元氣一杯

营业中

休息中

在於價錢同質數,我本人覺得好抵食,同埋我帶去的日本客也非常滿意,特別推介牛肉鍋!!!

今天去了"元氣一杯"食飯,主要是為了和我太太慶祝生日,當時,我們早了半小時到,打算問一問可否提早入內,他竟然沒有為我預約,他的理由是說打不到電話找我,(為何??!!因為他抄錯了我的電話),此時他便把我的預約取消了;我在想就算我"甩底",你最多也是臨時讓給其他人好了,為何不替我預約,之後我們唯有再次留下電話,讓他再待有位時才聯絡我,我等了45分鐘仍未有聯絡我,我便回去問問,他說仍要等多10至15分鐘,最後唯有再等,約5分鐘終於可以入內,如果不是我太太想食,我也不會等!!!!

看完openrice就去了這間試下dinner~叫左以下幾樣野~1. 串燒(雞腎同埋煙肉x春蛋) - 兩串都燒得幾好味..鍾意食雞腎..好夠味又大粒!2. 鹽燒秋刀魚($90)- 燒都燒得幾靚,不過好可惜係食到個魚肚位發覺有點苦..一定係穿左謄啦! 我覺得條魚係新鮮..不過$90又穿左謄就係貴同埋唔值啦!3. 咖哩蝦飯($6x) - 有四隻炸蝦..蝦都好新鮮..好好味..咖哩汁好濃味又唔太spicy~ 值得推介!4. 凍喬麥面($6x) - 估唔到係咁多樣野..最遲先至到..佢都雪得好凍..不過太凍啦..d面一舊舊咁好難夾落d汁到..唔係咁鍾意食overall..服務係幾好..自動換碟加茶..不過係太多日本男人啦..個個都食煙又無非吸煙區..都食得唔係太自在..好快食完就走lu..同埋佢的價錢都唔算平喎..希望老闆可以加番個"非吸煙區"俾d唔食二手煙的客人啦~

看了網友的推介,今天與女兒去試了一次.我點了銀雪魚定食,而女兒就點了日替定食(今天是燒鯖魚)正如之前的食評家所推介,銀雪魚燒得很好,肉滑而且配汁很地道.加上其他"茶碗蒸"(日式蒸蛋),一個套餐好吃而且吃得很飽!也難怪,女兒雖然讚不絕口,但最終還是沒有吃完一個套餐.本人在日本生活過數年,在價格屬中擋的日本餐廳來說,"元氣一杯"實在是一個驚喜.用料正宗,味道地道,絕對值得繼續推介.

雖然屋企在日本,但在香港看到元氣一杯九成係日本人,好親切!D waiteress 又好人推介: 鰻魚! 冷麵,烏冬,銀雪魚,手卷

友人在附近工作,極力推薦點了日替定食,當日是炸豬扒,配有牛肉,豆腐,三文魚魚生等份量夠大味道一般,不過好日本家庭/小店舖的口味價錢只是$45,真是值得推介

食物質素不錯，水準平均。全埸都是"吸煙區" - 日本男人的餐廳！星期五晚上七時入座，完全是日本居酒屋feel！有免費二手煙！至八時半，枱上仍有少量食物，門外開始有人等位，侍應問我們要不要再order食物、要不要order雪糕，如果不要就埋單先，擺明趕客！全場很多日本客都是淨飲無食嘢，淨係迫我們香港客埋單！本來諗住食吓飯傾吓計，點知貼埋錢換一肚火！我們不會再來光顧！

點左天婦羅烏冬、串燒牛脷、串燒葱雞同埋泡菜火鍋... 全部都好好食, 但係份量唔多, 兩個人食四樣野就剛剛飽! 成間舖都係日本人, 比起一般既居酒屋, 我覺得呢度環境真係算唔錯... 食食下, 我聽到隔離枱既日本人傾偈, 佢地其中一個問: “隔離果枱係唔係日本人?”另一個人答: “唔係, 應該係香港人。”好好笑!!! (我本身係識得日文既) 不過越坐越多人, 最多都係book定枱先去!

