傳心廚意

营业中

休息中

之前聽到有個喺度打Glof嘅朋友話呢間餐廳幾好食又幾抵食，所以今次經過黎試下😆叫咗個鵝肝菌意大利飯，幾好食幾濃味，又creamy又大份！仲叫咗個鵝肝蝦子撈麵，個鵝肝好Juicy，蝦子味好香！跟住有個Parma Ham嘅拼盤，超級好食！價錢平得來又大份又抵食，芝士好香，超級推介！仲有叫咗個麻辣豬肉，真係超級辣，唔食得辣嘅唔太建議。最後仲嗌咗個豬鞍，啲肉好𣺉好juicy, 啲配菜洋蔥都勁好食，炒得好香！

D2 冇諗過我食到呢個質素嘅西餐Lunch搵間餐廳靜靜地食餐飯見到個環境幾安靜就入咗去試吓不經意有機會同啲staff 傾計 原來呢度喜歡有餐廳同埋打golf 兩部份 奈何上一手餐廳做得唔好 搞到大家都唔知而家轉咗手 係一個好有心嘅香港廚師將fusion菜帶入嚟荔枝角 試咗佢個蝦子撈麵煎鵝肝 一啲都唔細份好夠食啲蝦子一啲都冇孤寒 個撈麵好爽口 冇鹼水味食得出一啲都唔馬虎下次會帶埋屋企人嚟食 一個人實在試唔到其他菜式 希望支持一下 香港第時唔會淨係得返連鎖餐廳

住附近都冇話喺度食開嘢 但係聽friend講轉咗個㕑好有心做就試試 去親邊度見到法式田螺都會試 我係連薩莉亞嘅田螺都每次必點 雖然唔好食 佢個法式田螺竟然唔係用自己個殼 跟住啲Juice嘅田螺汁俾佢嗰個餅乾殼索晒 第一次咁食，所以有驚喜🙌🏻😂個豬鞍真係冇得頂 厚切但係夠腍 唔係俾梳打粉拿到淋嗰啲淋 醃得啱啱好我鍾意比較重味 擺碟都好靚 不得不讚佢底下啲薯蓉 係我鍾意嘅牛油與奶油的薯蓉比例 我忍唔住叫多咗碟 鍾意食薯蓉嘅朋友建議加推一碟 下次再嚟試甜品

The food here is on another level of quality. It was my first time here and I was surprised at how good it was. Even when I'm not a picky eater, I can tell the ingredients and chef are much better than many other expensive restaurants. Because of this, its worth the price and I recommend to come and try!The atmosphere is very chill, the seating area is comfy and spacious, it feels like I'm a high class golf lounge. You can watch people play golf video games on the side while you are enjoying the

今日同幾個同事一齊去間新餐廳試菜，竟然試到間好野！本身冇留開食評既習慣，都忍唔住上黎讚一讚😋😋😋本身諗住間餐廳係間Golf club入面，都唔抱有太期望，但一上個頭盤，大家對眼都已經發哂光🤭今餐2個出名嘴刁嘅人都食到好滿足，靜靜地仲可以傾好耐偈添雖然餐廳本身環境唔似其他high-end既西餐廳咁好，但我自己又覺得食嘢都係想食好味嘅嘢，如果因為環境而令到嘢食嘅價錢要貴一倍，甚至更多，就唔係好抵啦。所以我覺得呢間新餐廳嘅性價比係幾高㗎，我都一定會再嚟食😋😋

今日約左fd去D2行街，行到夜晚肚餓，去到一樓見到間有得打golf既餐廳幾得意咁，加上餐牌d野食都幾吸引就入左去。餐廳環境唔錯，側邊有水吧， 啱晒幾個fd食飯吹水同飲酒。前菜係一份有三文魚同海膽既海鮮漬，酸酸甜甜，幾開胃，食材又新鮮。我地4個人，叫左主菜有羊，豬，魚，全部都好好食。我本身唔係好食羊都食左個羊架，唔會話好騷，中意食羊既朋友都話好食。豬就啖啖肉，咬落口會食到油香味好重，係黑毛豬鞍黎既。魚就係白鱈魚柳，個魚皮煎到好香口，仲有白汁可以點。值得一提既係，佢d配菜都好好食，尤其個薯蓉係出面好少會食到，有一粒粒既口感。到最後既甜品係檸檬撻，食完肉，有d濟，食番個檸檬撻中和下，如果覺得酸仲可以點朱古力醬食添。總括黎講，平均一個人500幾蚊，食到餐好味又好飽既晚餐，性價比高，有機會會再黎試下其他菜式。

今日行經荔枝角D2商場，見到有間高爾夫球餐廳，地方幾大，本來唔係好敢入去，佢地同事行出黎話可以隨時入去食嘢， 諗住行去望一望，坐低望吓餐牌，食物選擇都幾多，但係睇睇下見到有份法式鵝肝撈麵，喜歡鵝肝既我，立即叫黎試下。上餐幾快，一上菜見到有金箔，鵝肝大大隻仲有2舊，已經加分👍🏼本來冇預過係中式麵，但係估唔到麵質唔錯，唔重鹼水味👍🏼，雖然我好快食完就要走，但係環境算舒適，感覺可以一班朋友過嚟又玩又食。仲可以睇下人打Golf，真係算唔錯。

其實好多人都唔知，唔使入會都可以入去個餐廳食嘢，之前都有同朋友喺度食過lunch，之後職員話廚房轉左，餐單都轉左，所以今次我又嚟食吓新嘢鴨髀，擺盤幾靚，食落去肉質滑溜煙肉田雞髀，最欣賞呢個，底下配咗個芝士菠菜蓉，田雞多汁滑溜口感煎鵝肝伊麵，鵝肝香而不流，上面仲有啲金箔㗎，兩個人食一碟都夠晒啦，魚子醬海膽意粉，絕對冇偷工減料，上面好多魚子醬，配搭海膽一流，一定要叫小食帶子，配搭蕃茄碎，食完可以清一清個口腔，總括嚟講轉咗廚房新食物幾有驚喜

發現一間係D2 place多國菜餐廳，優質午餐之選性價比高，菜式選擇多白鱈魚健康菜式，配菜多味道一流，入口鮮味啖啖魚肉個牛扒配埋個汁好夾又有自助沙律吧仲有甜品食😋😋