允升甜品

营业中

休息中

次次去長洲都要食一食芒果糯米糍，完成一個checkpoint咁。幾年前黎朋友帶路食佢，當時好似佢係最出名個間，於是今次都黎食多一次，佢有最低消費每人$15。​​芒果糯米糍 ($15)​大大粒芒果肉係糯米糍入面，塊皮都好薄。唔知係咪而家芒果唔係時候，覺得有少少酸。​​芒果西米露 ($23）​唔夠凍而且味道唔太好，好似有d澀，以為叫呢個實好食都係普通野，點知平時是但入一間甜品店都好食既野反而佢呢到整得唔好食，十分之失望。​

允記喺長洲出晒名 一直都未嚟試過🤣今次嚟特登朝聖吓😋.📌芒果糯米糍 $15作為長洲芒果糯米糍嘅始祖 一定要嚟食返幾嚿😎佢比起其他店嘅芒果糯米糍 size細啲🔍個外皮偏厚 唔算太煙韌 食落好似食緊舊粉咁 冇乜甜味🤭芒果肉就正常大細 唔會好酸 不過都唔係好鮮甜🥭個人覺得呢間麻麻地 平記好食啲🙈.📌香芋西米露 $26呢款極推介💯食第一啖個芋頭味已經好濃😍好少食甜品個芋味會咁出🤤好似食緊芋頭蓉咁😌西米露份量超多 成碗滿晒🤩不過芋頭可能唔係當做 口感麻麻地 唔夠粉😟.📌芒西凍奶 $31呢到除咗芒果糯米糍 仲有好多芒果系列嘅甜品🍮朋友揀咗呢款芒果西米露再加奶凍😝西米露份量都一樣係好多😚芒果味好濃 有少少似許留山 嘅感覺👀奶凍個奶味就好淡 夾埋個芒果西米露一齊食就完全cover左🤭但係個口感都幾軟滑 唔錯😛

👧🏻_長洲一日遊3️⃣嚟到長洲 點可以唔試下馳名芒果糯米糍呢？第三站我地就嚟到允升甜品 一去到當然係要排隊啦 因為店內環境比較狹窄 所以為免阻止下一位食客 大家最好喺到你之前諗定食乜同攞定💰👍🏻差唔多到落單位置 見到幾位姐姐冇停咁包糯米糍 肥Glor見到都即刻留哂口水啊！·芒果糯米糍 $15比起其他長洲糯米糍 個人覺得哩個嘅size比較細！值得一讚嘅係同以前一樣咁皮薄 但係芒果嘅size就好似冇以前咁大 但都keep到鮮甜多汁嘅 還可以啦😐·芒果豆腐花 $24食完糯米糍再食呢碗豆腐花就好明顯食得出芒果質素有別！用來做糯米糍嘅芒果好明顯甜啲同埋冇咁多渣 豆腐花入邊嘅芒果就偏酸同多渣 唔係好建議叫🙌🏻#𝙛𝙚𝙞𝙜𝙡𝙤𝙧_𝙚𝙖𝙩📍允升甜品 (長洲)長洲新興街5號地舖

長洲最出名嘅芒果糯米糍，依家香港差唔多周圍都有得賣，但我覺得最好食都係喺長洲食，今次介紹呢間係我次次買芒果糯米糍都係呢間，放假晏晝甚至會見到人龍，因為大家臨上船就會去呢到買。雖然店舖位置係喺巷仔入邊，但係人流一啲都唔小，碼頭行過去大概要5分鐘，只要係甘永泰嘅左手邊巷仔一路向前行就會見到。-1️⃣ 芒果糯米糍 💰15（👅: 7.5/10）糯米糍食落幾煙韌，皮唔會話太厚，不過糯米味就唔太食到，食落唔痴牙，濕潤度都夠，糯米糍大小正常，但好似比平記細一啲。如果糯米賣晒會變做紫糯米嘅皮，都可以特登揀紫糯米皮嘅芒果糯米糍。芒果雖然唔係當做，但食落都唔會太酸，幾甜下，芒果果肉分量足夠，識落芒果汁都多。-⭐ 除咗芒果糯米糍，其他嘅芒果甜品都好人氣，好似楊枝甘露、芒果腸粉、芒果凍奶等。糯米糍嘅皮唔算厚，不過對比起元朗嘅糯米糍一定冇佢咁薄，賣點係入邊嘅芒果份量足夠同多汁，都係好適合買返去做屋企人手信。另外一提芒果糯米糍係冇堂食得外賣，如果買兩個只會比個袋你，買四個佢就預先有盒包實比你。-👅味道: 7.5/10🍴環境: 7/10💰消費: $15 (服務費: NA)

