光榮冰室 (鴻威大厦)

营业中

休息中

今次已經係第N次幫襯光榮冰室，不過每次令我考量嘅原因就係太大份，以一個普通女仔嘅食量根本無可能食得曬，我諗呢個份量係比從事體力勞動工作嘅男人食就差唔多，因為個份量真係超級CLS!蔥油雞扒一直係佢嘅招牌菜，通常我都鐘意食太陽蛋，不過如果外賣黎計會變左熟蛋，所以唯有食炒蛋，炒蛋外賣依然保留少許滑溜，值得一讚！個蛋舖滿成個飯面，我估計至少用左兩至三隻蛋。蔥油咸香味好正，雞扒煎得岩岩好唔會過火。食完呢餐晚餐我都無食，因為食唔落如果可以，希望餐廳出返一個女士份量我只係勉強食得曬塊雞扒已經真係滯足全日

下午茶 G 吉列豬扒配西多士（$35）+ 紅豆冰（$5）份量超大，咁嘅價錢簡直超級抵食。吉豬有用咖哩粉醃味，唔會炸過火乾爭爭（唯一可惜是油咗少少）。西多用厚方包，包中間仲有餡（呢件又唔油喎）。紅豆冰超多豆而且煮得啱啱好，軟硬適中。食完超級飽。

火榮企理出品, 地方乾淨企理, 光榮出品唔錯嘅茶記... ✌✌✌好耐冇食過咁好味嘅咖喱牛腩飯，原全係兒時嘅味道，咖喱香辣味又適中，唔太喊又唔太辣，牛腩唔散有趙口，又唔會黐呀，D飯又有飯香，一定要再試其他咖喱嘅產品⋯最出色竟然係佢杯奶茶，又滑又香，真係好耐冇飲過一杯咁正嘅杯茶⋯一定要搵日再嚟過試其他嘢⋯ ✌🏻

香港人食早餐相信有一種情意結，入來茶記緊係會有沙嗲牛肉麵啦係咪呀？！而且個個都係專家咁！由細食到大，基本上大家都可以食沙牛食到好似評全民造星參賽者咁，師兄一放低碗麵就開始由外表評分，呢個得呢個唔得，都未起音樂就知入唔入到圍啦！對我泥講凡事唔好睇表面。叫完餐之後，一位用譚仔話既靚姐，拿住呢幾包味粉同麻油走埋泥，細細聲貢話：唔好出聲啊！比你地自已加落去！😂😂😂好似有國家機密話我知貢！我話：靚姐！我唔係第一次泥！我以前食過，你唔孕得禾！比你笑死！😂😂😂😂一早食早餐，亞姐同你夠膽玩！你話幾開心呢🤣🤣🤣後來發現，佢哋成班伙記都係貢！有人入單，入單哥仔就同收單既靚姐講，有禮物比你啊！其實係張單泥！咁在旁邊我睇住呢份工作氣氛都會影響食客都會好開心！😙😙😙食物睇下相片介紹有詳盡分享😇😇😉😉💪🏼💪🏼

今日星期日休息，成日行過光榮冰室都冇乜機會幫襯，難得食飯時間冇咩人排隊，走咗入去食個靚飯~！！💛💛支持下黃店。入到去環境都幾乾淨，雖然坐位較為狹窄，店舖細小，但好有舊式冰室嘅感覺。食物方面，就叫咗大部分冰室同茶餐廳未必有嘅三鰻完蛋飯（鰻魚滑蛋飯），同好耐都冇飲過嘅紅豆冰，都只不過+$5就有，。份量適中，味道方面，滑蛋超正，加上啲鰻魚燒汁同木魚碎，突然令到隻蛋昇華左（誇張Mode）；但鰻魚就一般好食，如果可以燒到有啲焦焦地，咁就更加好食啦！碟飯攞嚟嘅時候，啲木魚碎仲識「旭」。紅豆冰應該落左椰奶（因為飲到有陣椰奶味），唔太甜，好過淨係淡奶加紅豆咁甜爺爺。🥤🥤價錢方面，個人認為碟飯同其他日本餐廳食嘅鰻魚滑蛋丼都算有得fight，唯一冇得Fight嘅，就係絲苗米同珍珠米嘅分別。所以如果想食唔到鰻魚滑蛋丼嘅話，性價比上粗粗地喺光榮冰室食都可以~！順手支持下黃店~！！💛💛

每次睇啲食評或者IG post,都會想食光榮冰室嘅叉燒滑蛋飯，但係今次嚟食🥺好似同之前睇嗰啲相、同埋食評有啲出入😢個叉燒滑蛋炒得好似冇其他相咁靚，可能今次有少少失準，個人鍾意滑得來有口感嘅滑蛋，但係呢個就好似整到一Pat野咁🥺另外食食吓仲發現有啲蛋殼添🥺但係朋友嗰個就好似幾好味個蔥油雞扒飯好似煎得幾靚🙈下次再嚟可能會試吓🤍相信平時光榮冰室應該會好少少（？）下次會再嚟幫襯睇吓係咪真係一時失準😊

早排喺旺角做嘢😌見去旺角就特登去呢間餐廳幫襯下😙我就叫咗一份光榮早餐🥣 早餐包括有茄汁焗豆、牛乳炒滑蛋、雞肉腸、薯餅同埋吉列魚柳😋係我暫時食過最豐富嘅茶餐廳早餐！薯餅同埋吉列魚柳食落去外脆內軟😙茄汁焗豆食落去酸酸甜甜😝啲蛋食落去都好滑口😌 牛乳味都好香😍 雞肉腸食落都好彈牙😋如果大家有興趣可以過嚟呢度試吓佢哋嘅早餐！我就外賣拎返去食 疫情關係都係係室內食安全啲 因為我見餐廳嘅環境都唔算太乾淨🙈

