元氣一杯

营业中

休息中

午餐路過，睇到評價都唔差就試吓，坐一個人嘅吧台位，倒也方便，衛生都足，濕紙巾同小樽酒精擺檯面上。點左一個燒池魚開邊套餐98，食到中間骨邊發現都未夠熟，整條魚都好重嘅腥味，失敗一餐，唯一讚賞係米飯，日本米，晶瑩透亮，糯甜好食。可能係一個同朋友傾談飲酒嘅好地方，但要想食滿意一餐，唔會特登來。

元氣一杯居酒屋響美麗華好多年屹立不倒，我諗除咗有一大班日本客人之外，亦都有好多好似我哋想搵個地方輕輕鬆鬆傾吓計飲清酒，雖然新開嘅五勺響諾士佛台都唔錯，但好似響元氣一杯更有一種溫馨小店嘅感覺 如果有時同朋友想飲下清酒食吓野依度都係一個唔錯嘅選擇。佢嘅沖繩炒豬肉同關東煮都唔錯。但係如果你話以服務來講日本餐廳佢就麻麻哋囉，我哋開咗兩支清酒飲到10:30就已經話要我地走，但另一個服務員同我哋講話我哋可以飲晒先走。不過我諗佢哋生意咁好都唔會好注重呢個服務問題。

放工後同朋友一聚，朋友揀咗食日本野，因為大家都唔太肚餓，只係叫咗一份主菜，一份卷物同兩個小食。侍應會問你叫唔叫酒精飲品，因為如果唔叫酒精飲品嘅客人，會送汽水一杯，不過我就同朋友叫咗酒飲吓傾吓計。坐低就會有一人一份前菜，係沙律通粉卷物：吞拿魚加州卷上菜時估唔到咁大份，唔係Menu影出嚟嘅份量，食嘅時候食唔到吞拿魚嘅味道，夾起會散，味道普通。主菜：豚肉生薑燒不太多薑味，份量正常，有大量沙律菜伴碟小食：茶碗蒸&鰻魚玉子燒對茶碗蒸情有獨鍾，去親食日本野都會叫蒸蛋要滑係基本，不過佢蒸前冇整走哂d氣泡，賣相就冇咁靚...味道正常鰻魚玉子燒：份量都係大份嘅...但唔係太食到鰻魚味，同朋友食咗一半就已經食唔落.總結嚟講...覺得餐廳食物少咗日本菜個種精緻，亦可能咁啱我冇點到壽司刺身先覺得食物普通。環境方面因為book咗枱，唔使去到再等位，而且有限聚令，座位相隔得開，每張餐枱旁都有紙牌隔住，兩個人食飯非常好，唔怕有人係隔離聽到。

這間小型居酒屋已經在美麗華商場經營多年，很受在尖沙咀工作的日本人歡迎，中午時間，這裹有超過20款套餐供應，平均每個套餐只是$90，另加一服務費。套餐包括沙律，小煮，漬物，蒸蛋，主菜，白飯，水果和咖啡/茶。主菜份量不少，味道也很正宗，每到中午12:00，店子便坐滿了客人，而且80%都是日本人，所以，如果要久坐慢慢歎及要跟友人聊天的話，最好過了1: 00 pm 才光顧，免得阻人做生意。今天我們點了2個午餐定食，分別是豚肉炒什菜及燒三文魚，份量十足，蒸蛋嫩滑，飯後水果有茘枝和橙，而咖啡配了UCC Cafe 的牛奶，更是香濃，為整個午餐劃上完美的句號。其實，光顧了這店子很久，覺得它的性價比很高，每次都很滿意。

