元気寿司 (已結業)

今日先發現原來世貿開咗間元氣壽司，聽朋友講話都一段時間，只係我唔知道。我覺得而家着唔起有樣嘢唔方便，就係要用手機落單，以前有個Pad襟方便好多。同埋而家好似多款左好多新嘅嘢食，我哋叫咗三文魚壽司，燒左口魚邊壽司，軟殼蟹手卷，燒油金魚，炸蝦卷，吞拿魚茸卷等等，仲帶咗茶碗蒸⋯值得一讚係呢一間元氣我覺得啲嘢新鮮啲，佢個吞拿魚茸卷個吞拿魚茸我覺得超好食，好想繼續不停咁食，值得推介⋯燒左口魚邊壽司，入口即溶，無得頂⋯軟殼蟹手卷，都好好味，隻蟹好脆，如果多番少少沙律醬仲好味。茶碗蒸好熱，好味。今日係元氣嘅生日，所以每一台送一件朱古力蛋糕，個朱古力蛋糕值得推介。

自從元氣多左高速列車尼個service之後，就好似變左快餐店咁cwb尼間已經冇用tablet黎落單，係用qr code，好似仲方便過之前。再方便d既結果就係大家都可以好快就叫，佢又好快車到黎，咁又好快食飽飽。雖然今次都一早用app拎左飛，到左都等左25分鐘到先有位，但講真晚餐時段淨係等25分鐘已經比起以前傳統戈隻迴轉壽司快得多咖啦。野又高質，又可以咁快食完，真係一間好好既快餐黎。

我同🙎🏻‍♂️時不時都會食<元氣>因為一黎係平價既壽司店🍣、二黎食物黎得快，方便食完返去繼續OT 😂今晚黎到發現冇左部tablet點餐，而家要用mobile apps order 第一時間落左個<蒸蛋>先個蒸蛋除左係我喺元氣既favourite我亦覺得佢真係整得俾其他店好食😋個蛋好滑(最驚d蛋燉得耐鞋晒)，有湯有菇同蟹柳，而且仲有少少好似素翅既條條，令到細細碗既蒸蛋感覺好豐富👍🏻👍🏻燒三文魚餃都好食，魚肉🐟滑，燒得唔錯，調味都ok👍🏻壽司🍣我就覺得冇乜邊款特別好好食既不過一分錢一分貨，我覺得平均$10幾蚊兩件都ok啦唯一今次試下叫左個<海膽軍艦>，個海膽好少，而且一d都唔鮮甜，唔好食既😣最後叫多碗湯烏冬暖下身睇黎我都係覺得佢既熱食比較好食xd

我係冇食到，但我用app拎飛，我只係遲左準確黎講12分鐘（門口有牌寫住10分鐘過左冇黎要重新queue，我係門口企左2分鐘冇人理我），個職員就企硬唔俾入，重表示我有冇等左佢地3分鐘帶前一set客位。大佬，你個app又成日有bugs,其實我中途拎過飛，但我再入番app睇冇左要我再拎過我都拎左再等。而且又bug到根本成日load唔到去到第幾個number,一reload 就去到個number 過左我嗰個。我如果知就到我，我都會行定過去等。其實，佢可唔可以唔好用個甘寸mode同我講，你有冇等左我甘多分鐘先引致到佢check system係過左14分鐘（有2分鐘係我等佢黎，12分鐘係我遲）。14分鐘，我唔係遲半個鐘! 我餓到死等甘耐最後要食譚仔，乜玩法!

平民壽司之選 是晚胃口大開 食左好多款 速評如下:三文魚籽軍艦 $17最愛既一款軍艦 每次必叫 唔腥已經成功左一半 然後就係咬落去爆珠般既口感同款壽司黎講元氣唔算突出 不過我都係會因個人喜好而毫不猶疑 飛魚籽軍艦 $17成日覺得飛魚籽賣相幾似三文魚籽 名又似 都係我經常叫開既軍艦之選唔講唔知 雖然有啲壽司店叫飛魚籽 有啲就叫蟹子 其實飛魚籽同蟹子係兩回事 只係市面上賣既通常都將飛魚籽叫埋做蟹子 當然對於淨係負責食既我如果唔係google下永世都唔會知有分別講返件軍艦 一貫飛魚籽咸咸地既味道 食落爽脆 又唔會似三文魚籽咁處理唔好可能會腥 穩穩陣陣咁 不過紫菜就包得唔係咁好 唔小心啲夾分分鐘同舊飯骨肉分離帆立貝 $17根據在下食元氣既經驗 呢度既帆立貝可堪一試帆立貝食起黎口感唔錯 夠凍之餘又軟淋淋咁唔會硬哂肽 有一定鮮度 未至於入口即熔但係都滑身幾易入口舊飯如果再凍啲就好 畢竟夠冰涼既帆立貝加上微溫既飯係差啲啲我都試過火炙同唔火炙既分別 兩者都ok既 不過後來我就通常都選擇鮮啲既唔火炙版炙燒芝士皇帝蟹柳 $19呢件火炙芝士蟹柳一定係無伏之選 以我多次食壽司同放題既經驗真係差極都有個譜咁呢份

