元祖和風食堂虎藏 (已結業)

之前經過藍田想食日式野見佢平平地就入去試不過質素一般般比想像中有出入沒有驚喜🫣只有抵 同 地方大不用等位拉麵味道還可以檸檬茶一般抹茶甜品最失望藍田仲有其他美食一齊發掘

路過見到個餐牌好吸引就入左去，嗌左個鹽漬三文魚便當同叉燒飯 餃子 拉麵三文魚有乾又鞋 啲配菜一睇就知唔新鮮 就黎變菜乾咁 真係剩飯剩送咁 最後都係麵豉湯撈飯食叉燒飯係fd嗌既 唔講真系唔知係叉燒黎 成層捻碎既肉鋪上去 啲飯又硬又冇汁 啲肉又咸又柴🤦‍♀️

下午茶想食日本食物，藍田這間一向是我的首選。下午茶套餐有和風拉麵、豬骨湯拉麵、味噌拉麵，價錢$50 元左右，十分抵食。我叫了和風醬油拉麵，餐牌說是迷你的，但是份量其實不太細，我都夠飽。湯底做得不錯，味道濃郁，而且有些荀做配料更添美味😋义燒大塊不算肥，醃得好好，义燒放在湯內超入味，那麼平價的下午茶也有這個水準實在值得一讚。雞蛋都溏心，醃得幾好👍🏻我叫的下午茶餐還包了兩件三文魚壽司🍣，有些地方食兩件壽司都$10- 20元。這個套餐有拉麵有壽司又凍飲，只是$54，不用加－🎉下午茶餐還包了凍飲，又不用加錢，而且杯凍檸茶好大杯又濃，簡直是消暑之選

今天下午，我獨自一人來到這家餐廳享用午餐。我選擇了L餐拉麵壽司併盤定食，售價為$88。除了壽司，還有叉燒拉麵，而且不必排隊，環境也很寬敞。我的評價是「不過不失」，蟹肉壽司的沙律部分可能有點缺失，而叉燒拉麵的肉塊較薄，只有2mm左右。總體而言，這個價格的性價比算是一般般。

我今日在元祖虎和風食堂（藍田）點了一個三文魚，元貝壽司加風醬油拉麵午餐，份量足夠，尤其食拉麵的時候，就會想起小時候在八佰伴食大碗拉麵的口感，價錢是非常合理，值得去嘗試，餐單內還有很多定食配自選特式飯系列，提供了很多款式給客人選擇。甜品方面，還有牛奶Milk,價錢都係$10在這個時候都沒有加價是非常難得的店內環境都算大，不用排隊就可以坐低，可能時間比較晏，沒有太多人，坐得比較舒服，所以可以慢慢品嚐和寫食評給大家分享

咁啱經過藍田就入左呢間餐廳，一入去收銀處空蕩蕩，連個人都無。過左一陣，先有個人大老遠嗌過嚟，話隨便坐。點左個拉麵，個餐包括嘢飲/味噌湯，二選一。當時係下午2、3點，因為成日都冇食過嘢，所以叫左杯咖啡，諗住加錢要埋味噌湯暖胃。我個位係收銀處對面，個店員落單之後同另外一個同事係收銀處密密針，當住我面係到議論我一個人要咁多，隱約聽到佢地話「佢兩個都要哂囉」。其實我聽到哂，你話我唔加錢兩個都要就可以話我無賴，但係我肯畀錢你地有咩好講是非？？？個刻覺得用餐觀感很差。食物不過不失，57蚊嘅價錢係咁上下。啲職員行行企企，得閒無事去撩隔離枱小朋友，跑去送貼紙，反而收銀處無人，落單都要舉手等一陣。然後拉麵食到一半，湯同咖啡都仲未飲完，我只係攞起電話覆信息，令人火滾嘅事就發生。個職員撩完小朋友，跑嚟話我幫你收收個餐盤？？？大佬我諗住抖下再食姐，個陣完全唔係繁忙時間，一半嘅枱都係空嘅，你唔洗咁樣趕客啊？服務一般，真心唔會再幫襯！

