傷心酸辣粉 (砵蘭街)

营业中

休息中

酸菜魚好正 土豆絲都好美味 啲服務態度都唔錯 幾主動 亦會介紹下有咩菜式 試左都唔錯。但無冷氣熱到5想留甘耐一路食一路出汗 希望可以加大啲冷氣 食辣野無冷氣真係唔太好。如果改善到尼一點就會perfect

落單要口水雞 佢比左牛肚絲我 仲反問我唔係要牛肚絲？仲有嗌可樂 已經唔洗沖 雪櫃係隔離 等左15分鐘都唔上 要催先上 催一催單仲惡返人轉頭 勁惡又黑面講等等 比錢買難受 環境又污糟 張枱痴笠笠

傷心酸辣粉最近新推出兩款新小食必食🔸辣子粟米🌽 -8.4/10 甜粟米同辣椒 炸到好乾身 脆卜卜較麻👍🏻鍾意食辣嘅話一定要試下 開胃 🔸涼拌茄子🍆 -7/10 秘製醬汁主要用醋 蒜蓉同辣椒調製而成個人建議💁🏻‍♀️茄子可以煮淋少少因為茄子皮有啲硬同厚 影響口感🥰另外仲叫咗中辣重慶麻辣雞煲兩人餐半隻（💰 199) -7.5/10 一隻（💰 299)依個餐包咗三份配料同一份粉麵或者飯🐔雞件算多 數得岀有半隻雞份量😂而且肉質嫩滑☺️我哋分別叫咗龍脷魚片、豆卜、土豆片同薯粉 四款材料都好掛湯龍脷魚片無鮮味 可能因為個雞煲汁太濃味💁🏻‍♀️依個雞煲唔算重麻香味 如果有多啲花椒八角粒 應該會更惹味個人認為辣子粟米🌽比雞煲更辣相信唔食得辣嘅朋友仔都可以叫中辣😌

好正宗啊真係好正就算天氣好熱都忍唔住成日去食❤️‍🔥夜晚差唔多九點先去到9:30last order食物好快就已經到咗酸辣粉非常之煙韌口感好彈牙🤣蒜泥白肉就更加唔使講蒜蓉超級足料好辣好正❤️‍🔥❤️‍🔥

講起食酸辣粉，傷心酸辣粉相信大家都唔會陌生，諗唔到去邊度食嘢就會去，因為地點方便，價錢又平，上星期lunch,我就 去咗旺角砵蘭街呢一間食重慶麻辣雞煲，啲煲份量夠三個人食，附有肥牛肉、豆卜、皇帝菜、芫荽、紅洋蔥及紅薯粉，湯底可以揀小辣、大辣同埋唔辣，食咁多野都係（半隻鷄份量）$199。我哋三個人，每人都係60幾蚊，咁抵食一啲都唔傷心，仲好開心添😉😋😋原來佢都有出品而家製嘅辣椒油，點埋個傷心辣椒油辣辣地，我買埋返屋企添啊😉

好耐無同眼友黎食「傷心酸辣粉」啦！我地叫左皇牌二人餐，叫左口水雞、香酥軟骨、紅油蒜蓉青瓜、黃金花枝丸同兩碗酸辣粉，一碗轉左米線。口水雞啲肉質都好嫩滑，又夠入味，正！炸物「軟骨」同「花枝丸」都係新鮮炸起，熱辣辣。青瓜相對比較清淡，食吾到青瓜甜味。最後酸辣粉叫左小辣，味道正常，辣度剛好。成個2人餐都係$148，兩個女仔食到飽，都物超所值。

呢個價錢任食真係冇得輸。$168一位仲要唔使+1任飲任食兩個鐘，如果揀酸菜魚嘅話條魚 真係大條到兩個人食到濟 當然要明白以呢個價錢牛肉嘅質素一定唔會太好，但係如果有得食酸菜魚又可以食埋任食火鍋 仲想點啊？條魚真係好大條 我同媽子食極都食唔完，出邊火鍋配料仲有啲菜 牛肉 雞件 任食，嘢飲除咗汽水之外仲有支裝嘅健康飲品，如果唔夠仲可以叫員工攞薯粉俾你。168$ 咋，去邊度搵？ 唯一唔係咁好嘅就係地方真係好細 如果兩個人打邊爐佢俾張細枱你嘅話真係比較擠迫

捱左一星期終於到星期六放下假，第一次係Lunch時段食雞煲，聽落好奢侈，但都幾抵食·🐔重慶麻辣雞煲 (半隻 HKD 199)店員強烈推薦呢個二人餐比我地，因為除左雞煲之外仲可以配A,B,C,D四樣火鍋配料，我地揀左肥牛，芝士腸，薯仔片。比個份量嚇親多到呢🙈雞肉好滑嫩，而且都好入味！薯仔片可以按照個人口感嘅喜好去調整烹調時間，我自己就鐘意食爽脆D🤤肥牛切得幾厚身！最正都係最後落埋米線煮，索哂d味🤪·🥚貢菜皮蛋 (HKD 30)皮蛋真係一定要有調味先會食🤣皮蛋外層較淺色，顏色通透有層次，口感都幾香滑！仲好香蒜味！·🌶傷心酸辣油 (HKD 28)一直都想試下到底外面嘅辣椒油究竟真係辣定得個香字，今日見到順便買埋，因為辣椒油正在可以用黎煮野食/點燒賣食都得🤤

