傷心酸辣粉 (砵蘭街)

营业中

休息中

個人真係幾鍾意食酸辣粉，但係傷心酸辣粉出名咗咁耐都係上個月先第一次食，但係其實比想像中失望😞，因為都真係喺其他地方食過啲唔錯嘅酸辣粉，唔知係咪期望太高，個人覺得味道唔夠酸，而且酸辣粉嘅粉質唔夠彈牙，餸菜都係冇乜特別，定係大家會有咩推介俾我呢😆我都希望可以俾多次機會俾佢，定係有冇邊間分店會好食啲🥺

收工諗住食烤魚，之前食都係$128一位，今日食買單時收我$148一位，兩位買單$296，我唔明點解唔係$256，職員話星期五係$148，但係我由頭到未都未見邊度寫住星期五$148一位，感覺被騙收多咗$40

今日lunch唔知食咩好，走左去朗晴坊嗰邊搵嘢食！見到原來呢度都有間酸辣粉，真係好耐無食過☺️而家新出左個酥香脆豬腩餐🤩仲要包一杯白桃烏龍冷泡茶，望落好似好吸引 所以決定點㴝試吓☺️個豬腩真係不負姓名，勁酥勁香，咬住一啖脆卜卜，仲帶少少甜味，加埋佢跟餐既香辣粉，味道甜甜辣辣，好豐富😋😋另外我哋仲點左個二人餐，A、B、C、D各選一！我哋揀左一碗酸辣粉、一碟涼麵、夫妻肺片、香酥軟骨、酸辣土豆絲和炸墨魚餅，超級豐富😋😋酥辣粉及涼麵超級大碟👍👍夫妻肺片，麻麻辣辣又爽口👍👍軟骨份量都幾多，炸到金黃香脆🤤🤤土豆絲酸酸辣辣真係好開胃😋😋炸墨魚餅超級彈牙，點埋甜酸醬，真係好正🥰肉燥涼麵香香辣辣，幾正估唔到佢地咁多年都好似keep住水準，又無乜點加價🤤🤤食咁多都係$200左右🤩🤩抵食👍👍下次可以再食📌 傷心酸辣粉 (砵蘭街) (旺角)旺角砵蘭街215號朗晴坊1樓

滿心期待去使用 OpenRice 外賣自取 然而 叫牛柏葉同肥牛 最後 一樣都冇 得大量芽菜完全唔建議人再使用 同 外賣自取的功能 極度惡劣 工作多個小時 食飯 淨薯粉？同啲肉碎 ？同大量芽菜？我食m記唔好？

今日黎食傷心酸辣粉，下午茶時間都咁多人～湯底辣度同麵底都可以自由選擇，仲有好多款小食同涼菜可以選擇～香脆豬腩套餐呢個係新出套餐，豬腩仔肥瘦適中，燒到脆卜卜，非常香口惹味，配埋甜酸醬好開胃～薯粉晶瑩剔透，入口順滑～白桃烏龍冷泡茶套餐附送一杯冷泡茶，可以揀白桃烏龍茶/四季春茶，好大杯，有淡淡的茶香，清新消滯，甜度適中～滷水拼盤配米線分量多幾多，拼盤內有雞翼，豬大腸，雞腎和滷水蛋，滷得幾入味又不會好鹹，米線軟滑，湯底幾濃郁～仲有芽菜，腐皮等少量配菜～香酥軟骨分量都多幾多，炸得好香脆，配上醬汁非常夾～乾撈牛肚牛肚好爽脆，配上麻辣汁，味道更加香辣惹味～

天氣涼左想食少少辣，食完成個人都暖笠笠，下星期要再去食！今次叫左勁多野食哈哈，小食真係勁吸引呀，怕太辣可以叫BB辣，一樣咁好食！🥰🐷酥香脆豬腩 配🍹白桃烏龍茶及🍜酸辣粉 $68酥香脆豬腩勁有驚喜，超香，無油膩感，值得一試呀，白桃烏龍茶有淡淡茶香，配辣野食好好，酸辣粉可以簡紅薯粉，好有口感正🐥海蜇手撕雞 $43呢個一定要食呀！手撕雞份量多又滑，配埋爽口海蜇，口感一流🐷蒜泥白肉 $43鐘意蒜蓉既唔可以錯過，勁多蒜蓉，肉又唔會好肥岩岩好，下次都要食呢個！🐥麻香雞翼 $32個皮好脆口，入面超juicy又滑，即整熱辣辣真係好味🥟炸水餃 $22呢個正常味道，但一碟有咁多隻好抵食呀！

