光榮冰室 (鴻威大厦)

营业中

休息中

懲罰黃店定懲罰自己？竟然唔駛排隊有得入！之前未有機會食到三鰻完蛋飯，入到去先知原來宜家無左。唯有食個開心浩園餐 - 三眼仔雞扒飯 $49，上枱見到三眼仔有隻眼爆左，係全熟蛋！另外兩隻只係啜到少少蛋黃，失敗。塊雞扒好大塊，炸到少少脆，但肉質老，又硬又柴皮，失敗。連個白飯底都硬身，無埋蔥油得豉油，真係好失望！明明之前食過尖沙咀分店評價唔錯，今次係退步左定分店問題？快餐$45連飲品，叉燒滑蛋飯 叉燒夠大件，但有啲柴皮，滑蛋就正正常常。

「光榮冰室」出名原因係人都知，爬文人人都係叫嗰三四款碟頭飯🤣亦見好多人讚價錢好合理性價比高，凍熱飲都唔使加錢，小編充滿期待🤩。三眼仔雞扒飯($49)••••••茶餐廳出品嚟講真係好IGable又gimmick☺️食落就真係好一般😅😅三隻太陽蛋幾好嘅，蛋黃流心，飯粒夠乾身挺身，my cup of tea😁豉油多啲更好。弊就弊在塊炸雞扒👎🏻無醃過無調味，咬到你牙軟嘅白雞肉！💔閣下如果唔食皮的話，塊雞扒係又鞋又無味！連皮食都只係有味少少...點葱油雞扒飯可能會好啲🌚。吉列魚柳 配西多士($33)••••••抵食下午茶！吉列魚炸得唔錯，唔會一叉就炸粉同魚肉分離。西多花生醬餡少得可憐，切開十粒得兩三粒食到有花生醬👉🏻👈🏻不過都比快餐店無花生醬嚟得好嘅😅。糖醬用韓國牌子，甜度較低。茶走••••••一般，接受嘅，煉奶俾得夠，但茶底薄，無乜茶香。凍唂咕••••••傳統冰室飲品，唔苦澀喎，甜度低，不過香一定唔夠朱古力香。

三點三下午茶時間～本身見到門口排咗條人龍，都諗定要轉場，點知好快就入得叫咗個極邪惡嘅西多士，一上檯真係嚇親，極大份配炸魚柳，但係炸得耐得濟，無咁好食不過西多士真係超正，雖然食完可能肥幾磅凍朱古力正常～價錢唔貴，性價比高～ 搵日再去多次試其他嘢先～

用餐日期,7月30日,外賣呢一日係禁全日堂食既第2日,亦都係最後一日黎到旺角,無得堂食,都要食飯,咁就搵光榮試下佢個特價飯,仲要包飲品,30蚊,好抵!!12點後供應 番茄炒蛋飯/粟米肉粒飯另外仲有光榮快餐,梅菜扣肉同叉燒炒蛋,不過就45蚊一款,仲有招牌蔥油扒飯比左錢都唔可以係鋪內等,要係門口等外賣,大約5分鐘就有跟編號叫單取貨,肉粒係豬扒粒,仲要粟米多過肉,滿滿都係肉粒,應該係豬扒切丁粒黎既肉粒走甩,健身人都岩食,粟米汁唔算太濃,重口味既人會覺得唔岩鹹但食食下會覺得夠味,飯都超多,一定夠飽肚30蚊無投訴,仲要大大份凍檸檬唔洗加錢,茶味夠濃,檸茶夠香

💛 #黃色經濟圈 今次呢間都係同路人一定會認識嘅餐廳~❤️亦都應該唔需要我多介紹佢有幾黃了吧🤣🍴特餐-蕃茄湯排骨粒通粉($44)我去冰室茶餐廳通常都會叫常餐特餐~🤣今次都唔例外~特餐本來仲包左奄列同方包同餐飲😋凍飲仲要唔洗加錢👍🏻湯底本身有啲羅宋湯嘅味都幾濃蕃茄味❤️奄列好大份配牛油方包正👍🏻🍴快餐-川椒回鍋肉飯($45)快餐係成日都唔同有新意嘅選擇~今次揀左回鍋肉飯都幾正幾入味😋回鍋肉都幾香幾辣好辣人士可以一試👍🏻但略嫌細碟左啲男朋友表示唔太夠飽🤣🍴生炸雞翼($22)雞翼炸到好香脆唔會好乾😋咬落都仲好嫩滑juicy❤️📍 光榮冰室 (旺角)旺角花園街3-5號鴻威大厦地下12-13號舖

