影片
以上资料只供参考，请与餐厅确认详情
非常热爱打卡所有凉茶舖的我行到九龙城见到老字号野葛菜水铺头 决定试试墙上报纸贴片中 最早期野葛菜水只要5文一碗 叫左一碗野葛菜水 温度系暖暖的 味道好丰富 有鲜甜味同时又略带咸味听说系清热滋润佳品 特别适合秋天呢
继续阅读
路过见到街坊买呢度嘅咸肉糭，又见佢啱啱整好，热辣辣，就买咗一只返屋企。价钱比较贵， $40一只。所以对佢期望几高。返到屋企食，好足料。有糯米，绿豆，肥肉，咸蛋，小元贝，虾米。有意外惊喜！值得介绍。又买佢嘅凉茶，但等有机会是在来出post
继续阅读
刚去完北京旅行，由于餐餐火锅、涮羊肉，而天气又干燥，所以返到嚟香港D火出晒嚟。 成个星期试过中西合壁方法，但D飞滋都唔谢&喉咙又肿又痛 （T.T）一早约咗成班friend去九龙城打边炉，心想今次无得开怀大嚼喇。提早过去九龙城逛吓，买吓泰国小食 。 逛到衙前围道，闻倒煲凉茶嘅味道抬头一看原来有间凉茶舖。吸引我眼睛喺"廿八味" 呢3只字！阿姐见我企咗喺度睇每款凉茶嘅工效就问：廿八味同野葛菜都好咖，清热解毒 ......。"无错中晒呀", 顿时间似见倒医师问症咁，即刻将我嘅病况话佢知！阿姐极力推介下就要咗一支廿八味，希望帮手扑吓大热气同燥火，顺便为之后嘅火锅晚饭打吓底，唔想咗火上加火喇。阿姐温馨提示，如果觉得太苦就食枱上嘅凉果送啦。心想廿四味都不时饮啦，多四味ok啦。哗！唔系讲笑从未试过咁苦嘅凉茶，好苦呀！！隔离嬏嬏见我𢲡埋囗面个样都觉得好笑，不停话呢D苦囗良药呀。讲真呢款廿八味几浓缩，黑蚊蚊，但系饮完成支后，囗腔感到甘甜味久久不散，可以减轻啲肿痛呀！感觉良好。
继续阅读
崩大碗不是处处有卖, 最喜爱此家崩大碗, 够味, 无沟水 我次次去九龙城, 都一定去此处饮番杯"绿水" 清下底 最近太湿热, 又打边炉,食过串烧,大闸蟹,韩烧, 再加自助餐, 毒素太深; 暗疮最老实, 整个下巴填满晒... 干左支绿水之后, 好似有明显反应, 起码放左d湿屁, 清左d宿便 , 感觉良好, 无肚胀了~(PS 太夜光顾好似淡味d, 都系果句~早买早享受)间铺事头&员工好好人, 整日都笑笑口, 呢d态度好抵赞 一杯$7,一枝细$15一枝中$23一枝大($45) 忘记几钱了.我多数买中size 自己独饮
继续阅读
我阿妈是九龙城常客, 由于常在对面街市买菜, 所以对附近有什么好吃知之甚详, 今天我们举家过来吃饭, 她就带了我来喝她不时都会买回家的葛菜汤。店面招牌声称这儿已有五十多年的历史了, 几乎人人来到九龙城都要在此饮番杯凉茶。是日天气炎热, 店员阿姐便招呼我们到店内坐。先来一人一碗生鱼葛菜汤 ($9@), 在别处喝到的葛菜汤要下盐, 这里的就不用了, 因为已够咸, 入口有点点甘味, 又有少少感冒时喝的那种咸咸的凉茶味道 - 是日我有点儿作感冒, 它就正中下怀了。要清热, 除了葛菜水, 还有龟苓膏 ($20, 冷热同价)。阿妈担心龟苓膏会不会像近期某些店子的出品不够足料, 阿姐拍哂心口话老字号真材实料, 真的是每天一早用龟版鲜制, 每一碗要落足 9 小时心机云云。我们看见店子每一角落都有制作中的龟苓膏, 觉得阿姐应该无吹水; 她还给我们半碗装的特别试食版试食, 它比起坊间的龟苓膏滑身, 却没有那么弹牙; 药味劲浓有点带酸, 我得下点糖浆才能将之消灭。吃到后来, 见到碗底有些药材碎, 果然所言非虚。阿姐又说有客人吃了 XX 堂的龟苓膏整个月都不见效, 但吃他们的却两星期已清了暗疮, 为了证实效果是否这么神奇, 阿妈之后再来扫了几碗回家给我吃。后来阿妈还叫了在附近的老爸和地胆亲戚来饮凉茶, 老爸也是喝葛菜汤, 他说有点像他小时候喝的王老吉; 从未来过地胆亲戚则像发现新大陆般说要再来吃龟苓膏呢!店子开朝八晚十一, 随时可以来清清热。
继续阅读