傷心酸辣粉 (越秀廣場)

营业中

休息中

傷心酸辣粉除左食酸辣粉之外，原來仲有雞煲放題，而且仲好抵食，每位108就可以食任食啦！我地揀咗麻辣雞煲，調味料有好多種，包括洋蔥，芫荽，辣椒等等，雞肉好新鮮，啲肉好嫩滑，洋蔥索晒啲汁。麻麻辣辣食到好過癮。食完雞煲之後加少少火鍋湯底，就可以繼續打邊爐！邊爐食材嘅選擇都好豐富，除咗不同嘅丸類之外，仲有各種雞肉豬肉同蝦，最緊要係有打邊爐必備嘅芋頭同豆腐，我同朋友仔兩個人都食到津津有味！另外就係仲有免費任飲嘅各種飲品，可樂檸檬茶竹蔗茅根等等都有，就連啤酒都有得任飲！總括而言，呢度啲嘢食整體不錯，地方闊落環境又舒適，而且都真係幾抵食！推薦大家去試吓！PS除咗雞煲之外，仲有其他選擇㗎 ！例如係水煮魚，肉骨茶煲等等，下次再去試吓其他先！

傷心酸辣粉都有任食🤣傷心酸辣粉平時就食得多，任食烤魚就真係第一次試。見佢咁平，108一位任飲任食2個鐘，又唔係間間有，遇到就梗係要試吓😊麻辣烤魚，小辣2個人份量嘅烤魚估唔到咁大條，湯底好夠味，啲魚都好入味，越煮越好味，等啲洋蔥、大蔥、蒜煮爛咗，就可以食啦，香氣十足，正。大大啖魚肉，好滿足☺️任食區食完烤魚梗係要繼續用咁正嘅煲底打邊爐啦。雖然平，但係都好多選擇，肉類眼見有滑牛肉、肥牛、豬肉、雞、魚片、魷魚都有。我覺得最好味係肥牛，唔會太肥，又有牛味，咁嘅價錢有咁嘅質素真係好難得。丸都有好多選擇，牛丸幾好味，食咗2粒，其他丸已經食唔落所以冇試，芝士年糕好味，一定要試😊菜類選擇都唔少，最好味一定係芋頭，菜我就鍾意食娃娃菜，適合重口味嘅湯底，菇都好味。仲有最後記得試吓個寬粉呀，煮到煙煙韌韌嘅時候，真係好好味呀😋嘢飲選擇都唔少，打邊爐梗係要一罐可樂，之後再飲多盒竹遮茅根水降火😊最後仲有個吸嘅豆腐花甜品，非常好。真係抵到爛火鍋任食，下次會試吓雞煲或者豬肚雞😊

幾滿足既一次雞煲體驗💕$108免加一就可以食到頗高水準既麻辣雞煲/烤魚/肉骨茶煲/胡椒豬肚雞(四選一)+任食配料+任飲汽水飲品😽抵食❣️而且環境幾乾淨 推薦大家試下💡

《那些年·酸辣粉😝》———————————————-#傷心酸辣粉 🌶-以前返學嗰陣時成日食傷心酸辣粉，抵食又大碗，可惜附近少咗好多間，早排經開新蒲崗，竟然係個小商場撞到😚就同屋企人一齊入去食下😙-🌶 口水雞傷心酸辣粉口水雞完全係我嘅最愛呀，雞髀位唔怕韌同鞋口，淋上辣油、芫荽同花生，夠哂惹味，而且佢啲雞皮都好嫩滑，引到我哋唔太肥咁全件食曬🤤 紅番薯粉依舊滑溜彈牙，水準依然～-見餐牌出咗好多款新嘅小食，我哋都忍唔住口叫咗幾份😙🔥 地獄雞翼上面超爆多辣粉，認真地獄🖤 雞翼外皮香脆可口，辣粉非常惹味，夠哂刺激～如果唔係好食辣嘅朋友，建議可以撥一撥開啲辣粉，如果唔係後果自負😆🐣 香酥軟骨份量十足，炸得好惹味香口🐣🌽 辣子粟米呢款小食都係第一次見，十分特別，粟米香甜，夾埋辣椒碎一齊食出奇地好食😆-食咗咁多辣野，又點可以飲返啲野中和下，都幾推薦海鹽柚子雪碧同椰汁涼粉冰🥥，解辣一流！-⭐ 參考價錢︰口水雞加大傷心酸辣粉：$75香酥軟骨：+$29地獄雞翼： $32辣子粟米：$28海鹽柚子雪碧：$12椰汁涼粉冰：$19🍌 抵deal 指數：8/10💰 人均消費：$100