勁耐無食過烤魚，咁啱見到傷心酸辣粉竟然有烤魚任飲任食放題😍😍，$128就可以一次過滿足我食烤魚同埋打邊爐嘅願望呀！落完單等咗一陣，大大盤嘅烤魚就上枱喇，好多芫茜、洋蔥🧅等等嘅配料，一睇就知係重口味之選😆😆我地揀咗小辣，烤魚本身已經好香口，一路滾住愈黎愈入味，肉質鮮嫩又唔多骨，啖啖肉😋😋食完烤魚之後就可以打邊爐喇，呢到係自助形式，自己想食幾多就拎幾多，又唔駛等入單等上菜，好方便～基本上大路嘅野都有，正常呢個價位嘅打邊爐配料，丸類、菇類、菜類各有幾款，新鮮雞件都有，放埋入去辣嘅湯底入面，即時變咗翻版雞煲🤣🤣打邊爐邊度可以唔飲嘢，$128已經包埋飲品任飲，除咗汽水、啤酒之外，仲有竹蔗茅根、雪梨茶等等🍻最後買單嘅時候見到有支店長推介嘅傷心辣椒油，$29就可以將重慶口味帶番屋企喇，啱晒我鍾意食辣嘅屋企人，用嚟點乜都得🔥

冬天食雪糕，另一番風味；夏天食辣野打邊爐，更加另一種體驗。🏞🍽重慶香辣烤魚(小辣)套餐🐟🌶($259)套餐可自選4款配料，我揀咗 魚腐、芝士腸、金菇、薯粉。上餐後發現原來烤魚🐟內已有大量配料，有豆卜、芫茜、芽菜、金菇、腐竹、蓮藕、木耳、蒜頭等等，非常之豐富🤤(仲有大量辣椒🌶)而條魚非常之大條，肉質鮮美滑口，冇咩骨，就算有骨都係大骨，唔驚哽親。2人餐份量非常多，食左個幾鐘先食晒。但好彩有Gas爐加熱，慢慢吃都唔怕變凍同”琼”油，而且仲愈滾愈入味，愈食愈惹味😋，如果覺得太鹹，可以叫侍應加水。今次叫咗小辣，但個人覺得有中辣嘅程度，如果唔食得辣嘅朋友仔，可以試吓叫BB辣/酸菜烤魚。$300都唔使，就有個烤魚套餐，價錢真係非常之親民😆。傷心辣椒油🌶($29)同店員傾偈嘅時候，得知原來有出辣椒油，而且仲係自家研製嘅添。將重慶風味帶返屋企，用嚟涉下燒賣🤤諗起都正。

香港人超鍾意食米線 我都唔例外 差唔多每星期都食 今日同同事叫咗個水煮二人餐 $258 每人一碗粉加個水煮小菜 配埋時蔬小食 咁又係惹味抵食嘅一餐啦😋-🐟#水煮魚唔算大碗 兩個人一定可以將佢KO 紅油紅辣椒鋪滿面層 我哋要BB辣 越食雙唇越加麻燙 食得非常過癮-🧆#滷水拼盤拼盤細細但材料豐富 有雞翼雞腎 滷水蛋同埋大腸 滷汁濃而不鹹 食雞腎同大腸嘅時候 建議加啲由舖頭自家炒製嘅辣椒油 辣油加滷水汁 別有一番風味-🥗#手撕包菜因為有咗水煮魚 蔬菜想清新啲所以要求走麻走辣 原汁原味有麻油香 卷心菜爽脆鮮甜-🍜#豬骨湯米線兩碗碗中有榨菜肉鬆芫荽冬菜 唔會剩係豬骨湯米線咁寡淡 我又忍唔住加幾滴辣椒油一齊食🤓-📍#傷心酸辣粉（砵蘭街）旺角砵蘭街215號朗晴坊1樓

