信興牛什粉麵

今日带咗只狗喺附近睇医生之后，谂住喺附近揾啲快嘅嘢食，就见到呢一间牛杂粉面喺宠物店附近转角位，就决定入去快食🙈 下午时间都几多人，餐厅有少少迫，同埋一定要搭枱，不过呢个都系普通牛杂粉面舖嘅既定模式🙈🙈 入边都几凉爽，上菜嘅速度亦都好快🙈🙈 我叫咗牛杂加牛腩米粉，用咗3分钟都冇就直接上咗，非常快手呀佢哋🙈🙈 呢一个价钱嚟讲大大碗，而且份量非常足料，我觉得牛腩几好食，肥瘦都适中，牛杂亦都炆得好香非常入味，每样都至少有两件以上，特别钟意食牛肚🙈🙈 食完非常满足，呢一个价钱都只系$42，同区嚟讲唔算太贵🙈🙈…查看更多

喺巴路士街饮咖啡，经过呢间粉面店，闻到超香食咗一次觉得好好味，隔两日再返寻味。牛杂河$36个店名有牛杂呢两个字，就梗系试佢哋嘅牛杂。好唔好味我就唔识点判断，但一定唔会难食！而且仲几多料！最劲系，我外卖河粉，啲河粉竟然冇索晒水！而且我好欣赏啲河粉系唔会断！仲有啊，服务态度超好，外卖竟然唔使加一蚊！墨鱼丸河$32第二次就试墨鱼丸，食落明显同连锁店𠮶啲唔一样，好香，啲肉唔会话好实！一碗竟然有五粒咁多！仲有啊，外卖会俾包潮州辣椒豉油你，好正。我同同事都觉得啲面好味，食完唔会好大阵味精留喺口腔！一定会再帮衬。…查看更多

系超乎意外地好味！冇乜期望，见佢就嚟收舖，餐厅入边亦要冇乜人帮衬，本来都冇乜信心，但照样买咗返屋企俾父亲大人，结果佢话超入味，又够软林，冇渣，而且职员亲切老爸已经讲咗，下次再买俾佢食🤣👍🏼❤️…查看更多

湾仔食过晏，闲闲地都要$60-$70，要揾位都唔容易。依间系湾仔横街嘅小店，一碗面只需要$30，打工仔恩物丫🤩🤩要埋个套餐$42包个菜同热饮，好抵食！个菜可以拣通菜、菜心、生菜或者萝卜！估唔到𠮶个套餐有咁多选择好惊喜！其他湾仔小店面套餐多数只系提供生菜！我拣左最稳阵嘅菜心，朋友就拣咗腐乳通菜🤤🤤菜心好淋，清清地几好食。个通菜卖相好吸引我下次都要试吓先😆我原本谂住要清汤牛肚，但系我谂餐厅就俾咗腩汁，所以比想像中肥🙃🙂🙃🙂下次试吓清汤四宝面先…查看更多

由于长期喺湾仔啲一区揾好嘢食，今日就决定试埋呢一间喺巴路士街对面嘅信兴牛什粉面，餐厅同普通粉面店都差唔多，正正常常！ 我就系下午茶时间去，唔算太多人我都系叫咗牛腩米粉，叫咗大概5分钟就到，牛腩嘅份量都几多，不过就略嫌切得有啲散，同埋系边边位，所以都有少少咬唔开嘅口感 不过米粉嘅份量都好合理，都几大份，食极都仲有，同埋软硬度都唔会太差 仲有两条生菜，呢个价钱嚟讲都冇乜可以挑剔，下次会嚟试佢嘅牛杂！有机会会再嚟埋单$34！…查看更多