我同啲friend夜晚8點半去到，佢有一個大area同細area,而大area因為幾乎坐爆哂人，而員工又冇指我哋去邊度坐，所以就去咗細area坐。點餐嗰陣有個好有禮貌嘅店員問我哋坐唔坐出去，但我同啲frd都廢時煩所以就答佢繼續坐喺度。點到一半嗰陣個經理勁冇禮貌咁趕我哋出翻去大area ，鬧我哋唔係嚟包場，趕我哋出翻去坐其實如果員工可以禮貌啲叫我哋出去坐我哋一定會調出去，但鬧客話包場係咩事？你嗰個位唔開放你就講先，或者帶位，再唔係可以用禮貌啲嘅語氣請我哋出去

呢間新蒲崗嘅傷心酸辣粉推出左$108 任食雞煲，見價錢咁抵，立即去試試～ 🍲$108 任食除左麻辣雞煲仲有肉骨茶煲/胡椒豬肚雞煲/烤魚四個選擇，我就揀左麻辣雞煲🍲雞煲既味道好濃郁，雞肉肉質係比較實的，有咬口，兩個人份量都足夠，唔夠的話仲可以係凍櫃拎雞～仲叫左兩個小食，地獄雞翼$32同涼拌茄子$25地獄雞翼非常辣🥵食到噴火，食得辣嘅朋友可以試試。涼拌茄子味道不過不失🍆飲品任飲，有各款紙包飲品。自助區凍櫃仲有其他肉類，例如牛肉，豬肉，魷魚，丸類，菜不同的食物，都係任拎的～$108嚟講，任食食到飽，食物都叫對得住呢個價錢，住附近嘅街坊不妨可以嚟試下～

見到有$108雞煲任食就膽粗粗入去，唔知伏唔伏雞煲既味道都幾濃，肉質黎講唔係好滑，比較硬同埋質，如果鍾意食有咬口既就ok不過雞係入面發現好多雞頸，唔係大大舊肉勝在佢仲有其他食物可打任食打邊爐有牛肉，豬肉，丸之類飲品都係任飲，非常之好整體而言唔算伏

最近傷心酸辣粉係新蒲崗開分店點知仲有任飲任食放題即刻要去試試佢~———————————————————🍴雞煲放題有得揀食雞煲/烤魚/肉骨茶煲/胡椒豬肚雞煲今次就揀左中辣雞煲中辣嚟講都幾辣🤣因為會愈煲愈辣的~雞肉🐔唔會話好”鞋” 而且仲好多洋蔥🧅芹菜個啲配料食完又可以打邊爐🍲🤤打邊爐既野食 可以自己岀去攞牛肉 豬肉 丸類 菜當然唔少得‼️最估唔到竟然有薯粉可以食😍粗幼任揀😏啤酒🍻汽水都有得任飲🤓食到熱辣辣就啱晒———————————————————🍴地獄雞翼($32)有名你叫地獄 真係知佢咩料啦🔥我已經係叫小辣😂但都覺得好辣中意食辣既朋友🤧真係必嗌呢個‼️因為啲辣粉係會直攻你既喉嚨🙊食完真係會返唔到轉頭🤣———————————————————🍴辣子粟米($28)呢個粟米🌽相對無咁辣😂可以食得多啲食落有啲似香辣版椒鹽粟米小食嚟講 份量都算係咁👍🏼

以往次次去「傷心酸辣粉」都係食酸辣粉，上星期去開新蒲崗見到有分店，仲有幾款新登場小食，即刻入咗去試🤪地獄雞翼⭐️⭐️⭐️⭐️⭐️推薦❗️身為雞翼控，喺門口望到新登場小食個menu已經決定咗一定要試地獄雞翼😆4隻雞翼都好大隻，即叫即製，熱辣辣炸過好香脆，鋪滿辣椒粉🌶️同孜然粉，食落好惹味而且雞肉嫩滑Juicy～雖然叫地獄雞翼，但唔好比佢個名嚇親，我本身都唔係食辣好勁，呢個辣度對我嚟講岩岩好辣子粟米⭐️⭐️⭐️將新鮮粟米🌽切開細細件嚟炸，表面鋪滿辣椒粉、椒鹽同孜然粉，味道好刺激，辣辣哋越食越上癮🤣唯一敗筆係炸完嘅粟米比較乾身，本身嘅甜味可能流失咗～紅油蒜茸青瓜⭐️⭐️⭐️⭐️食完辣野再食返啲青瓜冰涼又解辣～青瓜好爽脆新鮮，蒜味較重，食落又係好惹味😋酸菜魚⭐️⭐️⭐️⭐️魚肉份量好多，肉質好滑好嫩，最鐘意啲魚肉冇骨，配料有好多酸菜、金菇、少量芝麻同辣椒；湯底偏酸，食到底會見到有水晶粉，$159夠3個人食了，抵👍🏻