見到傷心酸辣粉依個新套餐好似幾吸引，所以去試下。🔹️酥香脆豬腩套餐🐖 $68套餐包咗一份香脆豬腩、一碗傷心酸辣粉、一杯冷泡茶(白桃烏龍茶/四季春茶)。豬腩仔好高質啊🐖，層皮炸到好酥脆，啲肉肥瘦均勻，幾鬆嫩，點上醬汁真係好惹味。傷心酸辣粉同平時一樣，薯粉好滑，晶瑩通透，入口煙韌，湯底都好濃郁，加埋肉碎和花生等配料一齊食好開胃呀🥰。食辣嘢配上一杯冷泡茶就最正，揀左白桃烏龍茶🍑，芳香回甘，有桃味和甜度適中。成個set 先 $68，CP值超高😊🔹️皇牌口水雞招牌套餐🐥 $58口水雞都幾辣，我中意食辣所以覺得幾正，雞肉嘅肉質亦嫩滑，份量都幾多。跟餐加$12有菠蘿汁特飲。🔹️蒜泥白肉 (小食加配)🔹️乾撈牛肚 (小食加配)

原本諗住加小食，點知比我見到有一個套餐，係一個傷心酸辣粉加一款小食嘅套餐，我要咗一個傷心酸辣粉加海蜇豬耳小食，呢個餐大約$55左右。仲有一杯凍飲，另加$7左右，小食連埋個粉總共加埋大概60左右。粉麵嘅辣度，配菜都非常充足，我覺得酸辣嘅程度係非常恰當，辣度仲可以俾你揀，我就揀咗BB辣，仲加多左一個小食，就係皮蛋啦。我最鍾意佢嘅皮蛋並唔係黑色嗰隻，而係糖心皮蛋，煙靭得來蛋黃仲有少少張口。配合埋酸辣粉，我覺得簡直係絕配。

想快快食個午餐🥢，所以選擇嚟傷心酸辣粉。幸運地坐到卡位，張枱有空間，自自然點多咗幾款小食😎🐷酥香脆豬腩套餐由於店員大力推介，所以點一份試試。豬腩肉睇落以為燒過咗火，但估唔到食落肉質酥軟，而且肥瘦均勻，外皮亦係脆卜卜，重可以選擇甜酸醬，稍為停停辣味嘅衝擊😆酸辣粉湯底🍜嘅酸度同辣度可以自己揀。薯粉煙韌又滑溜，食嘅時候記得小心，唔係就會將紅卜卜嘅辣湯彈到落自己到🤦🏻‍♀️🥡鹵水拼盤套餐配豬骨湯粉拼盤包括幾款鹵水小食，份量唔算少，鹵水亦好入味，尤其係雞蛋呀🍳。套餐可以配搭豬骨湯粉，照顧到完全唔辣得嘅朋友😋🧄蒜泥白肉肉片薄薄易入口，每一塊都足滿蒜香，所以好快清碟👍🐥海蜇手撕雞海蜇爽口，雞肉嫩滑，沾上麻辣汁醬，好惹味🌶🫖白桃烏龍冷泡茶🍵四季春茶冷泡茶兩款冷泡茶清新解渴，而且無冰，所以唔會越飲越淡味，可以飲到最底💕