同男朋友食完晚飯，直落去食甜品因為入座時間都比較夜，成九點鐘所以甜品鋪幾乎冇人，包埋我地只得一兩枱諗咗好耐 先決定食啲咩甜品因為種類繁多好難揀，最後我哋嗌咗雜果奶凍＆ 芒果涼粉雜果有哈密瓜，蜜瓜，芒果同埋西瓜 啲芒果比較少，不過好甜好好味至於啲蜜瓜＆哈密瓜就唔夠甜，味道好淡反而西瓜就好甜，不過食落有啲唔夠新鮮咁可能因為我哋太夜去，西瓜放耐咗啩～啲奶凍就好好食，涼浸浸咁又軟又香又滑加咗啲花奶，真係好完美因為我最鍾意就係食花奶

黎到長洲 一定要食芒果糯米糍同大魚蛋一落船已經有好幾間賣糯米糍但淨係想食允升因為見佢openrice都幾多好評點知真係好失望😔芒果係酸..芒果真係酸... 鮮果甜味去左邊...呢下真係完全接受唔到究竟係芒果唔當造定質素下降真係唔知仲要咁岩撞正鋪頭岩岩用完漂白水拖地食食下聞到成陣漂白水味.. 胃口都無埋.. 拿拿林食完就走好過豆腐花涼粉都普普通通 無乜特別之處 唔值得一提下次唔會再去 寧願試新野都唔想再中多次伏

十幾年無去長洲，以前都唔覺有種小食叫長洲糯米糍，近年香港好多地方都有賣，試過一次覺得除左粒糯米糍大舊啲都無乜特別。今次入長洲見到通街小店都有賣長洲糯米糍，總有一間係附近，本身都興趣不大，但朋友帶我過黎話呢間必食，原來是長洲糯米糍始祖！因為食飽左，無即時堂食，只係買左榴槤糯米糍同芒果糯米糍 $15 返屋企做手信。手心般大的糯米糍，透出黃色/綠色就知道皮薄多餡，外層少少煙韌，咬落大啖果肉，真係好好食！！同以往食過既同類食品真係有分別其他跟隨推出的小店可能做得更好，但我唔會一一試食，不過呢間長洲糯米糍始祖係好食既！

話你知元始未必就係最好😌話晒山長水遠入到長洲，都當係個小旅行啦，買番個特產芒果糯米糍做手信都應該啦😌買手信通常一係買最大熱，一係買最元始，今次小JunJun就慕名到芒果糯米糍嘅元祖店幫襯😎🥭💟 紫糯芒果糯米糍 $15 (6.1/10)諗住紫糯好特別喎🤩點知都唔係咁特別🤣入口同普通糯米差別不大，不過之後有紫米回香糯米軟糯，濕潤度剛好，唔𥺦牙但保持咬感比市面款式較少甜味芒果可能唔係當種，普通唔算香甜，少酸芒果糯米糍愈嚟愈普及，係咪老字號一定最好，咁又未必嘅，都有好多新店嘅芒果更大更甜，口味更多更新穎，不過老字號嘅價值可能代表住回憶，又可能代表對傳統文化嘅認同，值唔值去幫襯就睇吓你點睇啦~📍允升甜品長洲新興街5號地舖

吃畢正餐，在同一條街吃個甜品。還記得上次平日下午帶韓國朋友到此吃甜品，雖未至滿客，但亦有2/3客人。當時下午1時的允升甜品只有我們一桌客人，而店員在弄糯米糍。簡單點了兩種甜品，較喜歡皮爽滑的鴛鴦芒果腸粉， 芒果糯米糍則不覺特別好吃，招牌似乎不足以再讓我回頭啊。 -#鴛鴦芒果腸粉 $29 腸粉滑溜溜，夾了大塊卻偏酸的芒果、淋上甜的芒果醬。比起糯米糍，個人較喜歡順口的腸粉。黑腸粉一吃便知是黑芝麻，味道較突出; 白腸粉則令我吃起疑問，一直嘗不出是什麼味，只好問店員，原來是椰汁，可惜我吃到最後也不太能吃到椰汁味。 -#芒果糯米糍(黑糯米) $15 選了黑糯米版本，然而不會吃出什麼特別味，只是皮有點熏紫色。皮不算太煙韌，幸也不黏牙，糍中的芒果肉是甜的。 -

