傑星冰廳

营业中

休息中

同朋友黎到深水埗開飯, 黎到呢間又光猛企理的傑星冰廳, 7點未到已經坐滿客, 我地等左一陣, 有卡位坐, 都好舒服, 一坐低, 餐廳侍應就話飯已賣哂, 嘩, 咁快手, 好啦, 咁食撈麵都唔錯呀, 橫點我都唔喜歡食飯, 哈哈!*雙拼撈丁~ 炒牛肉, 炸雲吞, 黑椒汁 牛肉爽滑, 炸雲吞熱騰騰, 香脆可口, 黑椒汁好香噴噴野味, 辣度十足, 食得辣既朋友會喜歡*雙拼撈丁~ 炸雞脾, 炸韭菜豬肉餃, 蒜蓉汁 炸雞脾炸到塊皮好脆, 金黃色, 好大隻, 韭菜豬肉餃一樣炸到熱騰騰, 韭菜好香, 食落好香飽滿的, 丁麵加埋蒜蓉汁, 好香野味飲品叫左奶茶涼粉冰和紅豆涼粉鴛鴦, 好多材料, 飲埋都已經飽了九成呢間茶餐廳好抵食美味, 店員服務好, 下次可以再黎光顧

喺西九行完街，嚟到呢間又平又正嘅冰廳食飯。明星撈丁（雞扒、炸韭菜豬肉餃、黑椒汁）雞扒皮脆肉嫩，炸韭菜豬肉餃圓轆轆好大隻，外皮鬆脆香口，入邊嘅餡料份量都不少，撈丁嘅醬汁亦好足夠，滋味十足。雙拼飯（香煎牛扒、香口魚柳、蒜蓉汁）雙拼飯餸料可以揀豬扒、牛扒、魚柳同雞扒，而醬汁就有黑椒、蒜蓉、蕃茄同咖喱，配搭種類多。牛扒肉質軟腍，魚柳金黃香脆，蒜蓉汁嘅味道非常濃烈，鍾意蒜嘅朋友一定唔好錯過。兩餸都係$60，平民價西餐😁咖喱牛腩咖喱係經典嘅港式咖喱，有啲中印合璧嘅感覺，唔會太辣，牛腩香濃軟熟，送飯一流。斑蘭咖椰多士 多士濃邊好脆身，班蘭咖央甜甜地又突出，風味獨特，可以作為甜品埋尾。

港式冰廳新店傑星冰廳位於深水埗，店舖光鮮整潔，假日亦有下午茶餐供應，極具人氣！印尼撈麵餐（細撈）$35可自選兩款配菜，加$5變大撈有兩個麵底，極度抵食！惹味嘅印尼撈麵配煎蛋同埋香口嘅炸雞翼，無得彈，仲包埋飲品！脆炸雞脾拼鮮果沙律 $35大大雙炸雞脾，雞皮炸得香脆，雞肉多汁入味！可選配鮮果沙律或炸薯條，同樣包飲品！柱候牛筋 $68充滿膠質，入口軟糯勁入味嘅牛筋，size超巨型，仲要有好多條，配搭秘製辣醬，多多都食得落！油菜 $22/碟烚得啱啱好嘅菜心，爽嫩又夠健康！熱奶茶鹹檸七 +$12下午茶餐包熱飲，港式熱奶茶夠濃，口感又夠滑！另可＋$12轉特飲！

過來深水埗買萬聖節用品，想醫醫肚時，經過「傑星冰廳」，決定入嚟醫肚，點了一個馳名豬扒蛋蓋飯，上檯後終於明白「蛋蓋」的真正意義，隻蛋果然澎湃，如蓋子蓋著白飯，配上豬扒十分惹味😋😋馳名豬扒蛋蓋飯（$56）🍲🍲豬扒經過烹調處理後，口感嫩滑，具有豐富的肉汁。煎蛋則猶如一個碗蓋，十分大份澎湃，提供柔軟的口感和蛋香，配上白飯，給人一種豐富的滿足感。瑞士雞中翼 (2pc)（+$15）🐤🐤瑞士雞中翼經過特殊的調味和烹調方式，味道獨特，甜得來不會膩，大大隻，好juicy👍🏻👍🏻涼粉冰（+$12）🧋🧋涼爽的甜點飲品，涼粉口感滑嫩，提供涼爽的感覺，而甜味的糖水則增添了甜度和風味，可以消暑解渴。傑星冰廳地址：深水埗汝州街219號地舖