今晚同呀媽特登過嚟食晚飯，因為呀媽話之前經過見到好多人食，應該幾好。我哋6:05pm去到，個男侍應竟然問我哋可唔可以7:00交枱。呀媽靜咗一下，然後話：「盡量啦。」講真個客6:00咁早嚟到，點解要限一個鐘就交枱？印象分即大減。入到去，有4張空枱。我心諗你4張都7:00有人book咗咩，我唔信囉。坐低每人個個位有一碟前菜，之後先知原來每碟收$20。完全唔值。我哋嗌咗串燒雞翼，牛舌，燒花魚，豬肉炒泡菜，仲有清酒。本身對啲嘢食有啲期望，點知味道普通。串燒雞翼好乾又冇乜味，豬肉泡菜有少少燶咗。牛舌就比較好，但冇乜驚喜。個燒花魚得個咸字。冷氣唔夠凍，有啲熱同焗。去到6:40，個男侍應走過嚟問我哋仲有冇嘢想加？明顯係想出單趕我哋走。我哋6:50就自己賣單走人。講真嘢食真係一般，我食過其他居酒屋好食過佢。仲要咁嘅服務態度，我下次仲會去幫襯咩？No thanks.

今個星期過咗好癲的一星期，好想搵個地方靜靜地飲返杯，傾下計。行過見到餐廳唔多人，就入咗去喇，有驚喜呀！ 氣氛唔錯，彷彿身處日本，因為有幾枱日本人，仲多過香港人。無得去旅行，正好可以解下單思日本之愁。 講返食物先，叫咗明太子玉子，什錦串燒，軟殼蟹沙律，生薑炒豬肉。食物全部都好食，明太子香，玉子熱熱地好食，串燒燒得香唔乾，軟殼蟹好香口，生薑豬肉就鹹咗d 啱送酒。 兩人埋單380左右（未計酒），難得可以有環境食物好食服務唔錯，會再嚟！

行過見到好多人，所以入嚟試吓。結果好驚喜啊！價錢黎講係超值，完全係日本full set。有茶碗蒸、小食、生果、面鼓湯....仲有杯野飲主食超大份，白飯仲任添！非常推！！！一定會再嚟！

能夠經歷The Mira 兩次大返新，依然屹立商場內經營超過十五年，元氣一杯，有住一班忠實日本擁躉，星期五晚收工同朋友黎到，一坐低聽到只有日文，九成客人都係日本人，更有兩個女客人身穿和服👘日式居酒屋咁嘅氣氛一流! 🇯🇵 我地叫左五、六樣野食，當中特別推介蝦·野菜天扶羅、炒豬肉烏冬、蛋包豬扒同海膽壽司 🍣👍🏽不過串燒拼盤同蝦壽司卷就可以唔使試，總體氣氛一流，食物亦唔錯，以尖沙咀最旺地段，價錢合理👍🏽

最鍾意食日本料理，因為唔會太重味，而且如果去正宗日本餐廳，食材好多都會日本進口！呢間元氣一杯就係其中一間我成日幫襯既居酒屋。呢度offer既就除咗啤酒，仲有唔同清酒、燒酒同梅酒好似都有。啱晒同朋友嚟一路食一路慢慢傾。食物方面，前菜有好多小食適合做下酒菜。另外亦有刺身同簡單既壽司。玉子燒、炸物呢d都有好多選擇。呢間店有好多日本客同香港客，好多時都要排隊㗎！打電話去book位先就唔洗等啦～希望呢d優質小店長做長有！

昨晚约了老友聚聚聊天，這居酒屋嘅食物送酒確實真的不錯，尤其其中一碟雖然疑似豆腐，但其实是芝士🧀真的好好味！鱼生🎣好新鲜、吉列蟹肉薯蓉也好脆口、本人平時甚少叫魚干，但這個燒得干身香脆而令我愛上🥰

平時都會行開Mira不過呢層真系無嚟過 😂😂😂本身已經諗好食咩 patpat痕見到居酒屋呢3隻字！就被吸引左上多一層🥰🥰見到咁日本人 第一下就系！無死啦 入去！😍😍🥰妳以為㗎佬檔一定貴啦！牛脷都系$25串每位收前菜一碟$20 今日系熟吞拿魚沙律配洋蔥問妳死未 我地一家三口👨‍👩‍👧 叫左蟹子沙律 (唔係好習慣入邊有洋蔥嘅蟹子沙律)所以唔推介 凍豆腐 蝦天婦羅🍤凍稻庭烏冬 蒸蛋比BB食 味㬝茄子🍆呢幾個item都好好味 壽司🍣拼盤10件(呢個唔明 點解會咁大件 太大件無乜feel)唔推介 😫😫串燒拼盤$88又抵又好味 呢到都有好多日本直送魚 下次可以再encore!中意飲sake的人有福了 因為呢到有超級多款日本sake同啤酒🍻好開心同老公一齊發現左一個新地方7成日本客 營業時間下午12到夜晚23 下午3點到6點系落場時間 要留意！