「又好食, 又抵食, 又親切, 香港人嘅食堂!」食評一開始, 先來一個總結。疫情嚴重, 街沒什麼人, 很多公司都不用上班, 又因為剛好中午12點, 未到繁忙時間, 難得不用排隊就可以食到光榮冰室。未到繁忙時段, 自然食客食得輕鬆啲, 侍應又做得「他條啲」。這點大家是明白的。光榮快餐 B 一份: 蔥油雞扒飯 + 凍檸檬茶($45)。蔥油加特製豉油汁, 光榮嘅招牌其中一部份, 味道不容置疑! 飯質軟硬適中, 又香又夠熱! 大大塊的炸雞脾, 外香脆, 內嫩滑, 用料又新鮮, 份量充足, 一般OL食客很難獨自完成。凍檸檬茶, 正常水準, 茶味略為「澀」。另外點了「全日特餐」: 蜜汁叉燒通粉 + 火腿奄列 + 牛油麵包 + 熱奶茶($45)。蜜汁叉燒很有驚喜, 叉燒肥瘦勻稱, 充滿蜜糖及燒烤香味, 非一般貨色。通粉及湯底, 水準以上。 火腿奄列都好味, 蛋異常香濃, 火候剛好, 內裡是流動的蛋汁, 可惜「薄」了一點。牛油麵包, 正常, 新鮮。熱奶茶, 屬於同區的頂級。「又好食, 又抵食, 又親切, 香港人嘅食堂!」總結, 再講一次。

疫情期間, 4人一台,  等左15分鐘先入得不過唔緊要 排得隊 應該無走雞'一坐後 見到牆身      三眼仔雞扒飯MENU都無睇 就直叫 依個餐$49 包凍飲一黎到 真係好大份塊雞扒唔記得影但3隻蛋都遮唔哂塊扒, 咩SIZE自己諗下味道正常, 大路茶記野 多甜醬油是常識吧  食飽, 去槍街睇錶先 

「光榮冰室」最近雖然把分店事務擴張至到「旺角」，在「旺角」「花園街」開了新分店。不過「旺角」分店「光榮冰室」跟「尖沙咀」分店有個明顯的分別，就是「旺角」分店未有製作提供「煲仔飯」食品。不過，即使「旺角」分店「光榮冰室」沒有製作「煲仔飯」，仍然能夠吸引大量年輕的食客，慕名在「花園街」「光榮冰室」店門外面苦苦排隊等候，直到「光榮冰室」侍應安排入座為止。另一方面，食客雖然光顧「旺角」分店「光榮冰室」，還是無可避免地需要跟其他陌生食客「搭檯」，但是起碼「旺角」分店「光榮冰室」，至少還懂得在餐檯之間加插大型透明塑膠膠板，讓食客衛生得到最基本的保障。須知道在現在的香港環境局勢下，跟陌生食客「搭檯」同檯對食，本來就是十分危險的行為。如果食店能夠在餐檯用餐環境，加上適量的保護衛生措施，能夠讓食客食得安心一點，即使「搭檯」不是享受，起碼不用擔驚受怕。當我在「旺角」分店「光榮冰室」排隊的時候，無意中發現「旺角」「光榮冰室」推出了一個，名稱叫做「三眼仔雞扒飯」的食品套餐，令我的興趣大增。由於「光榮冰室」沒有製作和提供，可以讓食客同時食到牛扒跟雞扒的「鴛鴦扒飯」，導致我需要在光顧「光榮冰室」之後，在其他旺角食

旺角食咩好？又想平又想快最好食茶記！旺角茶記一般都要$50起食個午餐，光榮冰室又平又抵食，最衰係要等位，因為太多人食吧！午餐有四款，款款都係$50內包凍熱飲品。我通常都係食開尖沙咀嗰間，今次喺旺角試吓佢好唔好食啊！ 叉燒炒蛋飯，最重要係個雞蛋唔可以老，叉燒唔可以太肥亦唔可以太瘦，食落去，雞蛋汁同豉油汁混合起一齊，感覺都幾好，我會比90分。我見隔離枱食個蔥油雞扒飯，又大塊又好食咁，下次一定要試吓。飲咗杯凍檸茶，佢係英國紅茶底，同平時茶餐廳有啲唔同，個人就唔太喜歡。佢侍應唔多大家要俾啲時間等嘢食到

佢其實就好似其他茶餐廳咁，會有好多menu係牆上面，你可以睇下個期有咩推介。佢地嘅嘢食價錢唔高，但十分足料。蔥油雞扒飯（$45）你見到塊雞扒就大過個碗，就知佢塊雞扒係幾咁大啦，佢雞扒係有炸過嘅，因為外面有層脆脆嘅炸皮，所以你一食落就知道係咪即刻整嘅。佢就冇炸過龍，所以唔會好鞋。份量好大，我只係食到一大半已經好飽☺️沙嗲牛肉包（$25）麵包係用熱狗既包，加上好多汁既沙嗲牛肉係上面，真係啖啖都有肉。不過我覺得個沙嗲汁太重花生醬味，就有少少怪。套餐全部都有嘢飲，仲要凍飲都唔使加$3😀

