傳麵世家

营业中

休息中

呢間麵檔，我諗大部分人嚟親都係食麵，但偏偏我係特登嚟食咖哩牛根腩飯。因為好幾年前我印象中佢嘅咖啡汁係好食嘅，個飯仲會有啲好好食嘅酸菜。相隔多年後，突然想食返，但味道已經唔一樣。首先我掛念嘅酸菜冇再出現喺我嘅碗上，而咖哩汁對於平時食米線食麻辣十小辣嘅我嚟講有點吃力。佢啲牛根好硬，唔再係我印象中又腍又入味，令到有啲失望。但係牛腩就好腍，入口即溶咁，係好食嘅。而最最最最最值得讚嘅係個清湯蘿蔔，佢個湯好濃味但唔會話好多味精（因為我味精敏感，如果佢落太多我食完會唔舒服）最最最最最重要係蘿蔔夠靚，冇渣，而且夠林夠入味但又唔會散晒，必食。

元朗嘅食肆實在太多，而且唔少都係小店形式，所以真係好鍾意嚟元朗覓食。今晚就去咗傳統食麵老店：傳面世家～今晚胃口麻麻，只叫了單拼：牛肚河。牛肚夠腍，係我喜歡咬嘅質地。再叫了一碟時菜：芥蘭，加上腩汁，入味又不膩。

突然心血來潮想去剪頭髮加染髮，所以打算係附近求其食啲野。因為一個人最好都係hea 食個快餐。記得呢間麵店已經開左好多年，又長期好多人坐係入面食野，心諗一定唔會差得去邊。由於係中午12:30，真係超級多人差唔多坐滿曬，不過樓面同廚房都好快手，基本唔洗點等已經有人serve。店外面貼左好多雜誌報紙報導佢地嘅clippings, 好似係主打清湯腩。好啦，就試下佢地嘅推介，叫左個牛腩雲吞米粉醫肚。個湯真係值得一讚，清得黎好濃嘅肉香味，又唔會好油！個牛腩已經煮到好諗，入口即融嘅感覺，而且都係有好香嘅牛肉味！我食到某2-3件有啲好爽口嘅筋，幾有咬口，配合入口即化嘅肉真係天衣無縫！不過雲吞就一般啦，無任何特別之處。我加埋杯凍奶茶，埋單$48，性價比尚算可以啦，都會繼續黎幫襯嘅 😆

今日下午我們喺元朗附近做完嘢之後諗著周圍搵吓有咩好食？我們就諗起以前每次入嚟元朗都會去食，但已經好耐都無去過喺合財街嘅「傳麵世家」，所以我們就決定去食下午茶！我們叫咗爽豬手粗麵嘅豬手軟韌度啱啱好，豬皮嘅質感非常爽脆彈牙，而且係用白滷水滷過，所以相當爽滑入味！牛尾粗麵同牛尾米粉嘅牛尾同以前一樣燜得好腍好入味，肉質好鬆化軟滑，牛肉味超香濃，而且份量十足！至於粗麵嘅麵質就超非常煙韌彈牙，而米粉亦好爽滑！

已聽聞元朗有不少岀色麵家, 傳世算是其中一家。第一次來是因為嗰陣已經十點幾十一點, 唔想又食m記咁悶，朋友話原來依間開到好夜 ( 大喜訊! 夜晚可以多個選擇) 於是決心去試下！由於唔係新界人, 麵店開得有d隱蔽, 在小巷內豪不起眼, 要塭一輪先見到。店面光猛, 入面係一間好有傳統風味嘅麵店🍜基本上都無須睇餐牌, 叫左朋友推薦而我又喜歡嘅腩河，另加一份炸蒜香雞球。牛腩入味, 質地都算稔同爽口, 河粉不過不失, 湯底清香鮮甜, 成碗麵份量都夠飽肚, 最重要係價錢優勝！而炸雞球配上酸甜醬亦唔會岀事 。整體來說, 試過嘉麗園肯定是這家被比下去, 但這家仍是我心目中的一線麵店 ❤

半夜十一點幾，同朋友想簡簡單單食碗粉充饑，就去咗呢間傳麵世家！見門口張貼咗好多雜誌推介，都是介紹清湯腩為主！☝🏻就是呢間，不用等位喔😌每張枱都有客人在進食中！牛肚加魚片頭湯河 ＄40自由配搭，魚片頭是即炸的，吃起來很香口，唔同平日在街市買現成貨，用湯滾一滾就放落碗中一樣，加上牛肚好軟身，入味，最緊要唔痴牙。（因為太肚餓的關係，食到一半先記得影相😅）咖哩根腩飯$48咖哩微辣，根腩都是店員推薦必食的！

傳麵世家好多野食都好出名！清湯腩、炸魚片頭、牛尾、豬手。。。選擇困難既朋友仔就要花多啲時間諗食乜喇😂我就每次去親呢間都係食炸蒜香雞球🤭即叫即炸 外脆內嫩嫁真係 今次嗌埋炸雞翼😋單拼或淨食$27 / 雙拼 $33回頭率：100% 已食左幾年

朋友介紹話元朗呢間雲吞麵舖幾出名，呢日特登同老公下午間嚟試下。三點零鐘入到去見到舖頭入面有好多客，就覺得朋友應該無介紹錯。我叫左個魚片併雲吞米線($31)配凍檸茶($7)，凍檸茶先上，茶味濃，入面有4片大大嘅檸檬，夠足料無欺場。好快上埋碗魚片雲吞米線，入面有三片魚片加三粒雲吞，魚片好鮮好彈牙，雲吞蝦肉唔止量足仲好新鮮彈牙，好好味，米線夠滑唔亦無話食食下浸到發晒水。湯底夠味唔口乾。好食！朋友無介紹錯！

