元気寿司 (黃埔天地)

同朋友去咗元氣壽司食tea，叫咗幾款刺身同壽司，整體感覺幾好。刺身方面，三文魚幾新鮮，食落有魚油香，又唔會太膩；吞拿魚赤身顏色自然，味道清淡唔腥；至於甜蝦，口感軟滑，鮮甜度適中。壽司飯醋味温和，同魚生比例配合得幾好，唔會一夾就散。我最鍾意就係食軟殼蟹手卷，好新鮮好脆。食物整體嚟講以連鎖店來講算唔錯。 服務方面都幾有效率，下午茶時段拎飛等位唔使好耐，tea set價錢好平，上菜速度快。環境乾淨光猛，坐得舒服。 總括來講，元氣壽司係一間穩陣嘅選擇，尤其係想食壽司但又唔想花太多錢嘅時候，質素對得住價錢，會繼續幫襯。…查看更多

去食飯拎枱，一入門口已經表示咗要拎卡位，但要等只好出門口等下。唔夠2分鐘睇住個拎2人枱的女人行係我前面拎飛，見個枱位唔啱心水就問有無卡位，個領枱的就make低，去到呢到都好好地。下一秒有張卡位走，個2人枱女士就9秒9衝上去拎位。我呆咗，跟住個帶枱又真係比枱佢喎。我問個帶枱，我都黎先，點解要俾枱個個人先，佢話人哋等咗好耐。？？？？？？？跟住同我死嘈咗2分鐘，話人哋等先。其實你態度好少少，同我講 《我地係系統為準，就算只係要早一秒鐘，我都要俾個位客人先》呢個你係錯㗎啦的架勢，請問呢位員工係咩事？多謝元氣又比我見識多啲嘢…查看更多

今天來到黃埔這間元氣壽司食下午茶，這個時段沒什麼人，基本上不用排隊，價錢便宜，三文魚正常合格，大蝦是增量版，比平時更加大隻，汁燒牛肉很香口，特別喜歡這裏的軟殼蟹。…查看更多

今日接完放學後去左屋企附近嘅元気寿司食下午茶～原來依家佢哋推出左「元気寿司午後の自選壽司盛」! 只需$60！冇睇錯！真係$60🤩就可以係24款壽司入面自選6款壽司（6件同款或不同款都可以）。 自選壽司盛仲包括1款小食及1款輕食，全部都係自由配搭🥰成set野十分自由百變，隨自己心意/心情，鍾意食邊款就叫邊款，唔使俾個 set 限制選擇。重點係非常抵食，選擇又多！如果仲想食多啲，仲可以加錢加配飲品或者加$13起加配各款手卷、刺身及甜品或熱食、湯🥳我哋叫左2 set $60自選壽司盛,再另外加埋甜品、熱食、小食、湯、仲有甜蝦刺身，都只係$200左右🤩重點係好抵食！食物質數有保證，吾會差👍🏻十分滿意！…查看更多

元気，曾經有一排，係我個女最愛。佢入面嗰㗎火車，真係小朋友不能抵擋😂但係一個禮拜食1-2次，真係好快厭，但係為咗keigo 隻碟，又要每個禮拜返去食😂😂。今個星期到粉紅色嘅碟因為開始減肥，所以唔食碳水，最好嘅方法就係食魚生同埋蒸蛋。小朋友可以食烏冬。滿足晒所有人。…查看更多

尋晚去咗間嘅小店，食咗碗撈麵，真係美味到不得了🍜！麵條Q彈得嚟唔會過腍，湯底鮮甜得黎又唔會太重口味，爽口得滯！😋 邊食邊諗，呢啲嘢就係街坊熱愛嘅味道。燒賣就更加得意，肉香織入啲少少魚子，彈牙咬落去嘅感覺，正到彈起！蝦餃就更加唔使講，薄皮透出粉紅蝦仁，咬一口汁液四溢，鮮甜得嚟又爽口，我忍唔住多叫咗幾籠！🥟講真，呢家鋪頭裝潢普通，但食物質素同味道都絕對掂過好多高檔餐廳。食咗呢頓，心情都好晒。落區又想食得開心，真係要留意呢啲隱世好店啊！…查看更多

繁忙時間說要等30分鐘, 其實只叫了魷魚咀唐揚和枝豆而已. 其實不用等那麼久, 最後留在保溫隔內... 回家後唐揚不再唐揚了, 已不脆了~~不過, 兩款食物都很好吃.新年期特定食物有折.定期有更新食物和甜品表示讚. 只是要等30分鐘的話就卻步了...牆身和30分鐘告示, 但收了費後才告知時間就... 無法啦~~希望遲些可以改善一下~~炸物, 蒸蛋等也好相宜, 可以一試. 又有兒童餐, 有得吃又有得玩~~…查看更多

今日又係懶得煮，決定又出去食，日本野一向都係我地眼中係比較健康的食物，而好耐無食過元氣，所以就去食啦。可能係我地比較早去啦，大慨六點左右到完全唔洗等就可以直接就坐低由於我地非常肚餓真係唔係個個壽司都有影相📸️，元氣我覺得都係一個唔錯既選擇，其中有幾個重點野食，我地次次都會叫。第一位，炸蝦卷，重點我自己有小小要求係會要求店員係即炸即做，因為咁樣個炸蝦卷就會係內脆外軟，重要係熱辣辣。第二位，係茶碗蒸，唔知點解佢個蛋係整得好滑，所以都係次次都係必叫食物。第三位，係個燒牛肉壽司，整體黎講係有一種好惹味感覺。今次叫都佢新個個羅勒芝士三文魚壽司🍣 ，佢出面啲洋蔥係超凍，放入口都好香個種羅勒葉味，推薦值得一試。其他野都係正正常，我地都係會間中都係食下，整體晚餐都OK ，TOTAL 257 蚊。…查看更多