光榮試業第二日就算排隊都要去食🤣🤣🤣排隊嘅時候開心浩源餐已經賣晒食食吓連雞扒都售罄 真係好誇張😂😂坐喺度見到個餐牌一個早餐蕃茄排骨薯仔通粉包嘢飲$23 咁平去邊度搵呀 🤩🤩🤩平價早餐推介 麥當勞你食個包都$16-20 加多幾蚊有通粉食🥳今日食咗茶餐系列 沙嗲牛肉出前一丁 出前一丁唔使加錢 勁驚訝 😱😱 牛奶炒滑蛋超級多 我懷疑佢用咗三隻蛋🙈🙈🙈仲要係好食 蕃茄薯仔排骨粒通粉 個湯一啲都唔鹹 冇咩味精 食完成餐都唔覺得口渴 超加分 另外蔥油豬扒飯 勁香勁吸引 🤩🤩🤩

旺角的光榮冰室應該無尖沙咀的人多,所以今天中午來吃午餐,等了10分鐘左右就有位,環境超多文宣,不算大間,偏向舊式的茶餐廳沒有裝修,所以價錢可以調低吸引客人消費,定位正確。加上老闆超黃背景支持香港人,一定要去一次。開心浩園餐  3/5分   49元1. 賣相吸引,三隻雞蛋在一塊超大的雞扒之上,價錢實惠2. 油分太多,吃到一半已經受不了,雞蛋不算有蛋味(雖然多),是相對較普通的蛋3. 雞扒沒有調味,直接沾上炸粉,確實好大塊,但感覺像吃沒有味道的雞扒4. 想用醬油調味,可惜依然不甜,少許奇怪叉燒炒蛋飯  3.2/5分   49元1. 叉燒好正常,像常餐意粉的叉燒,比較瘦2.  炒蛋奇多,都是沒有蛋味,油分依舊好多3. 味道正正常常,還好價錢公道,甚至便宜,份量夠大,有冷熱飲品,超級黃店的背景,覺得可以支持!

食lunch時間，等了 10分鐘，等5-10個人路過旺角支持下光榮我一個人食，一張檯已經迫滿4個人，有膠牌分隔4個唔識的人 ，安全夠衛生食物方面，叫了一個特餐44蚊，都抵食！ 叉燒米粉： 無咩味道，好普通。西班牙奄列： 我問侍應什麼是西班牙🇪🇸奄列？ 原來係蛋入面有香腸同茄汁豆竟然好好味 凍檸檬茶：茶記味道，大杯！正！ 總結：滿意但人多，坐得好迫，好多客人都拍攝打卡。 茶餐廳味道，不能期望太高！ 所以我都俾高分！ 推介俾朋友！

喺旺角食Lunch，選擇懲罰黃店嘅機會大咗好多，今次揀咗間大牌 - 光榮冰室。雖然今次好早到，但11點左右已經啲外賣Order做過不停，每個人都做緊最正確嘅事。一般茶餐廳裝潢但配上各種各類嘅文宣，非一日之寒，香港人會睇得好清楚。今次揀咩食，梗係最開心嘅「開心浩園餐」(雞扒三蛋飯)，上到枱一刻，畀佢嘅份量嚇一嚇。.開心浩園餐 (雞扒三蛋飯)評分：🌟🌟🌟🌟份量十分出色，覆蓋3/4隻碟嘅炸雞扒，3隻好靚嘅太陽蛋，而佢嘅飯當然係茶餐廳最熟習嘅豉油撈飯。雖然佢哋嘅炸雞扒冇好脆嘅口感，好彩雞扒裏面一啲都唔乾同唔嚡。篤爆蛋黃再撈埋啲豉油飯度食係好有屋企感覺。.跟餐一杯凍熱飲品，我杯凍奶茶係一般凍奶茶嘅水準喇！

終於到我光榮啦💛見到身邊嘅朋友又三眼仔又鰻魚又滑蛋 個個都讚 我身為一個麻甩長老實在心急如焚朋友一早已經揀定三眼仔 而我本身想三鰻thx 點知阿姐同我講三鰻thx已經落咗畫 好彩記得朋友話過叉燒滑蛋都好正 就呢個啦媽啊 兩個飯都好好味啊 由於我本身係蛋怪 對蛋嘅要求都係奇高 我無諗過喺冰室茶記都食到咁重蛋味咁滑嘅蛋架 而三眼仔下面塊雞扒仲大過塊面 我死都要我個fd分比我食🤪連埋凍飲一個餐都唔洗$50 超值又理想 要encore啊📣