元朗冰室

营业中

休息中

今日路過見到新餐廳想試下，可能係新開同埋啲職員冇經驗，派飛嗰個阿叔完全唔知自己做緊乜咁，我同佢講咗要飛幾次，明明聽到都唔理我。我以為淨係我係咁，但另個一樣係2位嘅客都係一樣冇人理佢。其實佢唔想收兩位嘅客我希望佢講清楚囉，唔好浪費大家時間。而重點係，其實入面有好多吉枱，我諗佢地係想製造條隊扮好受歡迎。結果因為我攞唔到飛，當然連等都唔使等就走咗。不過我短期內都唔會再去試啦，等佢一年後管理好啲，又未執粒時先算。

見新開張諗住試下，叫完一次即刻剪左張外賣紙難食到我要開一個帳號寫這篇文章，希望別再有人中招今日晚上6點30分，叫了兩個外賣，一個係厚豬扒配司華力腸飯，一個係厚豬扒配辣肉醬飯，兩杯凍奶茶，104元。兩個餐，一份豬扒全是肥肉，肥到出油果隻，放入口即刻吐返出黎，另外一份乾身，啲肉硬既，點放得入口，味道算正常，啲飯又係硬既，好似未熟咁，辣肉醬方面都可以接受，似辣椒油肉碎咁，杯奶茶係正宗奶水咁，完全無茶味可言，全個飯仲好食就係粒粟米，其實全部食唔落口。結論係，唔洗錢我都唔會再食！多謝。

早幾個禮拜前，知道太子開咗間新嘅元朗冰室，就同埋D朋友一齊去試吓，試過厚切豬扒飯，都好大塊好好味👍🏻👍🏻而且，侍應服務都好好，因為啲菜麻麻地，但佢都加番啲粟米俾我哋👍🏻👍🏻只係個洗手間🚾比較奇怪，係店舖嘅後面後行，去嘅時候要小心啲啦！

叫左個豬扒蓮藕餅飯一塊厚豬扒 唔算油 幾厚下二塊蓮藕餅 好香口 蛋槳炸過既 外脆內軟唔錯個飯就標準飯碗碗半飯度豉油應該溝過 不過都幾好味唔係太咸今次坐對窗位望到術景卡位算寬敞，但普通坐位四個人會迫小小午飯時間都爆滿。要食就早啲去搵位啦

今日見呢間餐廳新開，十二點左右入店，要由頭行到尾先可以坐低，枱面勁污穢，待應好多，但我叫左三個阿姐抺枱，三個都好似聽唔明咁，到第四個終於拎塊布黎，用佢搽咗指甲油既蘭花手拎住枱抺象徵式咁抺兩抺就完事。然後叫左厚切豬扒出前一丁配熱華田（6 號餐），唔夠一分鐘，熱華田送上都有華田香味，飲落都好好飲；再過兩分鐘，一塊豬扒配上一片三角形既牛油蒜茸包送上。塊麵包拎上手，完全感受到地心吸水呢個原理，估計塊包應該由朝早開舖已經整好放到我黎，入口塊包底好似俾水浸完，塊包完全係濕濕地漿住個口，吐都吐唔切。不久，出前一丁送到面前，目測廚房大哥係就咁將個出前一丁放入碗味精湯裡面，完全唔似煮過因爲麵身係白色，一啲煮過變半透明都無，放入口就似打開包童星點心咁款，我又決定放棄。黎到最後試試塊白色豬扒，一切再切終於切開急不及待咁咬一口，個味道完全係夾雜住油、粉漿、肥膏連同好似煲左十個鐘出晒豬肉味既瘦肉既所謂豬扒，凍冰冰，無味道，無賣相，完全慘不忍睹。就係咁，我乖乖奉上$42 同急急腳走人，真係一試難忘。

太子近來都有不少新開張的冰室，其中這間有著紅當當招牌的元朗冰室十分搶眼，於是便在等朋友的空檔去吃個下午茶。叫了咖咉西多熱奶茶，咖咉份量適中，不會太甜，西多炸得剛好，不算油膩。至於熱奶茶就稍為遜色，奶多而茶味不夠香濃，而且是溫溫的，不夠熱辣辣。雖然都是一般茶記的食物，不過在旺區來說，價錢算合理了。可是，服務方面有待改善，可能是新開張，人手不足，執枱、下單、上菜、要刀叉都等了很長時間，而且亦要不斷催促。

本身我就偏愛食全日早餐，見到呢到有，我梗係又一試啦，今次叫左份魚柳早餐，四十蚊，抵食吖，但如果要轉豬扒就要加十蚊(話係厚切)，但我冇咩興趣，個魚柳早餐雖然唔係好大份，但總算夠食，魚柳熱辣辣，唔係特别好食，跟嗰個牛角包有D硬添，但D嘢熱辣辣加番唔少分架，另外朋友都叫左個厚切豬扒飯，我都有試番舊，但唔覺得特别厚喎，不過個豬扒好林身，味道都可以嘅,不過如果再嚟我都唔會專登叫呢個豬扒，反而早餐我都會再試吓

