影片
营业时间
今日营业
07:00 - 21:00
星期一至日
07:00 - 21:00
以上资料只供参考，请与餐厅确认详情
光荣冰室别有一番风味，环境好似番去细个帮衬嘅冰室咁，台櫈都系以前个种折櫈，真系好怀旧喔～价钱方面都好经济，我地叫佐常餐，雪菜肉丝米粉配西班牙奄列，西班牙奄列竟然有焗豆，我就麻麻地有焗豆，野饮系冻柠茶，一个餐需48蚊，性价比极高～另一个叫佐鸡扒辛辣面，配火腿奄列，奶油多只需另加一蚊，好抵食，冻饮亦都好大杯，大满足～份量超足够～唯一想讲系铺头只收现金有啲唔太方便😆同埋座位有少少窄～都会继续帮衬，因为性价比高～
继续阅读
点3去到叫咗两个午餐肠仔煎蛋鸡扒面：丰富、好味。水准正常。想讲个重点系本身我嗌常餐加肠仔。侍应姐姐话不如你嗌呢个杂锦面餐仲抵唔使加钱，觉得佢好老实主动同我讲。葱油鸡扒饭：鸡扒极大块煎得好香，葱油唔会太咸，又唔会系甜味，个汁味道啱啱好。最正系杯奶茶，奶同茶个分配啱啱好。茶餐厅最紧要就系杯奶茶。冻热都好饮，个人推介热饮。由于质素好，对佢啲食物有信心。食到两点叫多份茶餐嚟食😋😂块猪扒好香脆完全唔油，所以食到咁饱都唔觉得腻。叫半份西多士但好厚，如果连锁店呢个系一块嘅份量。西多士中间仲要有馅，好邪恶，但好味！呢个脂肪值得比，豪俾佢😆由于太好味挂住食，食完个午餐先记得要影相，净系得茶餐相一张😛 我见到斜对面颇为上年纪嘅阿叔都忍唔住同食物打卡，好得意😂 证明都几有吸引力👍🏻仲有，个姐姐好细心未到两点帮我落住单先，一到两点即上食物。又要俾个like佢👍🏻呢间一定encore
继续阅读
【屯门区】【光荣冰室】今日光荣冰室嘅屯门店正式开始试业，由于大量战友身处深圳山姆超市血拼，所以留港消费呢科嘢都系由我顶住先啦。然而，我打个比喻，足球嘅香港队喺世界上系一支中下游嘅弱旅，但系我作为香港人系一定会支持嘅。咁同一个道理，香港人搅咗光荣冰室出嚟，我支持吓都得挂，道理好简单。本身想叫下午茶炸髀，但佢开张冇几个钟，侍应话未有都冇计。咁就叫 $48 嘅全日特餐啦，「鲜牛肉汤意粉」免费转「出前一丁」，配埋「火腿奄列」同「牛油方包」，我加 $1 转「奶油多」，嘢饮我就饮「热奶茶」嘅。个鲜牛肉冇乸到冇质感，有惊喜，个奄列整得有啲老，奶油多正常。热奶茶就茶味几浓，好饮。补多件 $26 嘅「西多士」，我落炼奶，佢系一片冇馅𠮶只西多，即炸即食都可以。价钱 $75，都系食个情怀嘅，我谂大家都理解。。。（地址：屯门河傍街155-165号雅都花园商场10A地下）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am屯门区 #屯门 #光荣冰室 #全日特餐 #鲜牛肉汤意粉 #出前一丁 #火腿奄列 #牛油方包 #奶油多 #热奶茶 #西多士 #1am1266 #1ambackup
继续阅读