元朗燒賣皇后妙舒

营业中

休息中

久聞呢間燒賣皇后係元朗出名，誰不知今日去荃灣路德圍掃街就見到佢，咁就試下係咪咁好食，望左佢個餐牌，有不少食品供選，不過主打都係想試佢既香菇豬肉燒賣，其他野都係普通小食店都有既就冇咩興趣試。燒賣盛為$12蚊5粒，價錢有點偏貴，但冇理照樣試，好最多下次唔幫襯😅燒賣味道真係極之普通，只係混有香菇的燒賣，同埋唔係太食得出有豬肉，面粉比豬肉多，就算加埋辣椒油同豉油，係味道上都係冇幫助，主打招牌都搞成咁，真係冇下次了。

裝修時見到個名有燒賣，加上附近開多咗點心舖，一直都以為賣點心，開到梗近未同唐記打對台？仲打算食花生，點知係燒賣、粉果、碗仔翅依啲普通嘢。一開評價就麻麻，至今都無幾多個客，睇返主因已係原店。近年評價都係普通、唔值，唔明點解會出名，但始終未食過，都買個招牌試吓。香菇豬肉燒賣，用大竹籠一次過蒸，只有一款，平價身形，仲要加辣油，完全係街邊燒賣樣，但價錢就接近酒樓點心。食得出係手打，只係啲料太普通，又唔同酒樓入面溝啲粗粒增加口感，只能說比一般好食，用同樣價錢，同區已經可以係點心舖買到蝦肉燒賣，點解要食香菇豬肉？對蝦過敏可能就會食，因為佢地完全無賣蝦比較安全。

最近荃灣開左依間元朗燒賣皇后，心諗燒賣都有皇后?🤣 上網睇先知原來佢係元朗都出名，既然開到過黎，就一於試下🤣🔸招牌香菇豬肉燒賣 $12/5粒$12/5粒既燒賣感覺小貴，不過佢比起普通魚肉燒賣大粒一啲，咁都可接受啦😗燒賣都幾香冬菇味，唔算話超彈牙，但亦都唔會過惗，加上秘製既辣油都幾香，都算不錯🙂見佢仲有啲比較特別既八寶迷你盤菜、沙嗲五寶果啲，下次試左再報告俾大家知😛

----今次買炸魚蛋+炸燒賣套餐-----------$22（可不炸或只有一樣炸也可）會問你加不加椒鹽，加左但味不太重．但2樣都好味．凍左都甘好味炸野要等耐少少炸燒賣好食，可再食炸魚蛋就炸同不炸分別不大．

今日路過路德圍，想食下野，當然就想到燒賣，魚蛋之類的小食。見到一間叫自己元朗燒賣皇后。舖面又新，光線十足，所以去試下。野食當然係自要為豬肉燒賣，有蒸，有炸。另外竟然有自製白魚蛋，牛肉球，和咖喱/沙嗲五寶。今次就試佢豬肉燒賣，自製白魚蛋和牛肉球。等等等。見到門面係蒸住燒賣和牛肉。但魚蛋要舖內製作，所以要等等左幾分鐘，終於有了陳皮牛肉球，講真，和就食唔出陳皮味。唔係街邊普通的牛肉粉球，似普通茶樓貨仔另外就係自制白魚蛋和豬肉燒賣。一打開就發現，白魚蛋和圖片唔同，圖片係手打丸，但實物係普通白魚蛋，而且係淋，冇魚味，但好在唔係粉頭。似普通超市買到的。而燒賣就正常酒樓貨仔，冇特別。又講下辣椒油。唔辣，有少少椒味，和豆味，可能加左豉油或豆豉。可惜。。。。。。炒焦左。

黎到元朗緊係會聯想到去又新街掃街啦！呢間燒賣皇后係元朗好耐歷史架啦！有串燒、炸物、飯、最重點係粒燒賣，燒賣大大粒，有冬菇、豬肉等食材，口感係非常豐富，而且有蒸有燒所選擇，可以話係隨自己喜好去決定點食粒燒賣！

元朗燒賣皇后📍荃灣荃興徑10-18號富榮大廈地下4號鋪係荃灣周圍行同掃街，見到呢間係元朗好出名既元朗燒賣皇后竟然係荃灣開左分店！😆都好多人排隊架！於是就滿懷期待咁希望可以試下呢間既招牌燒賣😚香菇豬肉燒賣（5粒）$12食到粒粒香菇同豬肉味，可惜粉太多，唔夠爽口椒鹽炸燒賣（5粒）$15咬落去皮係脆既，但椒鹽味唔重，唔屬於彈牙，口感一般可能對佢太大期望，所以食完有少少失望😞唔係想像中咁好食，但其實質素唔差，只係一開就抱太高期望！以價錢黎講佢算係中規中矩，唔會太貴！都可以一試

上次見佢新開係荃灣，叫燒賣皇后咁勁，就即管試下。叫食完個燒賣，咬咗一啖，就無乜興趣了。可能因為佢個名，令我產生期望，有時期望太大，都唔係好嘅。今次又再路過，比多次機會佢，試吓個碗仔翅，20蚊，淨翅，如果25蚊就加埋魚肉。咦，又唔錯喎，唔太咸，又多料，真係幾多料。啖啖都食到肉。不過我鍾意粉絲， 如果可以多d粉絲就好喇。