允升甜品

营业中

休息中

長洲之旅 -- 第3站問過住長洲ge朋友, 佢推薦我黎呢度食糖水所以第1晚已經想黎呢度食, 點知無晒最出名的芒果糯米糍其實唔只糯米糍, 連所以紅豆同榴槤ge野都無晒所以就叫左碗芒果西米露($12)西米露都幾大粒, 芒果唔太酸, 都只係$12, 比出面的糖水鋪抵食!第2日下午都黎過, 終於俾我等到芒果糯米糍叫左芒果糯米糍($6)同紅豆奶凍($14)個皮好薄, D芒果肉好多男友話芒果酸左D, 但都幾好食最後都叫多一個芒果糯米糍, 點知俾左個紫米皮我地嘩!! 個紫米皮有D苦苦地, 唔太喜歡囉個紅豆奶凍都係麻麻地, 因為我覺得紅豆唔夠甜同奶凍一齊食時, 個奶凍完全無味, 分開食先食到奶味, 不過個奶凍真係好滑如果論便宜, 呢間真係平D下一次或者會再幫襯試下佢D榴槤, 因為當日都係無榴槤不過下次就一定唔會要芒果糯米糍配紫米皮!!!

有島上居民帶我們長洲一日遊之後, 去左呢度食糖水睇見個menu 已經眼花撩亂, 勁多選擇, 芒果特別多~叫左:楊枝甘露 - 好好味~好足料芒果糯米滋 - 皮薄, 仲好大舊芒果肉!好多都好想試!

允升甜品既價錢比起市區的平好多同好食 叫了芒果椰汁腸粉, 芒果水晶粉, 芒果糯米滋^^芒果椰汁腸粉--- 睇之前的食評話芒果同腸粉會散開,但我冇啊.. 芒果好甜, 腸粉好滑~ +$4加芒果汁, 覺得太貴所以冇加! 就咁食都好好食芒果水晶粉--- 水晶粉冇咩味咁...芒果糯米滋--- $6一粒!!! 超級好食!!! 芒果好大粒好甜而家仲好掛住呀~ 一定再去

都係第一次去呢間甜品舖頭炸^^雖然我淨係叫左一件芒米需米池,但係服務態度都依然好好!!抵讚朋友就叫左一碗楊枝金露,佢話好好食,我冇試過,不過望到d料都好多,好足芒米需米池入面有成件芒果,真大方!!

之前幾次黎長洲 次次都向允升門口食閉門羹今次終於有得試佢d芒果 入到去 就見到成牆都係甜品相叫左芒果糯米滋(六蚊)同芒果芝麻腸粉(十三蚊 加芒果汁就另加三蚊)芒果糯米滋 皮薄 芒果好大粒 又酸 岩哂鐘意食酸芒果的我 雖然六蚊一粒糯米滋一d都唔平 不過咁大粒 又足料 抵哂 至於腸粉 腸粉滑 又係好大粒芒果肉 芝麻皮真係有芝麻味

長洲 有 很多 好野食, 當中 允升甜品 的 芒果食品 好味, 值得試芒果糯米茲 ~ 糯米皮做得薄而煙韌, 微甜帶米香, 芒果腸粉 ~ 腸粉QQ的 且有 椰奶香, 入面就係全芒果肉, 又甜又多汁食完仲 可以 叫外賣, 作手送, 同家人一起食

17-1-2010一早聽過呢度的大名, 難得入到嚟長州, 甜胃又有位, 當然唔會錯過. 先 share 一件芒果糯米茲 (好似 $6 each) 小試: 糯米皮做得薄而煙韌, 微甜帶米香, 入面就係全芒果肉, 又甜又多汁, 最後係要追加一件. 勁正! 亦叫了一碗(熱)白果腐竹糖水 (好似 $7): 腐竹煲到溶晒, 不過似乎落得唔多, 唔夠滑之餘糖水有點水汪汪喎 不過食落豆味都算香, 甜度唔高, 白果亦煲得粉軟無澀味, 可幸薏米太硬了. 還是市區的地茂館及一品齋 (http://www.openrice.com/restaurant/commentdetail.htm?commentid=1928275) 做得最好. 小店帶點家庭作業 feel, 仲有貓咪捐出捐入「嗲」客人, 女孩子們應該會幾開心的.每人約 $10 埋單, 會再來食糯米茲的 -- 好想試榴槤味, 夏天快 d 到啦!

長洲最後一站食甜品, 一心黎食哩度既芒果糯米滋. 朋友之前黎過都話哩間既芒果糯米滋好食我就食左兩件, 一件$6, 話平就一定平過出面d 乜記乜記架啦.糯米滋外面用麵粉, 個人覺得好過用椰絲, 不過食落成咀都係白粉層皮好薄, 搵唔到有邊忽係厚, 雖有點煙韌, 但因太薄既關係而缺乏趙口入面係一整舊既芒果, 果真係絕無虛假, 名符其實既芒果糯米滋芒果好甜又多汁, 可能有人會覺得咁食法不如食一個芒果算啦. 不過當諗返出面d 麵包鋪/糖水鋪既芒果糯米滋係砌粒芒果+芒果汁+一層超厚既皮既時候, 就會覺得允升出品係幾咁好.下次再入去既話一定要買返打出城至得!