環境3分：十一點半前包場，迴轉壽司獨立位，如果坐滿人會比較迫，側邊有D卡位，普通三分。衛生4分：日本壽司連鎖店衛生正正常常，所以畀四分。服務2分：侍應帶你坐埋位之後，然後就自己點，篤住個mon，只有熱食會拎到埋嚟，食完出去找數，唔需要太多服務，所以畀兩分。味道1分：北海道蝦味噌拉麵一拎上枱感覺似係兒童餐，應該話係比兒童餐更兒童餐。三啖就完成個拉麵，麵質非常普通，唔係日本拉麵果種煙靭，果兩塊細少嘅叉燒非常硬，湯底還可以，因為真係有蝦味，所以畀一分。抵食1分：32蚊換嚟一碗小小嘅拉麵，感覺上唔係好抵，因為真係少少飽肚嘅感覺都冇，唯有飲多幾杯免費自助綠茶補番數，所以畀一分。

環境3分：迴轉壽司獨立位，當然會左右有人，坐埋比較迫，所以畀三分。衛生4分：日本壽司連鎖店衛生正正常常，所以畀四分。服務2分：侍應帶你坐埋位之後，然後就自己點，篤住個mon，嘢食到前面就自己攞，然後攞張單出出面cashier埋單。唔需要太多服務，所以畀兩分。味道4分：三文魚壽司都算新鮮，不過不失。炙燒左口魚裙邊燒完之後仍然甘香肥美，食完有油嘅感覺，所以畀四分。抵食4分：快食三碟壽司都唔過40蚊， 而且綠茶粉同酸薑係任用任食，食多幾片酸薑都抵返曬，所以畀四分。同埋高速線送壽司，得意有趣，最啱同小朋友嚟食。

夜晚同左朋友去咗元氣壽司，世貿中心呢間係快車線！ 因為行咗一日街，所以唔想講嘢！呢一種設計簡直啱晒我哋～ 世貿中心人流唔係好多，所以唔係點洗等位呢度唔算好大但係坐得勁舒服！我哋第一輪已經叫咗好多 有我最鍾意嘅粟米軍艦，我叫咗三碟因為呢度嘅粟米軍艦係其他地方冇嘅！就算之前去monster食，佢嘅粟米軍艦都唔係呢隻味呢度嘅粟米軍艦嘅醬配合粟米係最好味嘅👍🏻 食落仲有健康嘅感覺🤣🤣 仲有叫咗炸蝦卷，我嘅必點壽司list~ 佢嘅炸蝦卷真係成隻蝦！而且炸得好好食～比起天婦羅，我會更加鍾意炸蝦另外必叫嘅就係炙燒牛油赤海蝦，就算佢每點一次得一隻都好，我哋都叫咗六隻🤣🤣赤海蝦好鮮甜，配合牛油燒埋一齊，簡直鮮甜味都出晒黎其他都幾好，但係最鍾意就係呢三款，本身都諗住食埋千層糕先走，但係朋友話第時帶我去啲更好味，唔好係壽司鋪頭食蛋糕所以冇點到，有機會再試下

I was there with my friend to have late lunch. The food is good, and its nice the way you can order by yourself. Salmon is fresh and also the fried food is very good. Unfortunately the service is horiible> if you order drink, the only thinkdont come from the kitchen, they dont delivery as longer as you dont ask!! 