由日本人做老闆的餐廳，幾正宗，而且座落於美麗華商場咁多日本人工作既地方，自然有不少日本客人。我同朋友大約一點鐘到，已經好多人，差點爆滿，當然亦係以日本人居多。如果遲一步到，相信就要去第二間食。午餐有好多選擇，由最平$45既set lunch至過百蚊既定食都有，任君選擇。一位朋友要銀雪魚定食，另一位則要個是日午餐(係薯仔炆雞翼)而我就揀炸雞件定食。先評一評那個銀雪魚定食。其實我沒有試過，但我朋友就有好正面的評價。定食有主菜，一個麵鼓湯和蒸蛋。佢話個魚煎得好脆口，又有鮮味，魚肉好滑。仲有蒸蛋都係好滑，送飯一流。同埋個餐係好大份，男士都未必食得晒。以佢咁細食既女仔，只係食一半就投降。炸雞件定食有兩款，但其實只係有冇沙律醬既分別。有沙律醬要加$5，都有些少搵笨。咁但係炸雞件有沙律醬的確係好食好多，所以我都照豪俾佢，要有醬個款。個雞炸得唔錯，夠晒脆卻唔會話炸到乾晒身，起碼都有肉食。加埋$5既沙律醬食都幾好送飯。最後一位朋友要行貨既set lunch，係薯仔炆雞翼。這個餐就只係一般，雞翼冇厘味道，真係行左ｄ。不過都未至於話唔可以接受。套餐仲包一杯飲品，我們三個都要熱奶茶。估唔到杯奶茶咁好，茶味夠濃

辛苦左年多的Part-Time夜校終於搞掂, 同學仔約黎呢度聚一聚, 有5個人~一入到去原來有間日本公司在此做Annual Dinner, 感覺上自己好似在日本工作咁...因為晚晚狂OT也是日本工作文化?(笑)黎到同學仔留左d野俾我:燒雞軟骨- 不過不失田螺漬- 總之係用醫汁浸的漬物, 凍食, 食材新鮮, 清清地咁, 唔錯!之後...Sushi set - 有10件, 當女士們第一輪都無人食toro的時候...嘿嘿...我直頭感動到...呢舊係我自日本築地後食過最好吃的toro, 甜美!!!!!鍋物- 有幾舊牛肉, 豚肉, 金茹...同埋河豚肉...我成世仔第一次食, 點知...都唔知有咩咁好食=.=炒烏冬- 行貨, 咸左d~Service好細心, 但人手唔夠...埋單要HK$1,2xx...我好似咩都未食過咁...好肚餓, 要去第度食過=.=

其中一家我最喜愛的日本餐館﹐因為服務﹐菜式﹐裝修都夠地道。價錢唔算貴﹐值得支持。

lunch set 由$45- $110 不等。正宗日本餐廳，食物質素頗高, 價錢中等。(後來check過,原來是魚一丁集團) 不過食物同style都不同。更多日本客人幫襯，值得一試!試過兩款lunch:1. 牛肉稻亭烏冬定食$60 蒸蛋咸菜三件腐皮壽司牛肉稻亭烏冬(湯烏冬)餐茶2. 日式豬扒定食$78蒸蛋咸菜麵鼓湯吞拿魚生菜沙律豬扒丼飯(蛋+洋蔥汁)餐茶

看到此店名字，還以為跟元氣有關係添，但有無關係都唔緊要，因為是日想食日本菜，況且有人請，日本菜梗係貴夾唔太飽的首選。可能太晏關係，到達時已經過左2點，經過門口只有數檯日本人幫襯, 見到此情此景梗加要試試，因為我覺得日本人去得都係好地道的餐廳。和同事都點了一個tuna魚腩茸定食，當午餐一上檯, 真的嚇了一跳，因為實在太豐富，包括: 麵豉湯,薯仔沙律w/檸檬汁,一小碟昆布,一杯魚肉燉蛋,最後就係tuna魚腩茸飯,面頭仲有一隻生雞蛋，拌勻一齊食,簡直無得頂...樣樣都精緻又好食，雖然好飽都要食到一個都不能少。一定會再去!

時為星期五晚大約七點, 響門口見有好多吉檯, 點知比人book晒. 侍應要即刻call客cfm booking, 好彩有人cancel, 我地先有檯.飲品要左一大支sake同一杯梅酒, 食物就有:芥辣八爪魚元氣一杯沙律, 有幾款沙律拼埋一齊咁, 唔算特別.木薯糕辣煮, 就係辣既木薯糕咁, 據報應該係用七味粉同醬油調味.蓮根饅頭係蓮藕刴爛, 整成一大個粉糰, 中間釀左海膽. 海膽既味道同蓮藕幾夾, 但我地覺得個粉糰真係好粉. 都幾特別, 一試無妨.自家製炸魚餅, 幾好, 有魚味.燒魷魚姿, ok.凍稻庭鳥冬, 幾爽滑, 都見有唔少人order. 不過我真係少食udon, 唔敢講係咪算好好食.個人認為呢間餐廳收費同水準合理, 有d非一般大路行貨野供應, 食物唔係一食入口就雙眼發光果隻, 但唔會點令人失望. 幾欣賞佢唔會乜都整一大碟醬油比你點, 而係簡簡單單少少薑蓉放響碟邊, 咁樣更加可以食出食物既原本味道.佢係我隔一輪就會諗起, 想黎飲杯酒食d小食同朋友傾下計既地方, 翻兜指數高. 好多日本人幫趁, 建議訂位.