元朗冰室

营业中

休息中

週五來到長沙灣店, 由於還是在衝突期間, 9點多大部份鋪頭已經關門, 這店是少數還維持營業的店鋪之一, 只想吃點簡單食物。隨意地點了蒜汁雞扒意 $60 , 來到的碟頭看起來相當夠, 擺碟係雞扒同意粉一半一半, 在中間放一些炒雜菜, 餐牌上寫的奉送田園沙拉可能忘記了又或者送晒沒有來不過我們也懶得問因為諗到係茶記沙拉唔食也沒有損失, 留給有興趣的客人吃吧！雞扒煎至外皮少少脆身, 肉質保留到水分雖然味道是一般的醃肉味但也是正常調味吧!意粉只是汞水煮熱返但就沒有撈什麼茶記蕃茄汁或者調味炒炒所以意粉是完全依賴跟扒的汁拌食, 看似多的扒汁用起來原來有點唔夠, 食到最後幾啖意粉係無汁了。所以如果你係個鍾意撈汁嘅客人建議叫他們俾多汁! 太座叫的宵夜雙拼三文治$22 +熱檸水$6, 雙拼的是咸牛肉拼蛋, 厚厚的夾在中間, 咸牛肉唔算咸, 蛋只是中規中矩, 三文治麵包也是一般。

現今，周維都有好多冰室，其實都唔知餐廳，冰室的分別，哩間係位於長沙灣既元朗冰室，應該係由元朗開出嚟九龍間中星期日，都會到長沙灣探親戚，每次早餐都會去元朗冰室，哩度既B餐，沙嗲牛肉麵+煎蛋🍳+蒜蓉包，真係好正沙嗲味濃，牛肉有咬口，麵質都可以，仲會加幾條菜，蒜蓉包大多數都會暖笠笠，蒜蓉味濃，好鬼正，加杯醒神凍奶茶哩度既服務好好，曾經一次多士黎到係凍嘅，叫侍應更換，佢都冇問題，真係要比個讚d侍應👍🏻

第一次嚟呢間 元朗冰室，試下佢哋嘅厚切豬扒飯唔想食咁飽所以就冇叫到Double先嚟咗杯凍檸茶 (-2分)但係有污水味究竟係啲冰有問題?定係啲杯洗得唔乾淨?破壞曬今餐嘅食慾咁就飲水算啦好彩最後主菜 都冇令我失望個豬扒真係好厚咬落去 仲以為食緊西多士仲冇柴皮 有肉汁 個皮仲係脆的可能畀啲梳打粉乸到冇乜豬味淨係靠啲鹽調味， 啲鹹豉油 可以唔落都得但淨係食到呢個口感 同成塊面咁大塊 嘅豬扒已經對得住 $53呢個票價仲有兩塊炸蓮藕肉餅加埋個白飯都幾大份粟米粒同埋少少菜應該可以飽到聽朝早

份量多，選擇多，味道差，麵包正今日選擇元朗，係因為東張西望介紹過一間港式傳統麵包公司，只是交貨比幾間鋪頭，元朗冰室系其中一間，另外就系佢地推介的厚豬扒。厚豬扒包餐($40)4分- 睇落真係好厚，豬扒有骨，算是肥美同吾硬，幾好味，麵包真係吾同，好正，好鬆，好真材實料，食半個都差不多飽。豬扒麵餐（$43）2分-哩個豬扒一樣咁厚，但比較乾和實，無咁好食，即系食物標準不一，個麵好大，但太淋。咖央多士（$22）2分-方包好厚同幾鬆，但無豬扒包個包咁好食，咖央太少同得個甜味無香味。性價比好低沙爹牛肉麵餐（$33)(2分）-沙爹牛肉好多根，有幾塊食吾到，麵好淋，雞蛋系要熟蛋，但好似爛曬咁，但有蛋香。咖啡無香味，一般般另外-服務比較差和亂，問佢系咖啡定乜都吾應，-無端端又來多一個豬扒麵餐。-早餐選擇其實幾多，吾系其他食評寫得咁少。