Feel like their choices of sushi (with fish) has decreased. These days, they just add different variations on top of fish .. for example avocado on salmon.. or onion on salmon...?!…查看更多

都有好幾個月冇嚟食呀自從搬咗屋，今日好想食，就嚟食迴轉壽司啦， 紅磡黃埔呢一間都算多人，晏晝到下午茶時段其實都係要排隊攞飛咁樣，都排咗差唔多十分鐘先有位，坐低來開手機點餐咁我哋梗係狂點啦，最後呢我哋點咗好多樣嘢嘅 如下圖所見喇，十幾樣嘢咁壽司方面係新鮮好味，但我哋最鐘意係個個巨型帆立貝 同埋極上二段大拖羅，呢個有拖羅同埋吞拿魚蓉呀，所以口感係好好特別。最後我哋都嗌咗兩個甜品去做結尾嘅一個係朱古力味，另一個就cheesecake。朱古力味嗰個呢就好勁朱古力味， cheesecake 就好重海鹽味都幾特別好食。唔錯既。…查看更多

因為排唔到壽司廊，所以就試吓元氣壽司🍣唔係好多人排隊，大概夜晚7:30等15分鐘就有位入。當然佢啲壽司比 壽司廊貴好多，平均要成$17至$20一碟，有時一碟兩件，有時一疊一見，睇邊一款壽司。最鍾意食帆立貝，所以叫咗帆立貝壽司，赤燒帆立貝，要成$17 1 件壽司。佢啲帆立貝係有口肉，夠厚，鮮甜嘅。喺其他壽司舖未必食到呢個質素……可能我哋已經係晚上7:30至8:00先嗌嘢食，好多特色壽司已經冇晒。例如$48 - 3件特色吞拿魚- 售罄其他抵食嘅壽司- 售罄 章魚燒- 真係即叫即整，入邊係熱辣辣，而章魚燒個皮都整得幾脆，所以幾好味😋兩個人平均食咗七粒壽司，加啲小食，就飽了。總結： 平均每人$170就已經食到好飽，性價比都算高…查看更多

吃慣Sushiro，唸起好耐無黎元氣，咁好啦就吃多一次。點知真係差d嘔返出黎， 根本沒得比。就連汽水都無的同人鬥， 人地就好多冰兼卑買個杯賣8元，你就得杯汽水仲要賣12元，飲左無幾耐都唔凍啦！ d壽司又麻麻地，又唔係好凍冰冰又無新鮮感覺，口感好一般。講返句真，以前黎都好多人仲要排隊，依家直情無曬人仲唔洗排隊都知咩事啦！ 最後一次黎了 因為曾經都好鍾意食元氣兼覺得Ok .... 好心學下人啦 不過元氣有Wifi又唔洗限時60分鐘既 但無咩意思 好失望…查看更多

今日帶埋小朋友去食呢度既下午茶，因為其實以50-66蚊可以食到5-6件壽司再加小食同烏冬其實十分抵。我點左有玉子同燒汁牛肉果個set，仲可以加錢點老婆鐘意食魚生。食物質素認真冇乜要求，以呢D價錢唔應該要求太多。最後埋單都係270左右就食到好飽，因為都好晏先食，可以當埋晚飯。…查看更多

今天來吃平民寿司🍣沒想到這裡也變成高科技點餐模式也沒想到在下能吃平民飯 😅不朋友喜歡就好而我們點的食物如下極上厚切鰻魚寿司$12筋子寿司$10油甘魚寿司$10炙燒辛辣三文魚寿司$10炙燒鰻魚牛油果寿司$22吞拿魚腩寿司$26三文魚腩寿司$10玉米蟹柳褔袋$17炙燒芝士皇帝蟹柳$17軟縠蟹手卷$22芝士厚燒玉子吞拿魚冷麵沙律明太子雞翼$26芝士龍蝦濃湯茶碗蒸$23炸雞軟骨$26蜆湯烏冬$29這個價錢這個質素算是這樣吧不能有更多的要求看到朋友吃得津津有味在下就感欣慰了…查看更多

元氣壽司就真係成日食 為佢寫食評真係第一次點解成日都會食佢呢因為貪佢夠平 減肥恩物 食九件啱啱好又一餐今日見到佢推介鰻魚壽司 雖然唔係減肥可以食嘅 不過我見佢話有兩倍份量但係$12啫咁咪又試吓啦嚟到見到件鰻魚好厚身啊 真係即刻心心眼😍食落口啖啖肉 仲係熱熱地㗎可能係師傅有用火槍燒下個面啦 好滿足終於叫下一件叫下又一件最後總共食咗四件囉😂除此之外我覺得佢啲炸物都係值得推介嘅因為真係好熱係新鮮炸起㗎唔係凍冰冰或者暖暖地架 下次去元氣除左食壽司 炸物都係值得試嘅😆…查看更多