相信大家都有食過傷心酸辣粉，我自己都幾鐘意食，平均兩個月就會食一次🤣估唔到佢依家仲有新推出咗脆豬腩同冷泡茶👉🏻佢嘅脆豬腩套餐 （$68）唔單止有脆豬腩，仲有冷泡茶同薯粉豬腩都香口，非常之脆，但係脆得滯有啲dry，好彩佢有杯冷泡茶，佢杯白桃烏龍冷泡茶非常好食，飲落好香而且唔會太甜，非常之容易入口。個人幾推介飲佢嘅冷泡茶不過套餐入邊嘅小食份量有少少唔夠，所以我另外叫咗好多小食（其實就只係我想試好多嘢🤫👉🏻個人其實幾推介佢嘅夫妻肺片（$35），如果食得辣嘅話我覺得小辣係最好味，佢嘅夫妻肺片配上佢嘅辣汁，令人完全食唔停🤤🤤🤤👉🏻另外我見到佢有兩個手撕雞所以分別叫咗一個鹽焗手撕雞 （$32）同埋手撕雞海蜇（$42）嚟食，其實佢手撕雞嘅味道同份量都一樣，只係下邊嘅青瓜絲變咗做海蜇，所以好睇人想唔想食海蜇🤤👉🏻仲有主食方面，佢除左酸辣粉之外，其實仲有得叫涼麵，個人其實最推介佢嘅手撕雞冷麵，不過今次手撕雞叫得太多，所以叫咗個炸醬涼麵（$36），但係冇咗手撕雞之後，就無咁多汁🥲所以如果想食涼麵嘅話，都係食佢手撕雞冷麵會好啲（而且仲包罐汽水😋）👉🏻佢依度仲有啲好有特色嘅飲品例如 柑桔話梅雪碧（跟餐$12）

#📍 傷心酸辣粉 旺角砵蘭街215號朗晴坊1樓🔸酥香脆豬腩套餐 $68🔸蒜泥白肉酸辣粉 $56🔸香酥軟骨 $32🔸豉椒炒花甲 $68🍒點評時間相信好多人都食過傷心酸辣粉🌶今次係比佢新出嘅脆豬腩套戲吸引黎嘅🌸 酥香脆豬腩套餐脆豬腩配以香辣粉同甜酸醬兩種口味任君選擇😋脆豬腩炸到脆卜卜好香口🤤我就中意點甜酸醬食😝酸辣粉叫左小辣好惹味😋留意👀如果要大辣同勁辣就要加$2可以揀薯粉/米線都得套餐包冷泡茶☕️可以揀白桃烏龍茶/四季春茶飲冷泡茶啱哂解辣啊👍🏻🌸 蒜泥白肉酸辣粉好重蒜味👍🏻最緊要重口味先正😂豬肉食落都唔會有雪味👍🏻🌸 香酥軟骨雞軟骨炸到酥酥脆脆好好味👍🏻等緊酸辣粉黎嘅時候已經食左半碟🤭真係食唔停口😂🌸 豉椒炒花甲真係估唔到食酸辣粉都有呢啲小炒食😂豉椒味好濃好惹味😋不過就覺得汁水多左啲🤌🏻如果再收乾啲汁水就更正✌🏻好味指數😋：⭐️⭐️⭐️⭐抵食指數😛：⭐️⭐️⭐️⭐⭐服務指數⚜️：⭐️⭐️⭐️⭐環境指數🧽：⭐️⭐️⭐️⭐️

雖然依加既賣點係雞煲放題，但佢本身就賣酸辣粉起家，冇理由整酸辣粉仲差過雞煲烤魚既酸辣粉+$2叫大辣但睇落中辣都冇，食落更加冇。今次黎侍應態度算叫好左，上兩次黎個態度慘過去食打冷，應該係過打冷都好過佢地。叫個貢菜皮蛋佢散上比我皮同蛋散開晒廚房同樓面都唔係好掂，唔知係轉左廚師定點，上年黎都冇咁差依加愈黎愈差，搞唔掂，呢間野唔會再黎。又係評分時間綜合3次既體驗服務 50/100味道 50/100環境60/100性價比 30/100

