元朗冰室

营业中

休息中

星期日早上行入呢間冰室 已經好多人食緊早餐第一次入黎 坐位都算幾多窗邊的都係雙人卡位 我地3個人所以選了窗附近的4人座位打開餐牌 見到招牌炸厚豬扒再見到餐牌上有 自家制五香肉丁最後我地叫咗兩份五香肉丁煎蛋公仔麵自家制五香肉丁 味夠 唔算太辣 肉亦唔硬麵煮得剛剛好 不會太淋成碗麵都幾好味咖啡係即磨咖啡 都幾好 唔錯另一份 叫咗 咸牛肉蛋治凍檸茶都幾好味 食物上餐都幾快

朝早嚟咗食個早餐。見到42蚊一個兩餸麵加個有8飲品，好似唔錯所以行咗入去。不如首先講吓啲優點，個凍檸茶事實上喺做得幾好嘅。甜甜地，但喺又唔會太甜，所以我自己都會推介一下。個沙嗲牛都OK，但喺無乜特別。不過有啲好奇點解碗麵裡面會有一舊差唔多無切過嘅菜。除此之外，服務態度都唔差，比錢夠快手。不過環境就，哇，我自己覺得有啲反感，食完碗麵就好快走咗，無感再坐多兩分鍾。睇返啲相就知點解。都差唔多啦，無乜其他感想。

蜜汁叉燒肉通常是用肥肉制作而成，口感比較香，蜜汁則增加了一些甜味，讓肉質更加美味。在口感上，瘦肉蜜汁叉燒肉通常比五花肉制作的叉燒肉更加爽脆，口感更加清新。雖然叉燒睇上身好瘦，但唔算硬，適合作為快餐或午餐食物。如果您想要享受美味的叉燒飯，同時又想保持健康，那麼蜜汁叉燒飯是一個不錯的選擇。

太子元朗冰室即焗熱辣辣係正嘅，佢啲豬扒厚度適中，質感鬆軟，芝士係夠既，唯一係個汁差左冇咩茄味，似燒汁，之前真係幾好食，唯有再去試第二間🤣🤣🤣售價63性價比比較低

嘢食一次難食過一次，一次少過一次。每次落單一定會落錯單，落錯單又話出咗唔比換，下下都要硬食。廿幾蚊薯條都唔係想要啲咩質素，但會唔會係少得可憐。牛扒就每次個唔同味，係合埋眼都吞唔落嗰隻。豬扒就招牌啦，但除咗油味之外，真係食唔到有肉味。講真，真係食得出好求乸其咁整。價錢係唔變吖，但啲嘢食一次少過一次，一次劣過一次。真心講句真係唔會再幫襯。坐低睇完餐牌想嗌嘢食，舉到到隻手斬都冇人理。上菜或者服務真係連麥當勞都比唔上。失望。

真心難食到Ok既一間隱世食店。而家係香港要搵一間裝修ok,門面ok，坐得舒服，但難食到食啵落口既餐廳真係好難。啲雞好似隔左幾個星期果陣味，真心擺唔到落口。份量又唔多。得果幾舊，真係食燒味店好過。千祈唔好黎呢間野食雞！行過呢間野都真係算幾多人下！但食物質素真係好差，見到咁多負評都唔係好信，因為間店都算多。照常理難食無理由會多人。同埋呢間野一坐落去20分鐘就開到冷氣勁大，勁響，可能準備收工開大啲。整體係食得好辛苦

入座晚上8點叫荷葉蒸雞飯，話要等25分鐘，已知道沒有問題，點知等到8點9都未到，於是追單，落單條友話入去睇睇先，然後話等多一陣就得啦！等到成9點重未有，再追搵經理問，又話入去睇，跟住話就到，快啦好快到，追到晚上十點都未蒸出來，最後叫我轉叫其他食物，話廚房漏咗單，真係離普，等咗成兩個鐘先話漏單，唔知點做生意，隔離張枱遲個我落單都有荷葉飯食，嬲得我走啦，成肚火點重食得落，真係不知所謂，餓到胃抽筋真慘，新年期間唔想鬧人都唔得👎🏿

今朝難得老公放假，就兩公婆歎個醒晨早餐。呢間鋪就樓下，都幾方便。我嗌佐個雪菜肉絲米粉，米粉相對入味，起碼無咁白，雪菜好多，分量夠大。先生就照舊，沙爹牛肉面🍜牛肉面都大份，牛肉好大塊一人配一杯野飲。我嗌佐啡走，凍飲➕3蚊，兩個人吃到飽飽。總評:還算可以的一間港式餐廳，如果有埋雙拼面🍜選擇可能會多元化D，仲有係廁所🚾太細啦。去幫襯咁多次第一次挪鎖匙去廁所🚾，oh，門口轉左去穩，如🈚需要盡量就🈚去啦

昨日食完入去見食評講到如此差，剛好又在附近午，又試下招牌厚切豬扒飯唔講太多，總之都是好食同爽，不過豬扒可以厚些少👌而且午飯時間都差不多滿，質素應該唔差，當然其他分店質素又真是好些👆