幾年前開業，大排長龍，等半小時都未能入座。附近多了兩家堂食連鎖壽司店，幾家日本料理外賣店。最近每次前去，無須等候，直接便可入座。自助安心和自己拿杯取清水。店員只負責落單和上菜。 我幾乎每次都叫這套餐。湯面底有3款。面豉湯底，附有半隻烚旦，义燒只得1-2片。對我來說，己經好足夠。重點是此套餐有我最喜歡的帶子壽司。單叫都要$32/2件。三文魚壽司亦不賴。壽司飯尚有進步空間，可以加多點日本醋。伴菜是牛蒡和菠菜，營養十足，兩樣我都喜歡。如果可以追加就更好了。有次，我改轉口味，試了此款滑旦豬排飯。其實用料是十足的，豬排ok,  滑旦有點過熟。白飯就太多了。我總覺得調味太淡，不夠多汁，有點索然無味。希望廚房收到食客意見，可以鑽研改善，變它為美食。

愛食甜品的我，發現了這間餐廳原來無論午餐或者晚餐也是同一個價錢😁，而且其中「特選甜品拉麵定食」，非常吸引😍（因為$56-$60）已經包一碗拉麵🍜+一杯飲品🥤+一個甜品（抹茶卷蛋蛋糕 / 法式朱古力蛋糕 / 抹茶蛋糕紅豆雪糕 / 抹茶意大利芝士蛋糕🍰），如果單叫一個cake 也要$30-$34，我是精明的消費者，當然order set 啦😂我order 了（73G）抹茶意大利芝士蛋糕配拉麵，份量不多，女士尚可，男人一定不夠飽😅，幸好我只重視甜品😂！我慢慢品嚐cake ，綠茶味好濃，口感不錯坐位又非常舒服，現在在HK已經很少見

今天要到藍田辦點事，見啟田邨有一間面積也頗大的日本餐廳。一入去侍應便熱情招待，奉上下午茶餐牌，價錢頗實惠，只是40 多元，有多款下午茶選擇有滑蛋豬扒飯、牛肉飯、醬油拉麵還可配角色小食例如雞翼、餃子、薯餅、抹茶芝士蛋糕，款式令人目不暇給😍😍我選了照燒雞肉飯，雖然價錢只是$45元但份量也不算少，有多塊雞件，大大嚿，煎得很香，調味適中，不會過鹹，而且有牛蒡和少少蔬菜做配菜，再加上一些芝麻，十分香口下午茶包了飲品凍檸茶，不需另外收費。此間餐廳亦不需加一。🥤下午茶食一個日本餐不用$50，份量足又好味，坐得又舒服，簡直超值👍🏻👍🏻👍🏻

小妹今次喺藍田試咗間平民化日本菜，門面睇落幾靚，簡單樸實，有日本感覺🎇 餐廳格局勁似枱日本平民和式，入到去，以超自助形式，自己搵位，之後叫職員落柯打，價錢大眾化，約$50-$60；店舖幾大，座位寬敞，幾舒服，早左去到亦都唔洗等位！小妹打開Menu，見到有拉麵，有丼，有便當，有刺身，有壽司，有甜品，都有好多選擇！🍜➕🍵🍰抹茶芝士意大利蛋糕配拉麵🍜拉麵3款湯底可選：和風醬油/豬骨湯/味增，小妹今次擇咗豬骨湯底～拉麵配料及份量不算多，有紫菜﹑筍及一片叉燒及糖心蛋🙈 拉麵係「港式」，質感亦煙韌彈牙，十分有嚼勁，更滲透了湯水的精華，湯底尚算濃郁，當然豬骨湯底的濃郁程度及不上拉麵專門店，但味道尚可，沒有味精味🥰 每口相當有滋有味，五味俱全，讓人陶醉其中，吮指回味😍 叉燒肉質軟嫩，拉麵的麵質及味道竟然都不太差👍🏻糖心蛋就稍為失色，佢唔係糖心蛋，但整體拉麵味道屬水準之上，分量不錯，價錢便宜😋🍵🍰抹茶芝士意大利蛋糕抹茶芝士意大利蛋糕賣相幾好，唔太甜，抹茶味濃，旁邊仲有紅豆，一啖抹茶蛋糕，一啖紅豆，好吃，加上份量合適，食少少野又有甜品食都幾好😻👏🏻總結黎講，餐廳用餐環境十分乾淨舒適，價錢相當便宜，食物質素