食開辣嘅朋友都知，辣真係會上癮🤣今次就同媽咪去傷心酸辣粉食，一齊止吓辣癮～旺角店我都食過好多次，卡位都坐得相當舒服😌我哋叫咗兩個set，第一個試咗佢哋嘅新品酥香脆豬腩餐 ($68)😋起初都擔心會比較油，但好有驚喜地唔會好油膩，而且係鬆化嗰種脆☺️好好食～呢個餐都配咗傷心酸辣粉，一如而往薯粉煙韌，湯底都好濃郁，真係食到鼻水眼水都出哂🤣仲好正地配咗我至愛冷泡白桃烏龍茶😋解辣解膩一流～另一個餐叫咗皇牌口水雞套餐 ($75)😌啲雞係加大份量，好多舊，啲汁偏向麻辣，仲有好多花生，幾啱我口味😋都係有配返酸辣粉，同埋加咗$3熱飲😆見小食有加配價就叫咗一個麻辣肥腸 ($32)😆份量好驚人，小食估唔到有咁多，肥腸唔會有臭味，加上醬汁味濃，幾好味😌另外貢菜皮蛋 ($30)有8塊皮蛋，蛋黃係超級黏口嗰款，貢菜爽口，覺得都幾抵食～仲有我最鍾意嘅酸辣土豆絲 ($27)，同樣份量勁多，每條都吸滿哂辣汁，好惹味😋食完呢餐真係好滿足🤣樣樣都辣得好過癮，最驚喜都係豬腩，大推😆

叫左個皇牌二人套餐，包兩碗粉面、四樣小食（係A、B、C、D四part入面各揀一款）揀左：夫妻肺片、麻辣肚絲、酸辣土豆絲、炸墨魚餅（2塊），全部小食叫左小辣～飲品另計。姐姐們好快手，菜好快就有得食！二人套餐相當抵食，只需$154！！而四個小食嘅份量一D都唔少！！夫妻肺片、麻辣肚絲用青瓜絲、花生托底，肺片、肚絲薄切，口感爽口彈牙且入味！小辣嘅辣度對於冇食開辣嘅同行友人嚟講較為進擊，建議冇食開辣嘅朋友仔可先試BB辣，俾味蕾感受下、適應下先～！酸辣土豆絲多左少少酸味，都算醒胃，非常爽口，咬落「索索聲」！炸墨魚餅（2塊）醮泰式辣醬，酸酸甜甜，墨魚餅好彈牙、表面亦炸得稍為脆口～麵方面，其中一碗就叫左主打嘅「傷心酸辣粉」（中辣），諗住睇下食完有幾傷心，點知都唔太傷心。香辣味夠，但酸度可再加強！紅薯粉夠哂煙UN ！！第一次嚟食呢間「傷心酸辣粉」，原來咁好食，又抵食！！可以encore啦！！

#chuchu食在旺角📍 傷心酸辣粉 由細食到大，好多地方都有佢嘅分店，但今次真係要介紹佢嘅新品！！！好好食的！btw宜家咁熱去食下酸辣粉刺激下，同埋呢間分店嘅冷氣好強勁！！！！—————————————————————❣️ 酥香脆豬腩套餐 $68🐷已經食第二次，因為真係好好食，#chuchu推介 套餐有一碗傷心酸辣粉+脆豬腩+白桃烏龍冷泡茶！呢個炸豬腩炸到好香脆，第一次食豬腩唔會覺得好肥好膩！仲可以點泰式辣醬，好正好夾，感覺又冇咁熱氣😚配埋傷心酸辣粉一齊食的確唔錯，bb辣辣得嚟又唔會辣到條脷冇味覺！白桃烏龍冷泡茶大大杯，無糖嘅，啱晒🐷，茶味清香，白桃味都好出！.❣️ 香酥軟骨套餐 $55雞軟骨炸得好脆，細細粒咁好容易入口，又有少少咬口，份量都唔小架！🐷仔就嗌左米線，雖然酸辣粉出名啲，但都煮得幾好！.❣️ 乾撈牛肚套餐 $69套餐配一碗粉，牛肚就顧名思義，佢係偏向乾身嗰種撈黎嘅，唔係平時川菜好油好辣嗰種！牛肚切到一條條，好易咬！都係跟米綫！.❣️ 酸辣土豆絲 +$20雖然加廿蚊但都好大兜，土豆絲唔會太淋或者太硬，粗幼啱啱好，嗌左bb辣，不過下次會嗌翻小辣，刺激啲！.❣️紅油木耳 +$20份量