呢間茶餐廳已經唔係第一次幫襯，每次都係食厚豬扒，佢既豬扒已經出晒名厚，而今次我決定要試一試佢隻大雞脾🍗🍗🍗大雞脾都真係唔輸蝕比厚豬扒👍🏻大隻得黎又夠厚，炸得岩岩好，皮脆唔乾身🤤絕對低食，$50又有雞脾，又有多士，仲有出前一丁，邊到搵😎

今日好早起左身，見好肚餓就去食個早餐😆呢間茶餐廳都開左好耐，假期嘅朝早都幾多人黎食呢度早餐嘅選擇唔算好多，亦都係common個幾款🥢沙爹牛肉麵個面要自己撈均先有味😅沙爹麻麻，唔香唔濃郁啲牛肉比較厚同大塊😅而且食得出有筋同比較韌😞公仔麵就正常水準🥢煎蛋多士煎蛋唔係幾靚仔，極之麻麻地...亦都過熟👎🏻多士蒜茸味好香口👍🏻但包皮十分硬😕🍹凍咖啡正常，唔重咖啡味，但亦都無苦澀味算唔錯

今日即興約朋友食飯 就近黎左附近嘅元朗冰室之前已經有食過灣仔附近嗰間 上次係食特餐 個炒蛋唔差今次朋友強烈推介 話黎呢間一定要食佢個厚切豬扒 因為唔想食飯 就嗌左焗意粉中午時間1點幾到 餐廳都有8成full餐廳人手都好足 上菜都唔慢個意粉黎到 賣相就一般啦食落豬扒的確係好厚 但好冧好易咬開 唔會好柴就咁食個豬扒係好好食嘅個意粉都唔差 個醬甜甜地好開胃 意粉都好入味但係豬扒同意粉個醬放埋一齊就麻麻地豬扒本身有鹹味 加埋個醬好唔match 建議想試都係試返普通豬扒加白飯會好食好多

夜貓時份冇咩餐廳揀，難得有餐廳未收，就去試吓。🍗炸雞脾+特脆薯條🍟炸雞脾新鮮即炸，都幾大隻，唔乾又唔硬，皮脆香口！特脆薯條又真係好脆喎！脆卜卜得嚟唔會好硬！以宵夜時段來說，呢個餐一點都不馬虎！🥩炸豬扒+特脆薯條🍟見餐廳推介特厚豬扒，就試吓！又係大大塊，兼且有厚度，但"鞋"口，唔嫩且硬實，連切都有點吃力，應該是肉質問題，真失望呢！希望下次再幫襯時已改善。炸雞脾明顯比炸豬扒肉嫩，不妨作個參考。

間唔中星期日都會去長沙灣呢間元朗冰室，早晨套餐都係$33蚊倒，好抵食，佢嘅B餐-金牌沙嗲牛肉麵，雖然沙嗲味唔係好夠，但係牛肉呢就真係冇得頂，份量多之餘肉質仲好林滑，香烤蒜蓉多士又好鬼脆。睇倒openrice d食評話厚切豬排🥩好鬼正，我搵日真係要過黎試下。

晚餐隨便搵間餐廳食，呢間餐廳以厚豬扒為賣點一於試下厚豬扒配司華力腸飯 $51睇落豬扒比我想像中薄，但食起黎口感岩岩好。司華力腸普通，值得一讚既係都算煎得脆卜卜白飯配甜豉油，有醬汁撈飯唔會乾爭爭極品厚豬扒併特脆薯條 $45呢塊豬扒比上圖飯餐既豬扒厚少少，啖啖肉口感更滿足呢個厚度切落算有小小吃力，再厚啲應該真係好難切，所以小妹覺得厚度岩岩好薯條真係幾脆，而具無油益味，推介黑椒牛扒意粉 $60好大碟！但牛扒無牛味，非常普通。意粉亦完全無汁，略嫌有點淡