學校雖然唔係附近，但係偶爾想食飽啲既時候都會特登行咁遠黎食光榮，只可以話真系正既，扣底都食得好飽好飽，最中意個咖哩汁，同埋個雞排，前者濃稠惹味，後者多汁嫩滑，仲要咁既價錢，只可以話系學生福音( ≧Д≦)

旺角光榮冰室，永遠都唔會令人失望嘅好推介！佢D沙嗲牛肉公仔麵，件件大嚿又好味，沙嗲味道係同大光麵好拍檔，大光麵質剛剛好，彈呀又有趙口！抄蛋又夠滑，配上厚多士絕對係絕配！杯奶茶又夠香香濃，值得再次推介✌🏻

出名好食嘅餐廳唔需要用太多文字去介紹，基本上入到舖頭就好似選擇困難症上身咁，樣樣都想食，好辛苦終於唸到食乜！職員落完單，非常快速就有得食，所有食物溫度適中。沙嗲牛肉麵餐 $45依碗麵簡直係小時候的味道，麵的軟硬度適中，湯底亦唔會太鹹，食完非常飽和。蔥油鴛鴦扒飯 $44依碟飯真係勁勁勁好食，個蔥油香到不得了，超級好味，好味到連最後一粒飯都想食埋，跟餐有兩塊扒（一塊係豬扒一塊係雞扒）煎得恰到好處完全唔會乾令到肉非常Juicy，原來你覺得唔夠仲可以叫職員加蒽油，真係好窩心服務。味道：💛💛💛💛環境：💛💛💛價錢：💛💛💛5x💛為最高回頭度：8/10整體而言我覺得依間店舖食物質數高，款式選擇多及吸引，非常值得食！📍旺角花園街3-5號鴻威大厦地下12-13號舖

不知哪來的渾人，在今時今日的香港，竟然不遵守政府的規定，進入食店不用安心出行，令部分優質食店遭殃，被禁制晚市堂食14天，生意大受影響。這間我一向喜愛的冰室正是近期的受害者，既然不可以在這冰室吃晚餐，那便來吃個早餐支持一下它吧！這冰室的豬扒與雞扒一向不俗，這天就不如吃個「招牌煎豬扒麵」吧！吃的是出前一丁麵，這兒吃丁麵是不用加錢的，在湯麵裡倒下另上的麻油和味粉，正是以前晚上在家肚餓時吃宵夜的味道。這裡的豬扒確是不錯的，夠大件，肉質好，味道佳，口感也好，是有質素的煎豬扒。也包括在這早餐內的「西煎雙蛋」與「牛油方包」相對起招牌的煎豬扒可不是那麼好，雙蛋裡得太熟，裡面的蛋汁並不多，牛油方包也不夠熱，只是平凡之作，幸好我的走甜「熱奶茶」還不錯，不會奶味過重，也不會流於苦澀，水準不差。埋單計數，$39 不用加一，不算便宜，可也不算特別昂貴，路過吃個早餐，支持一下這冰室，何樂而不為？

今日叫咗兩個煲仔飯，一個臘味煲仔飯，有一條臘腸，一條潤腸，三片臘肉，兩片臘鴨，感覺好油，味道一般，另外叫咗一個蔥花鯇魚腩飯，啲鯇魚好薄，份量太少，味道一般，都唔明點解咁多人排隊

有晚收工行出旺角，唔知食咩好，天氣轉涼，見到光榮冰室無之前咁多人排隊，又見已經有煲仔飯，所以一心諗住食下睇下咩質素。環境有少少舊式冰室設計，侍應姐姐都好快手快腳，因為煲仔飯比較耐所以排隊個陣要叫定先，坐低左之後，位置有啲窄所以我攬住左個背囊，點知侍應姐姐見到就好禮貌話比張凳我擺，呢個好驚喜，睇食評話服務態度差，我完全唔覺得，態度仲好友善，我叫左窩蛋牛肉煲仔飯，好夠鑊氣，煲底飯焦剛剛好，唔係hea整，值得再去

今日係旺角要一條友要食嘢最好就係揀啲平靚正嘅茶餐廳然後就諗起光榮冰室因為佢真係符合晒平靚正星期六嘅下晝兩點幾喺門口排咗2分鐘就入得嚟到光榮最想食嘅就係叉燒滑蛋飯/蔥油雞扒三蛋飯而今次就係食前者即係叉燒滑蛋飯照舊炒到好靚啲蛋一啲都唔會老符合返個飯嘅名叉燒滑蛋飯然後我次次食呢個飯嘅時候都會覺得究竟啲蛋係唔係唔使錢個樣又好黃好靚食落又好好食但次次食都係勁多蛋勁多叉燒所以食完啲飯真係好滿足然後加埋杯凍檸茶先好似$50左右真係平靚既良心餐廳

今日同事請食tea，因為有同事想食生炸雞髀🐔🍗，所以揀咗呢間冰室，⏰14:00係網上外賣平台落單，叫咗9個下午茶餐，合共$357，最後14:45到，我點咗🐷豬扒包🥯+沙律🥗+凍檸茶🍋$39，嚟到個陣個包有烘底，包面仲係脆卜卜，暖暖哋，豬扒煎到金黃色💛，肉質好鬆軟，食完真係好滿足，呢間冰室值得Encore！👍🏻