一向中意食日本野，之前去過幾間居酒屋比較大衆化，價錢相對地貴，坐底五百蚊落樓。最近同友人誤打誤撞搵到呢間元氣一杯，店鋪外面裝橫普普通通，一開始有點猶豫應唔應該入去食，點知入到去發現全場滿座，我地仲要等位添，見到有幾枱講日文既日本人，我地就知道呢間居酒屋一定夠地道haha！講返食物，價錢大約一百蚊左右一碟，前菜/小食更加平，所以大家叫多左幾樣一齊分享 首先係冷盤薯仔關東煮，身為一個薯仔控既我表示好好味，係差碗飯haha 再叫左炸豆腐，炸皮薄，豆腐好滑口。炸蟹餅，呢個好足料，但有點膩，食唔曬。然後有明太子卷蛋，明太子好香好惹味，反而卷蛋煎得有點老，否則呢個無得頂！再有燒鯖魚，又係有點老、有點鞋口。而炸蝦天婦羅蕎麥麵亦好好味，湯底清甜，炸蝦大只爽口，兩個人一齊食分量剛剛好。

第一次嚟呢一間餐廳，都係經朋友介紹...話呢一間餐廳不論環境同菜式都同日本地道嘅居酒屋一模一樣，今日一試果然名不虛傳！坐低時侍應就每人畀咗一個漬物作為餐前小食，另外點咗咖哩烏冬、串燒拼盤、鹽燒鯖魚、燒茄子同豚肉雜菜炒麵... 當中我推介串燒拼盤，因為可以一次過試曬六款唔同串燒，雖然牛舌嘅味有少少怪，不過雞軟骨同埋豚肉就好香口！至於鹽燒鯖魚我覺得係必食推介，因為佢份量幾多，另外佢嘅魚肉燒得好滑，魚皮又少少脆，口感同味道一流！每個菜色嘅味道同日本嘅居酒屋或者小店嘅味好似，加埋餐廳本身嘅裝修，牆上面貼滿咗日本海報，仲有日本書同雜誌係門口借閱，食食下真係以為自己喺日本嘅居酒屋嗰度品嚐緊地道日本菜！

約朋友係尖沙咀食日本菜輕鬆一下，尖沙咀日本菜選擇多，同事介紹元氣一杯價錢合理味道夠地道。餐廳不大，7點嚟到已經全院滿座，而大部分係日本人，好有居酒屋嘅感覺。前菜為菠菜，菠菜加上芝麻及麻油，味道不錯。八爪魚粒鮮甜配上少量芝麻及洋蔥絲，不錯的佐酒小食但份量少。芝士、吞拿魚加上灑係面嘅紫菜味道好夾，可惜牛油果唔夠熟，好硬及出唔到牛油果嘅香味，口感及味道大減。薄薄一塊火腿可以炸得鬆脆又唔油，十分出色及有驚喜。串燒有豚肉、牛舌、雞肉棒、大蒜豚肉、雞軟骨、冬菇。但豚肉及冬菇燒得太乾，其他味道不錯。

老闆說想吃冷麵於是把在下帶來這家他以前常去的店來點一個豚肉冷烏冬定食配上一碟沙拉和蒸蛋老闆自己吃熱氣炸物炸豬丼飯定食的話和配上咸菜，水果和漬物好懷舊的沙拉吃著歎著像回到過去而在下因為剛太餓自己吃了東西唯有點個能開胃點的咖喱定食哈哈可愛的蛋蛋和漢堡扒剛好滿足了在下近日都漢堡扒的慾望不過咖喱的層次就比較單薄就是只是咖喱可惜的是在下吃不完了早知等老闆回來獨自不偷吃😅最後還有餐飲整體來說是傳統的風味如果中午也能點晚上的菜單會更好大家辛苦了