喺同事口中聽聞元朗冰室既豬排好出名，今次終於可以試到有幾出名。—————————————————————#厚豬扒🐷出前一丁 💰45有出前一丁/烏冬揀。午餐黎講呢個價錢算可以接受🤔最緊要係試到佢既厚豬扒。豬扒個size 相當大，厚度同其他既茶餐廳差太遠，真係好厚身。厚得黎肉質唔會好「鞋」，食落仲有肉汁 🤤，味道唔會好重口味，岩岩好，絕對係必食之選。出前一丁好咸，落得太多調味😱，早知揀烏冬算。好味指數：7/10🍚: natalietongym 👉🏻#跟住皇后去長沙灣

Happy Friday，約了長輩食晚飯，簡簡單單在附近的茶餐廳食。元朗冰室的招牌食物是「厚豬扒」，我唔太餓，所以好似食茶餐咁叫左豬扒薯條。薯條熱騰騰，但唔脆。豬扒鬆香，唔un。老公食豬軟骨拉麵，d豬淋到好似食炆牛腩咁長輩食飯叫餸：梅槊肉飯及雲耳蒸雞餐飲紅豆冰+$4，d豆好硬

份量少其一，豬扒飯份量基本上得半碗飯，係咪可以收一半價錢呢。梅菜扣肉飯非常乾，想加汁店員就講明係袋裝過黎舖頭番熱，唔係即整所以無汁加。店員愛理不理，唔休無生意做。所以唔會再幫襯，亦極度唔建議。

最近上左一套期待已久既電影，好彩由好朋友度得知附近有間戲院做梗買一送一優惠，即刻約埋佢去睇。由於睇7點鐘既關係，DINNER時間只剩番唔夠一小時，係未決定食乜既情況下，比我見到呢間厚豬扒專門店「元朗冰室」。令我諗起我D同事試過後都話豬扒大塊、幾抵食，所以今個晚餐就交比佢。餐廳除左有厚豬扒飯餐之外，仲有日式拉麵、PIZZA、西式既意粉餐等選擇。但據我在場既觀察，十之八九都係點厚豬扒，咁我地當然「入鄉隨俗」點番個厚豬扒餐啦!!極品厚豬扒併特脆薯條 $45無論係豬扒定薯條都同個餐名好一致，厚扒大約有一吋厚，而且好鬆軟，又多汁，重點係調味唔會太過重手，果然唔錯!!脆薯條炸到黃金色，味道似薯格，入口外脆內軟，又有薯味，醬都唔點已經好好味。厚豬扒配司華力腸飯 $51原來司華力腸只有半邊，我個人覺得又唔係D咩貴野，唔需要做到咁姑寒。餐飲加錢轉紅豆冰 +$4紅豆似係自家煲，因為全部都係原粒紅豆，而且有D偏硬，但比起罐頭開出黎既紅豆蓉，我更中意呢個質感。可惜糖漿落太多，非常甜、太甜，啖啖糖漿….呢度既厚豬扒確實唔錯，但所有食物，包括個豉油汁都好油，食果陣係覺得好味，但食完之後就會覺得好油。

一直好奇佢嘅賣點係厚豬扒，究竟好食到咩情度到可以開到咁多分店呢！每次想起去呢就多數撞正午市人山人海而放棄，終於今日下午茶時段我得閒想食時佢又有位。厚豬扒全日早餐火腿片、炒蛋、香草豬肉腸同茄汁豆正正常常。牛角包又凍又韌有老油條質感！沙律菜唔新鮮核核突突咁，豬扒確係厚身又大塊但梳打到毫無肉質纖維，食落仲有乸喉feel！連食咗一半都無就頂唔住放棄。預估計除咗譚仔阿姐獨有語言系統外，呢度好快都會有！落單時叫凍檸茶少甜同熱檸水，嚟到變成凍奶茶走甜同熱檸茶....問阿姐佢就比個黑人問號樣我！如果認為咁就係「好味」豬扒的話，為今日年輕人口味悲哀。