沙爹牛菠蘿包 $21沙爹牛肉的牛肉大大片，醬汁夠晒濃郁，充滿花生香味，與菠蘿包融合後鹹甜鹹甜的，即叫即整，暖笠笠😌法蘭西多士 $30推薦！雖然餐廳比較新式，但這道西多士做得相當傳統，夠晒滋味👍🏼明星撈丁$52 炸魚柳，炸雞翼，黑椒汁大大碟好抵食，魚柳同雞翼都是現炸的，份量十足壯男都都相當夠食。🤓明星撈丁$52瑞士雞脾，牛腩，番茄汁非常驚喜的是原隻瑞士雞髀上，牛腩都煮得相當入味又夠腍，配番茄汁好開胃🤤紅豆涼粉冰 +$12跟餐加$12就有紅豆涼粉冰，大大杯，唔錯唔錯。菠蘿包 $8 忍唔住，叫多兩個菠蘿包😉

難得嚟深水埗就去試下啲未食過嘅餐廳，近期開咗好多新式冰廳，傑星算做得幾有心，門面裝修都幾有心機，兩個人叫咗一個瑞士雞髀蛋蓋飯，一個蕃茄豬扒雞扒撈丁，個份量超大！佢一拎上嚟嘅時候都嚇親，個瑞士雞髀幾入味唔會太鹹，飯雖然唔係炒底，但係粒粒分明，男友個份撈丁又係超大碟，豬扒同雞扒都處理得幾好，唔係用鬆肉粉喇到佢好林個隻，咬落去仲幾Juicy，份量就唔使講啦，男仔都一定食得飽嗰隻，如果大家去深水埗搵唔到有咩好食，都可以試吓呢間傑星冰廳219號 Yu Chau St, Sham Shui Po

見到咁新淨又見咁多人推介既冰廳就入去試試～環境新淨 上菜速度都好快 食物份量好大 價錢都好親民🫶🏼鴛駦扒蛋蓋飯🍚大大既荷包蛋包裹住鋪滿醬汁既白飯 再配埋已切好既大大塊豬扒同雞扒 果然有驚喜 兩款扒分別都厚身香口 唔怪得入到黎見每一枱都嗌😆咖喱筋腩飯🍛份量好大 半筋半腩又好足料 特別想讚既係牛腩好稔身好入味 入口即溶肉質都好鮮嫩 配埋香濃咖喱汁味 好惹味 十分推介👍🏼奶茶紅豆冰香滑凍奶茶配上粒粒分明既紅豆🫘🧋茶味好香濃又滑身 推介👍🏼👍🏼👍🏼傑星冰廳 (深水埗)深水埗汝州街219號地舖#香港#香港美食#打邊爐#自助餐#中菜#西餐#日本菜#食物打卡#相機食先#食好西系列#好食#好好食#鍾意食#打卡餐廳 #打卡美食#食評#foodie#yummy#yummyfood#hongkongfood#hkfoodie

放完假返工，仲未回魂，又要OT,放工去深水埗快食，係地鐵站付近食茶記呢間餐記好新淨又吾貴，見食評都吾錯我自己點左咖喱牛筋腩飯好大碟，咖喱夠香又濃味牛腩好淋，牛筋好彈牙老公就食左炸雞脾豬扒撈丁炸雞脾係近年食過最高質雞皮好脆，無肥糕雞肉滑嫩多汁豬扒夠厚夠淋撈丁色水味道都夠加左一份瑞士雞翼👍🏻👍🏻有四隻，雞翼甜甜地，夠入味炸韭菜豬肉餃好大粒，肉多菜多，好香韭菜味百香果檸檬茶酸酸甜甜，清新好味👏🏻

🐽 咖哩牛腩飯牛腩炆到好軟爛，入口即化，咖哩嘅香辣味同牛腩嘅鮮味完美結合，令人回味無窮。飯底襯上好香濃既咖哩汁，每一口都帶嚟濃郁嘅香氣同味道，真係令人食到停唔到口🐽 番茄牛肉蝦仁雞蛋蓋飯呢個菜式嘅組合好特別，平時見到既好小會蝦仁牛肉一齊上。番茄醬同牛肉同蝦仁一齊炒，口感鮮軟好開胃。仲有個雞蛋蓋係頂部，襯住飯食真係好夾。飯底吸收咗番茄汁嘅香味，每一口都咬到番茄嘅鮮甜味🐽 雞扒豬扒雞蛋蓋飯雞扒同豬扒煎得香脆，肉質鮮嫩多汁。飯面再放上個炒滑蛋，真係好正。每一口都有肉嘅鮮味同雞蛋嘅香滑感，好滿足呢

食個豐富早餐先~呢間餐廳啲早餐都幾大份，但都係30-40蚊，性價比幾高。店員向我推薦柚子蜜，佢話因為唔洗加錢抵飲！😂試咗佢哋嘅豬潤米粉，配炒滑蛋同牛油多士。豬潤真係幾好食，無異味，米粉都幾爽滑~湯底唔會太味精，加咗韭黃幾香！炒滑蛋都好食，好滑嫩，又唔會好油。多士都唔錯，質地鬆軟！茶餐廳黎講環境都幾舒服，一個人去仲可以坐單邊位，唔洗怕面對面搭枱～同埋感覺呢間餐廳都幾乾淨衛生！店員姐姐仲推介我食撈麵，下次一於去試下～😆