小時候食壽司為去望住迴轉壽司轉來轉去，雖然很有特色 但背後的代價係浪費食物 因為食物轉得耐不新鮮，好多人會選擇即叫，到最後每日就係製造好多廚餘。所以我非常欣賞最新的高速列車設計，食客可以品嘗到新鮮食物既同時壽司店可以減少浪費 👍🏻一舉兩得講返今次的銅鑼灣分店，六點多收工時間已經坐滿要等位。不少人遙距上網攞票，等了大概四張枱。內部設計闊落，每個座位上方設有電子菜單。即叫即整，大約幾分鐘就送到。壽司新鮮，新品 吞拿魚蓉卷鮮甜入面包左醃蘿白多層次的口感。

今日去開銅鑼灣買嘢，順度試下銅鑼灣的元氣壽司。元氣壽司價錢大眾化，適合我厘啲新年大出血的人品嚐。我每次都會食烏冬，貪佢 Size 剛剛好，一人份量，點到即止。 燉蛋都好好食，滑一滑，正！額外叫了其他壽司，質素都好好，不妨一試

唔係好肚餓但都要食晚餐架，就諗起世貿有間元氣，咋咋臨用手機app拎位先！一行三人去到等位都要等大半個鐘先有位，可能係假日關係啦！以家大部分元氣分店都已經用新裝修，用高速列車送壽司比客人！慳番唔少人工費一般刺身壽司🍣都有！係唯獨三文魚腩搵唔到，可能我眼大睇過龍！最喜愛燒魚背壽司同吞拿魚蓉壽司🍣仲有軟殼蟹手卷，必食！另外仲有點了枝豆、蒸蛋同烏冬，後兩樣都好味！！如果枝豆有熱食就梗加好啦！壽司果然一年四季都岩食！

🍣🍣星期日搵食，老公話想吃壽司，突然想起世貿有間元氣，是新開張兼用列車送餐，大鄉里要去睇下！食店裝修少了迴轉設計，每個位有電子獨立點餐牌，很方便，睇相睇價錢後才決定點餐，完全不經人手。壽司做好後會由列車送到你面前，攞了食物後再按制，列車便會返回車廠，如果同小朋友來到，一定會好開心！壽司不預早放在迴轉帶較佳，有時會憂慮壽司究竟放了多久，現在由列車送餐，放心吧！當天海膽暫停供應，有點兒失望！壽司出品還算不錯，不知道是否關即叫即整關係呢？！元氣壽司搞搞新意思值得讚個人評分食物：B環境：B服務：C抵食：C

Genki Sushi has been slowly undergoing a brand change. The once rotating sushi bar restaurant serving inexpensive sushi to the masses have been changing their restaurants where you now will get your sushi on a train.Awesome fun I say.This  new branch is located in Causeway Bay's World Trade Center. It's one of three locations in  Causeway Bay. The other one (in Windsor) also renovated with the sushi train theme. As I'm a big fan of eating at rotating sushi bar when I eat alone, I decided to have

晚上9點先返到銅鑼灣，肥髀同我都有啲肚餓，記得呢間元氣之前裝修中，上到去已經開咗，好光鮮亮麗嘅黃色，最重要唔使等位，仲有肥髀最愛嘅列車上菜，坐低用桌面平板落單，好快就上菜！子薑：又酸又爽脆！正！三文魚籽軍艦：寶石似的脹卜卜，鹹香好味，紫菜爽脆！帆立貝：新鮮淋身好味！海膽軍艦：海膽新鮮，味道甘香！紫菜爽脆！好味！三文魚腩：肥髀食赤海蝦：蝦肉厚身，爽脆好味！螺片：呢個第一碟上菜時，係用兩小片螺肉砌埋比我！真係忍唔到個賣相太樣衰，同店員講，佢即刻收走再做，第二碟靚仔晒，爽口有咬口，又有啲韌性，好爽！北寄貝：淋身有咬口！好味！炙燒左口魚群邊：燒到出晒油！魚油好香滑！日式炸芝士年榚：年榚煙韌，芝士餡半溶幾香！蟹籽沙律：青瓜爽脆，蟹籽卜卜脆！沙律醬薄薄地！酸酸地開胃！飛魚籽軍艦：蟹籽卜卜脆，紫菜脆口，好香海苔味！柚子雪葩：肥髀食池川煎茶雪榚：茶味香濃，雪榚滑溜！微甘好味！店員有禮斯文，我要求換螺片都即刻處理！幾好！壽司連鎖店最喜歡去元氣！