一向都喜歡到這間平民飯堂, 因為價錢大衆化而水準不錯，但這一次真的很失望，今日點了一個平常最愛的拉麵餐，首先拉麵的湯底真的太咸，吃了一半已吃不下，心想還有我愛吃的綠茶芝士蛋糕，但吃了一點發現好像變酸了，向店員說這個情況，她說是這樣的味道，但是綠茶味是酸的嗎？我也不跟她爭論...然後想跟店員說我點的奶茶不夠熱，但看到店員將隔離枱投訴那杯咖啡不夠奶，當她行過我身邊時，我聽到她說：又個樣又呢樣!!。。唉，其實她經過我身邊已經聞到她全身煙味，所以最後杯奶茶我也渴了一半也放棄，可能有人會覺得價錢那麼便宜，但那麼多要求。但其實這間店有很多分店一向都保持水準，店員也很友善，所以對這間藍田分店真的徹底失望，不會再來光顧，希望以後會有改善。

一條友食dinner,行過見到呢間，又想食下拉麵，就入左黎。夜晚8點，間餐廳得3-4成人，自己搵位，方便👍👍👍👍夜晚有好多個餐選擇，50-80蚊都有我今日叫左個餃子拉麵加日式叉燒飯定食，連飲品78。湯有三種選擇，我選左和風醬油湯，因為有雞蛋，其他2種湯反而冇雞蛋？如果有埋咁就正。餃子唔錯，唔係炸餃子，我鍾意😍😍，拉麵都ok,幾彈牙又幾粗。日式叉燒飯唔係一般拉麵既叉燒，而係類似肉鬆咁，加埋木魚，就算大食既，都應該夠飽。呢間唔算好好食，不過我覺得絕對合格以上，cp值都算幾高。

不論係下午茶定係夜晚都價錢便宜抵食嘅日式料理相比起壽司個人覺得定食類都係最抵食 壽司類有啲小貴定食類就可以食飯又可以食到拉麵滿足晒選擇困難嘅人🤣個人最鍾意係唐揚雞配他他醬 份量都好足唔係太肚餓嘅話會食淨左少少每樣都可以食到少少覺得大滿足🥰

平日夜晚8點幾去，六七成滿，環境算乾淨，冇加一，所以相對零服務，水都要自己黎，D職員態度當然也一般😂個面嘅面質唔錯，可惜個湯應該多味精，食完口渴，叉燒都唔錯，蛋就先啦，始終40蚊唔好想有日本糖心蛋

格局勁似枱日本平民和式，入到去，超自助，自己搵位，然後叫人叫嘢食價錢大眾化，大約$50至$60，一個套餐叫咗個青魚定食，鯖魚都幾大條，不過燒得有啲鞋，好彩加咗檸檬汁，減少腥味，隔離有腸仔煙肉，炸蟹柳，泡菜做前菜，有個麵豉湯，一個人份量一定夠飽另外係他他醬雞扒定食，超多他他醬，雞扒一樣炸得比較鞋，好彩佢啲外皮，想當趣仲有個$12大嘅軟雪糕，有奶味整體來講一個晚餐$145仲有雪糕，只要對食物唔需要太多要求，感覺都唔錯，冇得去日本，食咗當去咗，都OK，但係千祈唔好太早，因為好多人，其他人講嘢都好大聲