豬扒公仔麵，麵條煮得剛剛好，有著彈牙的口感，每一口都能感受到麵條的彈性。豬扒則是炙燒過，外脆內嫩，肉質鮮美多汁，讓人垂涎欲滴。配料方面，加入了青菜和醬料，增添了口感和味道的豐富度。餐肉蛋三文治，麵包烤得金黃酥脆，外層酥脆內裡軟綿，口感極佳。餐肉切薄且煎得恰到好處，散發出誘人的香氣，口感嫩滑。蛋則是煎得恰到好點，蛋黃鮮嫩，蛋白熟透。這兩者的結合簡直完美，每一口都讓人陶醉其中。此外，餐廳還加入了一些蔬菜和醬料，提升了整體口感的層次感。班蘭咖央多士，多士烤得金黃酥脆，外層酥脆內裡鬆軟，口感極好。香氣撲鼻，帶來一種獨特的口感和風味，央餡的質地綿密滑順，厚厚牛油入口即化，給人一種幸福的感覺。

早起了，就去吃頓豐富早餐~店員推介他們家的豬潤，所以就點了一個豬潤米粉，配炒滑蛋和牛油土司。豬潤真的挺好吃，感覺清理得很乾淨，沒有異味，米粉也煮得剛剛好，不會糊掉~湯底不會太濃味，味精味也不會很重，喜歡他們加了韭黃提香。炒滑蛋很好吃，真的很滑嫩，也不會很油膩。土司也挺不錯，香甜鬆軟！一個早餐分量挺大的，但只售$42，性價比挺高的。店員還向我推薦他們柚子蜜，因爲不需要另外加錢！但我不習慣早餐喝那麽甜，所以就只點了檸檬水^0^

🍜沙爹牛肉米，配西煎雙蛋+牛油厚多士🍞🍳我是直接奔著這個來的，沙爹愛好者必吃，湯汁浸入米粉，超級入味。半焦且有脆感的厚多士，濃厚的牛油香味，超正！！🥩歐陸扒餐-香煎牛扒黑椒汁屬于港餐中很經典的味道，牛扒色澤金黃，大塊且肉質鮮嫩，滿滿的肉汁在嘴巴四溢開來，直接味蕾大爆炸，淋上黑椒汁，簡直就是絕配🤤🤤🤤🧋熱奶茶&凍檸檬茶一定要飲熱奶茶和凍檸檬茶🍋奶茶奶味很醇厚，奶和茶的比例剛剛好☕☕☕📍傑星冰廳（深水埗）📍深水埗汝洲街219地鋪（靠近深水埗地鐵A2出口）

深水埗傑星冰廳抵食之選😉印尼撈麵餐(大撈) 配炸魚柳🐟&瑞士雞髀🍗好少見到舖頭有印尼撈麵食,所以忍唔住叫黎試吓😆大撈份量應該係2個麵底，炸魚柳夠熱夠脆，瑞士雞髀夠入味👍👍個印尼撈麵辣辣地，好醒胃😊番茄雙拼蛋蓋飯（牛肉&蝦仁)+例湯個飯黎到好澎湃，似日式蛋包飯咁上，外面淋上蕃茄汁。配菜除左切粒蕃茄、草菇外，牛肉都用上鮮牛肉&大大粒蝦仁🍤，好味道！超飽肚😆斑斕咖咉西多士厚厚的西多士，中間夾左咖咉醬，上面滿滿既煉奶&牛油🧈十分邪惡，但又忍唔住食完一啖又一啖❤️而且仲配埋波浪形薯條🍟&飲品，都只係$32，超級抵👍👍👍熱奶茶有水準，質地順滑，配以回甘的茶香，值得一試。一開始擔心下午茶唔夠食，朋友叫左個午餐。不過嚟到先發現，原來下午茶嘅份量都好夠😆。大推🥰

前幾次出深水埗買布都俾依間茶餐廳吸引住，因為佢嘅裝修同舊式茶餐廳好唔同，不過次次想食時都座無虛席，所以都未有機會。剛好今日早左出門，所以就可以入去食啦餐廳光猛乾淨而且座位舒適，最特別係佢帶有點點中國風佈置，好有係非一般茶餐廳嘅感覺餐牌選擇都好多，而且好多都係可以自由配搭，真係想食咩都得我就簡單啲叫左個豬扒豬膶出前一丁，另外再加多一份炸韭菜豬肉餃添豬扒煎得金黃酥軟，而最令我驚喜嘅係佢個豬膶係超厚切，勁有口感之餘亦唔會好靭，而且仲好新鮮另外，炸韭菜豬肉餃都出樣都好吸引，外形脹卜卜、餡料十足同時又炸得好脆好香口，一啖咬落仲會爆晒肉汁飲品方面我就叫左杯百果香檸檬茶，茶味濃再加埋百果香嘅酸酸甜甜，簡真係升lev嘅檸檬茶呀