一路以來也是厚豬扒的捧場客，不過佢地午餐的蒸雞及排骨也很好，但當椒鹽+豬扒飯就二話不說點了幸好，今次亦沒有令我失望椒鹽夠惹味，份量剛剛好，豬扒炸得剛剛好，只不過冇招牌厚豬扒爽，飯亦可以再軟些少熱些少，但也足以令食指大動，所以差不多食完才記得影相記錄下🙏如果每次個客離席也快快執枱，衛生可以俾多些分👌其實侍應也唔少，不過當然可以勤快些招呼，現場的午餐客都不少，應該質素都唔差，當然其他分店又真係好些

近排一早要去太子返學，於是早D出門走去食早餐，元朗冰室比較近上課地點，於是成為短期飯堂，課堂完咗就唔會相見.唔會相見嘅原因，當然係不滿意啦!每次嚟到，都係幫襯早餐B，金牌沙嗲牛肉即食麵，配嫩滑炒蛋,，香烤蒜茸厚多士.沙嗲牛肉入口仍算鬆軟，入味，只係每次要求少湯多汁都被無視，算! 明白每個人對少湯多汁定量唔同.最不滿係蛋踲份量，少得可憐! 次次幫襯都係偷工減料!重有件香烤蒜茸厚多士，完全唔係香烤，入哂氣冧哂好似過期麵包!滿分肯定攞唔到，勉強俾個 okay.

水準如一的厚豬扒，表面金黄無燒燶，又帶少少焦香，內心有豬肉味和肉汁，帶骨位置有不多的脂肪保留着，大口大口嚼下，更能提高食慾。當配搭飯、餐包或湯面都是十分好味道的《 元朗冰室 》有多間分店，以厚切豬扒作為號召，也是我光顧的主要原因。而本人總是喜歡位於太子區的分店。店內座位相距近，職員不多，顧客們要加少少耐性吧。但它出品的厚豬扒就令我懷念呀！尤其是配搭韓式辣麵喔 只是食一塊豬扒，都可以令我有七成飽的感覺了溫馨提示 ： 下午茶時間由兩點到六點，價錢合理份量充足。

元朗冰室有多間分店，我試過都不錯。太子呢一間兩年前第一次食都不錯，今天經過再試。這店很出名的當然是豬扒，既大塊又美味。今次同行人叫了豬扒拼蓮藕餅。一來，扒豬扒很吸睛，很大塊哩！但是伴著的兩件蓮藕餅細得可憐，可以一口就食掉。味道沒什麼特別。惟有寄望豬扒，第一口唔得，接著幾口都差。肉質軟得沒有口感，不知是鬆肉粉重手了，還是手挆得過頭，似食豬肉餅。專登加錢要肉醬，看來不錯，有少許辣的，但食落很鹹啊！我也叫了口水雞飯。這款在第二間分店食過很正的，但呢間失望至極。雞上有花生，有啲已走氣。雞件肉質很鞋，沒有雞味。汁也不吸引，有些店口水雞的汁撈飯很正的。結論是，它會影響了食客對「元朗冰室」的印象，不會再去這分店了。

當計劃講唔上預期，本身諗住剝牙之前食一餐好嘅，點知多多阻滯，唯有是但搵一間茶餐廳食完就乖乖地去牙醫度早餐都冇食，一嚟就下午茶極品厚豬扒真係好厚，但係豬扒其實冇咩味，亦都非常之油，肉質鬆軟唔係唔會乾身。唯一可取之處就係茄汁係獨立包裝特大炸雞髀🍗雞髀嘅size都算偏大，都選擇得香脆，係咪k醃得入味嘅，比起豬扒好。呢一種沙律真係香港茶餐廳嘅雜果沙律整體來講，嘢食只係屬於大大份抵食，但係唔算好好食。附近其實有更多好嘅選擇

疫情我都知難做，成條街都冇幾間有開，見凍室有開，又想食炸肶，好啦，仲有賣炸肶，食返個啦。坐低都係例牌冇伙計，等多兩分鐘終於有伙計上餐，叫返聲唔該落單，伙計係無反應，不過轉頭都過黎寫單。唔知係呢度文化定點，寫單係放張寫單紙係餐枱再慢慢寫，叫個炸肶姐，又要搵餐牌再慢慢寫個午A。心諗不如我寫埋畀佢啦。一兩分鐘後，果個伙計埋黎話冇炸肶，唉，有冇咁黑仔。算，求其食個炸魚柳，唔好煩了。過多幾分鐘，罐可樂上枱，連一杯冰。可樂唔凍都接受既，39+3凍飲，仲想點。歎兩啖可樂，上左碟吉列魚柳，放低隻碟果刻，我以為上錯餐。有圖有真相，呢塊係魚柳?! 魷魚咁卷起哂，39蚊你畀咁細塊我? I can't believe it! 上Openrice睇返張相，雖然原本影落都唔大塊，但呢度兩啖都咬完了吧，收我39? 食個老麥都冇咁火起。當我回過神來，問返伙計，佢就話，係咁架佢。好一句係咁架佢，睇黎唔係我黑仔，黑果個唔係我。食落其實唔難食，係份量細到唔敢想像可以以下午茶自居。個擺碟更加係笑話。結言: 永遠不會再來。