倫哥火鍋私房菜 (已搬遷) 新店位置

是夜同同事食團年飯，一行17人，早一個星期打電話去book 枱，預留左間房比我地，一入去驚喜，因為一心以為要分2張枱，點知可以一齊坐，伙記話第一次咁樣拼枱，好開心！我地17個人，有3個爐，我地先叫左雞煲（可以㨂辣度）同羊腩煲，兩個都好好食，d肉好滑！！雞煲可以refill，佢會叫你倒d骨入去煲到，然後上一煲新既比你。呢個好好，因為可以清清枱上既骨食完煲，就到打邊爐，都係會換個新鍋，佢有2個--> 蟹鍋同龍蝦鍋，2個都好足料，不過第一次黎既就可能有d唔慣，因為佢係冇點心紙比你剔，而係想食咩直接叫，當然你問佢佢會答你幾＄一份啦。呢2個海鮮拼盤係跟埋的～有飽魚、生蠔，魚片、帶子，象拔蚌、青口，全部都係新鮮的！！！2個人包一碟牛肉！d肉好林好好食！我地叫左打半啤酒，埋單每人＄300左右。真係好好好好好抵食！因為團年飯可以一大張枱真係加好多分！呢到有汽水同五花茶都是任飲的！不得不提係佢地d伙記真係好好服務又講得笑～一定會encore！！！

之前聽朋友介紹，咁岩想打邊爐就book左倫哥去試下一去到係唔洗點菜，之後一黎就食個雞煲先食落去都好味，d雞都好滑呀唔鞋之後開始就上海鮮，依一隻除左蝦之外就冇得再叫了，之後5個人每次order叫蝦會5隻一碟咁比到牛肉啦，真係好靚食落仲好有牛味，2個人1碟，之後再加就$40碟。依碟海鮮D蠔都好有鮮味，鮑魚又係冇得再叫既項目，魚片都好新鮮，但再落單後d蠔就比較細隻龍躉好少打邊爐食到，好有魚味同咬口，所以全晚encore最多就係依款。總體食物質數都高，但再order時個份量同質量都會慢慢降低。

朋友F生日，此火鍋店太難book, 成3星期才有枱。之前同同事已去過佐敦廣場總店幾次，太好吃了，新店也食過2次！一定要帶d friend 底去再吃！先來雞㷛：好惹味，小辣已頗辣，小心中招！ 跟住上海鮮拼盤 都未吃肉丸水餃，已飽了8成。推介沙律丸：因太飽，唔記得影任飲五花茶汽水，正呀！最後甜點是燕窩燉蛋白壽星女好滿意，我任務完成