽鮮魷椒鹽鮮魷是龍蝦以外最喜歡的，魷魚口感彈牙，有一定厚度，炸粉薄身，不會有油感，加上惹味的椒鹽，很香口，非常推薦。另外跟餐送了清炒小白菜同紅豆沙，兩樣就正正常常。茶位$20/位二樓景色不錯，海鮮新鮮，值得一試。

之蒯落咗兩星期雨，今個星期日天氣咁好，當然要出去玩下，今日我哋就揀咗近郊嘅西貢，吹下海風食吓海鮮。西貢啲海鮮鋪間間都差唔多價錢，所以我哋揀咗有米芝蓮嘅全記。因為樣樣都想食，所以我哋會揀套餐。四個大人加一個小朋友，我哋就揀四人套餐，再加兩個小菜啦✌🏻四人套餐：上湯龍蝦伊麵豉椒炒蜆沙巴龍躉椒鹽賴尿蝦蒜蓉粉絲蒸扇貝生果盤小菜：瑤柱肉碎蒸蛋咕嚕肉白飯兩碗除咗賴尿蝦冇乜肉，其他都大大碟，食到我哋好滿足。海鮮好新鮮，火喉煮得啱啱好👍🏻小菜都好驚喜，小朋友都食到停唔到口👍🏻👍🏻埋單$1888，以全記嘅名氣和份量，我覺得價錢合理✌🏻

We have ordered 2 people set.Deep fried mantis shrimp with spicy saltStir fried clam with black bean and green pepperSteamed fish with spring onion and gingerSteamed scallop with mashed garlic and vermicelliThe portion of seafood was pretty small and the price was relatively expensive. Prefer to go to another place to enjoy seafood.

入座前就吹到上天，米芝蓮，用靚料，貴過其他舖少少係好合理，一入座就sell你升級。揀瀨尿蝦又話沒有，因為其餘都揀咗6樣，只剩椒鹽墨魚可揀，但個墨魚又唔爽，又厚粉，大排檔仲好過佢。水上鮮夠膽比2條倉魚你……，碟生菜仲要黑蚊蚊。其他海鮮都只係正常料，唔覺有咩特別。最後送個果盤，原來只係2個橙，真係多L謝。Black List，無下次。

辣酒煮花螺好好食，加烏冬係神來之筆，唔駛加湯，每條烏冬都入晒味，田螺都好新鮮 是婌聖子皇 keep 到手準瀨尿蝦就唔夠大隻，但係都好食個鮑魚好大隻，唔記得問邊度入口，有些厚，蒸得太熟，好難咬，要俾埋刀叉食會好些兩個人洗咗一千六百元

今次第2次喺西貢食海鮮，第1次嚟本身想試呢間，見到係「米芝蓮最佳食府」而且套餐望落又幾抵食，於是就想去試吓😋不過上次撞正新年太多人，所以就冇去！今次我預先打電話book咗枱，晚上7:00pm準時入席！一如既往呢到都坐滿晒人，我哋坐喺室外位置！我哋選擇咗以下4人優惠套餐，份量加多1位！本來想叫白灼海生蝦同薑蔥炒蟹，不過被告知冇晒蝦同蟹🫠然後我哋見到遲嚟過我哋其他枱有蝦同蟹🥲唔知係咪套餐嘅quota 用晒呢？開心四人共聚（任選5款）-特濃芝士焗龍蝦（伊麵底）-古法椒鹽鮑魚（位上）-豉椒炒蜆-蒜蓉粉絲蒸海元貝-香蒜椒鹽墨魚送油菜1牒+ 糖水😋食後感：-個人覺得以下兩牒係成餐最正常嘅菜式：👉🏻特濃芝士焗龍蝦（伊麵底）～重芝士味味道正常，如果5人份量算，龍蝦肉唔夠食👉🏻古法椒鹽鮑魚～重椒鹽味煮得淋，味道都ok-豉椒炒蜆～冇咩鑊氣，唔夠野味，似係就咁倒啲蜆汁落去嘅感覺，唔入味-蒜蓉粉絲蒸海元貝～其實食落味道係ok正常，但感覺唔似新鮮元貝，似係急凍個隻，個元貝同個扇貝係完全分離🫠-香蒜椒鹽墨魚～等咗成個鐘，催咗5-6次都有先嚟到🫠外面完全唔脆係淋嘅，然後裡面係蒸煮咗嘅墨魚咁，完全冇鑊氣🦞套餐$288

呢日黎唔係為左海鮮，而係試下個早茶我地坐岀面，對住個海，環境都幾好，好舒服點心質素都算唔錯，不過不失，早茶有雙拼選擇，唔使一款點心食咁多，幾啱一兩個人黎食最欣賞係服務真係幾好，啲姐姐好細心，照顧周道，有種街坊feel!

我們從鹽田梓打卡后，回碼頭找海鮮吃，原本去海傍街的全記，但錯入了萬年街的全記，被評為米芝連食店～水準越來越差，別被這些招客手法吸引！我們選了二人套餐，12款任選4款，我們選了以下：1. 豉椒炒蜆～有一半蜆是不新鮮，蜆不開咀，有些還半生熟，劣質！2. 香蒜椒鹽墨魚～油炸到淋而不鬆脆，口感差！3.蒜茸粉丝蒸元貝～还可以！4. 特濃芝士焗龍蝦(伊麵底)～芝士味道不夠濃味，龍蝦適中，伊麵份量比較少，味道一般！整體上，不及海傍街的全記，老闆同一個，但兩店的水準有差別，只能說廚部師傅手勢有差別吧！