影片
庆祝主子大病初愈想出街庆祝. 天下著毛毛雨, 就食个饺子吧.喺深水埗, 选择多的是. 但系, 猪脚姜加饺子套餐就只有全记先至有. 店舖光猛干净. 一入门口就系厨房, 一碗碗汤饺就系喺呢度制作. 假如你有选择困难症, 唔使惊 - 姨姨唔会吹你落单. 慢慢睇. 如果啲combo夹唔掂, 唔使惊 - 姨姨不厌其烦地介绍他们的出品： 饺子, 猪脚姜, 炖汤等. 亲民有礼.上菜非常之快. 芫茜香饺皮薄, 馅靓. 猪脚炆得入味, 入口融化. 姜系清香, 卤水蛋吸晒啲汁, 食到舐舐脷. 微辣,甜度和醋的比例调教得好. 汤饺个汤, 饮完唔会口渴. 普通汤饺40蚊有八只, 价钱十分均真. 其他饭和炖汤, 价钱亦亲民. 我食最豪就系呢个八只汤饺加猪脚姜combo, $85. （包嘢饮）他们有个自助小菜station, 有腌萝卜, 麻辣菜脯和耳根. 腌菜爽口美味, 饺子系主角, 都要有绿叶扶持 - 正. 食完去收银找数, 有位熟客专登揸车嚟买饺子返屋企食. 姨姨正在煮紧一锅汤饺, 她抬起头来问我, "我嘅饺子, 好味吗?" 笑容可掬. 我微微点头回答, "掂! 下次见!"
继续阅读
今日原先系谂住食另一间饺子， 但行过去途中见到呢间有埋猪脚姜食。因为朋友系钟意食猪脚姜，所以就入去试下。叫咗一个 半份猪脚姜+8只煎饺 同埋 8只汤饺（韭菜猪肉同粟米猪肉。朋友话猪脚姜好入味，佢系好钟意食𠮶旧姜，佢都话好味。我就食咗只蛋，都真系唔错。饺子都一般饺子差唔多。
继续阅读
喺附近做完嘢，天气冻又想饮啖汤，见到呢间食饺子有炖汤，一于嚟试吓。未入门口已经见到好吸引嘅*免费自助小食区*😂有酸萝卜、泡菜、花生拼腰果（不过腰果得返两三粒🤭）👍🏻👍🏻环境都几干净企理👍🏻每样都好似好吸引，今次试咗*冬菇马蹄汤饺*饺子皮又薄又滑👍🏻冬菇马蹄清清地几多肉汁👍🏻再加咗套餐担担面，可惜担担面系得清汤。另外叫咗*韭菜猪肉煎饺*食过好多间煎饺都系好似炸饺咁油淋淋，呢间煎饺几啱我口味👍🏻皮薄之余咬落去仲会爆汁👍🏻超级推介！再加花旗参石斛炖乌鸡汤，真材实料，本身系冇味嘅，想要咸啲就自己加盐。
继续阅读
👅双并汤饺（芫荽鲜肉&冬菇马蹄鲜肉）芫荽好香😋 鲜肉肥瘦适中马蹄好爽口，仲食到冬菇嘅香味，两款都唔错👍重点系个汤底完全系妈妈煲冇味精兼好足料嘅味道，好好饮！🫶🫶⭐️花生酱西多士花生酱足料，四边炸得几脆，但略嫌中间有少少油腻🤏环境干净，饺子平价得黎坐得唔迫夹👍姨姨们服务态度很好，亲切又窝心，抵赞！🙌🏻
继续阅读
香港开得越来越多手工饺子店，久唔久我都会去周围试唔同地方嘅手工饺子，今日离开深水埗就试咗呢一间小店都系主打手工饺子，而且佢哋好特别有一个招牌嘅猪脚姜醋，咁啱呢排冬天特别想食猪脚姜，于是就点咗两个套餐都系猪脚姜套餐一个配八只汤饺另一个配八只煎饺饺子口味非常之多，方面选择咗冬菇马蹄鲜肉饺煎饺方面选择咗韭菜鲜肉饺，汤饺嘅汤底非常之出色有惊喜，完全系老火汤一啲味精都冇，系粉葛大地鱼汤汤底超级甜，手工饺非常之大只，里面馅料好充足韭菜煎饺里面嘅韭菜非常之新鲜，而且好香，煎得亦都好香脆，完全唔会觉得有油腻嘅感觉，咬落去仲非常之Juicy！最后猪脚姜醋都好有惊喜，喺一间食饺子店嘅地方竟然食到一个咁出色嘅猪脚姜，无论姜同埋猪脚都非常之腍，姜一啲筋都冇，而且好入味，调味非常之出色
继续阅读
您可能会有兴趣的...