長洲除了大魚蛋，最出名一定是芒果糯米滋當天買了芒果糯米糍和黑白芒果腸粉糯米糍大大粒，芒果爽甜多汁，幾乎有點爆汁，好誇張，皮厚度適中，好軟糯煙韌真係好好食黑白芒果腸粉同樣佳作，好滑好滑好滑，連淋在表面的芒果汁都好綿滑，全部都無渣，香甜新鮮好味，價廉物美。雖然市區已開多了很多芒果糯米糍店鋪，但我覺得允升比起市區很多店的味道還是更勝一籌，以後來長洲一定會再幫襯，太好食了，作為芒果迷一定要試，highly recommend

<老字號糯米糍>🍴芒果糯米糍 15 蚊個🥭 呢間老字號 每次入黎長洲都會食下 佢個皮係好煙韌彈牙 糯米味香 個芒果可能季節問題 唔太甜 少甜少酸 但一定新鮮 都唔錯🍴芒果糯米糍 15 蚊個🥭(紫糯米皮 ) 呢款同糯米糍一樣 不過 係 紫糯米皮 個皮硬 d薄 d紫糯米 幾香 , 好彩地個芒果夠甜 正👍🏻#糯米糍 #芒果糯米糍 #甜品 #芒果 #糯米 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#允升甜品長洲新興街5 號~~~~~~~~~~~~

朋友超級推薦呢度嘅芒果糯米糍，話有好多人讚好。黎到舖頭，好多人，全場滿坐，所以買咗外賣附近食。長洲價錢度度都一樣係15蚊。個人覺得呢度size比較細，皮比較厚。唔係人地講得咁好食🙈

趁秋意涼涼地，同男友長洲出走一下，疫情港人未能外遊，果然迫到離島人山人海。食完辣辣魚蛋後，想食碗糖水解下辣，我見網上多人推介此店甜品，我地剛好經過就即管試試。店外有很多人聚集，以為要等好耐入座，幸好部份人係等外賣的，入去即有位座。店內好繁忙，舖仔細細食客同店員來來往往，我地快快手點了芒果水晶及芒果糯米滋(紫糯米皮)。芒果水晶 $29有芒果的糖水差極有個譜，有芒果汁、糖水同花奶做底，加了芒果粒及水晶蒟蒻之類，水晶Q陣涼透心，味道正正常常。芒果糯米滋(紫糯米皮) $15芒果糯米滋食得多，見有紫糯米皮又好似幾特別咁，一切開糯米滋就見到紫色嘅皮，包住大大塊香甜嘅芒果，糯米皮比想像中煙韌，味道同正常糯米滋無太大分別。店內設有最低消費每位$15，想二人分享一碗糖水，就只好外賣吧。

天氣熱一熱，緊係要食返個糖水啦～因為怕濕熱，都唔敢食芒果，唯有揀返啲最普通嘅糖水食。菜單上有好多配搭，剩係豆腐花同涼粉都好多配合，搞到我都有啲選擇困難症。最後我同朋友就揀左個芝麻糊豆花同埋豆腐花食。芝麻糊唔算好甜，食落都唔似用粉開，芝麻味都夠，但未算濃。豆腐花就好滑，豆味都濃，而且糖漿係自己落，想健康啲就原味甘食啦～價錢我覺得算平，個豆腐花好似14蚊左右，個芝麻糊就好似18蚊，本來以為遊客區啲野應該偏貴，點知又唔係。

本身坐低食個糯米糍，不過最低消費唔包糯米糍，咁就叫左個最愛既杏仁蛋白。黎到望落質地都同平時食開既唔係好同，放埋入口試第一啖、第二啖亦係最後一啖，食唔落去了，生平食過最難食既杏仁蛋白出現，差過超市買返屋企加幫果幾隻。食得出一粒粒粉狀物體，好似加左粟粉咁透透地明朋友叫左個楊枝甘露，好多水好淡味。以此作記，提醒自己唔好再去...(可能你會話佢其他野好味，但我覺得煮得唔好既，唔應該拎出黎賣先對得住自己個招牌)