允升甜品

营业中

休息中

去長洲玩就例牌要食糯米滋架啦。今次一行8人食允升。長洲有幾間允升，入細街行行下好自然就見到。叫左芒果糯米滋($13), 榴槤糯米滋($13), 芒果綠晶($29), 什果楊枝甘露($25), 榴連西米露($36), 仲叫左其他野食，但唔記得叫咩名同幾幾。埋單每人平均$40。全部野食都普普通通咁啦，唔差的～但無乜驚喜。大熱天時食碗凍野其實都一定係正既。最後我買左8粒榴槤糯米滋返香港食，我覺得d皮厚過堂食，唔知係咪心理作用呢

入到長州緊係要食芒果糯米糍🤤🤤🤤13蚊一粒，大大舊，正！不過今次買就覺得好似比起之前細左少少🙁不過，芒果依舊好甜！糯米皮好薄，黏度亦岩岩好🤤🤤🤤講起都好想再食😭😭😭😭😭我係買走既，買左一打外賣，佢分兩個發保膠盒裝起，面頭會鋪一張大紙巾，咁啲粉就唔會周圍飛👍🏽另外，我都買左粒即時食既，佢會俾個袋仔裝起😊舖頭仲有其他糖水、甜品，可以堂食嫁，有冷氣！不過我就冇試，下次再試😛

最近少左周圍去餐廳食，反而多了行山郊遊及掃街搵小食，今日入長洲行山睇奇石，入埋張保仔洞尋寶，玩到肚餓，最岩出返中心點覓食，掃小食當然唔少得芒糯米滋，唔想係街食，可以入店內慢慢嘆（每人最底消費$15）熱豆腐花 $15友人話夠熱，而且又夠滑溜，加埋黃糖食，甜度自己調配，味道好。什果楊枝甘露$25睇落表面係楊枝甘露，我的什果呢？！原來係個底度，拌勻就出現什果。好多生果好豐富，有西瓜、蜜瓜、哈蜜瓜，與menu相一樣吸引，生果多汁又甜，而且與糖水的甜剛好夾到，大家唔會搶甜變淡。楊枝甘露的芒果同樣香甜，西米粒份量多，帶少少柚肉，味道好正。芒果糯米滋$13紫糯米皮芒果糯米滋$13兩者其實味道差唔多，芒果一整片厚厚的果肉，雖然都多汁濕潤又香甜，但仍有部份位置是酸的。糯米滋皮薄軟糯，的確做得好，反而用黑糯米整的紫皮，其實只食到淡淡紫米味，所以差別不大，外觀可能是其特色之處。

糯米糍煙煙韌韌，不少人都喜歡。糯米糍，也叫糯米糰，是一種流行於中國南方以及香港的甜品。糯米糍與日本麻糬為相近食品，前者比麻糬軟，水份比例較多。此店的芒果糯米糍是長洲名物，是元祖店。把廣東傳統小食，結合冰凍的芒果，化身成為香港風味的甜品。剛是芒果當造的季節，香甜多汁又厚身的芒果來了。小島上龍爭虎鬥，幾乎每間都出品糯米糍。專程來食芒果糯米糍，結果大失所望。買了4件，每件13元，重量足夠。皮薄，濕潤，問題在欠甜美，每件均如此。徒負虛名，堂食仍設最低消費額（不計食芒果糯米糍），不思改進。宜如主要對手，維持平均質素保證。

A very traditional dessert store selling Chinese style and fruit style desserts. Quite a lot to choose on the menu such as many traditional Chinese desserts and fruit style desserts, it also have famous Cheung Chau dessert — mango dumpling to order!!!! traditional old style store. Family style one ! The store has another branch store which is located on the same street, sounds very famous haha. ordered black sesame soup and black glutinous rice with bean curd, really hot and yummy

人人都知入到黎長洲要食芒果糯米滋但家下愈開愈多間真係唔知點揀好但我自己就不嬲食開允升 貪佢平靚正又薄皮多料佢其他芒果甜品都幾好架芒果唔會酸 甜甜地又唔覺得係落糖水咁假

難得平日放假，當然要去些假日會逼爆的地方於是決定到長洲走走對上一次到長洲已經是十多年前的事因此雖說芒果糯米糍已不是新鮮事，還是決定要嘗一下由於現時長洲芒果糯米糍多過七仔，當初有點煩惱應該吃哪一家的碰巧在另一家食肆內，偷聽到到大廚跟街坊吹水，說他只會吃允升，就馬上有了決定果然芒果大大嚿又鮮甜而且皮薄又有適當韌度由於店子設最低消費，我們也多點了一個糖水豆腐花尚算滑，但可能是豆腐花的水分沖淡了芝麻糊的香味，只能說是對得起價錢店子最低消費，位位十三，不計糯米糍但平日人少，可能我們也不久坐，店方也沒有反對

