侍元 (已結業)

走訪商場上蓋屋苑居住的朋友後已到下午茶時間, 見到這日式快餐店便入內幫襯🤔傳統日本便當舖佈局, 先在門口收銀處點菜, 顧客拿著電子蜂鳴器在座位等候通知👍點了兩款套餐（跟餐飲及可加錢追加小食）蒲燒鰻魚飯札幌風濃厚味噌豬骨湯拉麵加跟泡菜蒲燒鰻魚飯比預期以上的好, 外觀得體, 魚肉甜美而有咬感, 白米飯暖和, 混合泡菜味感上佳🍚😋札幌風濃厚味噌豬骨湯拉麵, 材料豐足, 昆布絲, 豬肉片, 日式义燒鋪滿在拉麵上, 味噌豬骨湯濃郁味甘鮮😋套餐份量足夠, 跟餐的飲品選了檸檬水, 正好中和一下剛嘗到強勁的味道👏👏

今日叫了白武士櫻花拉麵（$62）和墨魚餅湯烏冬（$52）。安心出行後就自行揀位，幸好餐廳不算多人，所以地方寬敞坐得舒服，選擇食物後到門口點餐，收到電子等候牌，震動後到取餐處自己取。買滿$100送餃子，餃子好食，皮脆，有水準拉麵太鹹，湯底好多味精，櫻花蝦很多。加了$22要一份炸雞和一杯嘢飲，炸雞Juicy，味道偏鹹，整體上好食皮脆肉滑。墨魚餅烏冬的墨魚餅好食，一粒粒的墨魚，口感煙韌。烏冬是普通的平價烏冬，不過不失。流心蛋可以，有少許的流心狀態，當然不是入口即溶，但他比兩件溜心蛋，兩件墨魚餅也是$52 ，超值。

荔枝角我淨係諗到D2 place原來四小龍嘅商場有間好食又抵食嘅拉麵店唔係有人帶路真係唔知‼️餐廳係傳統簡約和風風格拉麵套餐都只係$84，仲有9折添定食都只係$48滿$100仲有日式餃子送赤武士未食已經散發出濃濃嘅辛辣味好欣賞呢個湯一啲都唔油膩，豬骨味同辛辣味係融為一體 拉都用左粗身的，有Q彈口感，軟硬非常適中不過個人比較鍾意食幼身拉麵～～叉燒比較薄身，不過肉質好軟滑，唔會痴牙，呢款叉燒岩哂我侍元 - 濃厚味噌豚骨拉麵豚骨經過長時間熬制，加入味噌，萃取出所有嘅精華味道香濃而唔會太稠身呢度仲有魔鬼辣粉真係落少少就已經趴喺度‼️日式餃子 （送）雖然係送嘅，但味道非常好食咬開勁有肉汁炸雞翼熱辣辣即炸外皮炸得好香脆，味道岩岩好，唔會太咸，肉質一啲都唔乾，好juicy

事緣係咁既,  果日去左四小龍做D野之後, 就係附近搵野食,有間叫待元既都幾有日本FEEL, 有日式定食同拉麵揀所以就同朋友入左去啦, 研究一下侍元係點既位於宇晴匯商場, 位置都幾方便赤武士地獄拉麵-$62如果係地獄拉麵黎講, D個算係BB級, 但係如係對比其他拉麵而言, 佢都算係幾辣啦, 朋友係鐘意食辣既人, 佢覺得EASY JOB, 佢分左一小碗比我試, 我覺得辣度對我岩岩好! 同埋我幾鐘意佢D麵幾有咬口, 唔會煮到好淋, 咁掛左D辣湯去食真心爽。炸雞定食-$48四件大大舊炸雞, 仲有包埋飲品先係$48, 淨係睇價錢已經嬴左啦, 件炸雞個外層炸漿好薄, D雞好嫩滑, 堅好味, 性價比堅高!總結待元係水準以上既作品黎, 特別係佢既炸雞定食又好味又抵, 如果行開過黎值得我們再試其他野!

呢間拉麵店位於荔枝角住宅商場，我估佢地主打嘅係街坊生意，佢哋亦有提供外賣餐牌。店內外都可以睇到好多充滿日本風格嘅裝飾，各款模型同壁畫都好吸引眼球。我哋落咗單之後拎到一個出餐提示器，而醬料同飲品區都係自助服務，感覺方便好多餐廳主打豬骨湯底拉麵，並提供多款特色飯類同小食，相信一家大細嚟到都揀到岩食既野。今次就試試佢地既白武士同黑武士，白武士係九州風櫻花蝦豚骨拉麵，櫻花蝦鋪滿整個拉麵碗，湯底都變到櫻花一樣既顏色，香濃既蝦味差唔多完全蓋過咗豬骨嘅味道，係好特別既味道。而黑武士湯底豬骨湯底比較傑身，味道偏鹹味，兩款拉麵既麵底都非常爽口，口感恰到好處，配上木耳、溏心蛋同埋肥瘦適中既叉燒片，非常滿足。以自家湯底既拉麵店黎講性價比幾高，下次有機會再試下佢哋嘅特色丼飯。

見呢間野新新地，原來拉麵同小食都好OK. 地獄拉麵天氣濕濕地，啱哂。兩片义燒煮得入囗，溫泉蛋流得到位，湯底辣度是足夠給味覺刺激，但又不會辣得失去知覺。重點是拉麵質地非常爽囗好味！Pretty Surprise唐揚炸雞外皮香脆入面 Juicy，炸漿非常非常薄，調味剛剛好！仲要好大件下滿足了 "肉" 望 流心芝士蝦餅拉絲芝士配彈牙蝦餅，加上吉列外皮，非常香囗好呀！餐飲凍檸水，要讚一下不銹鋼杯，冰感由內至外，感覺特別好飲Overall 一間非常好味的拉麵店！