厚道行為建良緣，切勿妄念建歪理，豬牛戒殺建宗教，扒竊小盜毀大同。六點收工頭岳岳，在太子區內行來行去，都唔知食咩嚟頂吓肚餓，一陣又要再做嘢，食多啲又花時間，食少啲又怕手軟腳軟，無晒實在感。點知發現到咗<元朗>呀︶*︶❝元朗冰室❞外圍貼住多張吸引我的宣傳海報，其中之一寫住<<since 1991 · 厚豬扒專門店>> 噢。所以决定去度一度佢有幾厚。餐牌上的食品種類多多，我要提起萬二分專注力，放在厚豬扒的食品中。最後選擇<<魔鬼醬厚豬扒包>>了。外面兩片脆脆的包，中間隔了一片厚豬扒，令到上、下麵包分了手，像牛朗與織女姐姐，被遼闊銀河阻擋着，遙遙相蓬無日期。但厚豬扒境然噴射出新鮮熱辣儂儂油香，在數尺距離內亦感到心底跳動着，兩手不自然向前抓緊它，突然發現麵包並沒有被蒸氣或肉汁弄濕，整體恰到好處呀！於是我盡量張開大嘴，享受此無敵的厚豬扒包了。溫馨提示：<魔鬼醬> 實際是山葵味沙律醬，要唔要就由自己决定。店內面積可說寬敞，但有枱已被留座了，我覺得大家應該合作。

營業時間刊登營業至凌晨三點但兩點半已要清場，什麼叫營業到凌晨三點？廚房又早已沒東西可點， 侍應態度極差似乎在話你阻住收工。食物質素很一般，雞脾很油，辛辣麵淡到無辛辣麵的味

行行下經過見宵夜唔係太貴第一次黎呢間分店裝修都算新淨 整潔可能因為夜晚9:45關係 唔係太多人 得返三四台客人叫左蓮藕餅同牛肉烏冬上餐都唔耐 十幾分鐘左右個蓮藕餅新鮮熱辣熱到要吹下先放到入口😂蓮藕好脆 最抵讚係炸漿有蛋味 同埋個醬個醬係類似沙律醬但有芥末味同炸物一齊食中和返係岩岩好又唔會太搶本身蓮藕餅個味 但食落少少攻鼻夠特別淨返個d醬都忍唔住撈埋飯食另外朋友叫左個鮮牛烏冬佢話有d冬菜好特別 宜家好多店都唔會用冬菜 得芫茜中芹蔥烏冬正常 滑牛有牛味但冇特別正正常常佢食完我件蓮藕餅都話要encore

厚豬扒 配 蓮藕餅飯。$48唸住招牌一於試下點知厚就厚但真係好大陣梳打粉味蓮藕餅相比之下，好吃多了咖哩牛脷飯。$42咖哩香而不辣，薯仔食得出微炸過，所以表面幾香微脆牛脷彈牙厚身大大塊都有4.5塊沙薑咸雞飯。$42雞尚算嫩滑花生香脆沙薑醬濃香幾上餐配 熱飲！午餐未如理想😞下次試下個早餐先！

行過試下新冰室一個人行過太子, 見到新嘢, 八八卦卦, 又入去試下. 下午茶時間, 價錢都幾太眾化,廿幾蚊都有得食. 最初想試下佢的厚豬扒, 不過下午茶都係唔好食咁多.我今次試下佢嘅<<巑岐之選>>系列.<<頂級肥牛烏冬>>豬骨濃湯, $49.坦白講, 以日式烏冬來講, 湯唔算太濃.不過, 肥牛都算OK, 而且份量唔錯. 反而加$5的<<紅豆冰>>好有驚奇 首先, D冰細細粒, 跟足傳統.紅豆好軟, 好淋, 有沙, 似食紅豆沙咁! 整體感覺算唔錯!! 

之前行過已經見到cocoduck個位轉左做元朗冰室，成日聽人講過佢地嘅豬扒幾好食，今日lunch見佢開左，一於試下。兩點鐘黎到，佢都幾多客，我地好快坐低左。睇睇餐牌，午餐都有唔少套餐，包熱飲，定價$42-$50，價錢都ok，而家一般食個晏都係差唔多價錢。下午茶兩點起就供應，因為我兩點先食午飯，所以比較自由，平時食套飯定食下午茶都係睇心情，同視乎當日餓唔餓。另外有烏冬、主打嘅厚豬扒餐、多士等一般茶餐廳食物今日點左個下午茶餐，【辛辣麵餐】會有麵、蒜茸多士、厚豬扒/大雞脾二選一，$45，凍飲加3蚊。豬扒真係幾厚身，而且煎得幾香，唔錯喎，咬落啖啖肉，不過就乾身啲，唔會話好juicy果種。多士都係厚身，不過唔係好熱，亦都唔係好脆，包嘅質感都幾實，但蒜茸味夠香，唔係hea搽。整體都ok，下次會試下午餐