𝙩𝙧𝙮𝙞𝙣𝙜 𝙤𝙪𝙩 𝙣𝙚𝙬 𝙨𝙞𝙘𝙝𝙪𝙖𝙣 𝙗𝙤𝙞𝙡𝙚𝙙 𝙛𝙞𝙨𝙝! 𝙢𝙖𝙧𝙞𝙣𝙖𝙩𝙚𝙙 𝙛𝙞𝙨𝙝 𝙨𝙡𝙞𝙘𝙚𝙨 𝙖𝙧𝙚 𝙥𝙤𝙖𝙘𝙝𝙚𝙙 𝙞𝙣 𝙨𝙚𝙖𝙨𝙤𝙣𝙚𝙙 𝙬𝙖𝙩𝙚𝙧 𝙬𝙝𝙞𝙘𝙝 𝙩𝙖𝙨𝙩𝙚𝙨 𝙩𝙚𝙣𝙙𝙚𝙧 𝙖𝙣𝙙 𝙨𝙪𝙘𝙘𝙪𝙡𝙚𝙣𝙩. 𝙞𝙩'𝙨 𝙙𝙚𝙛𝙞𝙣𝙞𝙩𝙚𝙡𝙮 𝙩𝙝𝙚 𝙥𝙡𝙖𝙘𝙚 𝙛𝙤𝙧 𝙨𝙥𝙞𝙘𝙮 𝙛𝙤𝙤𝙙 𝙡𝙤𝙫𝙚𝙧𝙨!🌶.傷心酸辣粉除左食酸辣粉，最新推出左水煮系列同酸菜魚，唔想lur骨既揀水煮生魚片就岩哂，啖啖滑lulu既肉～ 配菜都幾多，有酸菜、洋蔥、辣椒、青瓜、大豆芽、寬粉，每夾一下都夾都啲野上黎😂 另外仲有好多款小食，夫妻肺片叫左例牌都份量好夠～ 臨走前見到收銀放左好多樽辣椒油，原來佢哋而家連辣椒油都出埋，買返屋企食麵食燒賣果陣都可以加落去！

最近興起吃米線的熱潮「酸辣 多麻/多酸」若論香港的酸辣始祖 一定是傷心酸辣粉不知你係米線派 還是薯粉愛好者？傷心酸辣粉 有各款麵食選擇最近推出雞煲/ 烤魚/水煮系列 價錢親民正宗重慶風味 一次過滿足不同吃辣的願望仲可以用$29購買傷心辣椒油🌶在家品嘗.水煮龍脷柳🐟$129很巨大的一盤 龍脷柳份量十足 而且好入味肉質滑溜無骨 啖啖肉 還有芽菜 寬粉 青瓜選了小辣已經夠刺激 適合重口味人士挑戰陣陣花椒香 麻和辣的比例剛好 辣得有層次.口水雞套餐🐥$54每次都會叫這個餐 對它的口水雞念念不忘肥瘦適中 雞肉嫩滑同時冇血絲 骨唔算多鑒於水煮魚內有寬粉 酸辣粉就改成米線吧欣賞湯底夠酸夠辣 加上花生 芫荽 榨菜和大量炸醬 充滿了四川的味道 不錯吃正如其口號：酸到流口水 辣到流眼淚.麻辣肥腸套餐🐷$54+$5雖然知道食内藏會好肥 但忍唔住叫了肥腸清得乾淨冇異味 調味與口水雞有相似滿滿一碟 邪惡指數甚高 吃飽才有力氣減肥若覺得夏天吃辣會沒有胃口 不妨和我一樣加$5換重慶炸醬涼麵 小寬麵帶有蛋香 爽口和炸醬 芫荽 葱粒 花生拌勻 惹味醒胃.套餐加凍飲只需$5 比一般米線店便宜凍咖啡☕️凍西洋菜蜜🥃

一向都好鍾意食紅薯粉，今次終於試咗呢間開咗咁多分店嘅酸辣粉！除咗叫佢哋最經典嘅酸辣粉之外，我今次仲加配水煮龍利魚柳同埋夫妻肺片～酸辣粉嘅湯底酸辣適中、可以自行調校辣度，亦都適合重口味人士！薯粉嘅口感煙銀滑溜加埋花生酸菜肉碎，口感一流！而夫妻肺片呢個小食，酸辣既醬汁帶點麻香，配花生青瓜絲蔥粒香菜，真係好惹味～推介佢哋嘅水煮龍利柳，大大碗好抵食，啲魚好滑同埋佢哋嘅闊條麵都好入味！最後我仲忍唔住買埋佢哋嘅辣醬，打算返屋企煮～

放假咁開心，點解要食傷心酸辣粉呢？冇，就係連放幾日太開心，想臨返工前調節返好個心情，等個假期後症候群冇咁嚴重囉其實大胃冇食過傷心酸辣粉，不過要大胃之母啱食嘅嘢唔太多。上到嚟，怕死怕辣嘅大胃都係淆底地啦碗豬骨湯薯粉估唔到佢地啲薯粉超級彈牙，好有質感，就算唔辣，湯底同配料都好夠，已經好惹味食一碗麵點會夠飽吖？兩個人梗係嗌盤烤魚啦！上到個爐，先知條魚係咁大條，好彩只係嗌一碗麵，如果唔係冇位KO條魚條魚煎好咗先上爐，所以唔會散颼颼，又不失嫩度酸菜醃料好足夠，成條魚係入味嘅，同埋啲木耳都好過口癮嗜辣如命嘅大胃之母實在好鍾意呢度嘅辣椒油，所以佢想大手入貨大胃都少少地試吓，其實又幾香口，麻麻地係幾頂癮，撈吓魚肉同薯粉，味道又去到另一層次食完辣當然要拿拿臨飲啲嘢，估唔到呢度水吧又ok喎，咖啡夠晒奶味