好耐冇食過傷心酸辣粉🙈今日經過越秀廣場👀見到呢度有間新開張嘅分店😍更可以優惠價享用四選一特色放題✨當然係要滿足下自己嘅慾望😈🔸涼拌茄子（$25）相當有誠意的一碟BB辣涼拌茄子🍆蒜蓉味濃郁撲鼻😽茄子切成幼條狀🔪軟腍惹味易入口👍🏻味蕾瞬間被征服😋🔸地獄雞翼 （$32）即叫即製嘅惹味餐前小食💥雞皮香酥薄脆🐔雞肉多汁入味☺️表層仲鋪滿辣椒粉同孜然粉🌶辛辣指數爆燈💡鍾意食辣嘅朋友可以挑戰下🔥🔸2小時任飲任食放題👨🏻成人（$108/位）👦🏻小童（$78/位）➰全日供應➰無限追加精選配料➰汽水啤酒任飲🐠酸菜烤魚主食可選雞煲🐓烤魚🐟肉骨茶煲🍲或胡椒豬肚雞煲🥘唔食得辣嘅可以試試酸菜烤魚💫份量十足🤟🏻巴沙魚早已稍微煎炸過😻令魚皮增添香脆風味🥳冇骨魚肉嫩滑肥美👏🏻湯底鹹酸度適中🥣含酸菜👉🏻大豆芽🌱蒜頭🧄芫荽等惹味配料😌令人一試難忘💋除咗以上配料💁🏻‍♀️餐廳設有自助區俾食客揀選各種肉類🍖海鮮🦐丸類🍡蔬菜🥬麵食🍜配搭招牌紅薯粉🌟吸收湯底精華🙌🏻飲品要推介維他新出嘅有氣檸檬茶🍋消暑解渴💦呢個價錢可以食到咁豐富嘅一餐💰絕對係值回票價✅

嚟到新蒲崗搵食，發現越秀廣場新開咗一間傷心酸辣粉，仲有新開張優惠🤩❣️ $108烤魚放題真係好抵食！！！-烤魚放題 (小辣) 🐟🍻(優惠$108/位 原價$128/位)2小時包飲品同火鍋配料任食，有汽水啤酒同一般嘅配料，非常之抵！烤魚係成條上😍魚好新鮮，又烤得好香👍🏻超級大條，2個人食真係食唔曬😢我哋仲食咗好多薯粉同寬粉😍最推薦食寬粉，好煙韌，而且比薯粉更加入味！！😋-口水雞🐔🔥($58) 叫咗一定唔會後悔😋口水汁好香，唔太辣，又有好多香脆嘅花生👍🏻好食到想買一罐佢哋嘅口水汁番屋企撈飯🤣🤣-辣子粟米🌽🔥🔥🔥($28)一開頭食落好鹹，點知食食下就有陣粟米嘅甜味爆出嚟，非常得意！再嚟嘅就係一大陣辣味搶住出嚟，後勁非常厲害😭🔥中意食辣嘅人士一定要挑戰下，我就食唔到嘅，食左一條就口水鼻涕都出曬嚟😭 (利申：平時食譚仔小辣)-Overall覺得好好食又好抵食，中意食川菜嘅人士一定要試下，超級推薦佢哋嘅寬粉同口水雞🤣🤣食完成餐飯都唔會好口渴，呢點令我幾驚喜🤩👍🏻

💋餐前小食 (蝦多士，鹵水雞翼尖及雞腳)係個鍋未黎之前，有點餐前小食可以自取，呢個安排唔錯，唔使餓住個肚仔咁等，今日小食係蝦多士，鹵水雞翼尖及雞腳，唔知係咪日日唔同款，D蝦膠幾彈牙，表皮雖然放得耐左，但都唔會死實，都幾好咬口，而雞翼尖同雞腳方面，可能趕住出貨關係，感覺唔太淋，雞翼尖居然比想像中多肉，有驚喜。💋地獄雞翼，一上菜時眾人都不禁發出嘩一餐，D雞翼好大隻下，咬落去肉質都幾好，都幾Juice，由於佢表面上鋪滿左辣椒粉，所以佢地獄味道都幾合乎商品說明條例，唔似坊間的得個名，我地三個人，其中兩個都宣告投降，剩低的只好等我去清理吧。💋涼伴茄子，佢切得比較幼細，應該事先走左油，所以食落有點油膩，溫度方面只可以話係室溫，未算做到涼伴的水平，建議時間方面可以雪耐D，佢煮得幾有口感，唔會淋晒，唔知食乜咁，幾好，味道方面帶有少少酸味，幾開胃。💋烤魚，終於食完D小食，烤魚上場的時間到了，條魚好大條，我地三個人最後都食唔晒(應該係因為我地細食，一定係)佢香料都幾足，食落幾麻幾辣，好過癮下，佢D配料自取的，可以免卻睇廚師心情而發貨的煩惱，可以自選份量，唔使怕浪費，而加湯方面係放係大堂位置，自助式加湯，而