這晚一個人下班回到元朗, 覺得經常在家附近晚飯太無新意, 所以特意繞路由豐年路沿路去找好吃的(其實為買六合彩為實), 走著走著, 卻竟也走回在家附近的這家麵店.由於麵店位處在後街, 雖然之前也略有聽聞這家麵店, 只是由於我倆逛的地方很少經過此店, 所以一直都未有光顧過.  這晚, 心血來潮走進了麵店, 一心來碗牛腩. 店內的格局跟一般的潮式粉麵店差不多,  但更為寬敞, 就煮麵的廚房也比我平時多數去過的粉麵店為大.坐下後, 拿起菜牌看看, 這裡除了牛腩, 魚蛋粉麵外, 亦有如炸雲吞, 炸雞翼等的香口菜式, 而整體的價錢亦算相宜.  我第一次來, 還是求穩的點了一碗牛腩牛筋麵加紫菜及一瓶豆漿.   也跟其他的粉麵店般, 不消一會, 麵食和豆漿都上齊了.我先嘗了一口湯底, 味道偏咸了點, 幸好有紫菜墊底, 略為減低了咸渴的感覺; 再來一口幼麵, 是傳統的鴨蛋麵, 麵質是有夠彈牙, 而且鹼水味亦不算太重,  潮式粉麵來說, 算是中上之作.  但最欣賞的還是牛腩這主角, 咬一口, 牛腩炆得很腍, 可以吃得到牛腩的嫩滑.  之前一直很怕吃到很韌, 要費勁才咬得開的牛腩, 這家的正合我的心水; 另

聖誕節，周圍都好多好多人，最憎排隊既我，周圍行揾下有無d小人又個樣幾好食既小店😂行行下，見到有間賣清湯腩既，就同💁🏻‍♂️入去試下好懷舊feel,相信應該開左店好多年講明自己出明清湯腩，就try try , 叫左牛腩加雲吞河，可能我鐘意食淋既肉，依度既牛腩好有咬口，好像食香口膠咁，本人就5太鐘意食竟然，雲吞係彈牙，足料既，佢地用蝦打到入面都起膠，同係無完整1隻既蝦既，係mix 既好食，河粉好大碗，男仔食會飽的雞翼怪又出動，皮脆肉嫩，有肉針，加雞醬，💁🏻‍♂️叫左四寶丸，好彈牙，清清地，5錯依個勁丫，整到好淋，係傳說中丫婆都食得既食物，個籮白索哂d湯，紅豆有咬口，有小小太甜，不過勝在奶茶茶味重又香，mix埋就剛好下次都會再order 總括而言，雲吞，雞翼，蘿白係好值得試既，牛腩就見人見智了

《不負責任食評—傳麵世家》牛腩係其中一樣我好中意既野食之一特別係港式牛腩河個款不過而家好食既牛腩真係愈來愈難🤷🏼‍♀️一於就試下呢間好似幾出名既牛腩啦————————<牛腩粗麵> $33牛腩既份量都算幾多不過可能因為係唔同部位掛🐒有啲肉質會比較厚實 有啲就比較鬆散同一咬開就好似湯渣個種嚡口又乾亦有啲比較爽口個人就唔太中意咁樣好似抽獎咁LOL撇除某一兩舊湯渣感覺既 整體我都對佢啲牛腩滿意🐒麵係爽口 無鹼水味湯底清清地 帶微微牛骨香整體都尚算唔錯既🐒💛💛💛

今次試左個咖哩牛腩飯，份量十足，好多飯，一個女仔黎食應該搞佢唔掂！咖哩味好香好濃，我個人比較食得辣，如果可以再辣d仲更加好，牛腩同牛根都好多，充滿住香濃既咖哩味

夜晚打完波無咩野食好簡，諗左好耐終於決定去位於街市中間嘅傳面世家，雖然呢間舖叫傳面世家，好似淨係食面咁，但係其實呢間舖食飯家唔錯，特別係呢個清湯蘿白牛腩飯，牛腩真的很有味道，而且一點都不難咬，邊位帶著爽脆的筋膜，吃起來特過癮。清湯非常濃郁，除了牛骨香，還有鮮甜醇厚的肉味。而且牛腩份量非常多，性價比十分之高。

夜晚十一點幾 係元朗搵食開始有d難度 行行下竟然見到有間麵鋪 跟著就一支箭衝左入去叫左個牛雜河同埋加哩牛根腩飯 好正 牛雜爽口 加哩味道香濃 牛腩牛根好入味 我見議可以再辣d 強烈推薦俾各位

星期日係元朗行左好耐都唔知食咩，周圍都係人，累累地見到前面麵店就索性入去，呢間店我爸爸成日買外賣，但我不嬲都無乜興趣食，唔知簡咩好，就簡左個什錦麵食，咩都有啲。同叫什錦好似幾抵食。個湯好好飲，好有牛味，又唔算好油。入面有粉腸，本身我係唔食呢啲既，但佢個粉腸好食，好易咬開，好入味。仲飲左杯龍鳳檸樂 ，好爽！因為太香，食食下先記得影相，推薦大家食。地方夠大好多位，望落算乾淨。朋友飲左杯咸檸水，無味既，唔好試！