跟老婆一人一個芒果糯米糍咬下去，皮很軟，軟得來又彈牙又不會黏牙齒芒果大大片，不是加糖加別的東西的芒果蓉，很Juicy很甜另外點了花生糯米糍，皮一樣很好吃，裡面很多花生很多口感，正!由於太好吃，第二天我們走之前再來吃一次，芒果一樣很甜很大粒，好正p.s.不過要行入d先搵到間鋪

一日24小時真係好唔夠, 離別既時候特別難過 話咁快就係長洲渡過左難忘既一日, 亦都將我第一次長洲之旅奉獻左比妹妹允升就係我地間屋附近, 好方便! 訓醒執番好D野就落去試試佢啦原本想食其他湯圓架, 不過佢話得奶皇湯圓, 見未食過, 咁就試下啦。仲有叫多個馳名既芒果糯米糍! 奶皇湯圓 - 奶皇味唔重, 味道唔係咁好, 個湯都唔熱, 成碗湯圓我都覺得好失敗! 芒果糯米糍 - 其實唔係咁好食, 芒果好酸, 層皮都唔覺好食, 口感麻麻, 厚左D!不過值得一提既, 就係佢全間鋪頭既甜品 / 糖水都好平, 其實係抵食既!估唔到離開長洲之前都唔可以有一個美滿既結束, 都搵唔到美食呀!!!妹妹擺左咁多唔好食既野落肚, 真係難為左佢, 我發誓會帶你食好野, 食肥你!!! 長洲之旅令我想起方大同 - 三人遊有些話我選擇保持沉默　別把實話說破　隱藏我的寂寞妳的情緒依然把我牽動　躲在妳心中　角落的心事我能懂就算妳的愛　屬於他了　就算妳的手　他還牽著　就算妳累了　我會在這

星期六個日去左長洲, 日間入左去食話出名的小吃. 食完一檔又一檔. 見到呢度的人個個話好食. 去左揾黎試. 真係好介紹. 係好好食. 冇想過入面咁大件芒果肉. 還以為會好漏. 個皮好薄, 裡面係一大件芒果肉填滿個皮. 又有芒果肉的香及甜味., 個日仲一個兩份. 真係好想一個食哂. 回想起好後悔搭船前冇買多幾個返香港. 另外我朋友叫左個豆府花. 佢話唔好食. 好淡口. 我再叫多個芒果大菜糕. 都好食. 好清. 叫左三樣野. 估唔到價錢咁平. 20蚊咋.. 香港甜品舖一定唔得. 人手唔多夠. 得一個男人在寫單. 叫幾次都唔多應人.

聽聞呢間有榴槤糯米糍, 我地4個榴槤怪當然唔會放過允升啦!一口氣叫左4個榴槤 食品/飲品一齊share!!4個產品入面得一個ok.................., 有冇攪錯!!!!!!榴槤糯米糍 + 榴槤飄香 + 榴槤沙冰 + 榴槤至專糯米糍個皮就夠薄啦, 不過榴槤熟到苦既!!!!!!!!! Not good!!!榴槤飄香 加 珍珠 最好味, 榴槤味香濃!! 唯一可番叮既飲品!!!!沙冰真係把鬼, 稀 newnew, 冇乜味既!!榴槤至專更加把鬼, 榴槤鋪面, 榴槤還榴槤, 下面d 涼粉還涼粉, 黑珍珠都係淡戊戊,, 一d 都唔match!!!!!!!可能允升only芒果甜品ok.....榴槤怪唔洗去試啦, 一定失望!!

今晚同朋友去左呢間食宵夜, 本身諗住叫芒果糯米慈,但可能太夜既關係...賣晒lu....所以就叫左一碗楊枝甘露啦~~~唯有第二朝再早d黎食芒果糯米慈啦楊枝甘露 : 好足料~~~好香芒果味呀~~~又唔會好甜~13蚊黎講都真係叫抵食啦芒果糯米慈 : 一大朝早去食終於有機會食到啦!入面大大舊芒果~芒果亦好甜, 充滿芒果汁~個皮夠彈牙tim~愛芒之人一定要試下啦, 唔鍾意食芒果既人都可以叫下其他款既糯米慈因為我真係覺得佢個皮整得好好味, 食完成個糯米慈真係好滿足ga^^

食左好多野......BUT掛住食....影左兩款!三色芒果腸粉+芒果汁(GOOD)五色丸子......(OK GOOD)芒果糯米糍(好香芒果味糯米皮好有口感)榴槤糯米糍(榴槤真係好甜好正糯米皮好有口感)真係好正...下次再入黎長洲一定要再試.....

芒果糯米糍 – 依然保持水準, 上船前還外賣回家雪糕什果大珍珠–朋友話味道一般, 沒有特別芒果西米珍珠絲 - 珍珠絲食落似粉絲芒果黑珍珠–味道唔甜芒果大珍珠–大珍珠有咬感, 味道唔甜