元気寿司 (羅素街)

营业中

休息中

餐廳：元気寿司地點：銅鑼灣羅素街先介紹新野。特大松葉蟹棒 $27 另加一特大松葉蟹棒蟹肉無味，明顯雪藏。蟹雙式 - 松葉蟹鉗及蟹味噌 $28 另加一松葉蟹鉗唔大隻。蟹味噌係蟹膏加蟹籽同兩片青瓜，蟹膏味道唔錯。豪快海老兩點 $19 另加一豪快海老兩點包括泰式風味灰色生蝦，蝦頭就炸左放旁邊，好脆口。甜蝦切粒加蝦膏，甜蝦都甜，蝦膏似蟹膏味。惹味松葉蟹火山卷 $25 另加一惹味松葉蟹火山卷一客四件包住牛油果，面頭加沙律醬，辣脆脆同蟹肉。炸青森帆立貝松葉蟹軍艦 $17 另加一炸青森帆立貝松葉蟹軍艦一客兩件，炸帆立貝好脆，不過細細隻。蟹肉碎都係無蟹味。然後介紹平時食開既野。赤海蝦刺身 $27 另加一赤海蝦一客三隻，好大隻。質素唔錯，又鮮又脆。抵食之選。炙燒黑松露帆立貝 $18 另加一炙燒黑松露帆立貝一客一件，帆立貝又厚肉又鮮甜，上面加左適量黑松露醬，再炙燒吓，啖啖肉，正!日本鯛魚 $22 另加一日本鯛魚一客兩件，又靚又抵食！極上厚切長鰭吞拿魚腩 $12 另加一極上厚切長鰭吞拿魚腩其實唔算太厚切，有少少散開。質素可以。牛油煮蜆 $27 另加一牛油煮蜆既蜆味道都唔錯，富牛油香，上面加上少量京蔥同蔥花。

做嘢做到過咗食飯時間，兩點幾嚟到元氣壽司，第一次嚟呢間分店，好似開咗冇幾耐。兩點幾，相對比較靜，店舖安排晒所有客人坐喺同一行，感覺有少少密集…叫咗一個午餐，最平$58 ，加一服務費，都算幾豐富，有蒸蛋，沙律，可以揀汽水，仲有一碗刺身飯。另外加咗20幾蚊，有三片三文魚，三文魚個質地有少少硬，唔知係唔新鮮，定係未解凍晒，食落味道係冇問題嘅。不過就由嗰一餐飯之後，我肚痾咗兩日🤔🤔🤔油甘魚壽司相對都係比較凍🤷🏻‍♀️🤷🏻‍♀️

呢排元気寿司做緊北海道祭，見到有新野，即管試吓先。北海道超巨大帆立貝花之盛 $26 另加一 一客一件，一隻大帆立貝一開3片，上面再加左少少細細粒嘅三文魚籽。帆立貝都算新鮮。下面有兩舊飯。炙燒芝士大切三文魚 $12 另加一 芝士係北海道花畑牧場芝士，加左喺三文魚剌身上面，三文魚唔算太大切。炙燒得唔夠，芝士燒左少少，三文魚係全生，製作馬虎。北海道白老牛 $17 另加一 一客一件，和牛一大片上面灑上少少蔥花。個調味冇問題，可惜大部份都係脂肪。銀鱈魚鏘鏘燒 $17 另加一 一客兩件，銀鱈魚好嫩，上面加左少量北海道風味噌，都唔錯。炙燒芝士蠔 $20 另加一 一客兩件，好快就整好，唔怪得，因爲隻蠔係凍嘅，食落仲有啲酸，完全冇炙燒味。好彩有啲北海道花畑牧場芝士調吓味。整體麻麻哋。八爪魚風味日式魚糕串 $17 另加一 一串另上，係類似魚蛋入面有少少八爪魚肉，上面加左鱆魚燒常用嘅沙律醬同木魚碎。魚糕完全唔彈牙或煙韌，唔合格。日本梛菜素餃子 $19 另加一 一客5件，伴有沙律醬。炸得塊皮好脆，不過頗油膩，個饀唔多食得出梛菜，麻麻哋。福岡甜王士多啤梨蒙布朗 $22 另加一 福岡甜王士多啤梨蒙布朗賣相非常吸引