邊個話傷心先食酸辣粉ga?! 開心都可以大吃一餐😆呢個傷心放題，食到飽飽大滿足都只係$108咋！咁抵食唔係唔試下呀嘛👻————————————————👅一口紫薯($16)👍🏻 餐前小食叫左一口紫薯，薯皮燒到脆脆地，紫薯熱辣辣啖啖肉，都幾滿足🤤👅 涼拌茄子🍆（$25）👍🏻 BB辣嘅涼拌汁配茄子，一d都唔油膩，仲非常惹味添😋👅 胡椒豬肚雞煲（$108）👍🏻 胡椒味唔算好辣好供鼻，雞件數量夠兩人食用，雞肉非常嫰滑，性價比高👍🏻 放題種類選擇都幾多，有食肉獸至愛嘅肥牛、豬肉片，比較特別嘅仲有魚同蝦添呀！👍🏻 飲品放題除左汽水🥤同茶類🧃，仲有比較少見嘅有汽檸檬茶，正！————————————————💡平平地食放題，仲要免收加一服務費👍🏻📍傷心酸辣粉：新蒲崗寧遠街3-23號越秀廣場地下G10-G11號舖

在讀書時期常常經過的傷心酸辣粉，回想起來原來一次都沒有嘗試過，皆因那時候對辣的抵抗力是零。日子有功，訓練有素，經友人推薦，覺得我現在吃辣的程度在這間餐廳可以有很多選擇。平日晚餐時間也有8成滿座，相信口碑不錯，那就試一下吧！精選2人餐 $138套餐已包括2碗傷心酸辣粉，另可選擇4個小食，以2人份量來說，一定足夠！第一次吃這間的酸辣粉，考慮到還Order了帶辣的小食，所以酸辣粉就走辣。薯粉通透彈牙，整體湯底的酸味很對味，有炸醬肉碎、花生、芫茜、冬菜等配料，一點都不單調。小食方面，Order了滷水拼盤、海蜇脆耳、時令油菜和黃金花枝丸，當中滷水拼盤最有驚喜，滷水汁鹹甜度適中，雞翼、豬大腸、雞腎、雞蛋4款食物都很入味。招牌腸頭 $48大腸處理乾淨，外皮微脆，腸身夠粗有咬感，中間有肥膏油香，沾上一點點孜然粉點綴，味道很不錯！地獄雞翼 $32上桌時熱辣辣，Order了少辣，比想像中辣，但也可以吃得下去。雞翼外皮少脆，肉質算嫩，帶有濃濃的孜然味。涼拌茄子 $25正常發揮，比較多油，醬汁惹味。

麻辣愛好者注意⚠️如果想流淚時，只要倒立，眼淚就不會流出來如果覺得傷心時，去吃傷心酸辣粉，那種麻辣的口感你也能吃到，沒有什麼再值得你傷心🥲相信傷心酸辣粉大家就一定聽過，不過未必一定到過餐廳～餐單上有多款適合想『傷心』的朋友，它的麻辣是帶有後勁的，一入口還未覺得辣，到中段，辣味才漸漸地加強和湧岀🤯（小妹不吃辣，聽友人分享的評語）除了酸辣粉外，還很照顧不想『傷心』的朋友，餐廳還有很多不同款式的食物，如鹽焗手絲雞，胡椒豬肚雞煲等最有趣的是餐廳（新蒲崗）竟有放題供應，一百元左右可以有兩小時任食，有興趣的朋友可以查詢一下🤣是次點單：✮ 鹽焗手絲雞✮ 紅油黑木耳✮ 地獄雞翼✮ 涼拌茄子✮ 豬骨湯晶絲薯粉✮ 傷心酸辣粉十分推薦的是地獄雞翼，✅它雖然是油炸，卻不油膩，內裡肉質仍保持嫩滑，即使放置一段長時間，仍能保持香脆，而家辣度是一放進口便會立即流眼水的程度，辣魔王必吃之選另外最特色之一便是晶絲薯粉，看起來晶透，吃起來Q彈，也是令人十分深刻！🤤🤤想『傷心』的朋友必到之選！而且CP值也很高呢！消費:$205左右(2人)CP值:✮ ✮ ✮ ✮ ✮ 交通:✮ ✮ ✮ ✮環境:✮ ✮ ✮食物:✮ ✮ ✮ ✮——