雖然長洲糯米磁而家周街都食到，但係黎到長洲點都要食嘅🍡允升甜品嘅糯米糍一向馳名，而黑糯米皮更係全長洲獨有，點都要買黎比相機食下📸不過老實說，黑糯米皮食落同普通糯米皮冇分別，又係得個樣😪 不過勝在都好有嚼勁。芒果內餡大大份，不過就唔係好甜同，可能唔係當季掛🍂 唔知係咪呢幾年市區開左咁多長洲糯米糍分店之後冇以前咁神化，不過都好食嘅🤤

對上一次嚮呢間到食甜品，已經係兩年前，記憶好糊模，但印象中係好嘅～不過呢次試完之後，真係有啲失望。糯米糍係我唯一覺得食得過嘅甜品。佢嘅上皮薄到透光，而下皮就為咗要承托芒果餡嘅重量，所以相對較厚，但口感仍然好煙韌。成個糯米糍嘅主角當然就係芒果肉，又大又厚又甜！皮薄餡靚就應該係指呢個意思。但其他甜品嘅質素真係幾參差，就好似呢款芒果腸粉咁～鴛鴦腸粉一黑一白，分別係由黑芝麻同耶汁整成，不過腸粉入面嘅芒果就令人好失望，果肉呈淺黃色，好明顯未夠熟，食落好酸好酸，完全食唔落第二口⋯奶昔飲落好稀，無奶昔嘅質感同細滑，唔知以為飲緊蜜瓜汁～

今日同老公入長洲拍拖，每次入長洲都必定會去允升食甜品，我一定會食榴槤至尊，老公一定會食楊之金露，佢今次重要加大，我哋再買咗12件芒果糯米糍。因為趕船所以叫外賣係船到食。榴槤至尊有好多榴槤和好熟，有西米和透明啫喱，真係堅好食，34元一碗榴槤甜品真係好抵。楊之金露都好多芒果和西米，老公話好好食。芒果糯米糍真係勁大粒，芒果又勁大舊，糯米皮好軟熟，超級好食，買到返屋企，家人都勁讚好食。以佢嘅價錢嚟講真係好抵，同埋份量好足料，所以每次去長洲都會必食

失望的允升....近一年都無去過長洲，回想反上一次上年的事，試下食允升甜品。幾年前味道係唔錯，但近年態度/食物都令人卻步。我在星期一入去長洲原因避開假日的人潮，但昨日入去店內只有幾個客人，心諗應該水準上會保持得好......可借食物/價錢/服務完全係比不上一般水準。我自己已經將呢間允升黑名單....大家可以如果無選擇上可以試下，否則.....唔使去

慕名前來，發現是一家主打糖水的鋪子，不過有一張專門做糯米糍的台擺在裡面，上面是糯米粉團和芒果，看起來還挺新鮮，滿心期待。結果order之後店家從冰櫃裡拿出一個塑料盒給我... 雖然知道是一批一批做好保存在冰櫃裡，但是還是給印象分打折買回來確實令人失望。糯米糍包到漏餡不說，芒果真是酸到沒譜...芒果的個頭雖然不小，但是味道真的讓人無法接受，感覺還沒有市區裡面隨便買的好吃。之前有看到推薦說芒果王的糯米糍很好，這次沒時間，下次一定要去試試看，彌補心中遺憾。

在夏日炎炎之際，在街上閒逛後，到訪了這間甜品鋪一歇。環境算是不錯，空調也挺涼快，與外面相比，這裡儼然是天堂。聽朋友說這裡的芒果甜品是很著名的，但身為一位榴蓮愛好者，我選擇了榴蓮沙冰。榴蓮沙冰售34元，與其他在長洲賣的沙冰(～15元)相比,這個價錢算是挺貴的了。個人認為，這榴蓮沙冰的榴蓮味不夠濃郁，說實話有點失望。此外，飲品裡有一點點黑色的東西(我不懂這叫什麼),但我認為加了這些東西有點畫蛇添足之感。**這間店的最低消費是每位13元，不包括糯米糍。總括而言，這裡的環境不錯，甜品的價錢與外面相比算是便宜。

長洲允升到長洲必食甜品店鋪，以芒果糯米糍同榴槤糯米糍最出名，去到果陣已經坐滿哂人，一入到去我地即刻叫左芒果糯米糍同榴槤糯米糍，因為有每位最低消費$13唔計糯米糍 ，我地仲叫左碗楊枝甘露，兩粒糯米糍好足料，啲香味係咬一啖就散發出黎，楊枝甘露價錢不算太貴，有好多芒果，非常足料。

去長洲行完山熱辣辣想食啲透心涼嘅食物。 見佢門面好多選擇就去一試。西瓜沙冰試得多今次試哈密瓜沙冰，見佢新鮮榨汁冇加任何糖水消暑簡直一流夠清甜 比想像中好飲。除了芒果糯米糍必食另一推介榴槤糯米糍 除咗芒果厚肉，榴槤肉都唔輸蝕夠大舊，榴槤迷嘅你必吃一個都嫌少。